|
هموم سخاروف: بالنسبة للسلام الإجتماعي في أرجاء الـ .. المريخ
|
00:28 AM March, 15 2021 سودانيز اون لاين مازن سخاروف-UK مكتبتى رابط مختصر
في ناس من المريخ مدورين شكلة. رسلوا لي بالـ إكسبريس إي تي Express Extra-Terrestrial Courier
نص الرسالة:
يا مازن, إحنا المريخاب ديل ما راضين بي بعض. سمعنا بيك ود دسيس مجضم البولشفيك, وحكيم زمانك بهناك في كوكبكم. تعال أحكم بيناتنا.
البلد الإحنا فيها فوضى لا يملكها من يملكها. عندنا مركز المريخ, وهامش المريخ, والبيسكن العاصمة يسخر منه, "أمشي يا وافد". العندو سلاح بيقول البلد البلف بتاعها عندو. والماعندو سلاح بيعمل تسجيلات صوتية إنو حـ وح وح, وح .. يبلهم كلهم ويرجّع الجابو الإستقلال (خلي بالك ده جزء من الكلام الكبار العامل المشكلة لأنو كضبة كبيرة والناس مصدقينها) ويرجّع مهدي المريخ كمان.
لا ما المهدي الأصلي, ولدو "عبالرحمن" الأدى سيف أبوه لملكة كوكب الزهرة. المنشورات مدورة (بنك المرخوم الوطني إتلحس, ولسع في أفندية قاعدة تنظــّر عن ضرورة احترام قوانين الإستثمار العالمية وضمان حقوق عيال كويكب البلوتوث البدوية المتحدة .. بلوتوث ده طبعا دلع كوكب بلوتو, أصغر وأحقر الكواكب, ده إذا كان كوكب أصلا).
صكوك الهوية كترت, جرح وتعديل. وقراصة دخن وزنجبيل. بالرندوق النجيض, جاطت يا مان. بس نار وباقي ليها تبُق. وعندنا ليك سؤال ببليون شلن مريخي:
إحنا الدك كشتينتا منو؟
...
|
|
|
|
|
|