|
|
|
 Re: دا كلام شنو؟ .. قارئ المستقبل نوسترداموس .. (Re: Biraima M Adam)
|
Michel de Nostredame, usually Latinised as Nostradamus, was a French astrologer, apothecary, physician, and reputed seer, who is best known for his book Les Prophéties, a collection of 942 poetic quatrains allegedly predicting future events. Wikipedia
Born: December 14, 1503, Saint-Rémy-de-Provence, France
Died: July 2, 1566, Salon-de-Provence, France
Full name: Michel de Nostredame
| |
 
|
|
|
|
|
|
|
|
Re: دا كلام شنو؟ .. قارئ المستقبل نوسترداموس .. (Re: Hassan Farah)
|
Quote:
أنت بتقرا الودع ولا الفنجان؟
أنا من زمان شاكي فيك بتكون أصولك من الغجر بتاعين أوربا.
الايام دي شايفهم في أمريكا بشحتوا امام محلات Wal Mart |
هل تصدق الشحدة عندهم ليس عمل منبوذ؟! .. فهى عمل لكسب الرزق .. هو يمد لك يده مستعطفاً .. لو أعطيته بشيل إن رفضت له يذهب ويشف النصيب في زول أخر.
مشينا أنا والمدام في دكان الدهب: الياسيني في Route 7 .. قبل ما تصل تايسون كورنر .. وجدنا الأخ حكيم .. وأنا وهو في سجال في موضوع .. وفجأة دخلوا غجر رجال ونساء .. طبعاً أصحاب المحل فلسطينيون .. علي طول حكيم دق جرس .. اليوم ح يسرقوني .. أقعدوا معاي ما تروحوا .. ونحن خلصنا .. قعدنا في الكراسي جوار الباب ..
قلت للمدام فتحي عيونك .. حكيم طلب منا خدمة الناس ما يسرقوه لو شفتي حاجة كلمينى نغمز لحكيم ..
والله يا دينق، ذهلنا أنا والمدام .. الناس أشتروا كمية من الذهب ما صدقناهم .. نزلوا دهب ودهب .. بكميات رهيبة .. وأنا هنا مستعد وحكيم عينه تقول خلي بالك علي الباب .. والباب ما بفتح إلا بواسطة حكيم .. أها الغجر دفعوا قروش الدهب جت علي دائرة المليم .. نسوانهم الشباب والعجايز منهن رقصن جنس رقيص .. والرجال فرحانين كأنهم متزوجين حديثاً .. حتى أطفالهم ملوهم دهب .. الناس ديل اغنياء في زمن القروش بقت ما في ..
بريمة
| |
|
|
|
|
|
|
|
|
Re: دا كلام شنو؟ .. قارئ المستقبل نوسترداموس .. (Re: Biraima M Adam)
|
ده المحل الجديد بتاع الدهب اللي في فالس شيرش؟
قالوا عنده دهب ممتاز جدا، في واحدة سودانية من معارفي عاملة لهم عروض ودعاية.
ليس ببعيد من محل الدهب هذا هنالك محل بتاع غجر لقرائة الكف، في نفس الشارع.
نرجع لجماعتك الغجر بتاعين اليونان، أنت درست ف اليونان وبتعرفهم كويس.
أنا مرة راكب المترو في أثينا، قاموا جو أتنين أطفال حاملين ألة الاكورديون الموسيقة، ونازلين يعزفوا لركاب المتروا، ولقيتهم عنصريين حتى في الشحتة.
ماف واحد فيهم قرب من جنبي. بعد يومين عرفت من واحد صديقي من البيض بتاعين جنوب أفريقيا نشلوهوا وعدموهو المليم، وكان يسب ويلعن فيهم.
قمت أنا حكيت له وقلت له أنا كنت في المترو والاطفال النشالين ديل لم يقربوا مني وخافوا من لوني الاسود.
| |
|
|
|
|
|
|
|
|
|
Re: دا كلام شنو؟ .. قارئ المستقبل نوسترداموس .. (Re: Deng)
|
العبار دينق،
نعم دكان الذهب في فولس جيرج .. علي route 7 قبل ما تصل تقاطع R-I66 .. وأنت ماشي ناحية تايسون كورنر .. تقع علي شمالك محلات ماكدونالز وديلير عربات كيا Kia .. وعلي اليمين محلات Giant .. والمحلة تقع في نفس محلة ال Giant ..
في فرجينيا، المحلة دي هلكتنا هلاك .. بعرفوا مزاجات السودانيات .. كل موسم تشكيلات جديدة ..
Quote: نرجع لجماعتك الغجر بتاعين اليونان، أنت درست ف اليونان وبتعرفهم كويس.
أنا مرة راكب المترو في أثينا، قاموا جو أتنين أطفال حاملين ألة الاكورديون الموسيقة، ونازلين يعزفوا لركاب المتروا، ولقيتهم عنصريين حتى في الشحتة.
ماف واحد فيهم قرب من جنبي. بعد يومين عرفت من واحد صديقي من البيض بتاعين جنوب أفريقيا نشلوهوا وعدموهو المليم، وكان يسب ويلعن فيهم.
قمت أنا حكيت له وقلت له أنا كنت في المترو والاطفال النشالين ديل لم يقربوا مني وخافوا من لوني الاسود. |
يا دينق، الغجر تجربتي معهم والله تجارب جميلة .. في مجتمعاتهم يختلفون تماماً عن الذين تراهم يشحتون .. هنا بعض تجاربي معهم:
Quote: في اليونان يوم كنت سافرت منطقة تسمى باترا في شمال اليونان بغرض البحث .. ونزلت في باترا ومنها ذهبت مشياً على الأقدم مسافة طويلة أقصد محطة أبحاث خلوية.
في نص المسافة لقيت رواكيب ذى حقتنا في السودان ..
قلت الله في عرب رحل مصيفين هنا ولا شنو؟ .. خليت الشارع ومشيت للرواكيب.
لقيتهم يا عاصم ديل أهلك الحلب "الجبسيس" كما يسمونهم في أوروبا ..
دخلونى في راكوبة وأجلسونى في الوطا .. مثل جلسة الطراز العربى!
وجابوا لينا أكل لحوم ليس لها حد .. سألتهم عن ديانتهم .. قالوا مسيحين .. قلت أوكى طعام أهل الكتاب.
أكلت معاهم لما شبعت .. رزق ساقة الله لى ..
بعدين جابوا الشاى والقهوة .. والتدخين بصورة جماعية .. أنا رفضت أدخن.
وللعلم يأكلون رجال ونساء وأطفال ..
المهم الناس مسكونى ساعتين .. لما هممت بالذهاب ..
قاموا يودعونى رجال .. ونساء
الرجال يفتحون راحتى أيديهم .. وأنت تربت على أيديهم مثل لعيبة الكورة لما يسلموا على التيم الأخر ..
أما النساء .. وداعهن بالبوسان عديل ..
نسوان الحلب وقفوا لى صف .. بوستهن كلهن .. آت البقدرنى شنو ما نفعل .. ممكن يقصروا أجلى في لحظة لو أهنت نساءهم.
لكن يا عاصم العفانة بتاعت نسوان أهلك الغجريات التى لصقت في أنافى .. لو دسيت مناخيرى في التراب وطلعتهم لا تذهب.
بريمة |
وهنا:
Quote: يوم شتوى بارد .. وكنت ذاهب من مدينة سالونيكا (مدينة الألكسندر المقدونى الأكبر) أقصد مركز الأبحاث خارج المدينة وجوار مطار سالونيكا.
كنت أحمل في يدى كيس فيه بيضتين مسلوقتين .. وجبنة وعيشة كبيرة.
نزلت من الشارع الرئيس .. ومسكت شارع المطار .. لأنه هو الشارع الوحيد الذى يوصلنى لمحطة الأبحاث ..
في أثناء سيرى .. رأيت رجل جميل الهندام يقف في جانب الشارع الذى أسير فيه ..
كان الرجل محلوق حلاقة ظريفة ويلبس بدلة كاروهات بالأخضر .. وبنطلون بالأسود .. وحذاء يلمع ..
حينما أقتربت من الرجل .. كان في الجانب الأخر من الشارع على مسافة بيت غجر نزلوا في المكان لفترة غير قصيرة .. حوالى أسبوعين.
ذهبت للغجر في الأسبوع الذى نزلوا فيه .. بقصد التعرف على طبيعة هؤلاء الناس الذين نزلوا جوار مركز أبحاثنا خوفاً على أن لا يخربوا الشتول وكده ..
وجدتهم غجر فقراء ما عندهم أى شيئ .. غير البيض وبعض الحشائش البرية اليونانية يطبخونها في شكل سلطة ..
وللعلم الغجر أهل عاصم فقيرى .. كرماء كرم حاتمى .. كأنهم عرب ..
عزمونى في السلطة أكلت معاهم ذى ما حصل حاجة ..
أها نقشت حالهم .. الذى يغنى عن سؤالهم ..
كلما يأتى البروفسير إلى مركز الأبحاث يأتى بضهر العربية مليان ما لذ وطاب ..
أخلى البروفسير يذهب .. أشيل كل الأكل أوديه للأسرة الغجرية ..
اليوم القابلنى فيه الشخص .. كان الرئيس جورج بوش الأب .. في زيارة إلى سالونيكا المدينة
والرجل كان رجل أمن .. يرابط في الشارع الذى يمر به الرئيس بوش ..
حينما أقتربت منه تفرس في ملامحى ..
أخرج الرجل من بدلته مسدساً وصوبه نحوى .. وأمرنى أن أستدير إلى الجهة الأخرى وأن أستلقى أرضاً ..
على طول أخذ الرجل كيسى وقعد يفتش فيه .. جدع البيض والجبنة والعيش بره الكيس ..
هناك شفت ليك الغجرى وأمرأته .. وأولاده .. كل زول شال عكاز وجوا جارين جرى ..
رجل الأمن عينة ما تشيف إلا النور .. دقوا ليك الزول دق العيش ..!
أنا قلت هيي الراجيها شنو .. خطفت إلا عيشتى والبيض والجبنة بترابها .. وركضت .. كالعدّاء في سباق مية متر ركضاً .. لمركز الأبحاث ..
بريمة |
تصدق أحترمهم جداً .. فيهم صفات الشهامة والرجولة .. لكن العيب الوحيد الشحدة .. ما بشوفوها عيب ..
اليونان عموماً غير مشهورة بمسألة السرقات من الجيوب .. pick pocket .. تكون جديدة لو ظهرت .. كما أن الغجر مسالمين جداً .. وبساطهم أحمدي لو زرتهم في محلاتهم .. بسرعة يحاولون احتواءك ودمجك في حاجاتهم .. لكن شرسين في حالة إستعداءهم.
مقارنة بين ما يكتبه عاصم فقيري مع ما يكتبه بريمة بلل.مقارنة بين ما يكتبه عاصم فقيري مع ما يكتبه بريمة بلل.
بريمة
| |
|
|
|
|
|
|
|
|
|
Re: دا كلام شنو؟ .. قارئ المستقبل نوسترداموس .. (Re: Biraima M Adam)
|
Quote: كيف تعرفوا نهم غجــر؟
ما ممكن يكونوا تراشوايت؟ |
الباشمهندس، الناس ديل عندهم سمات مميّزة .. الإسكيرتات الطويلة والمذركشة والركامات .. والحلق المتدلي مثل قمربوبا .. والمارك المميزة بتاعت الهنود ..
واضحين جداً ..
نعودوا للمنجمين، بابا فانكا . قالت البابا ح يموت في هذا العام .. واليوم في اول أيام الشهر توفي البابا بنديكتوس السادس عشر .. بابا الفاتيكان السابق .. عن عمر يناهز 95 عاماً ..
هووووي أنتم الناس ديل نجرهم فيه مصداقية ولا شنوظ
بريمة
| |
|
|
|
|
|
|
| |
Biraima M Adam
Abureesh
Deng
Hassan Farah
أبوبكر عباس
فيس بوك
تويتر
انستقرام
يوتيوب
بنتيريست