اغالب دمعى واصبر واقول يالله هون على الشعب السودانى والله اسمع كل اغننيه ودموعى لم تتوقف والعبره تحرق فى الحشا والله بوست مبكى ياليتتنى لم افكر فيه والله اخوكم مصطفى نور
11-24-2022, 08:33 AM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
والله اتحداكم ان لم تضربك الاغننيه فى الوتر الحساس المبدع الرائع وردى وامس كنت فى اتصال هاتف مع الاخ الرائع مظفر وردى وتحدثنا لمده وعرفنا احوال بعض ووردى اسطوره الغناء والفن فى افريقيا
11-24-2022, 09:11 AM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
اقسم بالله أشفق على من يستمع الى الاغننيه وهو خارج السودان .. حتى لو وسط الاهل لايمكن وما بتقدر تتحمل هذا الفيض من المشاعر ، والله الشوق ليك يا بت بابكر .. ليتك تعودين للساحةاعيش الان لحظات من الحزن و رائحة السودان الحبيب تكبر في وجداني و في ذاكرتي و في حارتي ..تفاصيل كثيرة و رائعة واتذكر ..تفاصيل شعب كريم عنده من عزة النفس و الشموخ و الوقار ما يُضرب به الأمثال .. اسعدكم الله اينما كنتم اهلى فى السودان وانتم وخصالكم النبيلة و أسعد الله سوداننا الحبيب و سلامة أهله و أمنه و عزته و حمى الله تلك العقول الذكية والأرواح الطيبة..أهل الوفاء و الذكاء و الإباء و الجمال و التاريخ
11-24-2022, 09:14 AM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
ابداع اخر وذكرى لكل انسان خارج الوطن وصدق عثمان حسين عندما قال كل لحظه بتمر على انت فى خاطرى وعيناى اى ابداع واى كلمات واى قلب يتحمل مثل هذه اللوعه والاهات
11-24-2022, 09:30 AM
Ali Alkanzi
Ali Alkanzi
تاريخ التسجيل: 03-21-2017
مجموع المشاركات: 9256
اخ مصطفى لك ودي صدق احتاج للدموع من ناحية طيبة لاني مصاب بجفاف العيون لذا استخدم قطرات طبية اليوم هطلت الدمعة من عيوني ففيها شفاء ويا لخيبتنا الكبرى نستطيع ان نصنع الثورات ولكن نعجز في توصليها لغاياتها
11-24-2022, 09:31 AM
Ali Alkanzi
Ali Alkanzi
تاريخ التسجيل: 03-21-2017
مجموع المشاركات: 9256
رحم الله صديقى الرائع نادر خضر انت الفن السوداني فقد فنان محترم أن شاء الله الى الفردوس الأعلى يارب العالمين طبعا دى اغننيه الرائع صديقى المرحوم نادر خضر وابدااع طه سليمان برحيلك مات الفن وتقطعت قلوبنا حزنا واشتياقا لفنك لصوتك لطلتك الحلوة اخوى الرائع نادر خضر
11-24-2022, 10:42 AM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
المبدع الرائع زمروا احسن قلد الجابرى ويتغنى بكلمات صديقى الغالى سيف الدسوقى الاغننيه التى كتبها عنما كان فى الغربه فى السعوديه زمراوي بغني من اجل الفن ومتعه الروح وليس للكسب المال او الشهرة ربنا يرفع شأنك ايها المبدع❤️
مافى حتى رسالة واحدة .. بيها إتصبر شوية والوعد بيناتنا إنك .. كل يوم تكتب إليّ هل يجوز والغربة حارة .. بالخطاب تبخل علىّ ؟ لما آخر مرة شفتك .. قبل ما أودع وأغادر كنت حاسس إنى خائف .. إنى متردد وحاير داير إتصبر أمامك .. داير أضحك .. ومانى قادر ! بس دموعك لما فاضت .. ضيعت صبرى الشوية وصحت موعدنا الرسايل .. وين رسايلك ؟ وين كتاباتك إلىّ ؟ وصرت بعدك يا حبيبى .. ذرة فى بحر الزمن بعت للتجار مواهبى .. بعتها بأبخس تمن وحشة ما بتعرف رسايل .. وغربة عن أرض الوطن بس أمل واحد بعيشو .. لو رسالة تصل إليّ بيها أطمن عليكم .. وتنقذ الموقف شوية من عتابى أظن عرفت .. آيه مكانتك فى فؤادى أنت يا فجر المحبة .. تستحق شوقى وسهادى أنت صورة ماضى أبيض .. ولوحة بتمثل بلادى بس حرام تبخل علىَّ .. وتنسى ما ترسل هدية حتى لو كلمة أحبك .. في خطاب مسرع إليّ [ سيف الدين الدسوقي ]
11-24-2022, 01:15 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
يا خريف الدم سلامات ولقاء مع الشاعر أزهري يستأذن ويرثي إبنه زرياب في السفر والرحيل _ رتينة كافية ربنا يرحمه الابن زرياب وربنا يربط علي قلبك أستاذي أزهري محمد علي
11-24-2022, 02:22 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
والله الاخ الغالى صديقى الرائع والله العظيم اجمل صوت مره علي في السودان مليان حنيه والم وحنان الله يرحمك اخى الغالى ياخالدي لك الرحمة والمغفرة والعتق من النار
11-24-2022, 02:26 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
تتذكروا فى البوست بتاع شخصيات ومشاهير التقيت بهم ذكرت فنان غير معروف احسن من يقلد الفنان محمدوردى الاخ الصديق المبدع الانسان الجميل اخوى عبدالمنعم دلوت بالله مش مبدع ولم يجد الاهتمام والله كان ساكن فى بيتنا والله
11-24-2022, 02:33 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
تتذكروا فى البوست بتاع شخصيات ومشاهير التقيت بهم فى بوست الفنان الاخ الصديق نادر خضر ذكرت فنان غير معروف احسن من يقلد الفنان محمدوردى الاخ الصديق المبدع الانسان الجميل اخوى عبدالمنعم دلوت كدى شوفوا الزول ده مش مبدع بالله عليكم
11-24-2022, 07:27 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
الفنان الصديق الغالى المبدع ياسر عبد الوهاب صوت قوي متمكن ومبدع يدخل إلى القلب دون استئذان مظلوم إعلاميا لا نراه فى المقابلات التلفزيونيه الفنية خاصه نتمنى ذلك مع تمنياتنا لك بالتوفيق متعك الله بنعمة الصحة والعافية .وين انت اخى الرائع ياسر الزميل .ياسر عبد الوهاب مشتاقين لكا بجدة روووووووعه لسانى عاجز عن التعبير شهادتى فيك مجروحة يعطيك الصحة والعافية يارب العالمين ومازلت ابحث عنك
11-24-2022, 07:36 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
الاخ الغالى الصديق الرائع ياسر عبدالوهاب تحيه لك ايها المبدع والموهبه لفذه وكم ابدعت فى اغانى سيد خليفه فنان صوت رائع وتطريب متمكن لكن الاعلام ظلمه لان الاعلام يعطي مساحة اكثر حتي في القنوات لعقدة الاشكال والالوان لذلك تنتشر عقدة التبييض خاصة لدي البنات.ياسر فنان لديه قدرات عالية جدا وصوت اجمل من عشرات اولاد ميكى والحناكيش ولكن اتمني ان يظهر مع اوركسترا مكتملة قمه في الأداء واللحن للأسف الاخ ياسر ظهوره الاعلامى ضعيف. فنان عظيم يمتلك قدرات فنيه عالية غير موجوده في الآخرين. اكرر فنان في القمه مع احترامي وتقديري
11-24-2022, 07:57 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
ابحثوا معى عن هذا المبدع الذى ابدع فى اغانى عثمان حسين والله لى سنوات بسال عنه وياريت لو فى زول يجيب لينا عنو اى خبر ظلمونى الأحبة •••• فِى شرع المحبة الأحباب تجنو •••• فِى الأحكام وجاروا بقيود المحبة •••• ملكونى وتواروا لى عينى أفتو •••• ظلمونى وتشكوا فِى إخلاصى شكوا إخلاص قلبى ظاهر •••• للحرقوهُـ حبة ●●● أنا الحافظ ودادهم •••• على رغم التجافى أنا المظلوم وراضى •••• أنا المهجور ووافى انسيان لو أودوا •••• أو جافونى صدوا وحافظ قلبى عهدوا أنا فِى مذهب غرامى •••• سلوى الحب مسبة ●●● أنا الضيعت عمرى •••• بين حلو المانى لا جادوا الأحبة •••• ولا تعطف زمانى قاسيت الصبابة •••• تبريحها وعذابها أسباب التهابها وكلما الذكرى طافت •••• قلبى سعيرهُـ شبة
11-24-2022, 08:09 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
الاخ الرائع الصديق فيصل الصحافه الابداع الجميل الذى كان ومازال من اجمل الاصووات فى السودان م عارف فيصل اتغرب ليه وساب الخرطوم لناس الكافينول والبندول والضرس والله من ما اسمع اغاني زمنا الجميل بنعيش في جو تاني الله يرد لينا هذا الزمن دا تاني لكن الله اعلم دا زمن ليس لمثل عذا الفن نحن فى زمن سماحه الزول فى الطول والعرض تبا على الغناء الان
11-24-2022, 09:37 AM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
اخى الغالى على الكنزى طالما ما البكاء مفيد ليك هاك البكاء الجد جد والله مشتاقين الدكتور الرائع عثمان مصطفى الحان وردى كلمات اسماعيل حسن ثلاثى خطير مع بعض الخدود الشاربه من لون الشفق عند المغارب ديل خدودك سيدي سيد الناس يا سيد الحبائب العيون طرتني زول من اهله غائب والشعر في كتيفه يتهادي السبائب والله مشتاقين اه يا اخوى على الكنزى اها يعني البوقف دموعنا شنو نحن البره السودان الرائع بالاهل والجيرن والعشيره والله الله ليكم كان سمعتو اللحن الحزين والصوت المؤثر يدخل ويتخلخل جوووه القلب ، ربنا يرد غربتنا وكل الطيور المهاجرة .يارب
11-24-2022, 09:42 AM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
نار البعدي والغربه...؟؟؟؟ شوق لاهلي والصحبه...شوق لكل جميل ف الحي..التحيه للفنان القامه محمودعبدالعزيز له الرحمه والمغفره.. والتحيه. للفنان صاحب الصوت الطروب وصاحب بصمه ف الغناء السوداني المرحوم حمد الريح.. ..الحوت ..ذات شجون الغنيه..عذاب..وحسسني..بموااجع الغربه..والشوق..للوطن ..للاهل والصحبه .. ....اي زول حاسي .....ب.نار البعدي... تبا على الغربه والعد عن الوطن والاهل
نار البعد و الغربة شوق لأهلي و الصحبة شوق لكل جميل في الحي شوق للشينة لو صعبة بين اليقظة و الاحلام بين أجفان تقول للناس ياريت النوم يزورني اليوم أنوم لو ليلة في كل عام بين اليقظة و الأحلام آهة بتطلع في دمع العين و زفرة بتشعل أنفاسي آه بتداوي فينا حنين ولا الزفرة بتجيب ناسي بين اليقظة والأحلام بين أجفان تقول للناس ياريت النوم يزورني اليوم أنوم لو ليلة في كل عام لو عبرة تزيل غصة لو ذكرى تهدي حنان لو إنسان صبح قصة أنا القصة يا أم درمان بين اليقظة و الأحلام بين أجفان تقول للناس يا ريت النوم يزورني اليوم أنوم لو ليلة في كل عام
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة