|
Re: ما لاقاكم بوست واقع !! (Re: الشيخ سيد أحمد)
|
وزي ما قال "حميد" طيب الله ثراه يارعاوة العرب الرحل مالاقاكم في بطراني في كاويق الجرف الامحل عن ساساق الغيمه عليكم في قعداتكم لي شاياتكم في صلواتكم في خلواتكم في دعواتكم
ياخي موضوع الخور ده "يعسم" الواحد تعسيمة معاها "شهقة"
| |
|
|
|
|
|
|
Re: ما لاقاكم بوست واقع !! (Re: الشيخ سيد أحمد)
|
آخر مرة عندي بوست مشى الخور يمكن قبل عشرة سنوات. مع المرحوم إن شاء الله "جادات". معقول يا بكري لكن - الناس تكبر وتعقل - نحن نكبر وتودينا الخور:(
ياجماعه واحد يورينا الحصل شنو في البوست.
| |
|
|
|
|
|
|
Re: ما لاقاكم بوست واقع !! (Re: الشيخ سيد أحمد)
|
البوست لم تحدث فيهو اي مداخلات لكن اعتقد بان الطامة جاتك من عنوان البوست بذكر اسماء واظن والله اعلم واحد رفع دعوي بالامر لسيد الحوش وعليه تم التخوير . استعمل اللاوندي في هيك حالات.
| |
|
|
|
|
|
|
Re: ما لاقاكم بوست واقع !! (Re: Arif Nashed)
|
حيا الله عارف
Quote: البوست لم تحدث فيهو اي مداخلات لكن اعتقد بان الطامة جاتك من عنوان البوست بذكر اسماء واظن والله اعلم واحد رفع دعوي بالامر لسيد الحوش وعليه تم التخوير . استعمل اللاوندي في هيك حالات. |
تحليلك منطقي يا عارف إذا فعلآ مافي آكشن حصل في البوست. لكن معقول " قبة " يكون مشى وإشتكى - ما أظن ياخ. الغريبة البوست فيهو أسئلة عادية جدآ ومافيهو اي مقصات.
اللاوندي كويس -لكن المشكلة في ناس كتيرة ح تكون مسطحة :)
| |
|
|
|
|
|
|
Re: ما لاقاكم بوست واقع !! (Re: ABUHUSSEIN)
|
يا شيخو سلام .. وضيوفك ,,
الغريبة انا شاركت في بوستيك المخور دا .. وذكرت اني لما كنت شافع اكلت رز بالبن في جنينة السيد علي الميرغني بشارع النيل .. يكون يا ربي الرز باللبن دا هو خور بوستيك ؟؟
ثم عااش ابو هااشم ,,,
عاالم بطاالــــــــــــــــــة ,,
| |
|
|
|
|
|
|
Re: ما لاقاكم بوست واقع !! (Re: محمد مجيدو)
|
اهلا شيخو
ودعني اشيد بروحك الاسفيرية العالية بمناسبة تخوير البوست.
في آخر مرة قرأت فيها البوست، لم أجد فيه ما يجعله قابلا للتخوير أو "إعادة التخوير" ههههه
انا من مدمني قراءة ردودك الساخنة ففيها كوميديا عالية .
لو تعلمت قليلا من التكنلوجيا يمكنك ان تكون ميميا او كاركاتيرستياً مدهشا وناجحا " *.
*طبعا من عيار الجربندية الفنانين أو الفنانين الجربندية ههههه
| |
|
|
|
|
|
|
Re: ما لاقاكم بوست واقع !! (Re: osama elkhawad)
|
Quote: قبل كده تعرضت لنفس الموقف واتخور لي بوست حتي لو ملاحظ الرسوم شغال فيها باللاوندي . |
الحقيقة يا عارف عندك فنيات عالية جدآ في بوست أكشنات المنبر. بالنسبة لي الكاريكاتير الموجود في هذا البوست - حاجه كده فيها "وهمة في شكل كك " مبالغة لكن :)
Quote: قبة لا اعتقد بان يفعلها لكن زبونك داك بعمله. |
هههههههه حامضة يا عارف - حامضة شديد - محتاجة لي معلقة رز بي لبن من بتاع حبيبنا "مجيدو" عشان تتبلع :)
| |
|
|
|
|
|
|
Re: ما لاقاكم بوست واقع !! (Re: الشيخ سيد أحمد)
|
Quote: يا زول هوي إبو حسين زمااااان تاب و بقى بتاع انكوليب بس ....... |
هههههههه قلت لي نكرتني حطب :)
تعرف يا ابوحسين - البوست كنت سايقو بي نمرة تلاته - وعامل مراعاة لي "عامل السن" ههههههه لكن برضو مشى الخور. نحن بنعرف "خور طقت" "خور اب حبل" "خور نصرالدين" هسه بقى عندنا "خور بكري " :(
| |
|
|
|
|
|
|
Re: ما لاقاكم بوست واقع !! (Re: الشيخ سيد أحمد)
|
مجيدو حبيب الكل حياك الله
Quote: يا شيخو سلام .. وضيوفك ,,
الغريبة انا شاركت في بوستيك المخور دا .. وذكرت اني لما كنت شافع اكلت رز بالبن في جنينة السيد علي الميرغني بشارع النيل .. يكون يا ربي الرز باللبن دا هو خور بوستيك ؟؟
ثم عااش ابو هااشم ,,,
عاالم بطاالــــــــــــــــــة ,, |
الحالة قلت انك أكلت رز بي لبن - طيب إذا قلت أكلت "فتة أم توم الحمتني النوم" إحتمال كان البوست والمشاركين مشو الخور هههههه
| |
|
|
|
|
|
|
Re: ما لاقاكم بوست واقع !! (Re: الشيخ سيد أحمد)
|
هلا وغلا خواض يا حبه
Quote: اهلا شيخو
ودعني اشيد بروحك الاسفيرية العالية بمناسبة تخوير البوست.
في آخر مرة قرأت فيها البوست، لم أجد فيه ما يجعله قابلا للتخوير أو "إعادة التخوير" ههههه
انا من مدمني قراءة ردودك الساخنة ففيها كوميديا عالية .
لو تعلمت قليلا من التكنلوجيا يمكنك ان تكون ميميا او كاركاتيرستياً مدهشا وناجحا " *.
*طبعا من عيار الجربندية الفنانين أو الفنانين الجربندية ههههه |
ياخي بكري محيرني - لعب معاي ضاغط في بوست بتاع قزقزة شهادتك دي كفاية يا خواض انو البوست مافيهو اي مقصات ولا اي مكاتفة غير قانونية. والله كتر خيرك يا خواض على التقريظ بخصوص التعليقات الكوميدية - إن شاء الناس تاخدها بالفهم ده ومش فهم تاني . بمناسبة التكنلوجيا والكاريكاتير أنت وعارف عاملين شغل لذيذ جدآ - الحقيقة بوست أكشنات المنبر فيهو كوميديا عالية جدآ وأتوقع منكم في بوست أكشنات المنبر أن تعملوا مسابقة - تجيبو رسم وتطلبوا التعليق - فكروا في الموضوع وأتحفونا برسومات
| |
|
|
|
|
|
|
Re: ما لاقاكم بوست واقع !! (Re: Arif Nashed)
|
اهلا شيخو "سيادي"، على وزن "شيخو شقاري" هههه"
شرح النكتة "هههههه لان المنبر مليئ بعدد هائل من الثقلاء خخخخخخ
نتمنى ان نجيب طلبك السالف ذكره ههه
هذه عينة من طرائفك المدهشة المضحكة:
Quote: تعرف يا ابوحسين - البوست كنت سايقو بي نمرة تلاته - وعامل مراعاة لي "عامل السن" |
لقد أبهجت صباحي الكاليفورني المثلج "على طريقة الادباء والمتأدبين" ههههه
أرقد عافية ....
| |
|
|
|
|
|
|
Re: ما لاقاكم بوست واقع !! (Re: osama elkhawad)
|
Quote: الشيخ البوست بتاعك موجود هنا الجاتك في بوستيك سامحتك . 😂😂😂 |
هههههههه حلوة يا عارف - بعد كده ح أسميك Undertaker بكري اب صلعه ح اسميهو "هوقان" - عشان مافي زول بقدر يعمل معاهو اي "عنكبة" مبالغة في الكاريكاتير - إبداع يا عارف U made My Day
| |
|
|
|
|
|
|
Re: ما لاقاكم بوست واقع !! (Re: الشيخ سيد أحمد)
|
خواض يا حبه
Quote: لقد أبهجت صباحي الكاليفورني المثلج "على طريقة الادباء والمتأدبين" ههههه
أرقد عافية .... |
يا سلام يا خواض تخيل متمني أعيش أجواء مثلجة زي دي. بالله رسل لينا صور من مكانك المثلج عشان تثلج صدورنا وتفرح "ليالينا" زي ما قال اب صلعه التاني "ود الأمين" تعال فرح ليالينا تعال قبل السنين تمشي ومصيرك بكرة "تتثلج " هههههه
كسرة: لا زال البحث قائمآ عن البوست "المخور"
محبتي يا خواض
| |
|
|
|
|
|
|
|