جديّة الشيوعيين الشديدة: طبعاً بروفسور علي المك زول شعبي جداً وبحب القفشة والمرح والحياة الشعبية الساهلة الخالية من القيود زي محجوب شريف، قام أيام نميري استقال من الحزب الشيوعي، وبرر استقالته بأسباب فكرية،
أها جات الانتفاضة ونقد طلع من "البدروم"، لاقى علي المك وكان حريص يناقشو في الخلاف الفكري دا وقام سالو، علي المك قال ليهو: والله، يا محمد، أخوي، ما عندي خلاف فكري ولا حاجة، لكن شوف، أكون ماشي اجتماع للحزب او مهمة وأجي ماشي جنب دار الرياضة أمدرمان وتكون كورة مسخنة في الميدان والمدرجات تغلي حيث الونسة والقفشة، وستات التسالي والفول وقصب السكر، ما بقدر أقاوم ما أدخل دار الرياضة، وفي نفس الوقت الزملاء ح يزرزروني في حالة الغياب،
فشنو؟ الحزب بتاعكم دا حزب عظيم، لكن والله، ما بقدر على الجديّة دي.
مراجع: ما في داعي عشان الناس ما تخاف من الونسة معاي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبوبكر عباس
فيس بوك
تويتر
انستقرام
يوتيوب
بنتيريست