|
Re: الجلابة الأمراء وناس غرب السودان قوات ووز (Re: أبوبكر عباس)
|
أول خطوة للحل أن يعترف الجنجويد بأن الإمارة للجلابة ولهم الوزارة.
بالمناسبة الفريق شمس الدين كباشي جلابي.
يا بريمة لو محتاج لشرح وأنت الذكي ممكن أشرح ليك تعريف جلابي في هذه المرحلة تعني شنو، بالمناسبة حمدوك برضو جلابي وصلاح مناع برضو، جبريل كان جلابي
| |
|
|
|
|
|
|
Re: الجلابة الأمراء وناس غرب السودان قوات ووز (Re: أبوبكر عباس)
|
ول أبا المستنير،
Quote: أول خطوة للحل أن يعترف الجنجويد بأن الإمارة للجلابة ولهم الوزارة.
بالمناسبة الفريق شمس الدين كباشي جلابي.
يا بريمة لو محتاج لشرح وأنت الذكي ممكن أشرح ليك تعريف جلابي في هذه المرحلة تعني شنو، بالمناسبة حمدوك برضو جلابي وصلاح مناع برضو، جبريل كان جلابي |
جيداً جيت .. أها، أشرح لينا .. كيف يعنى شمس الدين جلابي! أنا أعرف الجلبنة هى حالة ذهنية .. ممكن تأتي عن طريق التعايش أو عن طريق التدجين من خلال أحزاب الجلابة.
بريمة
| |
|
|
|
|
|
|
Re: الجلابة الأمراء وناس غرب السودان قوات ووز (Re: توفيق عيسى مكي)
|
يسعدني فط المتداخلين والترحيب بالأمير توفيق سيد الرصّة والمنصة.
عبد الله التعايشي جدو تونسي وهو أكثر عروبة مننا نحن أحفاد العباس، لكن مشكلتو ما عندو ختم البحر، عشان كدو هو حريف قدم قدامو الدنقلاوي خريج مؤسسات الجلابة والدنقلاوي الفصيح دا نحن ما عندنا معاهو مشكلة ما دام متشرب من ثقافتنا.
نحن ممكن نقبل علي الحاج برحابة صدر ليكون رئيس للبلاد هو تشرب من ثقافتنا وبقى يآكل في صينية ويتمسح بالكريمات ويسمع للكاشف، لكن لا يمكن نقبل بواحد من الغرب يحكمنا بالسلاح، قد ينتصر لبعض الوقت ويخرب لينا مدنيتنا لكن بنكشوا.
غلطة التعايشي الكبيرة انو ظن أنه تمكن وقام حارب الخليفة شريف ودي كانت أكبر غلطة في حكم الخليفة ومن أول كان يخلي الخليفة شريف هو الحاكم ويحكم عبره، لكن البدوي لو اتفلسف زي حميدتي دا بجيب لأهله مصيبة، التراتيبية الثقافية دي حاجة مهمة زي اوباما لو لم يكن أبيض الثقافة لما حكم الولايات المتحدة
| |
|
|
|
|
|
|
Re: الجلابة الأمراء وناس غرب السودان قوات ووز (Re: أبوبكر عباس)
|
حبيبنا المستنير تحياتي
بوستاتك جاذبة
ناس المهدي، في جزيرة لبب ما كانَوا عندهم سواقي كانوا ناس مراكب.. رواويس.. والرواية في المنطقة تقول ان والده اختلف مع نميرنتود (جد نميري) كان حاكم وقلعته موجودة لليوم باسم (نميرنتود دب) واصدر أمره المغادرة وفعلا غادر المركب السفري.. وما زالت آثار منزلهم بافية هذه هي رواية الاجداد عن المهدي في أشياء لم يتطرق إليها الباحثون تحياتي يا جميل
التعامل مع المنبر صعب جدا جدا جدا
| |
|
|
|
|
|
|
Re: الجلابة الأمراء وناس غرب السودان قوات ووز (Re: علي عبدالوهاب عثمان)
|
يا إسماعيل وبريمة، أُكرر سيبوا اللفة الطويلة دي، زول ما ثقافتو ثقافة جلابة وطالع من مؤسسات الجلابة ما بنخليهو يحكمنا لو نطط. الكباشي دا ممكن يحكمنا فهو جلابي الثقافة بياكل في صينية وبنوم العصر وبستحمى المغرب وبسمع الكابلي وبشجع الهلال وكذلك علي الحاج وحمدوك وحامد شارف، لكن حميدتي وأهلو ديل لو الدنيا انطبقت ما عندنا ليهم غير الرجل الثاني. فشنو؟ ما تتعبونا ساكت
| |
|
|
|
|
|
|
Re: الجلابة الأمراء وناس غرب السودان قوات ووز (Re: أبوبكر عباس)
|
ول ابا ابكر الطويل..حبابك يا صديقي..
اتخيل لي الأهم دولة العدل..
الأمراء والوزراء ، كائنات الى زوال..يعني (زايلي ونعيمكي زايل)..!!
بالنسبة لواقعة السقيفة..طبعا تذكر استاذنا دكتور محمد شحرور..وفكرته لدراسة الإسلام والقرآن ،لقد ساعدتني ، تلك الفكرة ، كثيرا في ترسيخ ما كنت اخشى الجهر به.. ثم.. افتقد كثيرا شيوخنا في الجمال السادة هاشم محمد الحسن ومعاوية الزبير ، عليهما السلام ، ورضي الله عنهما اينما كانا وكيفما كانا..
وبث..!! تحياتي كبر
| |
|
|
|
|
|
|
Re: الجلابة الأمراء وناس غرب السودان قوات ووز (Re: أبوبكر عباس)
|
تحياتي يا أبا بكر وكل الحضور الطيبين
بعيد عن لب الموضوع
تعرف يا بكري انت بلا منازع ولا رصيف ممكن تكون بطل العالم والله في حاجة فريدة وعجيبة وصعبة جدا وما اظن المقدرة البتقدر تعملها بتتوفر عند ناس كتار
حاولت القى اسمها الممكن يكون expressive ليها لكن ما لقيت اسم او تصنيف معروف لكن أقرب حاجة ليها شي اسمه في ادب الانجليز وثقافتهم ال Mock Satire وده شي بالمناسبة صعب جدا وما ساهل وانت والله يا بكري حزت قصب السبق فيه زي ما بتقول العرب
تصدق حفزتني والله انه الزول يعمل فيك research او بالميت survey
دي بالجد والله ملكة عجيبة جدا وسمحة
ب اللفة: ما يقوم يسمعنا الخواض
هههههه
| |
|
|
|
|
|
|
Re: الجلابة الأمراء وناس غرب السودان قوات ووز (Re: أبوذر بابكر)
|
سلام بابكر عباس عليك الله اذا حسع ادوك خيارين انك تقعد تتونس مع حميدتي او السجمان العوير الخيوبة عمر بشير حتختار منو ؟ اذا اخترت حميدتي حيونسك بالابل والناقة وحيكون في شيء مشترك وكمان حميدتي بقعاده مع الكيزان عرف القصير والسكران الما بصلي وابتدأ يتكلم بكلام خريجي الجامعات مثل (ما تعملوا لينا هديك) ثم تطور عندما قال ( الجماعة ديل ياسر عرمان عامل ليهم فوبيا) .... انا لا اتوقع ان العوقة عمر بشير بكون بعرف phobia يعني شنو. المهم في الامر ان حميدتي بيشبه الجلابة النيليين في شكله وكلامه ورؤيته للاشياء، فأرجو منك ان تقوم بحملة اسفيرية تنويرية لدعم حميدتي لحكم السودان
| |
|
|
|
|
|
|
Re: الجلابة الأمراء وناس غرب السودان قوات ووز (Re: Zein Abdalla)
|
المهم في الامر ان حميدتي بيشبه الجلابة النيليين في شكالمهم في المرهم ر ان حميدتي بيشبه الجلابة النيليين في شكله وكلامه ورؤيته للاشياء، فأرجو منك ان تقوم بحملة اسفيرية تنويرية لدعم حميدتي لحكم السودانله وكلامه ورؤيته للاشياء ، فأرجو منك ان تقوم بحملة اسفيرية تنويرية لدعم حميدتي لحكم السودان ######## الحبيب زين ماشاء الله ملاحظة قوية ممكن حبيبنا المستنير يتولى الموضوع لانه فريد من نوعه في الكتابة اسلوب متفرد مودتي الاحباب
| |
|
|
|
|
|
|
Re: الجلابة الأمراء وناس غرب السودان قوات ووز (Re: أبوبكر عباس)
|
يا علي عبد الوهاب كيفنك؟ دكتور زين عبد الله دا أخصائي كبير في مستشفى لندن التعليمي، ونحن محظوظين إنو لقى ليهو فرقة في كافتريا المستشفى تصفح البوست ورسل لينا المداخلة دي وهي فيها إشارات كودية لود قديم بيننا، قبل أرد على الخيار بين بشة وتور الخلا خليني أقول ليك إنو زين دا هو من أكتشف موهبتي في كتابة الحكي وشاركني كتابة نصي الأول جك الفول وكان شاهد على كتابته خلال عشرة دقائق بمنتدى سودانيات،
فشنو يا جماعة؟ بختكم بزيارة دكتور زين دا للمنتدى
| |
|
|
|
|
|
|
Re: الجلابة الأمراء وناس غرب السودان قوات ووز (Re: أبوبكر عباس)
|
يا مستنير مدخلك جميل...السهل الممتنع..السهل الممتع..
كتابتك يا حلو خاتف لونين بين الجد والسخرية والفكاهة..كل واحد ينظر للجانب البعجبه.. يعني بدون زعل..
حاجة كده زي الرقراق..
**من ناحية أخرى ومهمة إنت شخصت جزء مهم من المشكلة بين ناس الغرب وبين ناس الوسط وهي الثقافة.. وعشان أكون أكثر تحديدا
الهوية الثقافية...هذه الهوة لم تفلح السنوات ولا المعايشة للكثيرين في منطقة الوسط على تجاوزها..
بالجد الموضوع بيحتاج إلى تحليلات علمية عميقة.. الموضوع ليس السياسة كما يقال.. وليس الاقتصاد.. وكما ذكرت أنا في بوست سابق"ليست الموارد"
نحن أولا وأخيرا مواطنون وإخوة وفي بلد واحد ما حدث بيننا شيء مخزي... لكن الشيء الأكثر خذلانا هو أن الجميع مصرين على المضي إلى نهاية الشوط..
** الغريبةهذه النظرة الجهوية العميقة لا نجدها في مصر..على سبيل المثال...
| |
|
|
|
|
|
|
Re: الجلابة الأمراء وناس غرب السودان قوات ووز (Re: محمد عبد الله الحسين)
|
Quote: الغريبة هذه النظرة الجهوية العميقة لا نجدها في مصر..على سبيل المثال... |
عشان كده يطلق عليهم "أُمة" نحن مستحيل يطلق على شعبنا "أمة" قادتهم السياسيين على مر التاريخ لم يسمحوا للقبلية ان تتفشى في مجتمعهم بالصورة اللي عندنا حاربوا القبلية في الصعيد بفهم جيد نحن ساستنا عملوا على تعزيزها عشان يكبروا كومهم سياسياً والعسكر بالطبع من نفس البيئة شوف محاولات البعض عمل فتنة وسط الاسوانيين ، وكيف حكومتهم تعاملت مع الموضوع ده
| |
|
|
|
|
|
|
Re: الجلابة الأمراء وناس غرب السودان قوات ووز (Re: حيدر حسن ميرغني)
|
كلما تتبادر إلى ذهني عبارة "أصحاب الإمتيازات التاريخية" أتمثل قصة البروف الراحل عبد الله الطيب - طيب الله ثراه يقال انه لما ابن مدينته الشاعر الراحل محمد النهدي المجدوب ذهب لإستخراج جواز سفر طلبوا منه ابراز الجنسية (اجراء عادي متعارف عليه) البروف استنكر الطلب ده وقال كيف زول مثل ود المجذوب مُشلخ H يسألوه عن الجنسية .. وهل في جنسية اكثر من شلوخه ؟ - مثلث حمدي ده لازم يُعاد ضبط المصنع حقه
| |
|
|
|
|
|
|
Re: الجلابة الأمراء وناس غرب السودان قوات ووز (Re: حيدر حسن ميرغني)
|
Quote: مرحب بقطب الأقطاب سيدنا محمود الزبير شنو يا زول خلاص كلم الجماعة فوق خليهم يكفوا البلاء دا، أرحم بجودك دلي الغوث ينزل في بلودك شئ لله يا راجل البركل يا قايم الليل ماب تكسل يا عايم بالله اتوكل قول للدود من بلدى اتفضل |
ابكرونا سلام تاني خليني احكي ليك دي بمناسبة الأقطاب: نميري لمن عمل انقلابو جاب ليك الجماعة كلهم في السجن ، اها واحد من البرلمانيين من ناس الشرق جاتو امه تزوه في السجن وقالت ليهو يا ولدي خلاص بتطلع من السجن انا ندهت ليك كل الأولياء الأحياء والأموات ، الزول كان فيهو عرق وهابية ، قال ليها يا امي ركزي على الأموات الأحياء ياهم ديل معانا في السجن !!!!! قصة الأولياء دي خلاص تاني ما جايبة دخل ، عمليا اكثر الجنود موتا في هذه الحرب هم من يتسورون الحجبات ، تلاقي الرصاصة قادة كل التمائم ومخترقاه ، وطبعا لو في عفاريت بتكون هي ذاتها اكلها البارود . ابكرونا واصل في الاستنارة خليك من الرجعية وشيوخ الهوس !!!! تحياتي
| |
|
|
|
|
|
|
Re: الجلابة الأمراء وناس غرب السودان قوات ووز (Re: محمد الزبير محمود)
|
حبيبنا حيدر سلامات
Quote: كلما تتبادر إلى ذهني عبارة "أصحاب الإمتيازات التاريخية" أتمثل قصة البروف الراحل عبد الله الطيب - طيب الله ثراه يقال انه لما ابن مدينته الشاعر الراحل محمد النهدي المجدوب ذهب لإستخراج جواز سفر طلبوا منه ابراز الجنسية (اجراء عادي متعارف عليه) البروف استنكر الطلب ده وقال كيف زول مثل ود المجذوب مُشلخ H يسألوه عن الجنسية .. وهل في جنسية اكثر من شلوخه ؟ - مثلث حمدي ده لازم يُعاد ضبط المصنع حقه |
..
****والله انت متحيِّل بس...هسه كلام البروف ده فوقه شنو؟ الH جواز سفر ورقم وطني وشهادة ميلاد تاني شنو كمان؟
قال "اصحاب امتيازات تاريخية"قال..
- مثلث حمدي ده رمز تاريخي ياخ ههههههه
تحياتي ***
| |
|
|
|
|
|
|
Re: الجلابة الأمراء وناس غرب السودان قوات ووز (Re: محمد عبد الله الحسين)
|
تصدق يا محمد الإمتيازات دي مرات مخجلة جدا مشيت انا وشقيقيتي لاستخراج الرقم الوطني من مركز قريب لبيتنا (الحلفايا) اتسلحنا بكل المستندات المطلوبة ، تصدق ولا سألونا عنها ، اليوم التاني إستلمتنا الارقام المهببة دي كنت بمشي يومياً على مدار اسبوع اوزع قوارير مياه معدنية على الناس الواقفة في الصف (هجيرة شديدة) لاحظت وجود ولد شاب كان معانا في الصف من اول يوم جينا فيه للمركز سألته عن سبب التأخير في إستخراج الرقم ، قال لي الضابطة طلبت حضور والده او عمه ومعاهم شهادة الجنسية الشاب ده عاوز يسجل في الجامعة لكن طلبوا منه الرقم الوطني لإكمال التسجيل يا زول اخذته ودخلت على الضابطة (بلباس مدني) ومكتوب في طاولتها العميد .... سألتها عن سبب تأخير معالجة طلب هذا الشاب ((معه شهادة ميلاد والشهادات المدرسية وشهادة السكن) قالت لي عاوزة تتأكد انه سوداني .. تخيَل ، لذلك طلبت حضور والده من (كُتم) والولد قال ابوه راجل كبير ما بقدر يتحرك وما عنده اعمام وهو الولد الوحيد المهم عملت معاها حبة شمطة (إنو هي ما هندها الحق عشان تقرر الشاب ده سوداني ولا ما سوداني) وليه تمنحني انا وشقيقتي الرقم دون السؤال عن شاهد وجنسية وشهادة السكن نادت على العساكر ليخرجوني من مكتبها ، صرفت ليها بركاوي من أمه (عملت ليها فيها اني صحفي) واني سأكتب عن هذه الواقعة ضابط شرطة ساكن في حينا مشى قرقر للضابطة حاجة في أضانها وساقني إلى خارج المكتب قال لي الولد اموره ستنقضي اليوم ولا تقلق المهم العصرية مشيت قعدت مع ست شاي ، جاني الشاب ده ومعاه احد اقربائه كانوا بفتشوا عني لمعرفته اني ساكن قريب من المركز... اخرج لي شهادة الرقم الوطني وهو فرحان اها لو ما نحن بالفعل اصحاب امتيازات تاريخية ، الفرق شنو بيني وبين الشاب ده في المواطنة؟ يبدو إنه ضباط الخدمة المدنية زمن الشاعر الراحل المجذوب كانوا اكثر ديمقراطية من هذه الضابطة اللي مركز الكون كله عندها في الشريط النيلي .
| |
|
|
|
|
|
|
Re: الجلابة الأمراء وناس غرب السودان قوات ووز (Re: حيدر حسن ميرغني)
|
Quote: الضابطة طلبت حضور والده او عمه ومعاهم شهادة الجنسية |
سلام حيدر زمان زمن الكشات بتاعة اللاجئين الاريتريين من الخرطوم يجي الدفار ويقبضوا الجماعة ويركبوهم فوقه ويرجعوهم علي كسلا. زول بشبه الاريتريين قبضوهو فقال للعسكري انه سوداني وطلع للعسكري شهادة الجنسية السودانية كاثبات. العسكري شال الجنسية وعاين ليها وطوالي شرطها(مزقها) ورماها بعيد وقال ليهو كدا انت ما سوداني ... يلا أركب فوق الدفار مع اخوانك.
| |
|
|
|
|
|
|
Re: الجلابة الأمراء وناس غرب السودان قوات ووز (Re: Zein Abdalla)
|
سلام اخ حيدر حسن ميرغنى~ هنا كمان الجنجويد الوحوش يقومون بإبادة السكان الأصليين https://www.msn.com/en-us/news/world/they-called-me-a-slave-witness-testimony-exposes-alleged-rsf-led-campaign-to-enslave-men-and-women-in-sudan/ar-AA1k3B6dhttps://www.msn.com/en-us/news/world/they-called-me-a-slave-witness-testimony-exposes-alleged-rsf-led-campaign-to-enslave-men-and-women-in-sudan/ar-AA1k3B6d
Quote: 'We will not leave any black skin here': Refugee describes alleged ethnic cleansing in El Geneina The Lead
CNN's Nima Elbagir travels to Sudan's neighboring country Chad where thousands of people have fled after a new surge in killings and fighting broke out in West Darfur by the paramilitary Rapid Support Forces.
|
| |
|
|
|
|
|
|
Re: الجلابة الأمراء وناس غرب السودان قوات ووز (Re: حيدر حسن ميرغني)
|
Quote: Quote: هنا كمان الجنجويد الوحوش يقومون بإبادة السكان الأصليين
|
Quote: هوووي يا هدى ده بوست "امتيازات تاريخية" ما عنده شغلة بالدعم والفلول فـ شنو .. ما تتكلمي في السياسة |
أخ حيدر هسه الجاب سيرة السياسة هنا منو؟ *عجبنى موقفك فى نصرة الحق مع ذاك الشاب والرقم الوطنى *كنت متوقعاك تخطف سيفك وطيران على أردمتا لنصر الإنسانية التى تُنتهك وتُقتل نتيجة للامتيازات الوهمية كما التاريخية بناءً على إنهم عرب او لونهم … (ما لقيت أيقونة الوجه الأخضر عشان ألصقها …)
| |
|
|
|
|
|
|
Re: الجلابة الأمراء وناس غرب السودان قوات ووز (Re: حيدر حسن ميرغني)
|
Quote: Quote: هنا كمان الجنجويد الوحوش يقومون بإبادة السكان الأصليين
|
Quote: هوووي يا هدى ده بوست "امتيازات تاريخية" ما عنده شغلة بالدعم والفلول فـ شنو .. ما تتكلمي في السياسة |
أخ حيدر هسه الجاب سيرة السياسة هنا منو؟ *عجبنى موقفك فى نصرة الحق مع ذاك الشاب والرقم الوطنى *كنت متوقعاك تخطف سيفك وطيران على أردمتا لنصر الإنسانية التى تُنتهك وتُقتل نتيجة للامتيازات الوهمية كما التاريخية بناءً على إنهم عرب او لونهم … (ما لقيت أيقونة الوجه الأخضر عشان ألصقها …)
| |
|
|
|
|
|
|
Re: الجلابة الأمراء وناس غرب السودان قوات ووز (Re: حيدر حسن ميرغني)
|
حيدر~ *لم يحدث ان صنفتك بأنك جنجويدى *ولم أفهم مقصدك مخاطبتى ب "جيشك"! …كل الذى عنيته واكرر أعجبنى موقفك من رفض الظلم فى صف الرقم الوطنى كنت اود ان اسمع رأيك وموقفك من الذى حدث فى أردمنتا، وقد يتواصل وهو أفظع ملايين المرات ودلالة على ما ينتظر السودان من ظلام وظلم
| |
|
|
|
|
|
|
Re: الجلابة الأمراء وناس غرب السودان قوات ووز (Re: هدى ميرغنى)
|
Quote: *لم يحدث ان صنفتك بأنك جنجويدى |
انا ما قلت كده يا هدى ، قلت هناك بوست كبير وعريض موصوف فيه ان بهذا الوصف بعدين يا اختي الفاضلة ادانتي لما يحدث في أردمنتا سبقتها إدانات ببوستات عريضة منذ 2005 لجرائم الدعم السريع منذ نشأته على أيدي فلول الجيش الذين يتباكون منه الآن يعني ما بالضرورة عدم ادانتي لها الآن يعني قبولي لهذا النهج الإجرامي وقوفي ضد الجيش لا يعني مساندتي للدعم السريع.
| |
|
|
|
|
|
|
|