هذا فراق بيني وبينكم..

Quote: شكرا حمدوك علي شنو بقلم عمار محمد ادم شابكننا شكرا حمدوك شكرا حمدوك انتو حمدوك ده سوالنا شنو ماياهو الحال في حالو بس كمان طمبحة زيادة الدولار طار السما والاسعار نارها.تلهلب قلنا يبقالنا فزع بقالنا وجع ساوي جضومو المنفخات ديل لي الليلي لا عرفنالو راس من قعر سواها في السفر مرة باريس ومرة بروكسل ومرة واشنطون ومرة شنو ومرة شنو ويحينا راجع مطلق ايديي اباطو والنحم ما قلتولنا الزول دة زول امريكا واروبا وبيرفعلنا العقوبات ويشيل اسمنا من قائمة الارهاب ويجيبلنا الخواجات ينفضولنا البلد دي نفض ويكترولنا الايسكريم والجاتوة لكن انا باقي عندي السكري الحاحات دي مابتنفع معاي لكن عليكم الله اربع ارطال لبن بقت بي مية جنيه يعني شهري لبن بس تلات الالاف جنيه يا اخوانا انتو بي صحكم المقعدكم شنو النجانجا ماقادرين عليها مافي سبب واحد يخليكم قاعدين لي الليلي. نصبر عليكم لي شنو نحنا الصبر الصبرنا هين.تاني نصبر اصلو نحنا الله خلقنا لي الصبر الزول ان ما قدر علي الشي اليخلو حوي والدي. نحنا حمدوك الجن ده لاشفنا في بيت عرس لاشفنا في فاتحة لاشفنا في مظاهرات لاندوات لا اعتصامات بس جابو لينا زول ماشاء الله علي قيافي ومهندم. لكن علي كمان الله معلم الله من حبة فهم في امور البلد دي ماهو من مامرق منها ليهو تلاتين سنة دايرنوا يجي يحكمنا لابيعرف البينا ولا العلينا. ساكت ماقعد مع الناس وما التقي بالجماهير لاهو لاوزراهو الخلق ديل. انا باقيلي حمدوك ده خلاص بطنو طمت وباقيلو يقطف الشي دي ماها لعبة.. الشي دا حكم وقرارات وعلاقات وسلطة لكن علي الطلاق لاحمدوك لا المعا ديل يقدروا يسولهم شي. ديل وزراء كبب معقول ود عباس مدني دا يطلع قرار في الاحانب وتاني يجي يلحس قرارو بشتن الحبش والسوريين وبهدل ليهم شغلتهم وسافروا هجو خلولو البلد دي وبي بساطة يجي يقولنا معليش انا كنت غلطان.. يغلطك البلاء اليخمك يلا قوم امشي تمشي بطنك المنصب ده حريت وراء جري الجن وقومت نفس الناس دا كلو عشان تجي تسويلنا سواتك المهببي دي لاميلك ناس لاراسهم ولاقعرهم. اها كمان ويتو وزير الصحة داك خنس ماعندو خركة جايينا يتفلفس الحمي القلاعيي والوادي المتصدع مساكين تجار الماشية لا ايدهم لا كراعهم لقوا نفسهم في السهلي وود حاجة كاشف مطير عويناتو غلبوا يلحس قرارو زي مدني ماخلاس الفاس وقع في الراس والبقت بقت ولسه ما مرقنا من كارثتو الاولي تاني جاب ضقلها يكركب وقال السودان فيهو كوليرا الله لا كسبك ولابارك فيك انت يازول مالك غلينا المسلطك علينا منو قطعت ارزاق الناس وعطلت اشغالهم ارجع لي بلاد الخواجات الجيت منها والله نحنا ماناقصين كبب كفانا مدني. عليكم الله انتو يا اخوانا المسلطكم علينا منو قولولنا بي صراحة انتو ظاهر عليكم دايرين تغتسوا حجر البلد دي وتفقعوا مرارتنا بي سواتكم دي والله لجان المجلس العسكري كانت اخيرلنا الف مرة من حكومة حمدوك دي هي دي حكومة ديل طلعوا مواسير ساكت وحمدوك طلع اشاعة... حسبنا الله ونعم الوكيل.