والله يا جماعة يوماتي مقابر حمد النيل تقنت من طقش المحافير . الناس دي ما كلها بتموت بالكورونا.
لا لا الناس دي بتموت من الهرولة في سبيل تلاقي بواب مستشفي يبتسم في وشك المرهق. في شاب مات بالنزيف بعد حادث موترسايكل . اهلو جارين بيهو أربعة مستشفيات مات في الدرب وهم ماشين بيهو للخامة. . في شرق لندن في صالات تنس اتحولت مستشفيات . واي زول اكيد تابع المستشفيات الجديدة الاتمددت. في الصين قامت مستشفيات في أسبوع . وانتهوا من الكورونا وشغالين في صناعة علاجات جديدة . في السودان بلد الدهب المسروق يقوليك مافي امكانيات . ياخ ميتين الامكانيات . العالم كلو يساعد في العاملين في الحقل الطبي ونحنا نجلد وندق فيهم ونقفل في المستشفيات .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة