لمدة عشرة سنوات بنبث رسائل راتبة تحفذ الناس للتغير عبر وسائل التواصل الاجتماعي وتحثهم للعمل والانتاج في الاسبوع على أقل تقدير رسالتين أظن شكل الرسائل حتى هنا الناس حفظتها واتطورنا خلال الثلاثة سنوات الاخيرة عن طريق الاعلام المرئي بداية كانت بلايفاتي الشهيرة خصوصا ايام الثورة مرورا بقناة الانتاجية ودي قدمنا فيها زي 160 فيديو مرورا بعدة قنوات تانية متخصصة وصولا لقناة الاقتصادية السودانية
10-28-2022, 02:10 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5883
500 برنامج يحث الناس للعمل والانتاج ب 10 الف حلقة هل دي شئ هين البرامج دي مش كلام واحلام لكن بالفعل قاعدين ننتجها ونبثها ومقدماتها من اشطر مقدمات البرامج والله لانه بيقدموا بعقيده
10-28-2022, 02:25 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5883
عندنا اتنين حا انضموا لتيمنا في القناة المرة دي عرب صرف لبنانية وسعودية الاولى بكره حا تسجل برامجها والتانية مؤخرنها نحن للوقت المناسب لكن هي بالفعل ضمن استافنا كل يوم بنكسب ونمشي لقدام وكل يوم بنكسب من العالم مشاهدين وتفاعلات واعجاب ويوم بعد يوم حا نسحب البساط من الفضائيات السودانية الما عندها موضوع ومرجعانا ورا
10-28-2022, 02:29 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5883
نحن بنمتلك اكبر محتوى معلوماتي رقمي متخصص عبر بنكنا المعلوماتي الأكبر والاضخم في العالم المتخصص عن السودان بديهي ممكن نقدم اعلام ذو عقيدة وده الناقص الاعلام السوداني الباهت
10-28-2022, 02:39 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5883
Quote: عندنا اتنين حا انضموا لتيمنا في القناة المرة دي عرب صرف لبنانية وسعودية الاولى بكره حا تسجل برامجها والتانية مؤخرنها نحن للوقت المناسب لكن هي بالفعل ضمن استافنا
keep the hard work
خالص تقديري للمجهود العظيم الذي تقوم به ..
بريمة
10-28-2022, 04:23 PM
adil amin adil amin
تاريخ التسجيل: 08-01-2002
مجموع المشاركات: 37102
الحبيب توفيق الاقتصاد العمود الفقري للاخلاق في السودان ودعما لقناتك الاقتصادية بنديك مشاريع اقتصادية حقيقية في السودان تجعل السودان يطعم مليار شخص في العالم بس كيف ترجع الدولة المؤسسات خصوصا وزارة التخطيط والتعاون الدولي بدل المالية والتخطيط او وزارة الاستثمار \الاستحمار الحالية الدولة لازم تكون زي الحبشة مدنية ديمقراطية فدرالية اشتراكية مكونة من ستة اقاليم بس وتلغي الولايات دي كلها ويكون فيها 2- محكمة دستورية فاعلة 3- مراجع عام مع دكلاريشن 4- الحكم الاقليمي اللامركزي الرشيد بمرجعية دستور 1973 وقوانين 1974 لا يمكن بناء السودان باسس حديثة في مذبلة الانقاذ 1989-2022 و دولة الكعوك المركزية دي ما بتنفع
Quote: بلاد كوش العظيمة ستطعم العالم ان صحو من الوضع المخذول الان 10 مليون مزارع 5 مليون راعي 6 انهار 40 وادي 6 شهور مطر 200 مليون فدان 250 مليون راس ماشية ودواجن واسماك في السواحل والنيل 40000 ميقا واط طاقة شمسية ذهب ومعادن ونفط بي الطن
هل انتو عندكم برنامج زي الحزب الشيوعي الصيني العظيم الذي يطعم مليار صيني ولي مضيعة وقت مع الخواجات والبنك الدولي ومصر الرديئة وعربان الخليج؟
10-28-2022, 04:38 PM
adil amin adil amin
تاريخ التسجيل: 08-01-2002
مجموع المشاركات: 37102
الايام دي العرب مجتمعين في الجزائر والاسطوانة المشروخة بتاعة السودان سلة غذاء العرب وهم يبنهبو الذهب ويتحكمون فيه بي حثالة سياسية
Quote: مشروع الوادي الأخضر (وادي المقدم)مشاريع التكامل الاقتصادي
عادل الامين
https://www.0zz0.com الحوار المتمدن-العدد: 1797 - 2007 / 1 / 16 - 10:35 المحور: الادارة و الاقتصاد
إن المشاكل الأساسية في السودان هي قضية التنمية الشاملة وترتكز التنمية على ثلاثة محاور أساسية ، المياه ، الطاقة الكهربائية ، السكة الحديدية . أ) المياه : مشروع الوادي الأخضر [ وادي المقدم ] :- هذا مشروع تنموي وبيئي في المقام الأول يهدف للنهوض بالولاية الشمالية في إطار التكامل الاقتصادي بين مصر والسودان ، يهدف المشروع لحفر قناة تمتد الى وادي المقدم من منطقة خزان جبل أولياء على النيل الأبيض جنوب الخرطوم وتمتد غرباً الى منطقة وادي المقدم لنقل كمية كبيرة من مياه النيل الأبيض المحتجزة ومهدرة وذلك لإن النيل الأزرق يحجز النيل الأبيض جنوب الخرطوم بمياهه السريعة. وادي المقدم منخفض طبيعي يمتد من شمال كردفان ويصب في النيل وفي شمال السودان وبوجود مياه دائمة فية ، ترتفع الرطوبة النسبية في المنطقة مما يساعد على تساقط الأمطار في شمال كردفان وادار فور ودرء خطر الجفاف (وجود مسطح مائي وسط حزام الجفاف ) ، كما أن هذا المشروع يوفر جزيرة جديدة (صحراء بيوضة) يمكن أن تستغل كمزارع ألبان ولحوم وثروة سمكية ومحاصيل قمح وفول مصري في هذه المنطقة الخصبة الخالية من العوائق . ب) الطاقة الكهربائية : (القوة المحركة للتنمية) :- مد خطوط الكهرباء من السد العالي في مصر عبر الشمال السوداني مروراً بوادي المقدم حتى مدينة أم درمان لتزويد هذه المنطقة الجديدة بالطاقة اللازمة لتنفيذ المشاريع الآنفة الذكر في البند (أ) . ج) السكة الحديدية (الناقل الوطني الأساسي) :- إعادة تأهيل السكة الحديدية على المواصفات الفنية لسكة حديد مصر حتى يتم دمج السكة الحديدية السودانية مع الشقيقة مصر لاحقاً ونحن نقترح هذا الخط الجديد الممتد عبر السودان [ حلفا ـ دنقلا ـ وادي المقدم ـ أم درمان ـ الدويم ـ كوستي ـ ملكال ـ جوبا ـ نمولي ] . خاتمة : بتنفيذ هذه المحاور الثلاثة يمكننا النهوض بالاقتصاد السوداني ويبقى لنا ملاحظات :- 1) الاستعانة بالخبرات الصينية وهم الأقدر على تنفيذ هذه المشاريع الجبارة وهي الدولة الصديقة للسودان والمشهود لها بدعم التنمية في السودان في العهود السابقة . 2) إنشاء بنك مشترك بين مصر والسودان تحت السقف المباشر لبنك السودان للاستثمار في هذا المشروع [بنك التكامل] . 3) يمكن أن تمول الكويت هذا المشروع وهي لها باع طويل في التنمية في السودان.
ملحوظة : تم التفكير في هذا المشروع كدراسة ماجستير في علم البيئة إبان عملي كمعلم في مدرسة كريمة الصناعية 1988
ده زمن كنا نتعامل مع مصر بي احترام لكن هسة بقيت زول بريكس والصين وبنك التنمية في شنغهاي والطاقة النظيفة والمقايضة بي الذهب قصاد المشروع فقط في مشروع وادي المقدم https://www.0zz0.com وربط السودان بي دولة جنوب السودان بالسكة الحديد والنفط مقابل الغذاء والحريات الاربعة المشروع الثاني https://www.0zz0.com ويا توفيق العرب ديل ومصر بطريقتا دي وجامعة الدول العربية عالة علي السودان وعلى دوره الاقتصادي كعملاق من الدول التي تطعم العالم في السنوات المقبلة
حول المشاريع دي لي بور بوينت في فضائيتك وامشي السفارة الصينية والمحلق التجارى بس واعرضا عليهم لحدي ما تستحدث وزارة التخطيط والتعاون الدولي ونتحرر من المتسولين وثقافة التسول ونكتة السودان بلد فقير المقعدة العرب ومصر في راسنا حاصل فارغ
وفضائية اقتصادية مشروع طموح ومهم وفعلا دماغك استراتيجي ما تشتغل بي زول حدد اهدافك بس واتحرك
10-28-2022, 04:44 PM
adil amin adil amin
تاريخ التسجيل: 08-01-2002
مجموع المشاركات: 37102
والاغنية العميقة دي شعار الفضائية الاقتصادية تكريم لاعترافك بي قعد افكر .....وناس لالا هسة بكونو اكلو نيم في البورد التحالف بين توفي وجقود خطير جدا ليس به قبل
10-28-2022, 05:41 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5883
اكيد يا عادل اخوي ما بتنفع ونحن رؤانا في الزاوية متفقين تماما على كل تفاصيلها الا حتة العاصمة وين والسودان مؤهل يكون بالفعل سلة غذاء العالم وما قيل هذا من فراغ
10-28-2022, 05:54 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5883
Quote: ويا توفيق العرب ديل ومصر بطريقتا دي وجامعة الدول العربية عالة علي السودان وعلى دوره الاقتصادي كعملاق من الدول التي تطعم العالم في السنوات المقبلة
والله ده الشغل الشغال عليه اليوم هسي بكره حا نسجل اول حلقات برنامج اسمه التكامل العربي وكان قررنا تقدمه استاذة من لبنان الشقيق لكن انضمت لينا سعودية ولقصد اوكلناها تشتغل البرنامج ده عشان نرسخ للعرب انه مشروع التكامل هي دعوة من الدول التي لديها المال الذي ممكن به يتسهل قيام المشاريع العملاقة العالم اليوم كله عبارة عن تكتلات اقتصادية وما يحرك العالم الاقتصاد وليس السياسة لان السياسة هي التابع للاقتصاد عكس فهم المثقفاتية الماسكين الفيل من ضنبه وفجأة لقو نفسهم في المنابر الاعلامية ومجبورين يقولوا أي شئ والغريب الناس مصدقاهم
10-28-2022, 06:11 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5883
استاذنا الجميل ابو عركي البخيت عنده اجمل اغنيات بتحث الناس للعمل خصوصا اغنية قومي من بدري وبالفعل ادخلتها في فيديو في قناة الانتاجية لكن طلع عندها حقوق نشر انا سعيت اقابله عشان توجاهته دي البتتوافق مع رسالتنا وكان الصديق ابراهيم محمد صالح مرتبط به في صيانة وبناء بيته وكان كل يوم معاه واتفقنا نمشي ليه سوا بس ربنا ما اراد نتلاقا في أكثر من مرة ومع ذلك عملت اعلان لكل الفنانين في السودان ينتجوا لينا اعمال تحث العمل والانتاج مدفوعة القيمة مننا ولا في زول اشتغل بينا الشغلة عشان اغلبهم اهتماماتهم العدادات والنقطة العمل الحقيقي آخر ما يفكروا فيه بوعي مع العلم ذكرت في الاعلان إني حا ادفع اي مبلغ للعمل الجيد ووريت انه دي ضريبة وحقوق حابي ادفعها لبلدي ما خليت زول حتى بالاجتهادات الشخصية بالمعارف في قطاعاتنا الفنية سعيت والحمد لله عندنا علاقات حلوة بناتي الله يديهم العافية في قناة الشفافية الانتاجية لما عجزنا قرروا هم ينتجوا اغنيات تعبر عن فحوى رسالتنا وعندي نمازج للأسف راحت لما غيرت التلفون كان ممكن اعرضها ليكم هنا بالعربي والانجليزي على احدث صور إنتاج الاغنيات الحديثة في العالم بس ما كملت معاهم عشان سبت السودان وجيت مصر وقناة الانتاجية متوقفة من ما جيت مصر نحاول مع الشباب في قناة الاقتصادية نعمل حاجة والحمد لله في برنامجنا الرياضة والفن والاقتصاد افسحنا مساحة واسعة للفن لتسخيره اقتصاديا ورساليا لمشروعنا
10-28-2022, 08:44 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27777
أنا أختلفت مع الأنسة في تعريف "أنترنت الأشياء" التي تكتب IoT .. أنترنت الأشياء تعنى توصيل الأجهزة الألكترونية بحيث تستطيع التحكم فيها بواسطة النت .. ومن علي البعد .. مثل: أنارة المنزل تكون موصلة في الأنترنت .. مواقد الطهي تكون بالأنترنت .. الثلاجات في المنزل .. قفل الباب .. موية الحديقة .. مثلاً العربات كل عربة موصلة بالشبكة بحيث تتعرف وحدها علي المسافة بينها والسيارة التى أمامها والتي خلفها وعلي جوارها .. وتحدد كيف تتصرف حينما تقترب من السيارة التى أمامها أو خلفها أو أو .. مثال أخر مكاتب العمل تكون موصلة بالمنزل وتعرف مواعيد حضور الأطفال، ومن أقترب من المنزل، وهل تريد أن تفتح له باب المنزل من بعد أو لا .. هل تريد تطفأ الغاز من حلة المطبخ .. واحدة من أنترنت الأشياء ..
مراقبة مثلاً درجة حرارة غرف الأجهزة الألكترونية .. صاحبي شغال في مطار كبير جداً في ولاية فرجينيا في وردية ليلية .. جاءه تلفون من ولاية كلفورنيا في الساحل الغربي .. ولاية فرجينيا في الساحل الشرقي .. المسافة 6 ساعات بالطائرة .. سأل الشخص صديقي هل أنتم التيم المناوب في المطار .. قال له صديقي نعم .. قال إذهب أنت وسوق معك شخص في التيم .. أذهب إلي الطابق كده .. أقيف أمام الباب رغم كده وهو مركز المعلوماتية في المطار .. وحينما تكون هناك أتصل علي لكي نفتح ليكم الباب، أنا عايزيكم تشوفوا لماذا التبريد في المزكز ما شغال ليه ..؟ ذهبوا وقفوا قدام .. الباب كك فتح .. لقوا المركز مولع من السخانة .. عملوا reset لأجهزة التبريد وأصلحوا عطل في "السنسر" .. والشخص من كلفورنيا شكرهم .. حينما رأي درجة الحرارة تهبط .. والأجهزة ظهرت له في الشبكة ومن هناك هو يتحكم في كل الأجهزة .. والتهوية والتبريد .. هذه أنترنت الأشياء ..
هنا صفحة تعريفية ب "أنترنت الأشياء" https://www.oracle.com/internet-of-things/what-is-iot/
لازم تراجع البرامج بنفسك .. ما تخليهم ينشروا أي شيئ .. ما لم تطلع عليه وتشاهده ..
بريمة
10-29-2022, 03:57 AM
adil amin adil amin
تاريخ التسجيل: 08-01-2002
مجموع المشاركات: 37102
Quote: والله ده الشغل الشغال عليه اليوم هسي بكره حا نسجل اول حلقات برنامج اسمه التكامل العربي وكان قررنا تقدمه استاذة من لبنان الشقيق لكن انضمت لينا سعودية ولقصد اوكلناها تشتغل البرنامج ده عشان نرسخ للعرب انه مشروع التكامل هي دعوة من الدول التي لديها المال الذي ممكن به يتسهل قيام المشاريع العملاقة العالم اليوم كله عبارة عن تكتلات اقتصادية وما يحرك العالم الاقتصاد وليس السياسة لان السياسة هي التابع للاقتصاد عكس فهم المثقفاتية الماسكين الفيل من ضنبه وفجأة لقو نفسهم في المنابر الاعلامية ومجبورين يقولوا أي شئ والغريب الناس مصدقاهم
كويس يا توفيق اهلنا بقولو الواضح ما فاضح الطريقة البتعاملو بيها الدول العربية خصوصا مصر والخليج مع السودان ما كويسة اطلاقا نهب موارد وذهب مفضوح مع اقليات مشوهة ونظام مركزي فاسد انت وعي العرب ديل زاتهم قبل يجو السودان بي الرؤية العالمية الطريق والحزام والصين ودول بريكس لاني شايف ذهب السودان كافي والسودان دولة غنية وما يمارسه العرب مع الساقطين في المركز استحمار تحدد الدولة السودانية تكون كيف اولا وعبر ياتو قنوات يستثمر العرب قلت ليك من اول مرة لو انت متابع متابعة واعية المؤسسات دي لازم تتحقق في السودان المحكمة الدستورية المراجع العام والدكلاريشن\ وزارة التخطيط والتعاون الدولي فقط وفصل التخطيط عن المالية والغاء وزارة الاستثمار نهائي الاعلام الحر والواعي الاقاليم الخمسة القديمة بي ادنى مرجعية دستور 1973 وقوانين 1974 عشان نقلع شجرة فنيلة ميسي الخبيثة من جذورا 1978-2022 https://www.0zz0.com اياك والتعامل مع العرب وللسودان اليد السفلى ولا تجاملهم يجو بي شروط شعب السودان وممثيله الاصليين بي المشورة الشعبية او الانتخابات وتعرف تماما السودان بلد منهوب وليس بلد فقير قلت ما عاجبك نقل العاصمة السياسة كوستي يا توفي خلاس نعملا عاصمة تجارية زي شنغهاهي وهي اصلا في طريق الحرير الافريقي بورتسودان داكار علي الاقل ترجع الاقاليم الخمسة وتفضى الخرطوم الوسخانةدي شوية ويا توفيق اوعك تجامل في اهدافك الاستراتجية لا العرب ولا العجم وتقعد ملوما محسورا للسودان اليد العليا تاني بس من 1يناير 2923 والمشاريع قدامك والذهب بالطن والنفط ايضا والموارد ليه نتسول الرعاع ديل ؟؟؟ انت ما كوشي ولي شنو ؟؟؟ البجي السودان يستثمر يجي بي الباب والوزارات المختصصة مش فلان وعلان وعصابات الموز والجنجويد والبازنقر
10-29-2022, 06:18 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: أنا أختلفت مع الأنسة في تعريف "أنترنت الأشياء"
الاستاذة يا بريمة ما عندها لوم عشان انا البقوم باعداد البرامج والبنات عليهم يعكسوها للناس وبالنسبة لتعريف انترنت الاشياء بنيته من خلال محاولات ربط تطبيقنا سوداوي العملاق بانترنت الاشياء بواسطة وزارة الاتصالات الكانت راعية التطبيق وكنا بنتناقش في كيفية الربط وده الفهمته من انترنت الاشياء خصوصا كنا عايزين نستخدمه للزراعة والرعي عبر التطبيق ونربطه بمحركات بحث كبيرة يسهل لينا عن طريق الاشعار عن بعد نوع التربة وزمن الري والكشف المبكر لامراض الماشية في المراعي وكذلك استكشاف المراعي الجيدة عن طريق الاقمار الصناعية وقصة طويلة واجتماعات الاغلبها بالانجليزي مرة افهم ومره اطش عشان بمصطلحات اغلبها ما بعرف المقصود منها شنو عموما انا سعيد يا صاحبي بنقدك وتوجيهك وبالفعل من خلال الرابط بالعربي فهمت الزاوية الكانت رايحة مني واهو لو الناس بتتفاعل زيك بنتحسن ونشتغل باحترافية ومصداقية وعلمية أكتر
10-29-2022, 01:45 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5883
Quote: اهلنا بقولو الواضح ما فاضح الطريقة البتعاملو بيها الدول العربية خصوصا مصر والخليج مع السودان ما كويسة اطلاقا نهب موارد وذهب مفضوح مع اقليات مشوهة ونظام مركزي فاسد
وده سبب البرنامج يا عادل وبالمناسبة هو برنامج عام لم نخصصه للسودان قصدنا إننا نثير قضية تهمنا في المنطقة المرتبطين بيها في الشرق الاوسط اي المنطقة العربية في ظل التكتلات الاقتصادية البقت سمة من سمات عالمنا اليوم في الاول كان اسم البرنامج التكامل السوداني العربي ولكن وجدنا اننا كده بنحصر مفهوم التكامل ولو اننا كسودانيين تبنينا التكامل بيكون لينا قدم السبق واسياد الشئ وبنقدر نأطره لمصلحتنا عشان بنكون اصحاب الفكرة الشعبية غير الرسمية باقي افكارنا يا عادل مافيها اختلافات جذرية بل شكلية
10-29-2022, 01:58 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5883
Quote: تحالفكم ده زي العملوا منتخب بين القماير و الدباغة شان يلاقوا المريخ ..
يا سلام عليك يا يحي قباني لاني بعشق وبحب اللهجة الامدرمانية ومشاغلاتها وكنت بضحك وانا مستمتع مع Deng في كلامو تجاهي لان اللغة الكان بيقولها لا يفهمها الا زول عاش في امدرمان القديمة ومؤكد هو عاش او خالط ناس امدرمان القديمين المهم ... عادل زول جميل ياخ وله فكر انا بؤمن بالكتير منه واصرار للشئ ده وبنتشابه في كتير من المواقف ده غير من سنين دايما جنبي سند لمشروعي كبير جدا وبوعي ايضا كبير جدا
10-29-2022, 04:02 PM
adil amin adil amin
تاريخ التسجيل: 08-01-2002
مجموع المشاركات: 37102
Quote: عادل زول جميل ياخ وله فكر انا بؤمن بالكتير منه واصرار للشئ ده وبنتشابه في كتير من المواقف ده غير من سنين دايما جنبي سند لمشروعي كبير جدا وبوعي ايضا كبير جدا
قبة ده يا توفيق من اهل الشرائج في البورد زي ابوالقدح من تلقى الزول لحدي هسة مركب مكنة شيوعي وبعثي وناصري وكوز وسلفي ارمي طوبتو طوالي طوالي بتذكر القميص التحرمني منك والبنطلون الترفيرا وفريق البوني ام دي تقلعيات جات من العام العربي ف السبعينات وبوظت السودان قبة ده لو قلت ليه BRICS دي شنو يقول ليك حلاوة حربة الجديدة انا صيص ام درمان ديل عندي فيهم راي كعب ارمي قدام يا توفي قدم مشارعيك بي البور بوينت للعالم وكلو وبنك التنمية في شنغاهاي بنك بريكس والسفارة الصينية قريبة زح من الناس المبارين 9 طويلة الناهبة للسودان
10-29-2022, 04:41 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: قبة ده يا توفيق من اهل الشرائج في البورد زي ابوالقدح من تلقى الزول لحدي هسة مركب مكنة شيوعي وبعثي وناصري وكوز وسلفي ارمي طوبتو طوالي طوالي بتذكر القميص التحرمني منك والبنطلون الترفيرا وفريق البوني ام دي تقلعيات جات من العام العربي ف السبعينات وبوظت السودان قبة ده لو قلت ليه BRICS دي شنو يقول ليك حلاوة حربة الجديدة انا صيص ام درمان ديل عندي فيهم راي كعب ارمي قدام يا توفي قدم مشارعيك بي البور بوينت للعالم وكلو وبنك التنمية في شنغاهاي بنك بريكس والسفارة الصينية قريبة زح من الناس المبارين 9 طويلة الناهبة للسودان
ههههههههههههه
ما قت ليك ما قاعد يفكر ..
اول شي يا جقود الشرائج دي انت محشور فيها من يوم ولدوك في جحر في لفة ابو حمد ديك .. و جيت انجدعت في جحر في اليمن التعيس .. و لامن حبيت تتفرنج ودوك الدامر تقرا ..
انا متأكد فترة جامعة الخرطوم اولاد ام در سووا ليك حاجات ما كويسة ازعجتك هههههه ..
بعدين يا تيفة .. قول للعريبي ده توفيق لقبه (تيفة) .. اما (توفي) فهي لقب مصطفى ..
جقود .. قوم لف و رينا جمال خطوتك .. ههههههههههههه
10-30-2022, 03:27 AM
adil amin adil amin
تاريخ التسجيل: 08-01-2002
مجموع المشاركات: 37102
اول شي يا جقود الشرائج دي انت محشور فيها من يوم ولدوك في جحر في لفة ابو حمد ديك .. و جيت انجدعت في جحر في اليمن التعيس .. و لامن حبيت تتفرنج ودوك الدامر تقرا ..
انا متأكد فترة جامعة الخرطوم اولاد ام در سووا ليك حاجات ما كويسة ازعجتك هههههه ..
بعدين يا تيفة .. قول للعريبي ده توفيق لقبه (تيفة) .. اما (توفي) فهي لقب مصطفى ..
جقود .. قوم لف و رينا جمال خطوتك .. ههههههههههههه
حرقك اكيد مش قلت ليك يا توفي ....اذا ما نقلنا العاصمة كوستي ما بنرتاح من تراهات ناس قبة ديل عطبرة فيها سكة حديد وانجليز كان القطر يمشي بي فوق والعربات تمشي بي تحت ام درمان دي لحدي هسة ادباخانات البير والموية بي الخرج... انا في الجامعة اصحابي كانو نجوم ام درمان اشرف بدري الله يرحمه وناس شبيكة والقائمة تطول فكروثقافة وكورة
فكر زي جقود https://www.0zz0.com
هسة مشروع وادي المقدم ده امسك فيه قوي لانه لو ما اتعمل والنيل الازرق خرج من السيطرة في مستقبل السنين وسد النهضة قنطر الموية فوق شديد والله يقش ليك ام درمان بتاعتك دي يوديها لي فاس الما ورها ناس (عليك الله يا عارف اكشن لي دي) الحلبي البطة ده مخو بجي الساعة 12 انت معطناك في البورد ده لامن فترنا وقريب بنلحقك جحبور الشيخة موزا خضر الطيب الجابك هنا شنو مع ناس الابداع الاقتصادي واليمن يا قبة حضارة ومنارة وشعر ما عندك ليه رقبة الكلام على الوعي هنا مش قاعد وين
10-30-2022, 04:02 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: م درمان دي لحدي هسة ادباخانات البير والموية بي الخرج... انا في الجامعة اصحابي كانو نجوم ام درمان اشرف بدري الله يرحمه وناس شبيكة والقائمة تطول فكروثقافة وكورة
وكت امدرمان كما وصفت .. الوداك تتلصق في عيال امدرمان شنو ؟ ههههههه ما قت ليكم اولاد امدرمان ذكروه طفولته المعذبة ..
10-30-2022, 04:09 AM
adil amin adil amin
تاريخ التسجيل: 08-01-2002
مجموع المشاركات: 37102
Quote: وكت امدرمان كما وصفت .. الوداك تتلصق في عيال امدرمان شنو ؟ ههههههه ما قت ليكم اولاد امدرمان ذكروه طفولته المعذبة ..
اها وبعدين فعلا ظهر المخو ما شغال منو ..طوالي حول الموضوع لقضية انصرافية وحنك بيش شوف الناس ثلاثة والعقول ثلاثة وفقا لهذه الدراسة انا وتوفي من النوع الاول انت ياتو فى ديل يا رجرجة منصور خالد
صفاتهم: يتفاعلون مع الأحداث التي يصنعها أصحاب الفئه الأولى
ﻏﺎﻟﺒﺎً ﻟﻬﻢ ﺃﻫﺪﺍﻑ ﻗﺼﻴﺮﺓ ﺍﻷﻣﺪ ﻣﺮتبطه ﻏﺎﻟﺒﺎً ﺑﺎلمصلحه ﺍﻟﻤﺒﺎﺷﺮه يحققون توقعاتهم أكثر من أحلامهم
*أﻣﺎ ﺍلفئه ﺍﻟﺜﺎلثه ﻓﻬﻢ:* ﻣﺴﺘﻬﻠﻜﻮﻥ تظهر عليهم علامة السرف و الإهمال يكثرون من الجدل و النقاشات غير المجديه ، يتعصبون لأرائهم و ميولهم ، ﻋﺎﻃﻠﻮﻥ في معظم أوقات اليوم
صفاتهم: يتفاعلون مع الأحداث التي يصنعها أصحاب الفئه الأولى
ﻏﺎﻟﺒﺎً ﻟﻬﻢ ﺃﻫﺪﺍﻑ ﻗﺼﻴﺮﺓ ﺍﻷﻣﺪ ﻣﺮتبطه ﻏﺎﻟﺒﺎً ﺑﺎلمصلحه ﺍﻟﻤﺒﺎﺷﺮه يحققون توقعاتهم أكثر من أحلامهم
*أﻣﺎ ﺍلفئه ﺍﻟﺜﺎلثه ﻓﻬﻢ:* ﻣﺴﺘﻬﻠﻜﻮﻥ تظهر عليهم علامة السرف و الإهمال يكثرون من الجدل و النقاشات غير المجديه ، يتعصبون لأرائهم و ميولهم ، ﻋﺎﻃﻠﻮﻥ في معظم أوقات اليوم
سلام توفيق فى 2023 مرحلة ماو والثورة الثقافية واقرا البوست بتقنية الvar 1-السودان عايز فضائية اقتصادية محترفة في هذه المرحلة توجه للشعب المعذب والعالم النظيف الصين وطريق الحرير ودول الايقاد والحزام المدراي 2-السودان عايز فضائية ثقافية وهيكلة لوزارة الثقافة والاعلام نفسها وتشغل الفنون السبعة في اعادة السودان الجميل سودان 1 يناير 1956 وتعرف العالم كله بحضارة كوش العظيمة https://www.0zz0.com انت جهز برنامج بس وبعدين الفضائية الاقتصادية السودانية بتعكسا للشعب والشعب من يملك وسائل الانتاج في الاشتراكية الجديد مش جنرالات البقط والاجهزة الامنية والجنجويد والبازنقر بتاعين حفتر والسراج الشعب الواعي 40 مليون سوداني اكبر قوة اقتصادية في العالم 10 مليون مزراع و5 مليون راعي ومليون معدن ومليون صياد سمك ومليون مع مؤسس الصمغ العربي "اكبر ثروة سودانية مغيبة لذلك مشروع وادي المقدم والملك ومكافحة التصحر بي زراعة 5مليون شجرة هشاب في شمال دارفور وشمال كردفان كافي لاعادة الغابات والامطار في هذه المناطق بين خط عرض 10 و16 وقرررط على كده
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
توفيق عيسى مكي
Biraima M Adam
adil amin
يحي قباني
فيس بوك
تويتر
انستقرام
يوتيوب
بنتيريست