عقلية اجرامية...الجنجاكوز(ي) حاول بنفاق رخيص في بداية الحرب انه وانه وانه ومن اول البداية عرف الجميع نواياه الخبيثة.... طبعا يا منتصر الجنكوز دا مفتكر انه خلاص اغراق المنبر بالاكاذيب .. والتنمر والاساءات الرخيصة حتجعله مؤثر... مع انه ولا شىء . . اللهم الا الازعاج ...وبصحيح العبارة (عبس)
11-08-2023, 07:08 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27777
وأنا أقول صدقاً .. هؤلاء الأثنين نكرات لا يعرف عنهم شخص .. أسماءهم مستعارة .. جبناء مثل نساءهم لا يقوون علي كشف قناعهم .. الأنصرافي النكرة أشجع منهم .. وكذابيين .. الهادي، ساكي فيه يومين علي التوالي .. وما يزال يهرب .. ههههههاي!
أها يا نكرات .. أردمتا هى منطقة قاعدة الفرقة 15 الجنينة .. وعساكركم صييجوا .. دا الحاصل.
في أي حاجة تاني ..
بريمة
11-08-2023, 07:31 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27777
Quote: عقلية اجرامية...الجنجاكوز(ي) حاول بنفاق رخيص في بداية الحرب انه وانه وانه ومن اول البداية عرف الجميع نواياه الخبيثة.... طبعا يا منتصر الجنكوز دا مفتكر انه خلاص اغراق المنبر بالاكاذيب .. والتنمر والاساءات الرخيصة حتجعله مؤثر... مع انه ولا شىء . . اللهم الا الازعاج ...وبصحيح العبارة (عبس)
المسكين دا .. قال أنا سرقت 700 دولار .. برضو قاعد أطارد فيه لي شهر .. هارب!
أنا الشافوه خلوه .. أي تافه، كذاب، واي حقير .. بلمهم كلهم في محلة واحدة وبعصاة البيسبول .. أقشطهم تاح .. يقعوا ويقوموا!
المسكين دا، سمعوا ناس الدعم السريع في الحي بتاعهم .. جروا من بيتهم .. عنده مكتبة بتاعت سوء ناس 9 طويلة والمساكين الذين سرقوا أموالهم تأريخياً .. شتتوا الأشرطة وداسوا عليها بأرجلهم. أها المسكين .. ينبح فينى قال ديل أهلي كسروا خزائن قارون بتاعه .. مسكين ..
أنا ما عارف هؤلاء الهوانات يحقروا بي كده ليه .. في أمريكا هنا ممنوع تربية الدواجن في البيت .. لكن شاب من فرجينيا عمل مزرعة دواجن ويستأجر الجداد حي .. صحبي أمريكي مشي أستأجر ليه ديك وجداد أنتاي (ما في شراء .. تستأجر الجداد يقعد عندك والديك يعوعي ليك .. والجداد يكاكي!!) .. ماشي لصحبي دا في زيارة .. فإذا بحيوان "أم كويي" حيوان عفن وقذر .. يحاول يدخل ذنبه بفتحة تحت الباب .. وأنا ما عارف .. الحيوان أطلق فساء يملأ شوالات بالفتحة .. والجداد والديك جوه ما فضل ليهم إلا يختنقوا من الفسو (الفساء)! نزلت وجئت جاري، الحيوان الحقير .. تكش تكش جري دخل الغابة .. شرق أمريكا كله غابات .. بسرعة فتحت الباب .. فإذا بالديك يقابلنى أول واحد .. دايخ يقع ويقوم .. غمران من الفسو .. أنا، حتي نصل الشباك ونفتحه .. أنا ذاتي غمرت .. مثل البمبان بتاع المظاهرة .. أسبوع كامل أنا شايل فتيل القطرة .. ثلاثة مرات في اليوم ..
هسي شوفوا جنكيز خان .. لصق فينا شنو؟ دا مش مثل فسوة الأسكنج الغمّرت الجداد!
بريمة
11-08-2023, 09:10 AM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
Quote: هسي شوفوا جنكيز خان .. لصق فينا شنو؟ دا مش مثل فسوة الأسكنج الغمّرت الجداد!
لا والله الحكاية والقصة دي ما في ليها اي علاقة بكلام منتصر وسؤاله ليك.. وهي قصة خالية مضمون مابتحمل اي مضمون أو حكمة الا اكان داير تقول البيباري بريمة بتملي فسو .. على وزن الجداد والكوشة مجرد ورجغة وإسهاب وحكي عاوز تملأ بيهو زمن وتكبر المشاركة..
تلغو وتورجغ كدة .. باقي لي مقاولتكم بعدد الكلمات ماهي مقطوعية ..
باقى زمان ناس سفارة الرياض كانت مقاولتهم بعدد رفع البوستات
11-08-2023, 11:02 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27777
Quote: تلغو وتورجغ كدة .. باقي لي مقاولتكم بعدد الكلمات ماهي مقطوعية ..
واحد فيهم دا حيدر الزين والأخر أحمد يسنل!! .. من الله خلقكم شفتوا حمارة (أتان) تنجب ثلاثة دحيشات دفعة واحدة .؟؟ أنا شخصياً لم أر في حياتى حمارة أنجبت دحيشين خليك من ثلاثة .. لكن الله غالب .. الحمارة مرة واحدة أنجبت ثلاثة .. دحيشين ودحيشة ..!! .. طبعاً نحن صغار فرحنا فرح بالدحيشات .. كأنهم حقننا نحن .. لكن لم تمض أيام حتى ظهرت مشكلة .. واحد من الدحيشات صار دغسان وعيونه ينزلن مويه وبعد فترة ضبلن وقارب علي الموت ..
الدنيا موسم زارعة وحصاد السمسم وكل ناس الفريق منشغلين بالحصاد .. أنا أستوليت معالجة الدحيش المضبلن .. خالي قال لينا خلوه يموت يمكن ما قادر يرضع .. وكك الموضوع وقع لي!! راقبت الدحيش .. لقيت ليك الحمارة عندها شطرين بس وزمان حسب الصغرة مفتكرها مثل البقرة عندها أربع شطور .. أول ما تجئ الدحيش الأخر والدحيشة كل منهم يمسك شطر .. وصاحبنا المضبلن يصارع .. ويصارع .. والحميرات الصغار تب ما بسمحن لهو ولا برضعه في اليوم .. بعد يشبعوا يقعد يجازف لو في شيئ ..
أول ما شفت المنظر دا .. جري للماعز أحلب كورية لبن وبجي أسقي ليك الدحيش لما يتنفخ .. خالي قال لي الدحيش لو بقي كويس ونصح من المرض دا حقك .. الكلام شجعنى .. والوالده قالت هو جعان بس .. أسقيه لبن الماعز .. طوااالي ح ينصح! وفعلاً دحيشي بقي سمين .. مثل حيدر الزين .. وبعد فترة صار يقلع الشطر قلع من الأخرين ..
أها، دحيشي صار جميل ومتفرهد وأطول من الأخرين و لونه أشقر حلو .. خالي قال رأيك شنو تخلي حميرك لخالك عشان عايز أسوي حمار ركوب لي في المستقبل .. نعطيك بدلاً عنه الأنثي الصغيرة .. وأنا بكره الأنتايه الصغنتوته .. قليلة أدب ومفترية مثل أحمد يسن .. ترفس وتسك وتفتعل أصوات غريبة لزوم تخويف الأخرين .. في البداية .. أخذت في نفسي .. مشيت للوالدة قلت لها خالي شال منى حميري ..؟! وسكت .. قالت لي لازم يكون أداك غيره! .. قلت لها قال لي نشيل الدحيشه ..؟! .. والوالدة قالت لي أنت داير شنو أحسن من كده .. دي قريب دا تلد ليك دحيشات .. فرحت .. وربيت دحيشي!
خلاصة القصة .. كل زول ما عنده فضل ظهر أنا أهديت له حمار من تلك الدحيشة .. ملت الحلة والفرقان حمير ..!!
لكن الحق يقال، الحمير في كثير من الأحيان محترمة .. إلا من عينة الحمار الدبزاي (الدبلاي بلغة البقارة) .. ناس حيدر الزين وأحمد يس ديل أسوأ أنواع الدبزايات ..
--------------------- حلفت يا أحمد وحيدر .. إلا نطردكم من البوست دا .. كل مرة أنكت ليكم قصة من قصص طفولتي الكلها شقاوة .. ودا عشان أزيد قروشي .. ما دام الدفع بعدد الكلمات .. عالم ما عندها رأس ولا دين!!
بريمة
11-09-2023, 06:36 PM
آدم صيام آدم صيام
تاريخ التسجيل: 03-11-2008
مجموع المشاركات: 5736
وأنا أقول صدقاً .. هؤلاء الأثنين نكرات لا يعرف عنهم شخص .. أسماءهم مستعارة .. جبناء مثل نساءهم لا يقوون علي كشف قناعهم .. الأنصرافي النكرة أشجع منهم .. وكذابيين .. الهادي، ساكي فيه يومين علي التوالي .. وما يزال يهرب .. ههههههاي!
أها يا نكرات .. أردمتا هى منطقة قاعدة الفرقة 15 الجنينة .. وعساكركم صييجوا .. دا الحاصل.
في أي حاجة تاني ..
بريمة
عندما يسقط المجرم قناع الحكمة ويرتدي كدمول نهب المواطنيين واحتلال بيوتهم وحرق المتاحف وسرقة البنوك واغتصاب النساء وتجريف الوطن! يخرج لكم في كامل دراكوليته التي من كبرها النفخي تنازع خالق الكون بتحديه بأنه نفخ الروح والجنجويد يزهق الروح, على غرار أن الله يحي ونحن نهزمه بأننا نميت ما يحي!
11-09-2023, 06:49 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27777
Quote: عندما يسقط المجرم قناع الحكمة ويرتدي كدمول نهب المواطنيين واحتلال بيوتهم وحرق المتاحف وسرقة البنوك واغتصاب النساء وتجريف الوطن! يخرج لكم في كامل دراكوليته التي من كبرها النفخي تنازع خالق الكون بتحديه بأنه نفخ الروح والجنجويد يزهق الروح, على غرار أن الله يحي ونحن نهزمه بأننا نميت ما يحي!
أصبح أدم صيام يتيم منبر .. لا لامى في الغرابة .. لا بلح الشمال .. سقط بقد القفة ..
-------------- حسبي الله ونعم الوكيل .. محمد معانا ما تغشانا.
بريمة
11-09-2023, 07:02 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8963
حسب المعلومات التى وصلتنى و لم اتمكن من التأكد منها كالاتى: 1. سؤال بالفرز القبلى. و تم ترصيص ابناء بعض القبائل في الحال 2. بعض الناس رفضو يقولو قبائلهم - تم حرقهم 3. في مجموعة تالتة كانو اظن لسانهم طويل في الاعلام و كانو بقولو "جغم" و "متق" و كلام زى. ديل قالو اكلوهم لحم اخوانهم. اتمنى من الله الا تكون اخبار بهذه القسوة صحيحة.
11-09-2023, 07:14 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27777
Quote: حسب المعلومات التى وصلتنى و لم اتمكن من التأكد منها كالاتى: 1. سؤال بالفرز القبلى. و تم ترصيص ابناء بعض القبائل في الحال 2. بعض الناس رفضو يقولو قبائلهم - تم حرقهم 3. في مجموعة تالتة كانو اظن لسانهم طويل في الاعلام و كانو بقولو "جغم" و "متق" و كلام زى. ديل قالو اكلوهم لحم اخوانهم. اتمنى من الله الا تكون اخبار بهذه القسوة صحيحة.
مداخلتك هذي .. تستحق الختم بختم ضنب الككو ..
------------------------------------ سكرتير الرابطة أو المدعي العام .. أجروا .. ول أبا محجوب وقع في قالوا وقلنا .. وليس لديه مصدر!
بريمة
11-09-2023, 07:18 PM
Hassan Makkawi Hassan Makkawi
تاريخ التسجيل: 02-27-2008
مجموع المشاركات: 6157
سلام بريمة, واحد منهم تسجيل واتساب بخصوص لحوم البشر هذه. صراحة اتمنى تكون خزعبلات ناس الواتساب. و الاخر شفاهية من زول عندو اهلو هناك. هذا يحتمل الصواب بنسبة كبيرة.
يا محجوب يا الهبيب لا تتعب نفسك مع هذا الجنجكوزي لو أتيت له بڤيديو مجازر أهله الجنجويد ومعها مائدة من السماء لن يقتنع لأن الله ختم على قلبه بجهالة أهله الجنجويد
11-10-2023, 01:13 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27777
Quote: سلام بريمة, واحد منهم تسجيل واتساب بخصوص لحوم البشر هذه. صراحة اتمنى تكون خزعبلات ناس الواتساب. و الاخر شفاهية من زول عندو اهلو هناك. هذا يحتمل الصواب بنسبة كبيرة.
محجوب أنت أخلاقياً مطالب بأثبات ما تقول به بالتوثيق المناسب .. جيب الواتساب حتى يتم تمحيصه ..
ثم، يا أخي، كلنا لنا أهل ونتصل عليهم ويقولون لنا أشياء لكن لا ننقل منها أي شيئ ما لم يتم توثيقة من جهات أخري أو يكون من قتل أو جرح أو وقع في تقاطعات الأحداث شخص معروف بالأسم ..
أنت الأن ليس لديك ما تقدمه للمنبر .. ومسألة محاولة إستعطاف الناس منتشرة ونحن في رابطة ضنب الككو نتصدي لها ..
أنا منتظر منك رد مقنع ..
بريمة
11-10-2023, 01:21 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27777
بريمة خليك من الترحيب بي هشام في فرجينيا أمشي لي عباس مرغني عزيه الجنجويد قتلوا إبنه خاله في أم روابة الأسبوع الفات وأصابوا إبنها وبنتها ( أم روابة دي فيها مال حرام برضه )
11-10-2023, 01:47 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8963
سلام بريمه, ماذا تعنى بـ استعطاف الناس؟ اذا عايز تسجيل الواتساب, ادينى رقمك و برسلو ليك ده لو لسه ما وصلك لانو تسجيلات الواتساب دى بتدور حول العالم في اليوم الواحد عشرة مرات.
11-10-2023, 02:26 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27777
الأخ محجوب أدخل في تسجيل عبد الغفار الشريف .. في حوالي الدقيقة 5:30 .. الشاهد جاب أسمه ورقمه الوطنى .. أسمع شهادته، هل هذه شهادة يعتد بها؟ هذا مصدر أحادي وهو نفسه ناقل من شخص أخر نكرة وأحادي!!
يا أخونا خليكم منصفين
بريمة
11-10-2023, 02:31 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27777
برمة... بلل مع انك ما تستاهل ثانية او جزء يضيعوها معاك وما تسوى حتى احقر مخلوفات الله لكن خودها مني: قسما بالله وبى حليفتا ... انت اسوأ واحقر واوطأ مخلوق في الكون دا واظن انك عارف كدة... الخسة
11-10-2023, 05:17 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8963
Quote: برمة... بلل مع انك ما تستاهل ثانية او جزء يضيعوها معاك وما تسوى حتى احقر مخلوفات الله لكن خودها مني: قسما بالله وبى حليفتا ... انت اسوأ واحقر واوطأ مخلوق في الكون دا واظن انك عارف كدة... الخسة
طبعاً لما كنا صغار كنا رواعية .. فأنا تدرجت من رعى الماعز .. ثم رعي الأبقار، والبقر كراعه طويلة يذهب مسافات بعيدة في السرحة في حزام السافنا .. أها ذات يوم نزلنا في منطقة شمال شرق كادقلي، منطقة معروفة لدينا ونحن نقضي فيها أوقات جميلة في بداية الرشاس كل عام .. لكن هذه المرة جئنا تلك المنطقة وتسمى قردود الفنقلوا في نهاية موسم الأمطار وكانت أعشاب السافنا تغطي قامة الأنسان .. فتغلغلنا حتى وصلنا منطقة مورد ماء شرق المنطقة علي مسافة بعيدة .. تسمى المنطقة "عضاة نبقاية" .. العضاي، هى موارد المياة والبقارة يسمها بالأشجار الغالبة فيها .. مثل عرديبة (من العرديب)، كوكاية (من شجر الكوك)، دبكراية (من شجر الدبكر)، جميزاية (شجر الجميز) و هكذا .. فنزلنا عضاة نبقاية وشربت بهائمنا ثم رجعنا .. قبل الأصيل .. وزمن الأصيل من أخطر الأوقات في السافنا وبالذات نحن كرعاة ممنوعين منع بات .. أن نورد أي ماء أو نذهب له بغرض الحمام في أوقات الأصيل .. والسبب الحيوانات المفترسة تأتي للورود في هذا الوقت تحديداً مثل الأسود، النمور والضباع والكلاب البرية مثل السباع والسموعة ... ضاعت عنا بعض الأبقار وقررت أن أعود الأضاة نبقاية .. عدت ولكن حذر جداً .. لم أجد الأبقار وعدت أدراجي ولكن البهائم ذهبت الفريق قبلي مع بقية الرعاة ..
في أثناء عودتي، ولسبب ما، تذكرت أن الناس يتحدثون عن بعاتية عجوز .. ماتت وقامت بعاتية (الله ورسول وحده أعلم ببعاتيه ..) .. المهم، أنا ليس خايف ولا يحق لي أن أخاف لأننا مدربين للبئيات الخلوية وأنا عمري حوالي 11 عاماً أعتبر فارس .. ممكن أجازف أي شيئ ..
المهم ..
أتكشفت لي مسافة في الطريق أمامي .. فإذا هناك إمرأة تجلس علي الأرض تحت شجرة ظليلة في قارعة الطريق ... وقت دهمة المغرب .. أول ما شفتها حسبنت الله .. حسبي الله ونعم الوكيل .. وتوكلت علي الحي القيوم .. وفي هذه اللحظة أنا تيقنت أنا لقيت البعاتية .. ومر بذهنى طيف من الأفكار أولها أنا راجل صبي ولو جريت من البعاتية بنات البقارة حتي يغنن ينبذنى .. ثم مرت علي ذهنى أن البعاتية التى يقولون عنها عجوز وأنا صغير في السن .. لو تلاوينا ح أغلبها .. كان بأمكانى أن أطلق الطريق وأذهب أشق الخلاء ثم ألتقي الطريق إلي الأمام .. لكن هذا غير ممكن بحكم تراث البقارة .. أن الفارس لا يعقر الطريق (يعنى عدوك لو قاعد في الطريق .. لازم تجئ ماري به .. والعايز يسوي معاك يسويه) .. دا لو كان دا أحمد يسن الرعديد الجري خلي بيتهم للدعامة .. كان عقّر الدرب وتخارج .. أها أستعدلت سكينى في طراعي (يعنى بدل عود السكين يكون خلف عضدك من ناحية الظهر تقوم تلف السكين بحيث يظهر عودها من تحت أبطك لكي تستلها بسرعة للطعن) .. وشايل عصاة مضببه وكوكاب (الكوكاب .. حربة ذات أسنان .. بعض أسنانها تميل إلي الأمام وأخري إلي الخلف .. لو طعنت بها .. لا يمكن أن تسلها من الفريسة أو الشخص .. إلا يقطعوا عودها المركبه فيه وتخروجها من الطرف الأخر) ..
وأنا ماشي أتجاه البعاتية .. وما زلت ماسك الحسبنه .. أستدارت البعاتية نحوي بكامل جسمها .. ومن مسافة بعيدة يعنى طول ملعب الكرة .. هى أحدقت فينى بقوة وأنا كذلك .. حلفت لو كان دا أحمد يسن تلقوه خت حمل ثقيل في خرتوية سرواله .. هههههاي، أولاد المدن لا يستحملون حتى رواية مثل هذا الاشياء ..
وحينما أقتربت منها، وما زلت علي مسافة .. ناديها، هووي .. هووي المرأة أنت إنس ولا جن .. قالت جن!! .. قلت بسم الله الرحمن الرحيم .. وما زالت المرأة قاعدة، لو كان جن لكان أختفت .. قلت لها هل أنت بعاتية؟ قالت نعم .. قلت لها قومى من الدرب .. أنا بطعنك؟ .. ضحكت .. هل تصدقوا سمعت ضحكتها مجللة كأن الأشجار تحدث صوت صدي معها .. لكن سرعان ما فاجعتنى .. يا ود أمحمد .. أنا عمتك حليمة .. ااااااااااح جسمى برد جووووت .. أنت عمتى حليمة أم مستورة زوجت عمى أحمد دود اللية (هم من قبائل الحمر ..)؟ نعم يا ود أمحمد دي أنا .. يا عمتى المقعد هنا شنو؟ قالت فزعت للضرابة (وهى الويكة البلدية التى تقوم بروز .. وتعبت من شيلها)؛ جئتها وأنا ألعن سلسبيل أبو الجابها هنا .. سلمت عليها .. فشدت علي يدي وقامت .. كب مسكت شوال الويكة ... قالت لي بتملاك شري .. في قلبي قلت شرا شنو؟ هو أنا حمدت الله ما طلعتي بعاتية .. وفي تلك اللحظة ما زلت متوحش والأدرينالين بتاعي في السماء .. وبدأت تونسي .. أنت يا ود أمحمد فارس (وفي الحقيقة زوجها عم أحمد دود اللية أشجع ما عرفناه من قبائل رعاة الأبل) .. قلت لها تزوجينى بتك أم عشا .. قالت لي مبروكة ليك لو الجيلي تنازل ليك .. عرفت أنها محجوزة لأبن عمها يسمى الجيلي ..
لو لاحظتم نحن فقط بسبب الدرب نحن ممكن نموت وما نطلق الدرب .. حتى لا يقولوا عليك خفت .. (وبسبب الدرب تداوس عمنا فارس مع قبيلة بحالها .. في الدرب لأنهم قالوا له لو جعت راجع بالدرب دا تانى ح تشوف .. أقسم بالله عمى جاء راجع بالدرب .. دقوه دق العيش حتى جسمه لصق في الوطاة من الدم .. لكن قبيلتنا كلها جاءت ودقوا أهل الفريق حتى لم يتركوا إلا النساء واقفات يحجزن .. رموا كل رجال الفريق في الوطاة .. هبتوهم هبت تمام .. القصة دي طويلة وأنا وثقتها تحت عنوان: ستات الشدرة) .. إذا نحن نموت في الدرب ساكت .. ككيف ما نطردوا الرعاديد أمثال أحمد يسن من بيوتهم في الخرطوم .. أحمد جري وترك مكتبة السوء والفحش ..وله غبار وضراط كمان .. (يذهب الحرام من حيث أتي!)
----------------- هههههاي!!
بريمة
11-10-2023, 10:41 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
الدحشة ابتمشي بيها وين يا بريمة الداج بتعرف المثل البقول "القِلِّ بعلم الضِّل" في كردفان انا انشدت شعر ال (كورقل) و (السنجك) .. واظنك بتعرفو لكن انت انا متاكد انك في وسط جماعة (الكاتم) وقاعد تنشد ( معاهن)
11-11-2023, 01:30 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27777
أحمد يسن الرعديد تانى جاء .. أها المرة دي مع قصة الخوف .. والزول لما يكون رعديد أي حاجة يفسرها بحاجة أخري مخيفة ..
ذات يوم جدتي عائشة أم عتمان (عتمان تعنى عثمان .. وهو أبنها الأول وهو الأكبر بين أعمامى)، أها حبوبة عاشة (من هنا وقدام نكتب بدل عائشة نكتب عاشة) .. شعرت بألم في البطن (مغص)، فأرسلتنا نجيبوا ليها عرديب من الوادي وكانت الدنيا صيفاً وإلي مرقبة من بداية نزول الأمطار .. ونحن في منطقة شرق كادقلي .. جوار منطقة تسمى "القنيزيعة"، في حوالي عام 2017م أشتبك فيها الجيش مع الحركة الشعبية .. في معركة حامية الوطيس تسمى معركة "القنيزيعة"، والمنطقة التى نحن بها جنوب تلك المنطقة .. وتقع في ملتقي طرق .. في بوستات سابقة أنا وثقت مرات كثيرة للشجرة، هنا جزء من التوثيق:
Quote: هناك منطقة تقع شرق كادقلى، بها شجرة عرديب ضخمة وليس هى الشجرة الوحيدة بل المنطقة غابات مظلمة وبها أشجار سافنا متعددة ومتنوعة كالحميض والجميز والقمبيل والأرد والدليب وغيرها من الأشجار الضخمة، لكن هذه الشجرة لها قصة عجيبة. يمر بجوار الشجرة شارع ينتهى غرباً عند قرية أبوسفية وشرقاً عند قرى رميلى وبجعاية والشحيطة، وشمال فرقان الرعاة من البقارة وجنوباً منطقة قرية كورم. كل أهل الفرقان والقرى يعرفون تلك الشجرة بالأسم بأنها شجرة مسكونة بالجنون وتسرى فى المنطقة روايات أن أثناء المغرب هناك أجراس تدق فى الشجرة كجرس طلبة المدارس الأبتدائية، كما تشير الروايات أن الشجرة تنبثق منها الأنوار فى الليل.
هناك رجل من الأهل يسمى موسى أب جَنّة وكان فى عز شبابه حينما كنا أطفال، فأراد موسى أن يضرب عصافير كثيرة بحجر، فإراد أن يكوى ملابسه وفى نفس الوقت يريد أن يرابط فى مشبك الطرق حتى يغتنم فرصة حضور فتاة لوحدها فيغازلها. أخذ موسى أشياءه وفرش برشه ووضع مكواه لكى يكوى وفى عز نهار الصيف، سمع موسى صوت يقول له "تحرق الأطفال"، تلفت موسى فلم ير شخص فواصل فى مكوتة، فسمع الصوت مرة أخرى "قلت ليك تحرق الأطفال" هذه المرة نبرة الصوت أكثر حدة، تلفت موسى مرة أخرى فلم يجد شخص، فرفع المكوة ليكوى وهنا فاجأه الصوت "لو وضعت مكوتك فى الوطا سوف تشوف فى عينك، قلت ليك تحرق الأطفال"، فما كان من موسى إلا أن حمل المكواة مسافة ثم وضعها وجاء حمل بقية أغراضه .. موسى فى عهده كان شاباً ظريفاً وصدوقاً ومحبوباً لدى الجميع (ومازل حى يرزق رقم إنقطاعى منه)، موسى يؤمن إيمان تام بأن الشجرة مسكونة من ساسا لراسا ..
أصبحت الشجرة مركز خوف ، إذا مررت بها فأنت تكون ماسك الحسبنه "حسبنا الله ونعم الوكيل" حتى تنقطع من مكانها، وفى كثير من الأحيان حين نمروا جوارها نسمع صوت أرجلنا فى الأرض "دل دل دل"، تكون أرجلك ثقيلة وهئيتك يصيبها شيئ بين الخوف والرهبة.
الشجرة مع كل مصائبها هى من أكثر الأشجار ثماراً، يمكنك تحصد منها جوالات عرديب، لكن مينو الراجل أو مينى المرأة تطلع الشجرة أم جرسان، وهذا هو اسمها "أم جرسان"، تظل مليانه عرديب حتى ينزل المطر، وفقط يلتقطون ما يسقط تلقائياً من ثمارها أو بفعل الطيور .. بعض البقارة المهاويس يقولون أن الشجرة قبه بها فقير جنى، فهم يتبركون حينما يأتوا بجوارها، فتسمعهم يسلمون "السلام عليكم يا سياد الشجرة" وليس هناك زول يتراءى!
ومع أستعمالات العرديب الكثيرة للبقارة لكن البقارة أنفسهم مسكونون بالخوف من العرديب، فلو صعد أحدهم شجرة عرديب وسقط يقولون "وقعته الشياطين".
أها، حبوبة عاشة مرسلانا نجيبوا ليها العرديب من تلك الشجرة المخيفة .. نحن أربعة أحفادها وكلنا صغار .. أكبرنا المرحوم محمد عثمان أدم، وأصغرنا البخيت أدريس أدم .. وشخصي وحسن معلا أدم في الوسط عمراً .. مع صغر سننا، لكن نحن البقارة براعص غاب .. حملنا عصينا ومشينا لكي نجيبوا العرديب من الشجرة أم جرسان.. لو كان أحمد يسن الرعديد معانا كان بكي قبل ما يمشي.
نواصل ..
بريمة
11-11-2023, 02:02 AM
محمود الدقم محمود الدقم
تاريخ التسجيل: 03-19-2004
مجموع المشاركات: 9074
العجاجة في شنو يا ناس؟ المفترض التركيز يكون في من هم الذين ارتكبوا جرائم القتل في ارتمتا؟ وما هي الأدلة علي الارض التي تدين الجناه؟ وكيفية تستطير عرايض قانونية توثق الجرم وحجمه، وكيفية القصاص قانونيا للمدنيين الذين قتلوا... الشتائم لن تعيد القتلي لذويهم. ود ابا بريمه ارخي اللجام شوية 🤩
11-11-2023, 02:32 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27777
الخوف .. نواصل .. أنا والمرحوم محمدعثمان وحسن معلا واعيين بأن العرديبة مسكونة .. ومخططين كيف نتعامل مع الشياطين .. حبوبة كلمتنا حينما نصلوا الشجرة نقولوا البسملة "بسم الله الرحمن الرحيم" .. وفي أثناء نحن ماشين .. البخيت يسألنا "حبوبا قالت شنو؟" وأنا أقرأ له البسلمة .. وبعد شوية تانى يسألنا "حبوبا قالت شنو؟" .. أنا قلت للبخيت أنت خفت "أرجع الفريق الخواف" .. وهو عنده تمتمة "هو هو هو أنا ما بخاف" .. أها، قلت ليه "هسي لما نصلوا الشجرة تقدر تداوس الشواطين؟" البخيت يرد "هو هو هو أنحنا ماشين نشحدوهم عرديب لحبوبا .. ولاّ ماشين نداوسوهم" .. قلت له: "نحن ماشين نشحدوهم عرديب لو أبوا ح نداوسوهم ونقلعوا منهم العرديب قلع لحبوبا"؛ البخيت يسألنى: "هو هوهو .. عندهم عصّاي "عصي" أم عندهم سيوف أو حراب" أنا أرد عليه: "الشواطين ما بتشافوا .. لكن تخبطهم خبط لما تسمع حركتهم" البخيت: "هو هو هو ما بخبتونا" .. حسن يتدخل: "ما تخاف ما بداوسونا .. عشان حبوبا قالت نقرأوا عليهم البسلمة وهم بجروا" البخيت يسأل حسن: "هو هو هو البسلمة دي شنو؟ وأنا طوال الطريق بحفظ فيهو ولم يحفظ شيئ ..
أها، لما قربنا من الشجرة المخيفة .. وقفنا .. لوضع الخطة النهائية .. خطتنا التى توصلنا إليها .. نحن لا نطقع الشجرة .. ولا نطلعوا فيها .. أها، نحن عايزين عرديب شويه .. نلقطوه من الوطاة .. مشينا .. ونحن علي بعد خطوات من الشجرة .. خفنا جميعاً .. لكن كل زول كاتم خوفته .. إلا البخيت قال: "هو هو هو .. هووي أنا ما ماشي لقدام .. أنا بقعد هنا" .. أنا للبخيت "ما تخاف .. هسى دي الشجرة قدامنا .. أنت شايف شواطين؟" البخيت: "هو هو هو أنتو قلت ما بنشافوا ... هو هو هو هسي ممكن بطرّقوا في سكاكينهم عشان يضبحونا .. هع أه . أنا ما ماشي .." المرحوم محمد يتدخل: "البخيت أستهدي بي الله .. نقولوا محمد معانا ما تغشانا" البخيت يرد: "هو هو هو محمد ياتو .. أنت؟ أتا ذاتك الشواطين يضبحوك" .. ويواصل البخيت: "هو هو هو حبوبا قالت الرسول مات .. "، أنا أتدخل: "يا أخوانا أراحكاكم .. أت بخيت أقعد في محلك دا .. لو الشواطين جاتك تدقك براك .." البخيت: "هو هو هو أنا بقعدنى شنو .. نجري منها" .. أها حكاية الشياطين تأتي وتدقه خوفت البخيت .. ومشي معانا .. ول أبوي البخيت دا عينة أحمد يسن في كبره .. جبان رعديد.
أها وصلنا قرييب من طرف الشجرة .. قرأنا البسملة .. الشجرة مليانه قرود .. وكل قرد يقفز .. البخيت يقول "ها داك واحد شطان "شيطان" .. هو هو هو نقول شنو؟ حبوبا قالت نقولوا شنو" .. قول البسملة .. في الحقيقة كلنا خفنا .. لكن ماكلين خوفتنا ..
قلنا، نحن الأربعة نقيفوا صف .. نعنوا الشجرة جري .. وفي أثناء ما جاريين نلقطوا العرديب .. لكن مافي زول يتأخر مافي حتي لا تهبط الشياطين فينا .. أها بدأنا العد .. ثلاتيه .. أثنين .. وااااااحد .. وقمنا جري تجاه الشجرة دخلنا تحت الشجرة من الناحية الشمالية .. وخطتنا نجروا حتى طرفها الجنوبي لكي نلقطوا العرديب بسرعة ثم نقفلوا جارين بدربنا ناحية الشمال .. وبعد نخرجوا منها شمالاً .. نقيفوا نقيموا الموقف .. هل جمعنا عرديب .. أم لا .. جرينا وأنت تكون تبسمل .. بسم الله .. بسم الله .. بسم الله .. كف كف كف .. لقطنا العرديب وكل زول يجمع في صرة عراقيه .. ورجعنا جري بدربنا ناحية الشمال .. بعد وقفنا وأخذنا نفس .. قلنا نلموا العرديب في خرتوية واحدة .. البخيت كل ما جابه بعر بقر وخري القرود .. قلنا للبخيت أنت تمسك الخريته التى جمعنا فيها العرديب .. وخلينا نحن نجروا ونجوك راجعين .. البخيت يسأل: "هو هو هو ما بجوا يقلعوا منى الخريته ..؟" أنا: "بخيت ما تخاف .. أنت براك شايف نحن طردناهم بالبسملة" البخيت: "هو هو هو لما عردوا .. هو هو هو ليه شنو ما تطلعوا في الشدر؟" .. جرينا عدة مرات للشدرة وعدنا من تحتها بسلام ..
في أخر مرة .. جاءت حمير أثنين .. ووقفت قصاد بعض حتى ظهر رأس الحمار الأول خلف مؤخرة الأخر .. ولما جينا راجعين .. البخيت قال لينا: "هو هو هو ها داك شطان عندو رأسين حقات حمير"!! ومن هناك وكسرنا .. جري .. وفي أثناء ما نحن جاريين نمروا بتحت شجر الدليب وثمار الدليب نضجت .. تقع دليباي .. توشك بوب تسقط علي الأرض .. وبخيت يقول يا الله ما يضربون بالدليب .. ونحن مواصلين جري .. حتى خرجنا من الوادي برمته .. ظانين الشياطين تلاحقنا وتجدّع فينا الدليب ..
----------------- لو أحمد الرعديد معانا كان سوي حاجة كاكه ..
بريمة
11-11-2023, 06:24 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
اللي هو انا ؟؟؟؟!!! طيب .. مناطقكم ديك انا ما خليت محل ما مشيتو...حتى الحتة الفيها اساطير اها النديك النجيضة يا بريمة بلل اول شىء ناسكم فيهم ميزتين كعبات . كعبات جد والله اول شىء ... كضابين تاني شىء ..... خوافين وهراشين عشان كدة انا ما مستغرب فوقك ولا.. في القاعد تسويهو دا يمين الله واحد قريبك مع انه كبير قعد يحكي حاجات وهمية كلها كضب وللان عامل لي صداع
11-11-2023, 10:55 AM
Hassan Makkawi Hassan Makkawi
تاريخ التسجيل: 02-27-2008
مجموع المشاركات: 6157
يا شاتم الآباء والأمهات متى ترعوي وتتخلص من مثل هذا الوساخة ؟؟ نساءهم ذنبهن شنو عشان تجيب سيرتهن في مستنقع الهتر والشتم بتاعك دا اشتمهم هم مالك ومال النساء والأبرياء
11-13-2023, 03:02 AM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4552
مقتل الفرشة محمد ارباب و٩ من افراد اسرته بواسطة الدعم السريع في مذبحة داخل اردمتا، الجنينة
Quote: *مذكرة* بواسطة إتحاد دارفور بالمملكة المتحدة
الجنينة، غرب دارفور وبالتحديد في اردمتا، ومواصلة لتصفية اعيان ورموز وقيادات المجتمع السوداني في دارفور، قام الدعم السريع تحت امرة عبدالرحمن جمعة بارك الله - قائد قطاع غرب دارفور لهذه القوة الارهابية، حيث قامت الدعم السريع بقتل الفرشة محمد أرباب، فرشة فروشية مستري، قاموا بقتله وقتل ابنه وثمان من احفاده بدم بارد في جريمة ضد الانسانية تُضاف الى سجل عبدالرحمن جمعة ومنظمة الدعم السريع. ويعد هذا الاستهداف مواصلة لعمليات القتل على اساس العرق التي تقوم بها القوات الارهابية في حث انسان غرب دارفور والتي دفعت المحكمة الجنائية الدولية لفتح تحقيقات. هذا ويعاني انسان المنطقة من وضع امنى متدهور للغاية في ظل فرض سيطرة هذه القوات على المنطقة واضطهاد السكان المحليين على مدار اليوم. هذا يتجاوز عدد الضحايا هذا الحد، حيث بدأت بعض الصور والتسجيلات الصوتية تظهر حجم المذبحة التي ارتكبتها قوات الدعم السريع والجنجويد ضد السكان المحليين في إردمتا بالجنينة.
إن تدخل القوى الإقليمية المستمر في شؤون السودان الداخلية والحرب بالوكالة أمر غير مقبول. ويتحمل المجتمع الدولي مسؤولية هذه الفوضى لأنه أعطى الضوء الأخضر للقوى الإقليمية لمواصلة إحداث جرائم حرب من قبل قوات الدعم السريع والجنجويد.
حاجة ماسة إلى إجراءات عاجلة يدعو إتحاد دارفور بالمملكة المتحدة المجتمع الدولي إلى اتخاذ إجراءات فورية للحيلولة من وقوع كارثة انسانية لا مثيل لها في غرب وشمال دارفور بالتحديد. وايضاً للوقوف ضد الإفلات من العقاب الذي يتمتع به مرتكبو الجرائم في دارفور والسودان. يقترح الاتحاد الإجراءات المحددة التالية:
* فرض عقوبات مستهدفة على الأفراد والكيانات المتورطة في ارتكاب الجرائم في دارفور. * محاسبة قادة قوات الدعم السريع على الجرائم ضد الإنسانية وجرائم الحرب التي ارتكبوها ضد أهل دارفور، بما في ذلك محمد حمدان دقلو، وعبد الرحيم حمدان دقلو (المدرج على لائحة العقوبات من قبل وزارة الخزانة الأمريكية (المرجع 1))، القوني حمدان دقلو، وعبد الرحمن جمعة بارك الله (تم إدراجه على قائمة العقوبات من قبل وزارة الخزانة الأمريكية (المرجع 1)؛ وكان بارك الله قد دعا علناً في 4 نوفمبر 2023 قوات الدعم السريع إلى مهاجمة كل من الفاشر والأبيض وبورتسودان، وهي خطوة عدائية قد تؤدي إلى قتل جماعي، وهي الجريمة التي ارتكبت من قبل تحت قيادته في الجنينة). ومن المهم أيضًا دعم المحكمة الجنائية الدولية في القضايا الجارية (عبد الرحمن كوشيب، المرجع 2) وكذلك تقديم المتهمين من المحكمة الجنائية الدولية الذين ما زالوا طلقاء إلى العدالة (عمر البشير (المرجع 3)، وعبد الرحيم محمد حسين (المرجع 4) وأحمد هارون (المرجع 5)). * دعم المحكمة الجنائية الدولية في تحقيقاتها وملاحقة مرتكبي الجرائم في دارفور. * توفير التفويض والدعم اللازم للقوات المشتركة المكونة من الأطراف الموقعة على اتفاق جوبا للسلام، لتوسيع مناطق عملياتها وحماية المدنيين. * الضغط على الجماعات المقاتلة في دارفور والسودان لوقف قصف المناطق المدنية ووقف الحرب وانسحاب قوات الدعم السريع من مناطق المدنيين في غرب دارفور. * زيادة المساعدات الإنسانية لدارفور والسودان وشرق تشاد عبر ميناء بورتسودان وميناء دوالا بالكاميرون. أقل ما يمكن قوله هو أن الوضع في شرق تشاد مأساوي. إن نقص الغذاء والإمدادات الطبية وتفشي الملاريا والأمراض المعدية يدفع الوضع نحو الكارثة إذا لم يتم اتخاذ إجراءات فورية.
خاتمة يتعين على المجتمع الدولي أن يتحرك الآن لوقف جرائم الحرب والانتهاكات الخطيرة لحقوق الإنسان التي تُرتكب في دارفور والخرطوم وباقي انحاء السودان. إن شعب السودان يستحق ان ينعم بالسلام والعدالة والاستقرار في ظل وطن يسع الجميع ويساوى بين جميع مكوناته بالعدل وبدولة يسودها القانون دون تدخلات سافرة تستهدف إنسان السودان ارضه وثرواته.
إتحاد دارفور بالمملكة المتحدة
11-13-2023, 01:25 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8963
بريمه اتهمنى بأستعطاف الناس و انو الخبر غير مؤكد. الان بقول ليك ده حصل و زيادة و لسة ناس الجنينة بجمعو معلومات اضافية بالتفصيل. و الاخطر انو الناس ديل ما بنسترو, براهم بصورو مخازيهم و بعرضو للعالم مثل ما حدث مع جثمان الشهيد خميس ابكر.
11-13-2023, 02:10 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27777
Quote: بريمه اتهمنى بأستعطاف الناس و انو الخبر غير مؤكد.
لم أتهمك يا ول أبا محجوب. وهنا توضيحي، المواطنون يحاولون تهويل الأحداث لأستعطاف الناس .. وبالتالي، حكاية فلان قال لي أو زول قال لي لا يعتد بها في التوثيق.
أها حسناً
Quote: الان بقول ليك ده حصل و زيادة
ونحن هنا نتحدث عن أكل لحم البشر في أردمتا وهنا كلامك ..
Quote: 3. في مجموعة تالتة كانو اظن لسانهم طويل في الاعلام و كانو بقولو "جغم" و "متق" و كلام زى. ديل قالو اكلوهم لحم اخوانهم.
جيب لينا التوثيق.
بريمة
11-13-2023, 04:54 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8963
سلام بريمه, لا تستعجل, التوثيقات بطلعوها هم ذاتهم بتصوير تلفوناتهم. تتذكر قبل كدا رسلو ليك صورة قتيل و قد وضعو عضوه التناسلى في فمه؟ يعنى اكلوها ليهو و هو ميت فهل تستبعد ان يقطعو ذات العضو من احدهم و يحشروه للاخر فى فمه اثناء التعذيب او قبل تسليم روحه!
11-13-2023, 06:34 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27777
Quote: وأنا ماشي أتجاه البعاتية .. وما زلت ماسك الحسبنه .. أستدارت البعاتية نحوي بكامل جسمها .. ومن مسافة بعيدة يعنى طول ملعب الكرة .. هى أحدقت فينى بقوة وأنا كذلك .. حلفت لو كان دا أحمد يسن تلقوه خت حمل ثقيل في خرتوية سرواله .. هههههاي، أولاد المدن لا يستحملون حتى رواية مثل هذا الاشياء ..
بريمة بالله ترجم الفقرة دي لزملاك في امريكا واكتب لينا تعليقاتهم شنو !!! غايتو شايل ليك كوم اساطير غريبة !!!!! حلفت لو كان دا أحمد يسن تلقوه خت حمل ثقيل في خرتوية سرواله .. هههههاي، استفغر الله العطيم !!!!
11-16-2023, 03:02 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27777
Quote: هههههههههههههههه Quote: أحمد يسن الرعديد تانى جاء
اللي هو انا ؟؟؟؟!!! طيب .. مناطقكم ديك انا ما خليت محل ما مشيتو...حتى الحتة الفيها اساطير اها النديك النجيضة يا بريمة بلل اول شىء ناسكم فيهم ميزتين كعبات . كعبات جد والله اول شىء ... كضابين تاني شىء ..... خوافين وهراشين عشان كدة انا ما مستغرب فوقك ولا.. في القاعد تسويهو دا يمين الله واحد قريبك مع انه كبير قعد يحكي حاجات وهمية كلها كضب وللان عامل لي صداع
أحمد أتهمنى زوراً وبهتاناً بالأستهبال والأحتيال علي الناس وسرقة 700 دولار .. عشان كده، ح يتواصل الخناق مع الرعديد ما لم يجيب الأثبات ..
في هذه اللحظة .. مفكر أواصل في قصص البعاعيت لكي نعطي ول أبا محمد الزبير .. فرصة للتأمل في تراث البعاتي لدي البقارة ..
القصة: أم رقبة .. وهى تسمى حواء او حوه الزرقاء .. وهى بت جد كاتب السطور .. الزرقاء من أجمل بنات البقارة وهى دائماً ترتدي كثير من الأكسسوارات لبنات البقارة .. أشياء فضية وختم فضية وذهبية .. وشليل، سلكوك، وشبالات وملابس مزركشه علي الطراز البقاري. وكل هذا طبيعي لفتيات البقارة .. لكن الزرقاء ما يجعلها متميزة هى مشيتها العجيبة والغريبة .. فهى طويلة القامة، فإذا مشت تتهادي يميناً وشمالاً بصورة تثير إعجاب مشاهديها .. فهى علي غير العادة لا تتهادي بجسمها في جهة ثم تميل إلي الجهة الأخري .. بل مشيتها غريبة .. فهى كأنها تقدم قدمها اليمنى يميناً ثم فجعة تقدم اليسري يساراً .. كأنها لا تريد السير في خط مستقيم .. بل تعمل مشية في شكل زقزاقات في كل خطوة .. المهم .. مشيتها تميزها من كل الأخريات .. وهذا يحصل إذا هى تجلب الماء أو تقدم شيئ للضيوف .. أو تجري خلف بهائمها ..
جاءت الزرقاء مع بهائمها .. في ذات الوادي مكان شجرة العرديب المسكونة التى تسمى "أم جرسان" (القصة السابقة) .. وعلي مقربة من "أم جرسان" تقع مقابر يدفن فيها أهل منطقة رميلي والشحيطة من الناحية الشرقية وكذلك الرعاة من الناحية الشمالية موتاهم .. وكذلك علي مقربة من العرديبة "أم جرسان" هناك شجرة دليب بها ألذ وأشهى ثمار دليب في كل الوادي .. تسمى "شجرة المناقو" .. المناقو حارسها إذا سقطت أي دليبة، المناقو تستطعمها بشهية كبيرة .. ونحن نعرف الوادي شجرة شجرة .. جحر جحر .. وأي قد ضب أو حفرة حيوان "أم ضلاف" الذي نقل للناس في الصين مرض الكورونا .. ونحن نعرف أي حيوان مفترس جديد طرأ علي المنطقة ونعرف أي بقعة يمكن تحفر فيها أبار المياه .. المهم نحن أولاد قلبا في تلك المنطقة .. في تلك الأثناء توفي شخص ودفن حوالي قبل ثلاثة أيام .. وظن الناس أن الرجل قام بعاتي .. أها !!
ذات يوم تصادف أن حوه الزرقاء ترعي بأبقار والدها في المساحة ما بين الشجرة "أم جرسان" وما بين المقابر و"شجرة المناقو" .. وكان عدد من بنات الفريق فزعن لجلب الدليب من الوادي ... وتجدر الأشجارة أن في الناحية الجنوبية علي مسافة تقع أبار المياه التى نسقي فيها البائهم .. وكنا شباب مجتمعين في تلك اللحظة لغرف الماء للبهائم .. فأحواضنا مليئة بالمياه ومنتظرين ورود الرعاة لكي نسقي البهائم .. وفجأت رأينا البنات يركضن ويصرخن نحونا .. أنتظرناهن علي أهبة الأستعداد لشيئ ماء قد فجعهن .. والرعاة لهم كياسة في تحري الأخبار السيئة .. لا يركضون إلا بعد أستطلاع الأمر والتأكد تماماً لمعرفة حجم القوة التى يحتاجونها لمواجهة الخطر .. فهم بأمكانهم ضرب النقارة إذا كان العدد قليل حتى يجتمع الفزع .. وصلن البنات وقالن البعاتي قام وهجم إليهن وهن رمين كل أغراضهن وأحذيتهن ثم جرين نحو العد لأن البعاتي صار بينهن وبين الفريق .. علي طول قال أحد أعمامنا أجروا مع أخواتكم شوف مشكلتهن شنو؟ أنا ضمن الفريق الذي جري .. !!
وحينما وصلنا مكان "شجرة المناقو" فإذا بنا نري حوة الزرقاء ليس ببعيدة من المكان .. فقلت لأحد أبناء أعمامى أراح نستفسروا من حوة الزرقاء .. وهناك رأينها البنات وتانى قامت عليهن الخوفة .. وقالن هاع .. جري .. ذهبنا للزرقاء قالت ما في أي حاجة .. البنات بشوف فيهن يقومن جاريات .. ولو حاولت أمشي عليهن يزيدن في الجري .. أتفقنا نحن خمسة شباب .. قلنا للزرقاء سكينا مسافة تجاه العد "أبار المياه" ثم أرجعى .. ختفت الزرقاء عود حطب يابس .. كع كع .. توش جدعتنا به .. ونحن قلنا هاع جارين تجاه الأبار وتركن البنات جرن تجاه الفريق .. بعد ربع ساعة جاءونا كل فرسان الفريق وبقية النساء الكبار .. وكل زول متحزم ومشمر ساعد الجد لدواس البعاتي ..!!
البادية فيها كثير من المخاطر .. لكن التعامل معها لا يتم بالأنفعال بل بالعقلانية والتروي .. حسب تجربتي 90% أو أكثر من مشاكل البعاتي هى معلومات غير صحيحة .. شغل خوف .. مثل خوف أحمد يسن وهروبه من بيتهم وتركه للدعم السريع !
Quote: ونحن قلنا هاع جارين تجاه الأبار وتركن البنات جرن تجاه الفريق
الفرق شنو بين جريكم وجري البنات هسع ، يعني في النهاية بناتكم بيشوفوكم فرسان هاربين من البعاتية ؟؟ يا بريمة يا اخي انتم تحتاجوا لنظافة مجتمعاتكم من مثل هذه الخرافات والأساطير قبل كل شيئ حتى تندمجوا في المجتمع العادي ناهيد من المجتمعات الرقمية ، ولو اصلا انتم ما عندكم خوف مسطر في دواخلكم ومتوارث ما كنتو نسجتو الاساطير دي وسط الشباب ، وبعدين انت مجتمع لسع بتتحكم فيك اساطير زي دي كيف جاي تنشر الديمقراطية في الخرطوم ؟؟ يعني هسع يا بريمة لو مسكتوا السودان راح تحكمونا بديمقراطية البعاعيت !!! مش احسن تتحرروا من الدجل والاساطير دي بالاول او بالأحرى تنشروا الوعي ؟؟ ليه هسع نحن ما عندنا بعاعيت ولا ناس السويد والنرويج مثلا ما عندهم ؟؟؟ بريمة ، دا لو انت المهندس العايش في امريكا دي ثقافتك فما هي الثقافة التي يريد ان يحكمنا به من لا يحمل حتى شهادة اعدادية من جنودكم المدججين بالسلاح ؟؟ ديمقراطية البعاتيت !!!!!!!!!! تحياتي
Quote: يعني هسع يا بريمة لو مسكتوا السودان راح تحكمونا بديمقراطية البعاعيت !!!
يا مولانا اكتر من البعاتي البطلع كل اسبوعين ڤيديو ، يا مولانا هذا الجنكوزي قبل كده ضرب ليه مرأة مريضة أو مختلة عقلياً بي فرار ومصر على إنها بعاتية الجنجنة تجري في جيناته
11-16-2023, 02:31 PM
كمال عباس كمال عباس
تاريخ التسجيل: 03-06-2009
مجموع المشاركات: 17168
Quote: لجنجاكوزي بريمة الناطق الرسمي بإسم الجنجويد بأمريكا ماذا يحدث في اردمتا
........
Quote: دعامة الوطن" .. ترسوا البحر صددوا .. الثورة الفكرية مشتعلة ضد الفلول!
يامنتصر رسخت الفكرة دي يامنتصر في دماغ بريمة بس ما أكتفي بزعامة الجماعة في أمريكاوإنما ـ تطلع وسعي لزعامتهم في كل الأسافير ووالفضاءكقائد مؤسس ـ ومنظر تأصيل للجنجويدوهكذا مزج الكوزنة والجنجودة ـ ونسف مجهودات عزت الماهري التي تتبرئ منالكوززنة وتتمسح في خطاب اليسار الحداثي ـ مابعيد يعلن الجهاد علي الماهري...... يقول بريمة
Quote: سوف نأتي . للتأصيل لأفكار هذه المجموعة .. وهى مجموعة جاءت بسبب تقارب مواقفها
Quote: يا مولانا هذا الجنكوزي قبل كده ضرب ليه مرأة مريضة أو مختلة عقلياً بي فرار ومصر على إنها بعاتية
يعني ننتظر فرارنا من بريمة يا منتصر ؟؟ الثقافة دي يجب ان تقتلع من جذورها لا ان تنشر في الأسافير ، ومفروض نرفع دعوى على بريمة بتهمة نشر الخرافة والهلوسة !!! غايتو يا بريمة انا متبرع اديك كورسات تساعدك على الاقلاع بس لازم تجيني بدون فرار ولا سكين !!!!
Quote: الجنجنة تجري في جيناته
مونتي باغت في التوصيف !!!!!!!!
12-08-2023, 05:17 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27777
ذات مرة، وقتها كنا صغار، أنجبت أبنة عمى، طفل جميل غاية في الجمال والحسن وكان الناس يتفرجون في جماله الذي يشبهونه بجمال سيدنا يوسف. ولكن سبحان الله، بعد شهرين من الولادة نمى رأس الطفل ليصير ضعف جسمة .. رأس الطفل بقي كبير .. حتى صار شعر رأسه كأنه جزر منفصلة في محيط رأس ضخم. وصار صوته بشع أشبه بصوت بعبع وليس طفل .. سرت إشاعة أن أبنة عمى ولدت شيطان وأن الجمال الباهر هو جمال السياطين .. أها نحن الأطفال دخلتنا من الخليقة (الولد) خوفة .. وبقينا لا نقربوا بيت بنت عمى نهائياً .. فتركناها هى وشيطانها ..
شاءت الأقدار ذات يوم أن ذهبت بنت عمى لورود الماء مع النساء وأوكلت أطفالها بأن يراقبوا أخوهم .. وهو نايم داخل البيت .. صحي الطفل وصار يلعب ويرفس فغطي وجهه بالتوب وصار يصرخ صراخ عالي بصوت بشع .. والزمن داك كان كل أهل الفريق ذهبوا لأغراض معايشهم وفضلنا نحن فقط الأطفال .. فجاءت أبنة بت عمى تجري وتخبرنا (نحن أخوالها) رغم صغر سننا .. أن أخيها البعاتي حصلت له حاجة وهو في حالة يوغوغ مثل الكلب الذي يعض فيه أخرون .. أو شيئ من هذا القبيل! .. حملنا عصينا، ونحن نحمل عصينا في أي وقت،
طبعاً الناس يتهامسون أن الطفل هو ولد شيطان .. لكن نحن بالمنظر والبشاعة التى شفناها كنا نظن أن بت عمنا ولدت طفل جميل (كلنا شفناه) والبعاعيت شالوه وأستبدلوه بولدهم البعاتي .. والأمر صار محير، أن البعاتي عايش في فريقينا .. في تلك السن، أنكرت ضمائرنا أن الطفل الجميل الذي رأيناه لا يمكن أن يصير بتلك البشاعة المقزعة .. بشع بشاعة لا تحتمل .. وكنا نافرين منه تماماً ..
المهم، خرجنا وما عارفين نعملوا مع البعاتي الصغير شنو؟ .. المهم عندنا رأي شبه إجماع إذا لقيناه تعفرت زيادة علي اللزوم نقتلوا البعاتي ونريحوا أنفسنا وبت عمنا منه .. مشينا وعصينا فوق وسكاكيننا في ضرعاتنا .. وحينما وصلنا .. خفنا عديل ندخلوا عليه بالباب .. العياط واقف فوق وصوت غريب ومزعج ... وهو كان مرقد في عنقريب صغير جوار حافة البيت البقاري الذي يبنى من القش في دار المصيف .. قديت البيت بالجنبة .. وبالعصاة رفعت عنه الغضاء وأنا خارج البيت .. وحينما أنكشف الغضاء ألتفت عليّ .. لم أر حياتي مثل هذه الخلقة .. رأسه أكبر من ثلاثة أضعاف بقية جسمه .. وهناك أصابتنى حالة غريبة وقعت علي قفاي .. وأصحابي جرونى من أيدي للخلف حتى لا يلم فينى البعاتي .. ترجلت قمت علي طولي .. قلت لهم لا تدخلوا عليه يصيبكم بمرض "البردة" حاجة زي الصعقة الكهربائية .. ربما صعقنى وأوقعنى علي قفاي .. بقينا ندوروا حول المنزل وننظروا إليه من الباب ومن الفتحة التى عملتها في حافة المنزل ..
في تلك الأثناء حضرن النسوة من ورود الماء وجئن يجرين نحونا .. فوجدننا في حيرة وربكة كبيرة ومازال البعاتي الصغير مزعج في العياط .. فدخلت بنت عمى وأخذته وأرضعته فرضع .. ولكن تأكدنا راسه وحده يساوي حمل بعير .. وهناك قلنا هييع .. وأصابتنا أم هلا هلا .. فتم تدخيننا ببخور أم الصبيان ..
لم يمر أكثر من أسبوعين حتى توفي المولود بصورة طبيعية .. نام ولم يصحي، مات في نومه .. لم يبك عليه شخص في الفريق إلا أمه فقط .. وحتى أشقاءه حمدوا الله .. الذي لا يحمد علي مكروه سواءه.
--------------- ظلت القصة راسخة في ذهنى حتى دخلت الجامعة .. وحكيتها لطبيب، ذكر لي أنها حالة نادرة تحدث في واحد من المليون طفل .. بسبب النمو غير المتكافئ لأعضاء الجسم .. خلل جينى. لو كان أحمد الرعديد شاف الموقف دا كان جن جد جد.
Quote: ظلت القصة راسخة في ذهنى حتى دخلت الجامعة .. وحكيتها لطبيب، ذكر لي أنها حالة نادرة تحدث في واحد من المليون طفل .. بسبب النمو غير المتكافئ لأعضاء الجسم .. خلل جينى. لو كان أحمد الرعديد شاف الموقف دا كان جن جد جد.
وهال اقتنعت بكلام الطبيب وعدت الى أهلك لتوعيهم بذلك ام ما زال البعتنة معشعشة ؟؟ يعني هسع في بعاتي ام لا ؟؟
12-10-2023, 08:31 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27777
لا .. ما في بعاتي! .. لكن لكي تري، نحن كقبائل عربية رعوية في غرب السودان لدينا مركبّ ثقافي بيئي .. يتداخل مع تديننا .. وسبل عيشنا وفهمنا للحياة من حولنا .. ومثل هذا النهج الثقافي يمتد من جنوب النيل الأزرق إلي غرب السودان وتشاد وشمال الكميرون وشمال أفريقيا الوسطي. وهذا الموضوع له صلة ثقافية بالهجرات إلي بيئات جديدة وظهور مخاطر بعضها معلوم وأخر متخيّل ولكي يفهمونها يقومون بتأويلها .. ولذلك حينما كتبت عن تعليم صغار البقارة في السابق ذكرت أن التعليم الذي علي مقرر قومى موحد في مرحلة الأساس غير صحيح لأننا نحتاج نبدأ بدحض التراث السالب (حبوباتنا هن معلماتنا الحقيقيات .. (تتذكر في قصة شجرة العرديبة أم جرسان أنا قاعد أقول أن حبوبا قالت أمسوا الحسبنة وأن حبوبا قالت ..) .. حتى اللغة العربية اتى نتحدثها نختلف عن لغة المقررات .. أستاذ من شمال السودان ذهب إلي جنوب دارفور وحين ذهب للتلاميذ الصغار في الصباح .. قال لهم: صباح الخير .. زول أشتغل به مافي! رجع للمدير قال له أولادكم ما عايزنى؟ المدير قال له: قلت لهم شنو؟ قال حييتهم: صباح الخير ولم يردوا عليّ التحية .. قال له أرجع وقول لهم: أصبحتم طيبين؟ .. بالصوت الواحد أجابوا: عاااااافيه!
اليوم بعد ما ظهرت ثقافتننا في معافرة الشدائد ومواجهتها بحزم وقوة وشجاعة الأنسان البدوي، الأن بس تجوا وتقولوا لينا .. تعليم أهلكم؟ المدارس زمان كانت حقتكم براكم .. نحن فرقان وفرقان لن تجد فيها من يفك الخط .. يا ول أبا، هذا الوطن مكلوم في أي جهة توجه.
------------------------ أها خلاصة القول: تقبّلونا بما خلقنا الله به .. علي الأقل في المستقبل نحموا ليكم حدود الوطن .. وليس بيعه حينما يعلم الأعداء أن السودان به رجال أشداء.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Elhadi
Ahmed Yassin
Biraima M Adam
Arif Nashed
HAIDER ALZAIN
آدم صيام
Mahjob Abdalla
Hassan Makkawi
محمود الدقم
طلحة عبدالله
هدى ميرغنى
كمال عباس
فيس بوك
تويتر
انستقرام
يوتيوب
بنتيريست