|
|
|
 Re: الفريق ياسر العطا متحدثا وسط تكبيرات الضب (Re: Yasir Elsharif)
|
الهنبول ياسر العطا المتكوزن وقد قيل الكوز ولا المتكوزن
يتحدث عن الجرائم التاريخية بكل قوة عين كأنه لم يكن جزء من جريمة فض الاعتصام
وجريمة قتل الثوار وملاحقتهم واغتصابهم والزج بهم في السجون
وكأنه لم يكن جزء من محاولة ابادة شعوب دارفور والنوبة
يتحدث عن الجريمة التاريخية ونسي ان وجوده في القوات المسلحة في حد ذاته جريمة تاريخية
ياسر نحنا بقي يعرف يتكلم كمان سبحان الله
ياسر نحنا مكانه مقصلة الاعدام برفقة اللجنة الأمنية وحميدتي فحميدتي ليس باسوأ منهم ولا هم بافضل منه
فكلهم مجرمين قتلة مغتصبين وسارقين للسلطة وعملاء
ياسر نحنا الحنكوش بقي زي الناس بيعرف يخطب كمان سبحان الله
اصبح السودان دولة فاشلة يوم ان اصبح عسكرييه سياسيين او حاولتهم ليصبحوا سياسيين
ياسر نحنا انكتم عليك الله عشان ما تذكرنا ايام خطابات اب قلبا ميت البشير الكلها كذب وعيك عاك ديك
ياسر نحنا الذي يهدم في بيوت المواطنين بحجة اخراج الدعم السريع منها والذي كان اولي له ان يخرج الدعامة من القيادة العامة المحاصرة
والمعسكرات التي استولوا عليها اخر من يتحدث عن الجريمة التاريخية
قرف يقرفك
| |
 
|
|
|
|
|
|
|
|
Re: الفريق ياسر العطا متحدثا وسط تكبيرات الضب (Re: عبدالقادر محمد)
|
عمرو يس كتب
ياسر العطاء وأزمة المؤسسة العسكرية
الفريق ياسر العطا في ڤيديو قال هو كان قال ليهو أحكم السودان ما بيحكمو. إنتو الزول دا استقال من مجلس السيادة ولا شنو؟! وأنت يعني حاليا ما حاكم السودان يا ياسر العطاء؟! في لقاء تلفزيوني ما قلت نبوؤة صدام اتحققت!
تانيا، تفسير الفريق ياسر العطاء للحرب دي قال ابتلاء. وقال كيف زول ما كمل تانية ابتدائي داير يحكم السودان. وعساكر الجيش للأسف بيسمعوا في كل الكلام الفارغ وقاعد يقولوا وارو الله أكبر!
الله أكبر على ياسر العطا يا عساكر الجيش. الحرب دي ما ابتلاء جا من ماف زي الزلازال كدا وزملاؤكم الفقدتوهم ديل ومأساة الحرب دي سببها الرئيسي عساكر مجلس السيادة. هو يا سيادة الفريق وقت هو زول تانية ابتدائي ما تماها أنت بتديهو التحية وتضيع شرف الشارات العسكرية بتاعت الفريق الفي كتف دي لي؟ بتبقوه نائب رئيس مجلس سيادة لي؟! بتتكلم قبله في المخاطبات و تقدمو بي إنك تقول "والآن أقدم ليكم (سعاتو) حميدتي" لي؟!
يا عساكر الجيش يكفيكم في نبل المهمة القاعد تخوضوها بي شرف وبسالة دي إنكم ما ترددوا بالتكبير خلف ناس زي ديل. مفهوم من واقع بيروقراطية المؤسسة اللي على سوء تبعاتها أعظم ما نملك اليوم كسودانيين، واللي نحن ما طالبين منكم تتجاوزوها أصلا، مفهوم تماما إنكم تتبعوا أوامرهم، وماف مانع تكبروا خلفهم من باب الحرب خدعة، لكن لازم تمقتوهم في نفوسكم ودا الما حاصل للأسف في تكبيركم دا خلفهم. الناس ديل فرطوا في شرف الجندية والأمن القومي والسيادة الوطنية كما لم يفرط فيها أحد من قبل.
هذه الحرب أعلنت نهاية السودان القديم يا عساكر الجيش. والمفروض والما أظن يحصل في أي تسوية تاريخية قادمة وبالتحديد في التسوية المدنية العسكرية، الجيش مفروض يورينا هو لي كمؤسسة ما عندو خطوط حمراء في الأمن القومي والسيادة الوطنية؟!
١/ لي المؤسسة دي بتقبل بي اتفاقية قسمة سلطة زي نيفاشا ترجعها أميال من غير توافق وطني ولا إرادة وطنية تأدي لانفصال الجنوب؟! نحن ما عندنا مشكلة الجنوب يستقل وينفصل لكن ما باتفاقية قسمة سلطة هزيلة ومطرزة بإرادة خارجية زي نيفاشا.
٢/ لي المؤسسة دي عقلها بيقبل بي قانون زي قانون الدعم السريع؟
٣/ لي المؤسسة دي عقلها بيقبل بي وثيقة دستورية تخليها شريكة مع طرف مدني؟! حسع وزارة الصحة ممكن تشارك حزب ولا القضاء ممكن يشارك حزب؟!
٤/ لي المؤسسة دي عقلها بيقيبل المهزلة البيعملوا فيها عساكر مجلس السيادة بخصوص الدعم السريع من ٢٠١٩؟! والأهم من كدا لي بعد دا عقلها بيقبل يكبِّر بفرح خلف فريق زي ياسر العطا؟! ولي قبل كدا عقلها بينتج أصلا فريق من حيث المبدأ مستعد يحي حميدتي؟!
٥/ وقبل كدا وأهم، لي المؤسسة دي عقلها بيقبل وجود تنظيمات حزبية داخلها يدرجها في انقلابات عسكرية؟!
في أي تسوية تاريخية قادمة، وما أظن تجي طبعا، لتأسيس الدولة الغلبها تتأسس من ٥٦ دي، مؤسسة الجيش لازم توفر لينا إجابات على الأسئلة دي ولازم تتوافق مع المؤسسات المدنية على تعريف المصلحة القومية بما يمنع دستورا كل الأخطاء الكارثية دي. أنا مدرك إنو العقل البيروقراطي للمؤسسة بطبيعة الحال بخليها تمشي محل ما قيادتها توديها لكن مش انتو أصحاب مصلحة أكتر مننا زاتو إنو تتعمل حدود وطنية عليا تحسم الفارغة دي؟!
كان الله سهل القعدة دي بعد الحرب، وما أظن يسهلها، حاولوا جاوبوا لينا على الإسئلة دي وللوقت داك وحاة شرف جنديتكم ما تكبروا ورا ياسر العطا في الفارغة والمليانة.
وطبعا يا أخوانا القعدة دي ما حتحصل لأنو الجيش سلطوي والأحزاب سلطوية والحركات المسلحة سلطوية والمجتمع المدني بي لجان مقاومته سلطوي. ماف مؤسسة سودانية فاعلة سياسيا يا كافي البلا داير تشتغل شغلتها وكلو بيتشطر في شغلة ما شغلته وكلو داير يشيل حق ما حقه وكلو بيكضب الكضبة ويصدقها ويتصالح مع الكضب واللاستهبال. وهو النتيجة الطبيعية طبعا الحرب دي والقادم في ظل الوعي السلطوي دا أسوأ لا محالة.
وطن مسروق
وطن اشتر
مرق من ذمة التاريخ
على ذمة كلاب الحر
ينوم بي جبة الدرويش
يقوم بي بدلة [الأفندي] والعسكر
| |
|
|
|
|
|
|
|
|
|
Re: الفريق ياسر العطا متحدثا وسط تكبيرات الضب (Re: عبدالقادر محمد)
|
شكرا دكتور ياسر
لمن قريت العنوان اتخيلت إنو الفريق ياسر العطا يتحدث وسط الجنود والضباط في مناطق العمليات أو وهي تمشط في أمدرمان من الجنجويد دخلت البوست لقيتو بتكلم من قاعة محاضرات ... واضح انو زي ما بقية العصابة محاصرين تحت الأرض هو برضو محاصر وما قادر يطلع من منطقة السلاح الطبي
والتاريخ سيحفظ لياسر العطا كلامو للمدنيين يطلعو من منازلهم ليدكها طيران الجيش غايتو كل ما يتكلم أي واحد من أفراد العصابة يصيبنا الإحباط ونحس بمدى الدمار الذي الحقته الإنقاذ والكيزان بالجيش
اله المستعان
| |
|
|
|
|
|
| |
Yasir Elsharif
ترهاقا
عبدالقادر محمد
Abureesh
Mohamed Adam
فيس بوك
تويتر
انستقرام
يوتيوب
بنتيريست