العودة لنظام الاقاليم .. دا كلام الدهماء Adil Amin

Quote: لا ما كدي .. لكن لأنه انا زول واعي وحريـص اني اضمن ليك مستقبل افضل وديمقراطية حقيقية غير هشة وتقوم على اسس سليمة.. ولأني بؤمن بفيدرالية حقيقية يكون نتاجها إنتخابات وحكومة منتخبة تمثل الجميع والجميع ياخد حقه في انتخابها.. ولأني واعي جداً انه الواحد لو ما تحقق ليهو الامن والسلام عشان يمشي مركز الاقتراع ويخت بطاقتو بكل حرية فما حايكون في زول ماخد حقه ولأني عارف انه السودان اكبر من ام درمان وعطبرة والقيادة العامة وناسو اكتر من تعداد دائرة الخريجين والنيل الابيض وريف ودشريفي ولانه بعرف في الحتات التانية السودانيين مامتحقق ليهم الامن والسلام زي ولاد المصارين البيض .. فمافي انتخابات هسه يتحقق السلام والعدالة الاساس الخقيقي لقيام انتخابات ووضع دستتور يعبر عن الجميع.. زمان قلت ليك انا بقدم للوطن دا الوعي.. ما بيهمني اقعد في كرسي غردون والا يكون عندي كم نفر تحت قبة صالح الشنقيطي والسير جون مفي .. بيهمني انك والا غيرك وقت يقعد بوعي ويكون واعي .. وفاهم إني واعي :) قعدتي دي هسه قعدة بوعي عشان اوعيك وانور ليك درب الديمقراطية واسس ليك لانتخابات حقيقية يشارك فيها الكل مش إنتخابات تشارك فيها انت وتجيبك إنت وتقعد فيها في الكراسي براك عشان تنظر لي تحكمني كيف! لا يا حبيبي داك برلمان وستمنستر حقت اسيادك الانجليز والطريقة الكانوا بيديروكم بيها حقي انا بديك ديمقراطية وانتخابات حقيقية تشارك فيها انت مع الجميع والكل وتتشاركو في وضع قوانينها واسسها على قدم الساق.. وعشان احقق ليك الحاجة دي وتوعي لتكون سعيد ومبسوط لي قدام ماتجي كل مرة تمشي تمسكها العساكر زي ماعملت تلاتة نرات فبقول ليك إنتخابات هسه ماف !