|
Re: للمرة التالتة اقول في المنبر ده مسكوني ال� (Re: توفيق عيسى مكي)
|
الإنسان السوداني والله العظيم ما هين وارجل زول في العالم ده ما عارف الحصل ليه شنو كتبوه ولا سحر ما معروف كنا 5 سودانيين في معسكر لجوء بيضم لاجئين من 81 دولة نحن ال 5 ديل الكنا مسيرين المعسكر واحد مسؤول من الأكل واحد مسؤول من النضافة واحد مسؤول من ضبط النظام للناس وواحد صلة الوصل بين المسؤولين واللاجئين أما أنا ههههه كنت أمام الجامع وحات الله الكلام جد
| |
|
|
|
|
|
|
Re: للمرة التالتة اقول في المنبر ده مسكوني ال� (Re: توفيق عيسى مكي)
|
الأمير ده(انا) طينته خطرة جدا الجابنا من أرض المحس تار بلطجية كتلو جدنا الكبير فقام جدي عثمان أزرق جرى ورا التار ده لحدي تشاد بلد حميدتي وموطنه وقتلهم كلهم وهو براه ورجع بدربوا في السكة وهو راجع قابل المهدي وبايعه ولأنه كان أرجل وافرس سوداني تور شين أوكل ليه مع الأمير الضكران التاني إبراهيم الخليل قيادة ملحمة السودان الكبرى كرري وفيها ما استشهد إلا على بعد أمتار من الزريبة واليوم بدرسوه لجنيات أهلي الإنجليز بالاسم وصوره في متاحفهم فأنا من طينة أصلها ثابت باقة بركان أصله في السماء أعيد ولا الفهم واقع
| |
|
|
|
|
|
|
Re: للمرة التالتة اقول في المنبر ده مسكوني ال� (Re: سيف النصر محي الدين)
|
ول أبا توفيق الحكيم عندنا منطقة في غرب السودان .. أسمها فاجة الحلاة .. لا فيها حكومة ولا خوارج ولا توجد أي صراعات .. أهلها من أنقي الناس، تترك حصاد زرعك طوال الصيف في أجرانه في الخلاء إلا كن تأكل منه الفئران.
علي الأقل تسوي مشاريع زراعية علي إمتداد البصر .. دون الذهاب لأي مكتب أراضي .. وأخوك مهندس كمبيوتر ومهندس زراعي ..نفلحوها لما ناس الحكومة يبقروا مننا.
وليك صوت لو أصرت علي حكم الخرطوم الخربة.
بريمة
| |
|
|
|
|
|
|
Re: للمرة التالتة اقول في المنبر ده مسكوني ال� (Re: توفيق عيسى مكي)
|
سلام توفيق انت قايل من قل البرنامج المحترمة والواعية في السودان من الاستقلال ومن قل الفكر والمفكرين السودان ده معطل بل من قل الناس الواعيين بيها فقط وسيطرة اهل الرجس والعمالة علي المشهد في الدولة المركزية المجرمة اذا عندك برنامج عايزو يصل لي 40 مليون سوداني شوف ليك فضائية حرة غير فضائيات السودان المملة واعلام الخليج وحدد خارطة طاريق واضحة وخلي فلان وعلان الدولة مؤسسات اتكلم عن المؤسسات ترجع المؤسسات ال11 اولا وتملاها بي المشورة الشعبية من الاقاليم لي المركز https://www.0zz0.com لمن يتحدد الاطار الصحيح للدولة السودانية "السيستم" بجو ساسة نظيفين ينفذو برنامجك الاقتصادية النظيفة هسة اعمل قناتك وقدم لايفات محترمة وما تشتغل بي القردة التي تلهو في السوق الشعب والشباب بديرو بوصلتهم نحوك كل ما افلست الساحة ولو بديت باحترام رؤية حسنين والحركة الشعبية بتكون مسكت الدرب والبداية بس كيف نحترم علم حسنين والاستقلال ونجدع علم مايو علم الانقلاب والمخابرات المصرية والعمالة الرخيسة والمفضوحة السودان يا توفيق عايز رؤية متكاملة بي دستور واضح ومراجعات دستورية واضحة عشان كده تبدا بي تاسيس لجنة دستورية عليا مع المحكمة الدستورية وتسمكر السودان بي لحام بارد
وقحاب العصر شايفين البرنامج ده بقج وسايقين الشباب المغيب بي الخلا وهسة شغالين عواسة جديدة لوثيقة جديدة
| |
|
|
|
|
|
|
Re: للمرة التالتة اقول في المنبر ده مسكوني ال� (Re: adil amin)
|
عرفت تبدا من الوين وتنتهي وين؟؟؟ عبر برنامج علي محمود حسنين https://www.0zz0.com اخر حاجة بعد الهيكلة واعادة الاقاليم باسس جديدة هي الحكومة المركزية ورئيس الوزراء وحجوة ام ضبيبنة البداها البشير ويضقل بيها البرهان لحدي هسة وحدد خارطة طاريق واضحة وخلي فلان وعلان الدولة مؤسسات اتكلم عن المؤسسات ترجع المؤسسات ال11 اولا وتملاها بي المشورة الشعبية من الاقاليم لي المركز دي عايزة هسة بس 6شهور تنتهي السيرك الدولي والاقليمي في السودان الحل سوداني سوداني لكن وينهم السودانيين الرجال ماتو واشباه الرجال فاتو وفضلو بعاعيت مايو وايتام والترابي وكعوك الشاعر صلاح عبدالصبور "المكرورين " يتمحور بعض المكرورين الى اصوات او انغام او اشعار لكن هدير الزمن الدوار يبتلع الزامر والمزمار يتحور بعض المكرورين الى طبل منفوخ لكن ما تبثه الصحف اليومية والحوليات ينساه التاريخ
صلاح عبد لصبور
المكرورينالمكرورين
| |
|
|
|
|
|
|
Re: للمرة التالتة اقول في المنبر ده مسكوني ال� (Re: adil amin)
|
ول أبا توفيق الحكيم سلام ..
Quote: ما عشان كلامك الحلو خصوصا لما اتهان لكن والله لله في لله بحبك يا بريمة |
شوف يا ول أبا، أهلنا بقولوا معرفة الرجال كنز .. وأنت عندي غير أيّ زملاء المنبر الأكارم .. أنت إنسان مهموم بتطورنا في مجال إقتصاد المعرفة .. وإقتصاديات المعرفة .. أي تحويل الأقتصاد إلي إقتصاد رقمى .. هو الذي طور أقتصاد الغرب وجعله قوي عظمى. نحن لو عندنا رجال مثلك .. لو طار الغرب السماء سوف نلحق به حتى لو بعد حين ..
عزيمتك يا ول أبا لا تلين ولا تعرف المهادنة .. وتدوم المحبة والتواصل بيننا ..
بريمة
| |
|
|
|
|
|
|
Re: للمرة التالتة اقول في المنبر ده مسكوني ال� (Re: Biraima M Adam)
|
الكوكلكس عادل،
Quote: انت قايل من قل البرنامج المحترمة والواعية في السودان من الاستقلال |
عادل، بالمناسبة أنت و ول أبا توفيق الحكيم .. برنامجين مختلفين لكن متكاملين .. أنت جزء واحد من برنامج ول أبا توفيق، لا يختلف معك في أي جانب أقتصادي أنت طرحته .. برنامج ول أبا توفيق هو برنامج النمور الأسيوية والغرب عموما .. ول أبا توفيق متقدم علي السياسيين السودانين مراحل ضوئية .. هؤلاء يدورون ويلفون في الحكم وتوزيع المناصب .. دي مقدرتهم الأن في هذه اللحظة من تأريخنا .. وول أبا يرسم ويخطط للمستقبل نهج مخالف ..
وبالمناسبة أنا معجب ببرامجكم أنتم الأثنين .. تفكيركم خارج الصندوق .. عشان يراكم الأخرون كأنكم تغردون خارج السرب .. لكن هذه هى حقيقة التجديد في كل زمان .. التجديد ياتي غريب .. ولذلك يرفضه العوام والرجرجة والدهماء. أنا لا أختلف مع ول أبا في أي نقطة ... لكن أختلف معاك في الجانب الأجتماعي والسيوسيولجي .. مسألة إعادة تعريف من الأنسان السوداني ... ومسألة إعادة مراجعة قوانين الجنسية .. أشياء أكل عليها الدهر .. إن لم نكن نعرف من نحن حتى الأن فعلي الدنيا السلام .. عشان كده أنت مضيع وقت في هذه النقاط .. بدل عن ذلك مفروض تذهب لبحث الجوانب الأقتصادية في رؤيتك ..
بريمة
| |
|
|
|
|
|
|
Re: للمرة التالتة اقول في المنبر ده مسكوني ال� (Re: توفيق عيسى مكي)
|
والبتعمل فيه ده انت شنو وتأدب في حضرة وديوان سمو الأمير ماك أحسن من الناس -------------------------------------------------------------- الله يرحمك يا التجانى الماحى حال البلد ما بيتشكر كثرالمجانين فى البلد وافتقدنا خبراتك الواسعة وعلمك فى التعامل معهم ومداواتهم الشكية لى اب ايد قوية لم يتبقى لنا غيران نستنجد بشيخ كدباس والكية فى الراس
| |
|
|
|
|
|
|
Re: للمرة التالتة اقول في المنبر ده مسكوني ال� (Re: Hassan Farah)
|
Quote: معقول الامير توفيق ده يكون في الحكم أسوأ من حميدتي؟ 😄 |
ده كلام سيف النصر بعد ما انت الحاقد حرشتو وحبه يجاملك بكلمتين لو اتأملت كلامه بتلقي جاملنا الاتنين بس انت مخك مقفل ثم تانيا انت الحقيقة حارقاك مالها خايف تكون من زمرة الفاسدين تتصادر ممتلكاتك وامكن تنقطع رأسك لو انا مسكت الحكم
| |
|
|
|
|
|
|
Re: للمرة التالتة اقول في المنبر ده مسكوني ال� (Re: توفيق عيسى مكي)
|
خايف تكون من زمرة الفاسدين تتصادر ممتلكاتك وامكن تنقطع رأسك لو انا مسكت الحكم ------------------------------------------------------------------------- ههههههه وحالتو عايز يحكم!!! تحكم كيف يا هايف وانت ماك عارف عدوك من صديقك؟ عجزت وكركبت وحتى اليوم ماك قادر تفرز منو المفسد ومنو الخير الامين وتكورك سلمونى البلد !! قاعد لى فى معسكرات اللاجئين وتحجى فى نفسك باحلام زلوط اب صوفا ممعوط وجلدا مزعوط زى ديك الحاجة ام الحسن
| |
|
|
|
|
|
|
Re: للمرة التالتة اقول في المنبر ده مسكوني ال� (Re: Hassan Farah)
|
Quote: قاعد لى فى معسكرات اللاجئين وتحجى فى نفسك باحلام زلوط اب صوفا ممعوط وجلدا مزعوط زى ديك الحاجة ام الحسن |
ما ناكر مرت علي ظروف وكنت في معسكرات اللاجئين بعد سجون ومصادرة في بلدي قبل 15 سنة هناك اتعرفت على الرجال الصحيصحي في سجون تحت الأرض مع رجال المقاومة السورية والعراقية والفلسطينية درسوني الحياة الحقيقية طلعت منها ببروف حقيقي في فن ممارسة الحياة وأول فرصة لقيتها رجعت بلدي كان وقتها مفتوحة فيني قريب 20 أمر قبض أغلبها فشنق تصفيات حسابات سياسية وقفت على رجليني وصفيت برجولة كل القديم بما فيها ديون ب 2 مليون دولار ما عندي ذنب فيها باقي منها آخر دين صغير جدا قاعد هسي اسدد فيه من ألف دين امثالك كان هربوا من مجرد التفكير في سدادها وكانت النتيجة شنو أنشأت أعظم صرح اقتصادي في السودان الحديث اليوم بقود الثورة الاقتصادية السودانية الثورة الحقيقية الحا تنفع البلد ما زي الثورات السياسية الكتيرة الضيعت السودان في زمتك لو انت زول متابع هل اطلعت على برنامجنا الاقتصادي الشغال ليه عشر سنوات وناجح وقدر يغير آلاف المعتقدات في السودان بهدوء جدا ونار هادية ولا سمعت ببنكنا المعلوماتي الاقتصادي البيعد اليوم أكبر بنك وقاعدة بيانات اقتصادية عن السودان في العالم ولا. .. ولا. .. ولا .. المهم ... دي نقطة ضوء لو تشيف
| |
|
|
|
|
|
|
Re: للمرة التالتة اقول في المنبر ده مسكوني ال� (Re: توفيق عيسى مكي)
|
ثم تانيا يا حسن ما بتقول لي سموء الأمير مالك الغيرة ما حلوة وانا ما عندي ذنب حبوبتي مباشرة تكون من النمساء خواجية سبحان الله قبل 5 سنة زي اليوم ده دخلت غرفتها في بيت جدي الأمير عثمان أزرق في أكد أرض المحس أرض حبوبتنا التاية أم سيدنا موسى عليه السلام ابلع الحبة دي وقول يا سموء الأمير كتير غيرك بلعوها واتعالجوا تب
| |
|
|
|
|
|
|
Re: للمرة التالتة اقول في المنبر ده مسكوني ال� (Re: توفيق عيسى مكي)
|
ثم تانيا يا حسن ما بتقول لي سموء الأمير مالك الغيرة ما حلوة وانا ما عندي ذنب حبوبتي مباشرة تكون من النمساء خواجية سبحان الله قبل 5 سنة زي اليوم ده دخلت غرفتها في بيت جدي الأمير عثمان أزرق في أكد أرض المحس أرض حبوبتنا التاية أم سيدنا موسى عليه السلام ابلع الحبة دي وقول يا سموء الأمير كتير غيرك بلعوها واتعالجوا تب ----------------------------------------------- يامرحبا بالامير اها خلاص حبتك بلعناها تب ان شاء الله تنفعنا بالمقابل عندنا ليك علاج يعدل رأسك ويرفع فوق السحاب احساسك فكر كويس...ان وافقت على تناوله نوافيك بالارشادات والشروط والالتزامات اها قصرت معاك؟؟؟
| |
|
|
|
|
|
|
|