|
|
 Re: تلاعب وزير المالية (Re: عبدالحفيظ ابوسن)
|
يا اب سن فشل وزير المالية ما داير ليهو ضي رتينة ..
واضح زي عين الشمس ..
أصلا انت جيت كحكومة ثورة عشان تزيل الفساد ..
وتمنع التجنيب والتهريب ..
فينصلح حال الاقتصاد لأن النهب المبهدلنا ..
كله من الأبواب الثلاثة دي ..
تقوم تخلي الشيء الاتعملت عشانه ثورة ..
والناس قدمت أرواحها مهر وفداء للتغيير ..
وتجري تجرب نفس شغل الكيزان وألاعيبهم ! ..
من تحرير سعر الصرف ورفع الدعم .. !!! ..
يبقى فايدة ثورتك شنو كان ما حاربت ما أتيت من أجله ؟! ..
السوق والغلاء طحن الناس ووزير المالية ولا هماهو ..
نفس الأبراج العاجية التي كان عليها الكيزان ..
طالما هم عايشين كويس ومجعوصين في كراسي الحكم ..
الناس تصبر وتربط الأحزمة حتى لو إلى ما لا نهاية ..
ثم يقضي الله أمرا كان مفعولا ..
وبراها بتتحل
الحاصل ده استسلام مبالغة والله الواحد في أسوأ كوابيسه ..
ما كان متخيل قلة الحيلة وفقدان خيال ..
يفضي لحلول مشكل الاقتصاد السوداني ..
تلات حلول وتنقل اقتصادك لوضع الثبات ..
ومن ثم الوفرة واستقرار سعر الصرف والأسعار ..
ثم ارتقاء الاقتصاد تلقائيا الى وضع النمو والازدهار ..
الحاجة التزعلك وتفقع مرارتك اسطوانة الدولة العميقة ..
وشماعة الكيزان لتعليق فشل حكومة الثورة ..
تهبش أي واحد منهم وتعترض على الفشل وانعدام الحلول ..
يقولوا ليك الدولة العميقة والكيزان ..
طيب انت مربع يدينك ليه ..
وين آلياتك لتتحييد كل منظومات النظام السابق ..
وفرض رؤاك ومنهجيتك ولو بالقوة ..
وكان م نجحت التروح في ستين ..
المخوفك شنو اصلا حتخسر شنو لو اصلك بتتوقع الفشل !..
ثم حتقعد لي متين تتحجج بالكيزان والدولة العميقة ..
لي متين ؟!!!!!!!!!!!!!!!!!! .....
الفترة الانتقالية شارفت على الانتهاء ..
وانت لسه بتتباكى بالحجج العاطلة دي ..
ثم لامن يجي دورك وتمسك الزمام ..
من العسكر وتحكم هل تتوقع الوضع حيكون أسهل ؟! ...
المتوقع سيكون الوضع أسوأ وأصعب ..
يبقى تستعد من هسه لما سيزلزل كرسي حكمك ..
لانه سيتم تضييق الخناق عليك أكثر وحيقولوا ليك مابنساعدك ..
ورينا شغلك أها حتقعد تتباكى وتتنايص وتقول الكيزان أفشلونا ..
والدولة العميقة لا زالت متحكمة في البلد ..
طيب شن فايدة قعادك أصلا شن فايدة جيتك ..
جاي تسوي شنو يعني !!! ..
تتجرس وتتشكى من الكيزان البره اللعبة ..
ومن الدولة العميقة ودم أم بعلو دي ..
لقد سئمنا وشظف العيش أرهقنا وقتلنا ..
وكل شي أصبح معدوم وصفوف وغالي جدا ..
ولا نرى حتى بصيص ضوء في آخر هذا النفق المظلم ..
ـــــــــــــــــــــــــــــــــــــــــــــــــــــــــــــــــــــــــــ
حتى فزاعة الدين الكانت بتستخدم كشماعة ..
ماعدت جايبة حقها ..
ولو ملاحظ انخفضت الاصوات ..
وارتفع صوت البطون الخاوية ..
زول جعان ما لاقي مايسد به رمقه ..
تجي تكلموا في الدين !! ..
أكيد حسيب ليك ..................
دمت يأخ وربنا يحفظك حفيظ ..
والله الواحد بفتش بوستاتك بالفتاشة ..
لانك بتخلي الزول يتفشى ..
وضع زبالة والله ........
|
|
 
|
|
|
|
|
| العنوان |
الكاتب |
Date |
| تلاعب وزير المالية | عبدالحفيظ ابوسن | 02-25-20, 07:03 AM |
| Re: تلاعب وزير المالية | عبدالحفيظ ابوسن | 02-25-20, 07:13 AM |
| Re: تلاعب وزير المالية | جلالدونا | 02-25-20, 07:14 AM |
| Re: تلاعب وزير المالية | الزبير بشير | 02-25-20, 07:21 AM |
| Re: تلاعب وزير المالية | عبدالحفيظ ابوسن | 02-25-20, 07:31 AM |
| Re: تلاعب وزير المالية | عبدالحفيظ ابوسن | 02-25-20, 07:37 AM |
| Re: تلاعب وزير المالية | اخلاص عبدالرحمن المشرف | 02-25-20, 07:47 AM |
| Re: تلاعب وزير المالية | فتحي الصديق | 02-25-20, 08:12 AM |
| Re: تلاعب وزير المالية | حسام الدين حمودة | 02-25-20, 08:26 AM |
| Re: تلاعب وزير المالية | عبدالحفيظ ابوسن | 02-25-20, 10:25 AM |
| Re: تلاعب وزير المالية | عبدالحفيظ ابوسن | 02-25-20, 10:40 AM |
| Re: تلاعب وزير المالية | عبدالحفيظ ابوسن | 02-25-20, 10:48 AM |
| Re: تلاعب وزير المالية | جمال ود القوز | 02-25-20, 11:13 AM |
| Re: تلاعب وزير المالية | عبدالحفيظ ابوسن | 02-25-20, 02:42 PM |
| Re: تلاعب وزير المالية | عبدالحفيظ ابوسن | 02-25-20, 02:58 PM |
| Re: تلاعب وزير المالية | اخلاص عبدالرحمن المشرف | 02-25-20, 10:37 PM |
| Re: تلاعب وزير المالية | اخلاص عبدالرحمن المشرف | 02-25-20, 10:44 PM |
| Re: تلاعب وزير المالية | Hafiz Bashir | 02-25-20, 11:17 PM |
| Re: تلاعب وزير المالية | عبدالحفيظ ابوسن | 02-26-20, 09:52 AM |
| Re: تلاعب وزير المالية | عبدالحفيظ ابوسن | 02-26-20, 10:04 AM |
 Re: تلاعب وزير المالية | عمر عيسى محمد أحمد | 02-26-20, 10:24 AM |
| Re: تلاعب وزير المالية | Al Sunda | 02-26-20, 10:37 AM |
| Re: تلاعب وزير المالية | فؤاد إبراهيم | 02-26-20, 11:15 AM |
 Re: تلاعب وزير المالية | Asim Ali | 02-26-20, 12:19 PM |
| Re: تلاعب وزير المالية | عبدالحفيظ ابوسن | 02-27-20, 04:40 AM |
| Re: تلاعب وزير المالية | Mutasim Idris | 02-27-20, 06:32 AM |
| Re: تلاعب وزير المالية | اخلاص عبدالرحمن المشرف | 02-27-20, 07:03 AM |
| Re: تلاعب وزير المالية | Asim Ali | 02-27-20, 01:52 PM |
|
| |
جمال ود القوز
فيس بوك
تويتر
انستقرام
يوتيوب
بنتيريست