مجانية السكن واسكان كل العاملين في الخدمة المدنية والقوات النظامية في السودان بنسبة 100% بواسطة اشتراكية الانجليز والسيدين تقدس سرهم وجيل الاستقلال الذهبي (سودانيين وست منستر ) 1938-1956
03-13-2020, 12:48 PM
Arif Nashed
Arif Nashed
تاريخ التسجيل: 05-12-2014
مجموع المشاركات: 12692
وما بتقولو ليه يا حليل الانجليز وسودانيين وست منستر ليه ؟؟؟ وبعد 64 سنة من الاستقلال وللهاث ورا مصر استفدنا شنو لازلنا نسكن في بيوت الجالوص وادباخانات البير ولم يتطور المعمار في السودان حتي على مستوي هذه البيوت الانيقة البيسطة والصرف الصحي الما بخلي ضبانة ولي بعوضة حايمة في البيت
بيوت الحكومة دي مجانية سكن ولى لا ؟؟؟اشتراكية ولي لا ؟؟يا ناس ق ح ت ومدناييو ؟؟ كانت وزارة الاشغال تعمل ليها صيانة كل سنتين شفتو الضل الوقف ما زاد مع الانقلابات وتراهات القوميين العرب والكيزان ودتنا وين ؟؟ هسة لو رجعت بيوت الحكومة في كل السودان وعاد ناس الخدمة المدنية الي بيوت الحكومة اكيد بترفع العبء بتاع الايجار وممكن ايضا يعتمد السودانيين في المدن الاقليمية هذا الطراز من البيوت ونظام الصرف الصحي الباتسنج تانكس والسايفون وتنتهي بيوت الجالوص وادبخانة البير والضبان والناموس
03-13-2020, 01:29 PM
adil amin
adil amin
تاريخ التسجيل: 08-01-2002
مجموع المشاركات: 37212
عايز واحد من رجرجة ق ح ت ون عطبرة يلهث لحدي الليلة ورا عبدالناصر وصدام حسين اصنام المركز ومن عطبرة يركب العجلة الرالي بتاعتو ويلف معاي في عطبرة كلها ويشوف اثار الانجليز وزمن السيدين من بيوت الحكومة والسكة الحديد والرصيف الحجر والمستشفي الحكومي يوريني مباري عبدالناصر وصدام حسين ليه او مباري ناس مبارين عبدالناصر وصدام حسين ليه ؟؟ يوريني انجازات عبدالناصر وصدام حسين شنو في عطبرة ؟؟ والجري واللهاث وراء المصريين وعربان الخليج في ن صعاليك الكرورنا ديل نستفيد منو شنو في عطبرة او الاقليم الشمالي كلو https://top4top.io/
عشان تلغي علقك وتقعد تحرس ناس ساطع الحاج والنسهوري وحيدتي وحمدوك يوفرو ليك حتي الخبز ؟؟؟؟ المركز الوسخ ده او مقاطيع الهامش عمرهم ما ينجزو حاجة مفيدة في السودان بي المحاصصة والابتزال والحوامة الفاضية بين الدول حل مشكلتك براك علي مستوي الاقليم وليس القبائل والشرزمة والولايات
03-18-2020, 11:40 AM
adil amin
adil amin
تاريخ التسجيل: 08-01-2002
مجموع المشاركات: 37212
عشان تعرف ق ح ت دي كويس غرور وتكبر وعاطلين عن المواهب نقدم ليهم الحلول المجانية ولاقين اعلامهم الراقد ويتكلمو عن اوجاع الشعب بس ويبررو في عجزهم هسة الناس الشغالين في الحكومة في الزمن الجميل كانو كلهم ساكنين مجان في بيوت الحكومة بنسبة 100% =مجانية السكن مش كان احسن في السنة المشت دي كلها تفعل وزارة الاشغال وتخليها تصين كل بيوت الحكومة في كل السودان وفي كل محطات السكة الحديد وترجع كل موظفين الدولة والعاملين فيها لي بيوت الحكومة وتكون انجزت انجاز كبير وحررت الناس من بيوت الاجار والتشرد والاعباء المعيشية وزير الاشغال ده قاعد يسوي شنو المواد تستوردا وزارة الاشغال ذاتا لا سماسرة ولا مقاولين وترجع مجانية السكن وده بند بيوت الحكومة في السودان التي ضيعا كابوس الانقاذ المستمر لحدي الان اصلو عندي راي ما بغبرو فيكم يا ق ح ت حتي تتغيرو فعلا وتمسكو الدرب ترجعو المحكمة الدستورية والاقاليم قاعدين في هياكل الانقاذ ومواعينا القذرة دي ما بتصلحو اي شي اطلاقا .. حتتوسخو كل يوم تطلع فيه الشمس بوبار ناس الانقاذ ده ضيع السودان من 30 يونيو 1989 لازم نمشي في الانقاذ دي من راسا لي ساسا بالاستيكة بس اي حاجة قبيحة جابتا نجدعا طوالي حتي القصر الجمهوري ...نخلي نرجع للقصر الجمهوري القديم بس
03-29-2020, 03:18 AM
adil amin
adil amin
تاريخ التسجيل: 08-01-2002
مجموع المشاركات: 37212
قبل المطرة مفروض ادني بيت في الخرطوم وفي والسودان وفي اصغر قرية وفي اكبر مدينة يكون علي هذا الطراز مع الطاقة الشمسية يعني بيوت الانجايز الحكومة + الطاقة الشمسية عشان نقول عندنا ثورة ثقافية فعلا https://top4top.io/
09-08-2021, 04:40 AM
adil amin
adil amin
تاريخ التسجيل: 08-01-2002
مجموع المشاركات: 37212
تاني ما بكتب ولا كلمة البرنامج واضح وقائم علي وعيك انت يا سوداني يا مغييب ما في زول من بره بحل ليك مشكلتك ده التوقيع بتاعي لحدي الرماد يكيل حماد مع لجان البعث وتفاهات حسين خوجلي يا حليل العنقليز حمدوك سبعة صنائع وبخت ضايع ما حل اي مشكلة وصلا الحد ولا جاب وزرا مبدعين او ولاة وكمان بدون فيش اوابرا ذمة https://top4top.io/
03-26-2022, 06:04 PM
adil amin
adil amin
تاريخ التسجيل: 08-01-2002
مجموع المشاركات: 37212
يا حليل زمان وايام زمان ثورة ما قدرت ترجع كل جميل في السودان وراح ليها درب ساكت عارفنكم حت فلسو وماحايتحقق شي يا ناس صامولة صامولة لو ما رجعت الاقاليم زي زمان اولا تاسيس الدولة السودانية عايز عقول جبارة زي جيل الاستقلال ودولة عظمى زي الصين مش الصرمحة في مصر وتركيا والخليج وامريكا وروسيا وفرنسا
04-24-2022, 02:48 AM
adil amin
adil amin
تاريخ التسجيل: 08-01-2002
مجموع المشاركات: 37212
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة