|
Re: ليلة صعبة على الجنجويــد في أمدرمان (Re: ترهاقا)
|
بعد انتهاء هذه الحرب أتمنى أن يقدم البرهان ورفاقه من قادة الجيش لمحكمة جرائم الحرب والجرائم ضد الانسانية
السودانيين ديل مشكلتهم الأزلية هي السماح للمجرمين بالإفلات من العقاب
ودي هي الحاجة صنعت حميدتي الأمي وخلتو يتفرعن
أي زول أجرم يتحاسب كان جيش ولا كان جنجويد ولا كان جن أحمر
وأتمنى إنو يكون عندنا قانون للعزل السياسي يطبق على كل من شارك في مهزلة وجريمة التسوية السياسية منذ العام 2019 وحتى الآن
| |
|
|
|
|
|
|
Re: ليلة صعبة على الجنجويــد في أمدرمان (Re: Elhadi)
|
يا الهادي ديل كتيبة مدفعية عطبرة حالفين يعدموا مليشيات الجنجويد نفاخ النار ... وبعدين المفروض يقدموهم للمحاكمة هم قيادات الجنجويد وعلى راسهم زعيمهم حميدتي واخوه عبد الرحيم دقلو ومستشاريه امام محكمة عسكرية بتهمة التمرد والخيانة والتامر مع دول اجنبية لنهب ثروات الشعب السوداني وارتكاب الفظائع في العاصمة ومنها اغتصاب النساء ونهب البنوك وحرق الاسواق والمصانع وقتل الابرياء ...
| |
|
|
|
|
|
|
Re: ليلة صعبة على الجنجويــد في أمدرمان (Re: Elhadi)
|
سلام يالهادي
فعلا كانت ليلة صعبه استخدمت فيها اصوات لاسلحة ، نسمعها لاول مره . الجنجويد يسعون حاليا للنفاد بجلدتهم. ( او ماتبقي منهم ) . نحن نشهد اللحظات الاخيرة .
٠٠٠٠٠٠٠٠٠٠٠ وبعد الحرب دي ماتقيف لكل حادث . حديث . كل من اجرم في حق الناس ، لابد من محاسبته ( مين ماكان يكون ) .
تحياتي،،،،
| |
|
|
|
|
|
|
Re: ليلة صعبة على الجنجويــد في أمدرمان (Re: Elhadi)
|
في 2019 جات أحزاب السجم والكرور وغشت الناس بانو تكلفة التغيير حا تكون باهظة
باهظة بتاع الساعة كم ؟؟ وهو في تغيير ما عندو تمن ؟؟
أهو شوف الحلول الخائبة والرخيسة وصلت البلد دي وين ؟؟ -------------------------------------------------------------- يالهادى كلامك يناقض نفسه من سطر لآخر فى السطر الاول سخرت من من قال بان تكلفة التغيير ستكون عالية فى السطر الثانى اعترفت بان للتغيير ثمن وتكلفة عالية وفى السطر الثالث تلوم الحلول الخائبة والرخيصة التى ادت لهذه الحرب ....يعنى تعود وتتعترف بان للتغيير تكلفة عالية انت تتكلم عن حلول لم تتم وعن مجموعة من الناس الشرفاء الذين قاموا بمحاولة لتدارك الموقف قبل ان تحل الكارثة لكن محاولتهم هوجمت من قبل الكيزان وقوى الثورةالمضادة وقوى اخرى تدعى الثورية مما شجع العسكر على رفض الاطارى بعد ان قبلوا به... فعلى من يقع اللوم وربما ما هو اكثر من اللوم بل جريمة وحشية ونحن نرى الدولة تنهار والابرياء يقتلون بالآلاف
| |
|
|
|
|
|
|
Re: ليلة صعبة على الجنجويــد في أمدرمان (Re: Hassan Farah)
|
Quote: ديل كتيبة مدفعية عطبرة حالفين يعدموا مليشيات الجنجويد نفاخ النار ... |
تحياتي
كلامك عن مصدر النيران المدفعية عطبرة فيهو إدانة للحيش لأنو استخدم أسلحة المدفعية في أحياء مدنية. وأكيد عارفة في فرق بين المقذوف الموجه (الصاروخ) وبين الدانة، نصف قطر محيط انفجار الدانة قد يصل المدى المؤثر لي اكتر من عشرة امتار دا غير الشظايا والقطع المتطايرة جراء انفجار الهدف، دا لو اصابت الهدف، وعشان كدا بكون في مصحح للضرب بتواصل على سبيل المثال مع المدفعية عطبرة عشان يعدلوا الاحداثيات ويعيدوا التدوين والتفجير والخراب. وحسب ما شايفة النتايج عبارة عن تمنيات لابسة توب الخبر بي قرب حسم المعركة لصالح الجيش وعلى أرض الواقع دمار وخراب وانتهاكات ونزوح ولجوء. مافي حرب مدن بحسموها بي فهم البصيرة أم حمد. وحاليا مافي قوة مدنية حالياً في الساحة عندها القدرة على الضغط على أي من الطرفين، خياراتنا انعدمت وما فضل غير خيار التدخل الخارجي (عقوبات، ضغوط لاجبار الطرفين على التفاوض، قوات حفظ سلام)، وكل ما نلجأ للخيار دا من بدري بنقلل من فاتورة الحرب.
ربنا يجيب العواقب سليمة ويحفظ السودان وأهله
| |
|
|
|
|
|
|
|