بلدي بلد الغبش ترابها زي جلدي وشمسها تصقع راسي ما ني شغل بيها وخلوها تزيد جني وضلالي والمويه فيها من جنان رضوان وديل يا دنيا أهلي اللطاف أسياد الكرام والعفاف جد ما بينا خاين عهود و لاكضاب من كرمهم كوفوفم صحون وصابرين علي الضنك والجور ما بشكو الا للعاطي الكريم في الوجع حامدين وعلي بلاوي الزمن صامدين هم بالجد سيرة الوجع والأسي معهن متعايشين لا لعنيين القدر ولا بالرب كافرين نعالج بعضنا بسمح الكلام ونستر ضعفينا ومن عزيز قلوبنا نديوه وما بنخاف فقر ولا لمفارقة الفانية متجرسين والملك فينا عفيف لسان وليهو أسمح خصال سالت ربي الكريم ما أفوتيك ولا أبكي مشتاق ليك محروم يا بلد الطيبين وجنة المساكين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير ابو الزهراء
فيس بوك
تويتر
انستقرام
يوتيوب
بنتيريست