تحياتى والإحترام ، أخى دكتور ياسر~ فى المشاهدة الأولى إحترت😀 لكن بعدها فهمت المقصود ، وهو يعنى الإحتلال الجنوني الواقع على السودان من هؤلاء البدائين وكيف إنهم شغالين تحطيم فى كل تاريخ نضال الشعب السودانى وكيف يمارسون إهانة رموزه (الشهداء محمود محمد طه، عبد الخالق محجوب وحتى الوصول للمهدى…) -شايفة برضه نغمة جديدة (مثال كتابات محمد سليمان وغيره) قالوا الإنجليز أدوا الشعب السودانى الإستقلال "هدية"، ودا خديعة وتغيير للتاريخ واستخفاف بكل نضال الشعب السودانى - وما زال مدفع عبد الفضيل الماظ مثالا موجودا قويا كما ثباته العنيد… * من وجهة نظرى إن العمل الفنى من أقوى أدوات النضال
01-07-2023, 07:16 PM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 48960
ياسر والله انا ما فاهمة اي حاجة ...اصلوا فهمي تقيل... ممكن براحة تشرح لي الزول ده بيقول في شنو ...ومعنى كلامو شنو...؟؟!!! وهو لابس يونيفورم الجنجويد ( الدعم السريع) ...هل فعلا هو بيمثل الدعم السريع... ..وبالشرح المفصل فهمنا خطوة خطوة ... عشان نفهم ....والله والله يديك الصحة والعافية
01-07-2023, 09:29 PM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 48960
طريقة نقل فيديو من الفيسبوك: هناك ثلاثة نقاط في يمين أعلى الفيديو اضعط عليها بزر الماوس الشمال تظهر قائمة اختر من هذه القائمة الخيار Embed اضغط على Embed تظهر لك نافذة فيها مربع مكتوب عليه Copy Code ألصق الكود في سودانيز أونلاين في البوست الذي تختاره
شكرا ياسر على التوضيح... معقولة حميدتي قال الكلام ده كله ؟؟؟ انا افتكرت الزول ده من الجنجويد فعلا وما قايلاه بيمثل ويقلد حميدتي ... يا دوبك فهمت ....كنت مسطحة ...لاني ما كنت متخيلة حميدتي قال الكلام ده كله..
01-08-2023, 05:12 AM
Abureesh
Abureesh
تاريخ التسجيل: 09-22-2003
مجموع المشاركات: 30182
سلام اخى ياســر، وأستمعت لفديـو حميدتى فى المداخلة الأخيرة كاملاً، وعادة لا اكمل مشاهدة أى فيديــو، وأرى ان هذا الرجل صادق فى كلامـه، ومباشــر.. ما عنده نفاق السياسيين وموازناتهم.. لو شفت زول يتكلم فى مواضيع واشخاص ووقائع كثيرة جدا بعفوية وسرعة وبدون أن يقرأ من ورقة فهو فى الغالب صادق. أظن هذا الرجل يحتاج الى دعم سريــع!
01-08-2023, 07:59 AM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 48960
سلام يا أبو الريش ليس أخطر من حميدتي وجنجويده إلا الكيزان. حميدتي يحتل السودان ويحاول أن يكون هو الجيش. وضع السودان معقد وهناك عدد من الطامعين وينتظرون تفكيكه.
01-08-2023, 09:12 AM
محمد محمد قاضي
محمد محمد قاضي
تاريخ التسجيل: 12-23-2014
مجموع المشاركات: 1605
محمد تروس إنسان سوداني جميل وفنان ثوري فله التحية والتقدير وشكرا دكتور علي هذا البوست وما فيه من تعبير لحال (قادة) البلد
معقول بتنا إمتثال ما سمعتي بي محمد تروس وإنت متابعة وعضو فعالة في سودانيزاونلاين وسيد الحوش أخونا بكري دائما بينزل إسكيتشات للفنان محمد تروس؟ تحياتي ليك والمعاك
01-08-2023, 09:52 AM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 48960
Quote: ليس أخطر من حميدتي وجنجويده إلا الكيزان. حميدتي يحتل السودان ويحاول أن يكون هو الجيش. وضع السودان معقد وهناك عدد من الطامعين وينتظرون تفكيكه.
أهلا دكتور ياسر من يريد تفكيك السودان هى المخابرات الأجنبية.. شوف رئيس مخابراتهم كل يوم هابط ف الخرطوم. ما عارف خطورة حميدتى فى شنو.. حتى الان شايفه ملتزم جانب الشعب.. وبالمناسبة زى ما تعرف أنا لا أميل مع آراء الناس فى أى قضيـة وإنما أجمع البينات عن كل ما هو مطروح ثم أقدم رأيى.
لا يفهم من موقفى هذا انى لا أتهم حميدتى بفض الإعتصام لأنه كان الرجل الثانى فى تلك الأيام. هو متهم حتى الان بلغة القانون.. فإن إدانة الرجل أو براءته لا أبحث فيها وليست مسؤوليتى.. أمام الإتهام فأمره مختلف.. حيث ان المدعى العام عليه مسؤولية جمع المعلومات ثم تقديم الترهام
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة