فى المواصلات قبيل واحد يشكو مر الشكوى من (جرجرة) ناس خدمات الجمهور فى الاجراءات والاسوأ انوتتم عمليات سمسره مكشوفه من داخل المجمع .حسب ماذكر قال الاجراء بتاعو يخص البطاقه الشخصيه -استخراج ولا تجديد ما متذكر- المهم الرسم3100 جنيه رفض الموظف استلامها -مع كلام فارغ انا شغال عندك لغايه ما استلمكاش منك- وطلب ايدع المبلغ عن طريق تطبيق بنكك.طيب يا اخى ماعندى بنكك.والاجابه انو فى اربعه مكنات بنكك موجوده داخل المجمع تمشى للواحديعمل ليك الايداع برسوم (500جنيه) وزولنا بدل 3100جنيه قام بدفع 3600 جنيه مجبرا. وين بتمشى ال500 جنيه ؟ هل يتقاسمها صاحب المكنه مع من سمحو ليهو بالدخول واستغلال خلق الله من داخل المجمع ؟ وين نافذه الحسابات لتسديد الرسوم هل تم الغائها من المجمع وفتح الباب لسماسرة التحويلات من العطالى والانتهازيين ؟ اين انت يا مدير الشرطه لتوقف هذه الفوضى ام ماذا ؟؟؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Asim Ali
فيس بوك
تويتر
انستقرام
يوتيوب
بنتيريست