السلام عليكم تحيه طيبه والله من امبارح بقيت اشكك انو الفريق القطرى بمستواه المتواضع جدا جدا جدا ده انهم يكونوا شالوا كاس اسيا قبل سنتان وانهم كانوا بلعبوا بى احترافيه براهم وسارونى الشك انهم جابوا فكى فلاتى كارب من مارينو لانو المستوى الشفتوا امبارح ده مافريق بشيل كاس اسيا الفريق كان دون المستوى خالص ولا يعرفوا ابجديات اللعب الحديث المزعلنى انو لميت كل الاصحاب والاهل البعرفهم عشان يحضروا المباراه معاى وهاك ياتسالى وفشار وشاى لبن ولايزنييا ايطاليه وكم نوع من البطاطس المقلى والتجبيز والرهان انو اجزم ان قطر على الاقل تتعادل ولكن خزلونى وخسرونى شوفوا معاى الكلام ده و فازت قطر بكأس آسيا؟ إنجازات الكرة القطرية حقق المنتخب القطري لقب كأس آسيا عام 2019 للمرة الأولى في تاريخه بعد تغلبه على اليابان في النهائي 3-1. كما فاز ببطولة كأس الخليج ثلاث مرات، المرة الأولى عام 1992 والمرة الثانية عام 2004 والمرة الثالثة 2014، والمرتين التي فاز بها كانت في الدوحة والثالثة في الرياض. حقق المنتخب القطري لقب كأس آسيا عام 2019 للمرة الأولى في تاريخه بعد تغلبه على اليابان في النهائي 3-1. كما فاز ببطولة كأس الخليج ثلاث مرات، المرة الأولى عام 1992 والمرة الثانية عام 2004 والمرة الثالثة 2014، والمرتين التي فاز بها كانت في الدوحة والثالثة في الرياض. استطاع المنتخب القطري للشباب عام 1981 من الوصول مع المنتخب الألماني الغربي إلى المباراة النهائية لبطولة كأس العالم للشباب التي أقيمت في أستراليا والله المستوى الذى قدمه الفريق القطرى امس مستوى لايرتقى لى فريق ولاعبيه كره قدم يشليوا اى كاس ولا كاس ليق دار الرياضه امدرمان مستوى كعب شديد جدا وغايتو الشى الوحيد البنقذ الموقف يرسلوا طائره خاصه اليوم الى مارينو ويلقطوا ليهم كم فكى من الفلاته بتاعين مارينو وامكن ينقذ الموقف شويه كان الله فى عون الفريق القطرى والسنغال الفريق الذى هزم مصر ام الدنيا وهولندا الفريق الذى عندو لياقه بدنيه رهيبه بلد احسن شكولاته فى العالم ماعارف الحل شنو والله وربنا يستر ويكفى قطر التنظيم الرهيب الذى بهر العالم وطبعا ما ممكن انبهار وانتصار ولا مش كده وكره القدم غالب ومغلووب بس الفكى الكارب مهم اختم بقصه حقيقه كان عندنا فى محطه مكى ود عروسه فريق اسمو الاصلاح طوالى وطوال السنه مغلووب حتى اطلقوا عليه اسم فريق هارلك مره بقدره القادر وصلوا فى دروه بتاعت عده فرق امدرمانيه وصلوا الى المباراه النهائيه قام اولاد الفريق اقنعوا الاخ المرحوم ودالخولى وهو شخصيه معروفه فى امدرمان وكان هو الكاوتش بتاع الفريق اقنعوا انهم يشوفوا ليهم فكى كارب من بتاعين عشش فلاته المهم مشوا لقوا ليهم فكى واخبروا بانهم عيزينو يكرب ليهم الكره تكريبه قويه قام الفكى قال ليهم تمام مشكله مافى بس عايزكم تجيبوا لى ديك اشول وقرد اعور وحمامه عميانه ودالخولى قعد يضحك قال يا مولانا ماعايز ليك راجل حامل وانتهت المباراه بهزيمه فريق الاصلاح خمسه صفر ولكن هناك بعض الفرق الكبيره من كان لهم فكووه
مع تحياتى مصطفى نور
11-21-2022, 08:37 AM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
اه اخبار الفكى شنو شيخ مايرنو جاهز للسفر من غير تاشيره بطير بدون طياره ويحصل الفريق القطرى هههههههههه كذب المنجمون ولو صدقوا طبعا بضحك ضحك شديد لقيت صفحه فى الفيس بوك باسم شيخ مارينو دى صفحه تموت من الضحك عليكم الله اكتبوا فى الفيس شيخ مايرنو دة زول عامل الصفحه وزول شكلوا ظريف شوفوا التعليقات والشيخ قال بعمل شنو مكتئب وقرفان وزهجان وما لاقي البونسك ويطعم عليك خميسك ومساهر علي الفاضي ومعديها لايكات من منشور لمنشور راسلنا عندك زول ماسك عليك زلة أو صورة قديمة ولا اسكرين او اي شي ممكن يهدد مستقبلك ومتجدع عليك ومستعبدك راسلنا المعرسة تولد و المخطوبة تعرس و القاعدة ساي دي وقت م بتراسلنا وما بتتفاعل تقعد كدا بس م عندنا ليها حاجة يا قادر يا كريموشك ضرب ومافي اي كريم او اي خلطة نفعت معاو وعايزة وشك يبقي ذي بنات قروب نونا شيخ الدمازين هو الحل لو انت سنجل بائس وماف زول شغال بيك ولا في زول معبرك قاعد زي الما قاعد رسل واديني مواصفات شريك حياتك واعتبرو انتهي الامتحانات ع الابواب وانتي م ناقشه سجم رمادك وعاوزه تنجي ف السمستر دا رسلي لي العرض خاص ل جامعه قاردن ستي والوطنيه ومامون حميضه خديجه ابكر المشهوره بي خديجه عجاجه كانت شغاله باكومبا في حوش النيلين زوله تعبت وشقت ف الدنيا دي كانت ساكنه كرتون كسلا رسلت لي وزي م انتو شايفين سافرت واشتغلت هناك وادوها العريس والجواز السويدي لو عاوزه حظك يكون زي عجاجه م عليك الا ترسلي طبعا الزول الظريف ده منزل صور والله انا بضحك زى المجنون الان ههههههه طول ما انا قاعد م تشيلو هم طبعا ابو طاقيه دااااك اسمو عوضين تعب من ناس المحليه وكان شغال ببيع جراد مشوي ف الوحده والجنبو دي عفاف حبيبتو كانت شغاله جنبو ست شاي اما ابو صلعه دا اسمو الفياض كان شغال في محل شيشيه المهم رسلو لي وقالو عايزين يتخارجو من البلد دي وزي م انتو شايفين نزلته ليكم الصوره دي عشان يبقي حالكم زي عوضين والفياض م عليكم الا ترسلو لي برضو فى صور ممكن انزل ليكم الصور اخوكم ادم تشه كان شغال حداد ف ابو ادم وبتاع الايجار كان مشغله ليهو وكان قاعد ف اوضه واحده المهم اتنازل عن الورشه وجاني قال لي ي ابوي الشيخ انا والله السودان دا م بنفع معاي قاعد عمري كلو م عملته حاجه لا قروش لا بت تعرسي وانا قررته اتخارج ي ابوي الشيخ عاوز لي بت بيضه وجو سمح وعاوز قروش بالدولار المهم قلته ليهو زيييت ي صحبي بنوديك المهم اسي هو ف كندا وامورو ظابطه مع البت القشطه المعاهو دي انا زاتي والله لو ما مرتي كلتوم كنت لحقتو رسل لي عشان تبقي زي ادم ركشه برضو فى صوره والله تموت من الضحك المهم الشيخ الان جاهز مويه ونور عشان يطير بدون طياره وبدون تاشيره وينقذ الفريق القطرى اللهم هل بلغت فاشهد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة