|
|
|
 Re: ياسر العطا خلووه، الحقوا مناوي 🤣🤣🤩🤩 (Re: بدر الدين الأمير)
|
هلا بالامير، الفل مارشال في اديس ابابا تم سؤاله ما اذا كان متواصل مع حميتي، فاجاب انه متواصل معه حتي امس، وان الاتصالات بينهما مناوي وحميتي لم تنقطع، والسؤال كيف تتواصل مع شخص انت قبل اسبوعين قلت انك يا فل مارشال يا مناوي لن تقف في صف الحياد واانحزت للبرهان؟
ايضا ورد في المقابلة بانه اي مناوي شن هجوما علي مليشيات كرتي وقال انه لن يقاتل الدعم السريع لكن لم اعثر علي تسجيل او مقتطف فيما يتعلق بالسطر الاخير.
المهم مناوي ماشي كويس تجاه "البالوعة" التي اتمني له فيها إقامة سعيدة.
| |
  
|
|
|
|
|
|
|
|
Re: ياسر العطا خلووه، الحقوا مناوي 🤣🤣🤩🤩 (Re: محمود الدقم)
|
الناس قالوا لمناوي الحرب في السودان
قال ليهم بره دارفور
قالوا ليهو الحرب في دارفور
قال ليهم بره شمال دارفور
قالوا ليهو الحرب في شمال دارفور
قال ليهم بره الفاشر
قالوا ليه الدعم السريع على ابواب الفاشر
قال ليهم مرقت من الحياد
قالوا ليهو الدعم السريع بديك ضمانات ما يهاجم الفاشر
قال ليهم دخلت في الحياد تاني
من القصة الطويلة اعلاه تلخص كيف ان المارشال مناوي يلعب على المتناقضات لكي يبقى حاكما لدارفور
ومن الواضح ايضا ان مناوي لا تهمه اي منطقة في دارفور سوى الفاشر حيث الحاضنة الاجتماعية ومقر الجيوش
اما الشعب في الفضل في دارفور فقال ليهم اركبوا هنا
والله يا فلنقاي الجنجويد ديل ما مضمونين
اليوم يتحالفوا معاك وبكره يركبوك والامثلة لا تحصى ولا تعد والاياما بيننا
| |
|
|
|
|
|
|
|
|
|
Re: ياسر العطا خلووه، الحقوا مناوي 🤣🤣🤩🤩 (Re: نصر الدين عشر)
|
الأخ نصرالدين عشر سلام، مناوي ما زول جديد في ساس يسوس سياسة، ولا هو جديد في ميدان الحرب، يعني في الحد الادني يفترض تكون لديه خبرة كافية في كيفية التصريحات الصحفية، ما كل ما يعرف يقال، ولا تقل كل ما تعرف.
مناوي لديه تجارب كارثية في تصريحاته تصريحاته مع الصحافة لدرجة في الفاشر ما قدر يفرق بين عبدالفتاح البرهان البرهان وعبدالفتاح السيسي.
| |
|
|
|
|
|
|
|
|
|
Re: ياسر العطا خلووه، الحقوا مناوي 🤣🤣🤩🤩 (Re: Biraima M Adam)
|
سلام با شمنهدس بريمة
كلام مناوي هارم بارم، الرجل حريص علي مصلحته فقط ومتناقض في. ذات الوقت وهو اي مناوي اعترف بذلك
قبل كده في لقاء عام حيث قال انه مرة مع دول ومرة مع دول
الفيديو تشكر عليه شديد لكننا نبحث عن الجزء الذي قال فيه مناوي انه يتواصل مع حميتي حتي الامس
والفيديو متوفر في منصة اكس
تسلم علي جلب الفيديو
| |
|
|
|
|
|
|
|
|
|
Re: ياسر العطا خلووه، الحقوا مناوي 🤣🤣🤩🤩 (Re: محمود الدقم)
|
حباب ول أبا نصر الدين
Quote: ول ابا بريمة
فاشر السلطان مأمنة ومحمية بأبنائها الشجعان
لو متواصل مع اهلك الجنجويد انصحهم بعدم الاقتراب من الفاشر والا سوف تكون نهايتهم الحتمية
|
ول أبا، ليه كما قال حكيم المنبر ول أبا محجوب عبدالله أن الفاشر هى الطاقية .. ومن يهبشها الدم يسيل للركب!
طبعاً ول أبا محجوب جاب القصة في صورة فكاهية .. قال الحرامية قبضوا رجال، بعد ما جلدوهم تمام، ملصوا منهم كل ملابسهم وتركوهم إلا بالطواقي .
سألوهم، ليه خلوا ليكم الطواقي؟ . قالوا لو هبشوا الطواقي الدم يسيل للركب!!
السر شنو في هذه الحشود في الفاشر .. والجماعة ملصوا كل دارفور؟
بريمة
| |
|
|
|
|
|
|
|
|
|
Re: ياسر العطا خلووه، الحقوا مناوي 🤣🤣🤩🤩 (Re: بشير حسـن بشـير)
|
سلام اخ بشير
الصورة وجدتها مع التسجيل علي منصة تويتر
لكن تويتر شروطه معقدة في نقل الفيديو الي مواقع اخري
لذلك اكتفيت بالصوره فقط، بالنسبة لمناوي فالرجل لسه ما مؤهل كفاية في القيادة ولا اعتقد انه يستمع لمستشاريه او لا اعرف إذا كان لديه مستشاريين اصلا.
تسلم
| |
|
|
|
|
|
|
| |
محمود الدقم
بدر الدين الأمير
نصر الدين عشر
Biraima M Adam
بشير حسـن بشـير
فيس بوك
تويتر
انستقرام
يوتيوب
بنتيريست