|
|
|
 Re: الإسلام حكاية لتروى (Re: أبوبكر عباس)
|
| Quote: النافذة الرقيقة وبدت ستائرها مصنوعة من عطر بنفسجي مائل للبياض، |
الحتة دي ما وقعت لي كدي اموش نوم تاني واتأكد لي منها.
طبعا بعد تتعشى حوت وكدى
مع تحياتي
| |
  
|
|
|
|
|
|
|
|
Re: الإسلام حكاية لتروى (Re: أبوبكر عباس)
|
هلا أبابكـر
عارف فى الزمن دا الكرامات والأحلام الروحية مثل التى كانت سبب قيام المهدية.. دى كلها ما بقت تجيب دخل
فى الزمن دا.. ولا بتعبها.. إلا كان الســرد الأدبى الممتع.. هسى لو فى ولى طار أمام الناس فى تايمز اسكوير
فى نيويورك.. حيصفقوا ليه ويأخذوا معاه سلفى وانتهى الموضوع.. بل الآلة الرأسمالية سوف تبتلعـه وما بعيد
بكرة تشوفه طاير وهو شايل قزازة كوكاكولا أو دعاية لشركة تأمين.. جد. لكن عشان زول يتبعه ويكون حواره
بس عشان طار.. ههههههه الزمن دا لو المسيـح زاتو سيد الإسم بعث تانى من الأموات زى ما عمل كدا المرة الأولى
والناس شافوه يتنفض من الغبار.. برضو ما فى زول حيعبره.. يجوز بعض القنوات تعمل معاه مقابلات.
| |
|
|
|
|
|
|
|
|
|
Re: الإسلام حكاية لتروى (Re: أبوبكر عباس)
|
اهلا ابوبكر
تعرف انا بوستات عديدة سابقة لك تعمّدت الا اتداخل فيها رغم رجاء البعض من الاصدقاء الرائعين.
كانت فترة اختبار.
النتيجة كانت كالآتي وهي ليست في صالحك للأسف:
لا أحد يفهم ما تكتبه غيري ، على الأقل في حدود المداخلات.
حتى عنوانك "الاسلام حكاية لتروى"، انا عارف انت جبتو من وين.
فأحسن ليك تحسن علاقتي بيك حتى أعطيك ملاحظات بوصفي كاتب قصة وناقدا ايضا تفيدك.
وتجعلك تخرج من القبو المظلم الذي تقيم فيه،
إلى فضاء السرد المبدع،
لو كانت لديك موهبة حققية.
فتشكيلك وتكوينك الادبي، غاب عنهما الصقل والتهذيب.
شفت كيف؟
| |
|
|
|
|
|
|
|
|
|
Re: الإسلام حكاية لتروى (Re: صديق مهدى على)
|
| Quote: سلام اسامة الخواض صاحبك ابوبكر عباس زمهر مستشفى التيجاني الماحي اولى به دا فقد المصداقية ههههه |
اهلا صديق
هذا كلام مسيئ وليس لديك دليل عليه.
اختلف مع المستنير اختلاف كتّاب ونقّاد ومبدعين، على الأقل من جانبي.
وقد اسخر منه أو أهجوه في حدود ما يسمح به الإبداع سواء عبر النثر او الشعر او الميمات او الفيديوهات.
مع محبتي
| |
|
|
|
|
|
|
|
|
|
Re: الإسلام حكاية لتروى (Re: osama elkhawad)
|
سلام للحبيب أبوبكر عباس
وهلا يا الخواض Quote:
فتشكيلك وتكوينك الادبي، غاب عنهما الصقل والتهذيب. |
بما أنك خطفت الكلام المقتبس دا من خشم كيبوردي مع فروق
التعبير فعايز أضيف وأقول:
وما المستجير إلا مهرجل كبير ومتظارف مجتهد
ربنا يعينه ويعين القراء على هرطقات كيبورده
خخخخخخخخخ
...........
مع كامل الاحترام للدكتور المستجير
| |
|
|
|
|
|
|
|
|
|
Re: الإسلام حكاية لتروى (Re: Arif Nashed)
|
طلب يا أخينا ناشد،
يا أخي، مع اقرارنا في حقك بالتعبير،
هل ممكن تتوقف عن إغراق هذا البوست بالرسومات،
محتاج أضيف مزيد من الأفكار لمداخلتي الأولى والاستمرار في البوست
| |
|
|
|
|
|
|
|
|
|
Re: الإسلام حكاية لتروى (Re: osama elkhawad)
|
طار بنا الناموس، أنا وخديجة ومُعاوية يريد مكة،
قلت لهم هذا ليس إتجاه مكة،
رد مُعاوية: نحن نطير نحو مكة الحقيقية
قلت لهم وأين محمد؟
ردت خديجة: إنه أنت المحمدان
نزلنا بالقرب من بداية أخدودٍ عظيم،
ظهر لنا رجل يلبس عمامة الطوارق عرفته عبد الملك، انحنت له خديجة وتبعها مُعاوية،
جاء عبد الملك وقدم لي تحية الملوك بعد أن وضع ركبته اليمنى على الأرض أمامي وفرد يديه ثم رفع رأسه من انحاءته وأقترب مني وقبّل يدي
| |
|
|
|
|
|
|
|
|
|
Re: الإسلام حكاية لتروى (Re: osama elkhawad)
|
"خفّة اليد" المستنيرة:
سؤال جلالدونا الذكي التالي:
Quote: مع ايماني التام بى حقك في التعبير بس عندي استفهام
اغراق دي لفحتها من وين |
هو إيحاء يشير إلى عادة المستنير السيئة،
في السطو على نصوص الآخرين والتطفّل عليها.
ومِمّن امتدّتْ يد المستنير الى نصوصهم:
يحيى فضل الله وأبوذكرى وشخصي الضعيف.
وآخرون من دونهم ،
لا نعلمهم ،
الله يعلمهم.
| |
|
|
|
|
|
|
|
|
|
Re: الإسلام حكاية لتروى (Re: osama elkhawad)
|
يا خواض أفندي،
أنا لمان أمزج نص لأبو ذكرى، محمود درويش أو يحيى فضل الله مع واحد من نصوصي فدي بتزيد نصوصهم ألق وشهرة.
نصي العظيم دوار يحيات الذي مزجته مع نص ليحيى فضل الله، رفع القيمة الأدبية لنص يحيى فضل الله لدرجة لا يحلم بها فضل الله.
دوار يحيات:
الصباح وأنا ماشي سيدون وقفت في دوار الشاحنات عطبرة جنب بتاع دكان كردفاني متعود أشيل حاجاتي منو،
وبشرب قهوة جنبو مع واحد كردفانية من جبال النوبة
كنا التلاتة في الراكوبة
بدون مناسبة وقبل القهوة قلت ليهم أحكي ليكم قصّة:
حكيت ليهم قصّة يحيي فضل الله بتاعت القافلة بتشويق شديد،
قلت في سري لو سلمى الشيخ سلامة التي نفتقدها بشدة في المنبر
لو كانت معانا وسمعت طريقة حكيي للقصة كانت بكت وأصرت أمشي أشتغل في الإذاعة
طبعاً كضاب أنا قلت ليكم حكيت ليهم القصة من غير مناسبة
أبداً، أي حدث في الدنيا عندو مناسبة
وقولك للناس "من غير مناسبة"
نوع من التمويج
والتمويج قريب من اللولوة وهو جعلك للحاجة السيدا تبدو مموّجة
وهو ما يجعلك تركز على صعود الموجة وهبوطها
اللهم أكفنا شر المجمجة
قلت ليهم القافلة أول ما بركنت (أناخت الإبل) في سوق جنب نيالا،
وبعد بطلنا أناخ راحلته
بالله، شوفوا أناخ راحلته دي؟
وبرضو الحاقدين ناس الخواض أفندي يقولوا لي:
أنت لا تعرف الكتابة بالفصحى!!!!
ست الشاي ركزت معاي تركيز شديد وبقت شايلة الشرقرق في يدها وغلبها توديهم للكانون،
قلت ليها بجملة اعتراضية سريعة:
بالمناسبة أنا طلبت قهوة
ودّت الشرقرق للكانون وما زال تركيزها شديد جداً
واصلت:
بعد أتغدى وشرب الشاي؛ أخدتو غفوة في العنقريب وقبل الغفوة غطى عيونو بالطاقية،
هي جات من وراهو شالت ليها سبيبة من شعرو
شعرت بورطة الاستمرار في القصّة مع تركيزها وتمنيت أن تحدث شكلة في البوست تحرفو
دخلت السبيبة في برمة فيها زيت ورجعتها مكانها في مشلعيب في الكرِقة،
الشرقرق فار ووش الجبنة اندلق
عليكم رب المجرات، اندلق دي كيف؟!
ما نبهتها للقهوة الفارت، لأنو ذهاب وش القهوة فيهو نجاة
ريحة البن المحروق غطت الراكوبة؛ انحرجت من شدة تركيزها
قلت ليها في سري، بعد دا كبيها.
ودعوت للنار التي أنجتي من برد المتابعة والتوجس
تزوجها ورفض يمشي مع أهلو وعاش معاها سبعة وعشرين سنة،
جاب فاطمة وعمر
يوم حسّت بالنهاية قالت لأختها: لو متّ أدفني البرمة جنب قبري،
جا سيل كشف البرمة، غنماية بضلفها كسرت البرمة
بعد شهر الزيت نشف وطارت السبيبة،
صحى من النوم مخلوع وجرى لمكان مناخ القافلة وسأل الناس كالمجنون:
القافلة مشت وين؟
حكى لي قال لي: الموفد الجماعة غالطوهو قالوا ليهو الله أبداً ما رسلك
قال ليهم: منو فيكم الله عشان يعرف رسلني ولّ ما رسلني؟؟
قلت ليهو: طيب ما ترجع تكتب لينا زي الكلام الطاعم دا وخلينا من كلامك الما مفهوم داك
قال لي ما بقدر، وصلت مرحلة السلام وانتو ناس حقيقة والحقيقة الانسان أكبر من الحقيقة
قلت في سري لو ترامب دا قعد ليهو فرد يوم في المسيكتاب شمال مع نبي الله يحيى؛
العالم ينصلح
وهواجسو البفكر بيها بصوت عالي دي، لو لاقى مبعوث من الله؛ بتبرد
لأنو ناس الحقيقة الناشفة هم أقرب الناس لما وراء الحقيقة (السلام)
وبمناسبة مرور لطيف بهنا دايرين لينا تعريف جديد للإله
غايتو في واحدة من خلواتي قلت:
الله دا هو ضمير الاحتمالات
| |
|
|
|
|
|
|
|
|
|
Re: الإسلام حكاية لتروى (Re: أبوبكر عباس)
|
كذلك محمود درويش ما يحلم بهذه الروعة:
هدهد محمود درويش
صوفية الشيوعيين:
الهُدْهُد:
في التمانينات كنت في سنة تانية جامعة بمجمع شمبات، كنت بلعب في ميدان السلة، الميدان محاط من ثلاثة جنبات بشجر غزير، ومن الجنبة الرابعة داخلية مدني، الداخليات في مجمع شمبات كانن مسميات على المحطات الزراعية والبيطرية، تجد غير مدني؛ غزالة جاوزت، نشيشيبة، يامبيو والحديبة وهكذا...
لمان المغرب أذن وقفنا اللعب والناس مشت الجامع، مشيت النادي جنب الميدان واشتريت شاي من عثمان وقعدت في كرسي جنب مسرح مهجور، الإمام كان بصلي بجزء من سورة آل عمران وتحديداً سرحت مع الآية: كلما دخل عليها زكريا المحراب وجد عندها رزقاً، قال يا مريم أنّى لك هذا؟
في اللحظة دي حسيت في زول واقف وراء الكرسي، قال لي:
يا ود بت أبقناية، جنّك كورة، لا مشيت الجامع لا مشيت المكتبة
ألتفت لقيت محمد سنهوري
ود جيرانا في مدني وبقرأ في نهائي بيطرة
ورئيس رابطة البطري
ودائما مهندم
وجادي جداً
ومكيس واحدة دفعتم اسمها ماريا من رفاعة
تزوجها في نفس السنة بعد اتخرج،
سرنا معاهو من مدني لرفاعة،
وأنا في البنطون في بص السيرة، قلت في سري:
لو الدنيا دي جادة زي جدية محمد دا؛ أخير لي أتلب في البحر دا من هسّ.
إلتفت لقيت هدهد بت جيرانا في طرف البنطون والنسيم يداعب خصلات شعرها، طوالي طردت فكرة الإنتحار من رأسي.
في خيالي كانت في فكرة ربط بين صلاة مغرب شمبات ديك والعذراء مريم وماريا وسنهوري وحياة زكريا ويحيى، لكن كدي نرجع شمبات في ذلك اليوم....
بعد محمد سنهورى مشى مني، جاء عصام سحس شايل ليهو كراس وقال لي:
جيب خمسة جنيه
أديتو
سلمني الكراس وقال لي ماشي المرسى أجيب نص عرقي.
تاني يوم بعد سكرتو فكّت جاني في الغرفة قال لي أديني الكراس
قلت ليهو:
ما أديتني كراس
قال لي:
لو رجعت ليك الخمسة جنيه؛ بترجع لي الكراس؟
قلت ليهو:
هو لكن إتّا ما أديتني كراس،
إستغليت سكرتو وقلت ليهو:
الظاهر العرقي أُمبارح كان كارب،
مرق من الغرفة غاضب
جاني بالشباك حاول يترجاني أرجع ليهو الكراس،
حنني
قلت ليهو:
"لا تكسر زجاج الكون حول ندائنا"
تحولت ملامحة لفرح طفولي عجيب وتأكد من وجود الكراس معاي، وردّ لي:
لا تضطرب
لا تصطخب
واهدأ
قليلاً كي نرى فيك العناصر وهي ترفع عُرْسَها الكُليَّ
نحوك
واقترب منا لنُدرك مَرَّةً
هل نستحقُّ
بأن نكون عبيد رَعْشَتِكَ الخفيةِ؟
جاء راجع بالباب وقال لي:
جيب البتاع دا
لقاني فاتح الكراس، قريت ليهو:
قال الهدهدُ السكرانُ:
غايتُنَا المدى
قلنا: وماذا خلْفَه؟
ردّ لي بصوت عجيب:
قال المدى خلفَ المدى خلف المدى
خطف الكراس ورجع صفحة لورا وقال لي:
تعايرني بالسكر؟
أسمع الكلام دا:
لكنَّ رحلتنا إلى النسيان طالت
والحجاب أمامنا غطى الحجابْ
ولَعَلَّ منتصفَ الطريق هو الطريق إلى الطريق من سحابْ
ولعلنا يا هُدهدَ الأسرار
أشباحٌ تفتِّش عن خرابْ
قال:
اتركُوا أجسادكم كي تتبعوني
وردد أتركوا أجسادكم كي تتبعوني زي تلاتة مرات
وقال لي:
فهمت يا مادي؟
أتركوا أجسادكم
انعن دينك ودين وخمسة جنيهك
الصوفية عندك إلا يدقوا ليها نوبة؟
شايف الناس القاعدة في المرسى سكرانة دي؟
ديل هم الصوفية الحقيقيين
هسّ إتّا بماديتك دي فرقك شنو من الكيزان؟!
قلت ليهو: شكراً يا هُدهد
| |
|
|
|
|
|
|
|
|
|
Re: الإسلام حكاية لتروى (Re: طلحة عبدالله)
|
Quote: يا خواض أفندي،
أنا لمان أمزج نص لأبو ذكرى، محمود درويش أو يحيى فضل الله مع واحد من نصوصي فدي بتزيد نصوصهم ألق وشهرة.
نصي العظيم دوار يحيات الذي مزجته مع نص ليحيى فضل الله، رفع القيمة الأدبية لنص يحيى فضل الله لدرجة لا يحلم بها فضل الله.[/QUOTE
الطريقة المبتذلة التي تحكي فيها عن مزج النصوص،
توضح الخسارة الهائلة التي منيت بها يا دكتور،
من عدم الانضمام لرابطة الجزيرة للاداب والفنون.
بعدين في سطوك على نص يحيى لم توضح الحدود الفاصلة بين نصك ونصه.
وهذه "دغمسة " مقصودة،
فلو حذفنا نص يحيى ، فلن تتبقى سوى كلمات معلقة في هواء الاسفير.
كما ان نص يحيى فضل مقحم بدون مسوغ سردي،
مما يعضد اكثر واكثر نية السطو على عينك يا قارئ ...
| |
|
|
|
|
|
|
|
|
|
Re: الإسلام حكاية لتروى (Re: osama elkhawad)
|
كيف نص يحيى مقحم بدون مسوغ سردي؟
أنت يا زول بتقرأ بكرعينك؟!
ست الشاي واقعة في حب الراوي والراوي واقع في حبها، لكنه في صراع مع حياته القديمة وما داير يحصل ليهو الحصل في السردية الاجتماعية التاريخية التي عالجها يحيى*.
هذا النص يا تعبان، كما لاحظ الفيلسوف الكافر لطيف فيهو عدة أزمان جالسة في تلك الراكوبة تتصارع،
مشكلتك يا خواض أفندي، أنك رجل شحيح الخيال، كريم الغيرة والحسد.
———
* نص يحيى في الأصل ليس ليحيى فهو حكاية فلكلورية قديمة
| |
|
|
|
|
|
|
|
|
|
Re: الإسلام حكاية لتروى (Re: أبوبكر عباس)
|
يا طلحة،
والله، ما عارف أحل ليك الموضوع دا كيف؟
أنا حابي أكتب وشايف الكتابة دي جميلة،
المشكلة المنتدى ليست به خاصية الحظر، كنا ارتحنا من بعض،
يعني أنا عندي نفس الشعور تجاهك ولا أطيقك، لكن ما عندنا حل غير نتجاهل كتابة بعض ونحاول بقدر الإمكان أن لا نتقاطع.
| |
|
|
|
|
|
|
|
|
|
Re: الإسلام حكاية لتروى (Re: أبوبكر عباس)
|
Quote: كيف نص يحيى مقحم بدون مسوغ سردي؟
أنت يا زول بتقرأ بكرعينك؟!
ست الشاي واقعة في حب الراوي والراوي واقع في حبها، لكنه في صراع مع حياته القديمة وما داير يحصل ليهو الحصل في السردية الاجتماعية التاريخية التي عالجها يحيى*. |
تعليقك الاخير هو عبارة عما كان يدور في راسك لكنك فشلت في ان تجسده في النص،
وربما السبب قلة خبرتك او تركيزك على النص المسروق كان اكثر من جعله يخدم نصك الاصلي لا ان يكون متطفلا عليه.
وكونك اخفيت نص يحيى ودغمسته في نصك،
هو سرقة مع سبق الاصرار الشديد على السرقة لاعجابك بنص يحيى مثلما اعجبت بالنصوص الاخرى.
وقد نبّهك عبدالحفيظ ابوسن الى تلك الدغمسة بطريقة مهذبة.
وكان أحرى بك ان تفتح بوستا بعنوان:
نصوص اعجبتني.
ثم حينما يشتد عودك الادبي الذي كسرته فترة "رابطة الجزيرة للاداب والفنون"،
يمكنك التفكير بطريقة محمد عبدالحي او محمد محي الدين او احمد الفضل في تعاملهم المبدع مع النصوص الغائبة .
مشكلتك انك من مدني ،
ومدني انجبت مبدعين من العيار الثقيل مما يجعل وضعك الادبي مشربكا وصعبا بل وفي عاية الاستحالة،
بعد ان فقدت فترة التكوين الادبي على ايادي اولئك المبدعين.
| |
|
|
|
|
|
|
|
|
 Re: الإسلام حكاية لتروى (Re: osama elkhawad)
|
انا غايتو قافلة معي لي كم يوم.. عملت حادث انا الغلطان و عربيتي منتظر التصليح و شركة الإنشورنس ادتني قروش ما كفاية و خصموا مني حاجة إسمها الديدكبل!
عريية ولدي قدت مكنة و تبديل المكنة يكاد يكون مستحيل. صاحبي مكانيكي سوداني قال لي أنا بصلحها لكن دي ايام التاكس ريتيرن و بصلح عربات و ببيعها عشان كدا لازم تنتظر 6 اسابيع اصلحها ليك..
فضلت عربية زوجتي يوم الجمعة دخلت فيها واحدة دمرت العريية تماما الحمد لله المدام ما عندها كسور لكن رضوض. العربية الأخرى غلطانة لكن شركة الإنشورنس تأخذ ايام عشان تحل المشكلة..
الويك إند كان كلو إتصالات و محاولة حلحلة هذه المشكلة.. ولدي في إجازة الربيع و بدون عربية حاسي إنه إجازتو معانا ضاعت ساكت!
عشان كدا امس ما نمت كويس و صحيت زهجان شديد و جيت فتحت سودانيز و قريت الزول الطلع الفنانين كلهم ما بعرفو عربي و قاديننا ساكت.. و قريت بلاوي ايو الزهور و شوية كدا و كرف وقعت في كتابات العبقري المستنير!
والله العظيم شئ اضحك و اكنر من كلمة الله يجازي محنك.. غايتو يا بكوري إنت مصيبة.. بالله هس دا كلام شنو! بس م الله! يا ولد دي هلوسة دا وحي دا بنقو كارب.. دا شنو دا
قصة البرمة و السبيبة دي عندنا في كردفان معروفة إسمها بخيسة الهمج.. المرأة عجبها الرجل الذي كان يبحث عن عجلة صفرا ضاعت من مراحه.. شربتوا الشئ و طبتهو " (طب فلان فلانا في كردفان تعادل كتب فلان فلانا). المهم قفلت الطب دا او السحر في البخسة و عاش معها في سنوات طويلة في هنا و نسى حكاية العجلة الصفرا.
وصيتها الوحيدة لو ماتت يدفن البخسة دي في راسها.. المهم إتوفت و عند الدفن تذكر في أخر لحظة قصة البخسة.. فقال للدافنة عليكم الله أقيفوا أجيب وصية المرة دي و أجي.. جرى البيت جاب البخسة و جاء جاري.. كرف وقع و إنكسرت البخسة.. إنفك الطب " السحر" جاء لقا الجماعة منتظرنو.. شال الفاتحة معاهم قال ليهم المتوفي مرة و لا راجل.. قالوا ليهو مرة.. قال ليهم الله يرحمها. الدايم الله. و سألهم
يا جماعة ما شفتو ليكم عجلة صفرا جات بهنا؟
والله بعد قريت قصص بكوري دي والله إنفرجت أساريري و هس إنبسطت و اليوم بدأ بداية حلوة و رايت نداوة الربيع في بلاد الطارهيل في نورث كارولاينا مدينة رالي!
| |
|
|
|
|
|
|
|
|
|
Re: الإسلام حكاية لتروى (Re: Omer Abdalla Omer)
|
صباح الخير
عزيزي المحترم المستجير
لو المنبر فيهو خاصية الحظر أنا كطلحة عبدالله
مستحيل واعوذ بالله أن أحظرك لأنو عايز
كل ما أكون زهجان ادخل أفتش هرجلتك البتعمل
فيها وأديك الفيها النصيب بأدب واحترام فائقين
خخخخخخخخ
..........
قصة قصيرة
زماااااااااان يا مستجير كانت عندي كورة شراب عملتها
من شراب العساكر الزيتي داك وحشيتا ورق واكياس واحتفظت
بيها لأكثر من عشر سنوات اتعلمت فيها الضقل ولما راحت
حزنت جدا جدا جدا
ومن الزمن داك عاهدت نفسي أن لا أضيع كورة شراب أبدا
أبدا أبدا .
| |
|
|
|
|
|
|
|
|
|
Re: الإسلام حكاية لتروى (Re: طلحة عبدالله)
|
هلا بالمثقف الكبير عمر عبد الله،
والله، يا عمر، أنا أكتب لفئة قليلة جداً هنا زيك وبعض المتابعين من القراء،
يا أخي، المنتدى زي ما قال صديقي الشاعر محمد مُحي الدين؛
يشتاقُ لروادٍ يضئون الزوايا،
لا تتعب نفسك هذه الأيام بقراءة بوستات ومداخلات الآخرين، ممكن تتابع بعض مداخلات حافظ بشير،
بوست للعظيم مصطفى مدثر، وبالطبع ما أكتبه أنا،
بقية الكتابات مثل كتابات الخواض وعبط طلحة لا تكلف نفسك بمطالعتها فهي سخيفة مكانها سلة المهملات.
| |
|
|
|
|
|
|
|
|
|
Re: الإسلام حكاية لتروى (Re: طلحة عبدالله)
|
لأول مرّة طلحة العبيط يضيف إحدى علامات الترقيم داخل كتابته!!!
الملاحظ أنك يا صحفي المراسلات، لا تستخدم أي علامة ترقيم لربط الجمل داخل مداخلاتك ولا حتى النقطة!
مبروك استخدامك للقوس وإن كنت تقصد أقواس الاقتباس.
| |
|
|
|
|
|
|
|
|
|
Re: الإسلام حكاية لتروى (Re: أبوبكر عباس)
|
المستجير هوي ها أرفع رويسك دا عاين جاي
انا كتير كلمتك وحذرتك من حاجات أن تبدو
لك والله الا تفك البيرق مش من المنبر دا
فحسب بل من الأسافير جت عليها خخخخخخ
ما تسخر من
خلقة زول
ولا
من مهنتو
لييييي ؟؟
لأنو أنت كلك عيوب وثقوب
وممكن أي زول يدخل ليك من الثقب البريحو خخخخخخ
............
أنا قاعد ازعل لما يقولوا ليك دكتور الفيران والغنم والكدايس
وهلمجرا كلاب .. فاااااااشنو ؟؟
خليك محترم تسلم خخخخخ
| |
|
|
|
|
|
|
|
|
|
Re: الإسلام حكاية لتروى (Re: أبوبكر عباس)
|
عليك الله، يا عمر، وصف لينا اللون الأصفر عندكم في الحيوانات دا ياتو لون؟
طبعاً ناس المدن بكونوا مستغربين من الآية:
"صفراء فاقع لونها تسر الناظرين"
وبكونوا قايلين لون البقرة دي زي تاكسي الخرطوم والمنقة.
| |
|
|
|
|
|
|
|
|
|
Re: الإسلام حكاية لتروى (Re: أبوبكر عباس)
|
مساء الفل يا مستجير Quote:
طيب ما دام جابت تهديد،
ممكن ما نتقاطع مع بعض؟
ولا تطلب مني في بوست فتحته أنا أن أتوقف عن الكتابة وتحاول تخريبه؟
من جانبي سوف لن أتقاطع معك.
. |
يا رجل تهديد شنو ؟؟ وين التهديد
الأخترعتو دا ؟؟ دي نصيحة ممكن اقدما لكل
زول يسخر أو يتريق من خلقة أو مهنة أو وات ايفر
الآخرين وليس مقصود بيها انت على وجه التحديد
من يسخر من الناس يسخرون منه
ثم يا عبدالله أنت ياما اتقاطعت معاي هنا بالتريقة
والسخرية من مهنتى في مناسبات كتيرة جدا هنا
في البورد تظارف وتذاكي وحقارة منك وكنت اعتبر
ذلك مجرد شلاقة بس ومن حق اي زول يتشالق وهسة
أول ما ردينا ليك البضاعة رفعت المنديل
ما اتقاطع معاك دي بحددها أنا مش انت لأنك انت
البادي فلا تتوقع أن اتركك في حال سبيلك طول ما
انت بتهرجل هنا خخخخخخ
..............
احسن فكرة تمشي تعوس في الفيس فهناك ممكن تحظر
وتمسح على كيفك لكن هنا لازم تسردب وتستحمل طالما
آنست في نفسك كفاءة أنك تسخر وتتظارف من وعلى الآخرين
الحل التاني
تفك البيرق وتقوم صوف من هنا خخخخخخ
| |
|
|
|
|
|
|
|
|
|
Re: الإسلام حكاية لتروى (Re: طلحة عبدالله)
|
يعني زي مداخلة عمر عبد الله التي وصفت كتابتي في البوست دا بالعبقرية، ما ممكن تخليك تنتبه إلى أن ما تقوم به من مطاردة ومحاولتك إثنائي بأن أتوقف عن الكتابة، وأخاف الله فيكم،
ألا تنبهك بأن هذا مجرد حسد وغيرة منك؟!
يا رجل، هناك عشرات الناس يكتبون في اليوم عشرات البوستات التي لا معنى لها بالمنبر؛ تتركهم وتقعد تطارد في كاتب أقل ما يمكن أن يقال عليه أنه متفرد وموهوب؟!
كاتب تنشر له نصوص بواشنطن بوست وتحاول أنت أن توقفه من الكتابة في هذا المنبر المغمور؟!
| |
|
|
|
|
|
|
|
|
|
Re: الإسلام حكاية لتروى (Re: أبوبكر عباس)
|
صباح الخير
يا عزيزي المستجير المحترم
كونك تكون كاتب نحرير أو عالم جينات دا أبدا ما بديك الحق
في السخرية والتريقة من وعلى الآخرين وأن فعلت فهذا لعمري
أدعى لأن نطاردك بأقدم برطوش تم نستمر في برطشتك إلى
أن ترعوي أو تقول يا فكيك خخخخخخ
بالطبع يحق لك أن تنشر أدبك (على قلته وربما عدمه) بين الناس
لكن دون سخرية واستصغار من وللآخرين فااااااااااشنو
سالم تسلم
خخخخخ
.........
واخد بالك لما بين القوسين أعلاه ؟؟؟
| |
|
|
|
|
|
|
|
|
|
Re: الإسلام حكاية لتروى (Re: أبوبكر عباس)
|
Quote: عارف فى الزمن دا الكرامات والأحلام الروحية مثل التى كانت سبب قيام المهدية.. دى كلها ما بقت تجيب دخل
فى الزمن دا.. ولا بتعبها.. إلا كان الســرد الأدبى الممتع.. هسى لو فى ولى طار أمام الناس فى تايمز اسكوير
فى نيويورك.. حيصفقوا ليه ويأخذوا معاه سلفى وانتهى الموضوع.. بل الآلة الرأسمالية سوف تبتلعـه وما بعيد
بكرة تشوفه طاير وهو شايل قزازة كوكاكولا أو دعاية لشركة تأمين.. جد. لكن عشان زول يتبعه ويكون حواره
بس عشان طار.. ههههههه الزمن دا لو المسيـح زاتو سيد الإسم بعث تانى من الأموات زى ما عمل كدا المرة الأولى
والناس شافوه يتنفض من الغبار.. برضو ما فى زول حيعبره.. يجوز بعض القنوات تعمل معاه مقابلات. |
ما محتاج تطيـر ولا تجيب اي كرامة روحيـة عشان تلقى اتباع فلفل شعرك والا البس ليك كشكوش وبتلقى جوَك ..
https://www.0zz0.com
https://www.0zz0.com
الان ابوبكر عباس ممكن يطير كما في احلامه دي وبكرة يلقى مستنكحين يتبعوهو ويسموهو ( الفكي المستطيـر )..
بس اهم حاجة يكون عنده راسمال محترم يبدأ بيهو الشغلة ..وبعدها بيرجع قروشو مع الفائدة..
لكن حتى لو عمل دا كله طلحتوف ماحايفكو ويخلي يطيــر..
بالمناسة يا عزيزي طلحتوف بعد التحية والمؤانسة..
ملاحظ السنة دي عدى الفلانتاين داي وكانه عيد العلم..
لا المستشيخيين ملأوا الاسافير سباب وتُفاف وورجغة.
والا الرومانسيين صدعونا بالاشعار واللون الاحمر..حاصل شنو؟
| |
|
|
|
|
|
|
|
|
|
Re: الإسلام حكاية لتروى (Re: أبوبكر عباس)
|
بأخلاقك دي صعب انك تلقى جمهور سواء رجرجة او مستنكحين..
بل وصعب أساسا انك تنجح في الشئ دا وأنت ما بتعرف تقرأ... واذا قرأت لا تفهم.. وإذا فهمت يكون قطرك فات..
هسه كلامي اللول دا ما كويس معاك ، مالك غنمايـة كدة وجاري للمعاداة..!
بعدين نحن اصدقاء وclose friend بوش الكتاب .. كيف تتعمد أذيتي يعني..
عيب عليك امسح كلامك الفوق الغير موفق دا واعتذر لي ..
| |
|
|
|
|
|
|
|
|
|
Re: الإسلام حكاية لتروى (Re: HAIDER ALZAIN)
|
هلا والله ومراحب بحيدروف الصلد
شوق عظيم يا حبيب ..
ثم أن المستجير دا غير مؤاخذ ولا ينبغي له أن يكون
كطلحة عبدالله اكتشفت أنو زول ( بسيط ) مسكين من
زمان شديد وبقيت أعاملو على الأساس دا
هسة هو هنا كبني آدم شديد ( الفصامية) يعاني (البارنويا )
طارح نفسو أديب ( من غير أدب) كما هو واضح
في عضمة البوست والردود والمداخلات خخخخخخخ
شوف قلت ليهو أرحمنا من الورجغة والهرجلة البتعمل
فيها دي قال لي حاسد وبغران ولما لقي انو وصفو
دا خارج مدار الموضوعية بقى يقول لي ما بتعرف
تكتب الشولة والضمة والنقطتين فوق بعض مع انو
عارف انو العبدلله اللى هو طلحة عبدالله زول ساي
هنا عمرو ما طرح نفسو لغوي واللا نحوي واللا كاتب واللا مفكر
كما يستميت هو بلا جدوى أثبات انو أديب وكاتب نحرير
وأحيانا شاعر من غير (شعور) تماما
مثل المتشاعر الجركسي الجهبوذ الذي أنشد في لحظة تجلي فقال:
كأننا والماء حولنا قوم جلوس وحولهم ماء
والأرض أرض والسماء سماء
والماء ماء والهواء هواء
خخخخخ
الخلاصة
ما المستجير إلا مضطرب وجدانيا هوايته الشقلبة في مستنقع من وسواس العظمة
عشان كدا ما تزعل منو لو قال ليك انت غبي وانت
فعلتو وتركتو
خليه
| |
|
|
|
|
|
|
|
|
|
Re: الإسلام حكاية لتروى (Re: طلحة عبدالله)
|
عند كاتبنا المستنير الذي يبتذلك كتابته،
تبدأ دغمسته السردية بالاعجاب بنص ما،
ثم يدعمسه في ثنايا سرديته المفبركة،
التي يحتل النص موضوع الاعجاب مركز الاهتمام.
فتكون السردية المفبركة متطفلة على النص موضوع الاعجاب.
سنضرب مثالا آخر عن بيت لعبدالرحيم ابوذكرى.
بعد سلسلة احداث متتاليه لمشوار يومي للراوي،
ينتهي النص هكذا:
Quote: عاينت للكلبة لقيت في عيونها كلام كتير، حسيتو من رمشاتها الحنونة
سرحت وقلت ليهو حق عبد الرحيم أبو ذكرى يشعر بالبهجة دي؛
أضاء النور نافذتي:
أضاء النورُ نافذتي صباح اليومْ
ودفَّقَ ماءَه النوريَّ والبلّور تحت البابْ
فلم يلمح بأروقتي سوى تنهيدةِ الأشواقْ
هُنَيهتَها أحسُّ بلذَّةِ الدنيا
تغلغلُ في ضلوعي ثرَّةً حلوه
ومن فرحي
أكاد أعانق البَصَّات والإسفلتْ
وأسبحُ في اخضرارِ شجيرةٍ تنمو |
فماهي العلاقة بين بهجة الكلبة المعاقة وبهجة ابوذكرى؟
لقد حضر نص ابوذكرى مقحما مثلما اقحم نص يحيى فضل الله،
بل وأصبح عنوان السردية المفككة مقطعا من شعر ابوذكرى،
جاعلا الاحداث المتتالية معلقة في فراغ قاتل.
| |
|
|
|
|
|
|
|
|
|
Re: الإسلام حكاية لتروى (Re: osama elkhawad)
|
سلام صاحب البوست الأخ أبوبكر
والاخوة المتداخلين
لا أريد أن انحاز لطرف و لا أقول رأي...خاصة أن حرية التعبير قد مسّها ما مسّها...
وتعدى الأمر إلى نعوت غير مستحبة ومخاشنات لا داعي لها..
رجاء أخ ومتابع ... رجاء من كل الأطراف الكف عن ذلك..
مع احترامي للأخ أبوبكر و طلحتوف و حيدروف و الخواض...
| |
|
|
|
|
|
|
|
|
|
Re: الإسلام حكاية لتروى (Re: محمد عبد الله الحسين)
|
| Quote: عشان كدا امس ما نمت كويس و صحيت زهجان شديد و جيت فتحت سودانيز و قريت الزول الطلع الفنانين كلهم ما بعرفو عربي و قاديننا ساكت |
هسي يا Omer Abdalla Osman في قَد أكتر من قصصك الخاصة دي؟ ورّينا فائدة واحدة للناس من وجغتك دي عن زهجتك بسبب عربياتكم وناس الإنشوارانس؟
بطّل تنمُّر وفلسفة فارغة معاك!
| |
|
|
|
|
|
|
|
|
|
Re: الإسلام حكاية لتروى (Re: Omer Abdalla Omer)
|
Quote: يا زول قول بسم الله!
مالك زعلان!
المسألة ما بتساهل..
هسع المتنمر انا و لا إنت؟
ا |
معقولة تكون وصلت لدرجة الدكتوراه وما شاء الله تقلّدت مناصب مرموقة وما عارف التنمُّر يعني شنو؟
يعني تعليقك ده يا دكتور ما كان ممكن يكون بدون استهتار ببوستات آخرين؟
| |
|
|
|
|
|
|
|
|
|
Re: الإسلام حكاية لتروى (Re: محمد عبد الله الحسين)
|
| Quote: يعني تعليقك ده يا دكتور ما كان ممكن يكون بدون استهتار ببوستات آخرين؟ |
يا محمد أظن في خلط هنا! أنا لم أهزأ والله بأي أحد و لو تقصد بوست الأغاني و إكتشاف الهنات الصغيرة كان بالنسبة لي بصراحة زي تفتيش إبرة في قش! و لو هنالك إستهزاء كان بالفانين القاديننا و ليس صاحب البوست!
بعدين الأغاني و القصص زي ما قال ليك واحد لا تتقيد بالنحو و لا تتقيد حتى بالحقائق التاريخية بل تهتم بالصوت و الجرس و الوزن و هكذا و مع ذلك لم يكن إستهزاءا ابدا. بل مشت الكتابة مع روح بوستات المستنير خفيفة الدم و بصراحة بوست المستنير فك زهجزتي ذاك الصباح..
إنت شكلك أخذت الموضوع بأكثر مما يجب.. كدى راجع تاني تلقاني كنت مبسوط و ما في حالة تستدعي أسخر من أخرين او كدا!
المهم.. شكلك قريت كتابتي بنمرة خمسة و لكن لو هدأت شوية ما زي قلت ليك تلقى المسألة لا تستاهل!
| |
|
|
|
|
|
|
|
|
|
Re: الإسلام حكاية لتروى (Re: طلحة عبدالله)
|
محمد صديق، انا يا دوب عرفت سبب غضبتك.. إنت كاتب البوست.. والله ما كنت حتى عارف مين كتب البوست و أبدا ما كان إستهزاء بالكتابة او محتواها بل بالعكس كانت فضيحة الفنانين.
على العموم لك العتبى يا رجل وواضح إنك ضليع في اللغة العربية. لكن الأغاني حلواتها في الإحساس الوجداني..
زمان عبد الله الطيب قال الفنانة هيام يونس تغني أغنية تعلق قلبي طفلة عربية خطاء تنطقها بكسر الطاء و تعني الطفل و الصحيح بفتح الطاء و الطفلة بفتح الطاء تعني الناعمة و البضة و لكن سار بالأغنية كما هي و ليس غريبا في الغناء أن يصف المغني حبيبته بالطفلة و الصغيرة و قدريشنو و الذي منو..
المهم طال ما الأمر شخصي لك وجب الإعتذار و تصحيح الخلط..
| |
|
|
|
|
|
|
|
|
|
Re: الإسلام حكاية لتروى (Re: محمد صديق عبد الله)
|
خارج النص:
د. محمد صديق ،
تعجبني لغتك الفصحى، وانا عجبي صعب.
لكن مجاراتك اللغة العنقالية السائدة في المنبر،
قلّلت فرص كتابتك بالفصحى.
لو كنت مكان عمر عبدالله لن اعتذر.
ليه؟
فما كتبه هو رأيه،
بغض النظر عن كاتب البوست.
| |
|
|
|
|
|
|
|
|
|
Re: الإسلام حكاية لتروى (Re: osama elkhawad)
|
Quote: لو كنت مكان عمر عبدالله لن اعتذر.
ليه؟
فما كتبه هو رأيه،
بغض النظر عن كاتب البوست. |
شاعرنا المجيد الخواض.. يديك العافية..
طبعا إنت عارف رأي في إنك إنت من ملهمين المستنير و لو ما دخلت إنت البوست بتاعو ما بحس بقيمة بوسته و إنت لو لعبت بنفس اسلوبه سنستفيد منكم أدبا و لطفا و دعابة..
أما عن د. محمد صديق، أهلنا قالوا البحلوهو باليد ما يحلوهو بالسنون!
يعني الذي يمكن حله بإعتذار عنده يجب الأعتذار و جبر الخواطر أغلى من اي شئ تاني خاصة و الرجل أحس بأن مسه الهزو و إن لم نكن نقصد..
هذا و لكما و للمستنير و ضيوفه الكرام الإحترام.
| |
|
|
|
|
|
|
|
|
|
Re: الإسلام حكاية لتروى (Re: Omer Abdalla Omer)
|
| Quote: طبعا إنت عارف رأي في إنك إنت من ملهمين المستنير و لو ما دخلت إنت البوست بتاعو ما بحس بقيمة بوسته و إنت لو لعبت بنفس اسلوبه سنستفيد منكم أدبا و لطفا و دعابة.. |
اهلا عمر
الامر تغير تماما.
مش "ما بحس بقيمو بوسته"؟
لا.
لن يكون بوستا اصلا.
والادلة كثيرة.
وهذا ما كتبته له في مداخلتي في هذا البوست،
والتي تجنب المستنر حتى مجرد الاشارة اليها .
ولذلك حقّ عليه كما زميله جيقو:
الدخول في سجن الخواضتانامو
أما عن تبرير اعتذارك لصديقنا د. محمد،
فقد كان من الافضل الا تقوله ، أي التبرير.
وسنعود لمواصلة الحديث عن طفيلية مقطع عبدالرحيم ابوذكرى.
| |
|
|
|
|
|
|
|
|
 Re: الإسلام حكاية لتروى (Re: osama elkhawad)
|
حبيبنا طلحتوف وضيوف البوست الكرام رمضان كريم عليكم جميعاً
وتقبل الله صالح الاعمال ..
والشكر موصول للصديق د. محمد عبد الله الحسين رغم انه ظلمني ظلم أخوان يوسف للذئب وما انا الا حمل وديع في قطيع هذا البوست..
والحقيقة انا دخلت بكل وداعة وبراءة فقط لأخالف ابو الريش في حكاية انه الكرامات والروحانيات ما بتجيب دخل لانه الواضح انها بتجيب دخل اعلى من دخول الفنانيين والادباء والقونات..
بدليل حالة هذا البوست الماثل امامنا .. والذي انفرط عقده بعدم حكمة كاتبه وتطرف اسلوبه وعداواته الملقية على قارعة الطريــق ..!
والحقيقة انا في صفه وضد ما يتعرض له من تسفيه لاحلامه وخستكة بمشروعه وضرب القفا الادبي ليل نهار..لكن تقول شنو في البيجو يساعدوه في دفن ابوه يقوم يدس المحافير..
المهم الموضوع طويل ورمضان دخل العضم زي ما عارف لكن ساعود لابين العديد من الحقائق والثوابت في بهذا الموضوع
تحياتي
| |
|
|
|
|
|
|
|
|
|
Re: الإسلام حكاية لتروى (Re: HAIDER ALZAIN)
|
شكرا حيدر على التهنئة.
وهي غريبة.
ليه؟
لان بشاشة ادّعى انه استطاع ان يقنعك بكوشيته السلفية.
لذلك يمكن ان يقول لك:
لماذا تهنئ بمناسبة "عربية" ؟
باعتبار ان الاسلام دين عربي’.
| |
|
|
|
|
|
|
|
|
|
Re: الإسلام حكاية لتروى (Re: osama elkhawad)
|
هههههههههههههههههههه يقنع منو؟
بشاشا دا احسن كاتب خيــال وفنتازيا بتاريخ المنبر.. لو كان اتجه لهوليوود بيكون احسن ليهو
كان على الأقل شاهدنا بلاك بانثر كوشي بدلاً من يوغندي..
أو لكان قدم افلام بجودة افاتار تدور احداثها بمدينة دنقلا.. ههههه
المهم نعود لموضوع دكتور محمد عبدالله الحسين وكيف انه اخطأ بوضعي بنفس طرف المعادلة معك والعزيز طلحتوف.. وانا الذي بذل عمره وجهده من أجل تعزيز ثقة المستنير بنفسه
ليقول ما يشاء كيفما شاء واينما يشاء ...
يىخ الواحد كتب تلاتة سطور فقد سوائل ما عارف انا ابوالزهراء بجيب الكثافة دي من وين ؟
| |
|
|
|
|
|
|
|
|
|
Re: الإسلام حكاية لتروى (Re: HAIDER ALZAIN)
|
Quote: المهم نعود لموضوع دكتور محمد عبدالله الحسين وكيف انه اخطأ بوضعي بنفس طرف المعادلة معك
والعزيز طلحتوف.. وانا الذي بذل عمره وجهده من أجل تعزيز ثقة المستنير بنفسه
ليقول ما يشاء كيفما شاء واينما يشاء ... |
صديقنا الغالي وحبيبنا الجميل حيدروف صاحب الحكي الطاعم و التعبيرات الساخرة
عفوا و عذرا....
لك كل المحبة و معاهم العتبى حتى ترضى و كمان بعد الرضا يا عزيزي...
تحياتي و احترامي لك ولبكور وللخواض وطلحة...
اصلا كل البيهمني أن يكون الجو صافي و النفوس عذبة ولتذهب السياسة وكل الخلافات إلى الجحيم ولنتفيأ نحن ظلال الاخوة الصادقة.
| |
|
|
|
|
|
|
|
|
|
Re: الإسلام حكاية لتروى (Re: Abureesh)
|
Quote: الزمن دا لو المسيـح زاتو سيد الإسم بعث تانى من الأموات زى ما عمل كدا المرة الأولى
والناس شافوه يتنفض من الغبار.. برضو ما فى زول حيعبره |
لماذا الأن؟!
بالعكس ناس زمان كانوا أكثر ازدراء وسخريا وعدم اهتمام وكفر
ورفض وتمرد من البشر الأن في هذا الزمن
ولم يتبع المسيح عليه السلام
رغم احيائه للموتى وخلقه للطير من الطين
بإذن الله وعلاج الأبرص والأكمه
بإذن الله وغير ذلك من الخوارق
ورغم ذلك ما تبعه من قومه إلا فقط ١٢ رجل
وهم الحواريون
هسع اتباع سفيه في الوسايط ممكن يصل
لألف ضعف
فالحق لا يقاس باهتمام البشر به
الحق هو الحق لأنه الحق
وليس لأن الناس يهتمون به
| |
|
|
|
|
|
|
|
| |
أبوبكر عباس
MOHAMMED ELSHEIKH
Abureesh
osama elkhawad
صديق مهدى على
طلحة عبدالله
Arif Nashed
جلالدونا
Omer Abdalla Omer
عبداللطيف حسن علي
HAIDER ALZAIN
محمد عبد الله الحسين
محمد صديق عبد الله
منتصر عبد الباسط
فيس بوك
تويتر
انستقرام
يوتيوب
بنتيريست