أكتب لي يا غالي الحروف واحكي لي ياما الدنيا نوره وفرحتها صارت بلاك غيمة شتاء تنسج طيوف وتجيب طيوف والشوق جدار بيناتنا يحجب بهجتها يا سكة الزول البعيد يا حليله لما اتوارا غاب خليته يمشي وفي العيون دمعات الم ودمعات عذاب أتمني وعده يكون حقيقة وعهده ما خدعة سراب أتمني في لهفة محب شال الصبر لما الصبر في قلبه داب ارحل قطار ويعود قطار وأصبح الليل الغريب طلت نهار ويجيني منك إنا بس خطاب اكتب لي حتي الناس تقيف لما يفوته أقول اسلم للجميع خايف يبين خاطري الكسيح ارجع براي اشقي الدموع قلباً سقاك موسم حنان موسم فرح موسم ربيع ياريت تشوف انا كلما تنعس شموع بوقد شموع وأفضل أتوه عبر البلاد يا رب متين وقت الرجوع اكتب لي خلي النار تموت والهم يفوت انا غير حروفك افقد الدنيا وأضيع أكتب لي يا غالي الحروف
11-12-2022, 02:00 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
حروف اسمك جمال الفال وراحة البال وهجعت زول بعد ترحال وتنيت حلوة للشبال ودنيتنا مشاوير وغنوتنا اللي ما بتنقال حروف اسمك نجوم ركت على الياسمين فرح بعين جمال حزين اساور في ايدين طفلة بتحفظ في كتابة دين زفاف عاشقين بعد فرقة وسط فال دعا الطيبن حروف اسمك عقد معقود بخيط النور
11-12-2022, 02:05 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
*ست الإسم* نطق الاسم ست الاسم.. من نطقو نحنا بننقسم.. النون ندى عطر ديارنا و رطبا و العين عبير فاح في دنانا و حببا والميم مسك حنن قلوبنا وخضبا والتاء تبر لون دنانا و دهبا قلوبنا ليك يا ستي ما زاد او حبا انعم وجود خلي القليب ينسى العذاب شايلنو ليل.. شايلانا انتي رهاب رهاب مرات نشوف حسنك ظهر قدامنا داب مرات نشوفو مع النجوم اتلاشى غاب اهديك ريد واشيلو ليك من نور صباي اهديني ريد يطرد ظلام.. يفتح مساي اديني حب يمسح شقاوتي ونار شقاي اديني صوت اعزف معاهو حروف غناي لقياى ليك انا فيها بلقى حلاة لقاي واعيش عليك نعماتي يا صيفي وشتاي
11-12-2022, 02:11 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
ما منى يا ست الحروف ما منى يا سيد الحروف.... ما منى ولا حتى طوعت الظروف لصالح عشان نفضل سوا واهديك جراحات الهوا واسقيك فى كل لحظه خوف مامنى يا سيد الحروف.... ما منى مابنكر احساس الجميل بي روعتك لكن كمان ما بحتمل اه اساء لوعتك انا ما جنيت كل الحصل انى اصطفيت فكرك وطيبتك ورقتك وده كله من قلبى العطوف وما منى يا سيد الحروف ما منى على اى حاااال مبروك عليك لو مره مال قلبى الوالوف تبقى المحبه عليك حلال والفرحه تمله الكون جمال والفرحه تمله الكون جمال تعمل من الاحلام صفوف مامنى يا ست الحروف ما منى يا سيد الحروف وده كله من قلبى العطوف واسقيك فى كل لحظه خوف مامنى يا سيد الحروف.... ما منى
11-12-2022, 02:19 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
خمرة هواك يا مي صافية وجلية هي اللاعبة بالألباب لا البابلية كم ليل أنوح سهران والناس خليه يني سهاد ودموع أمست مليه شاهدي اضطراب ونحول ظاهر علىّة راضى وبشوف هجرك اكبر بليه مي الفؤاد بهواك فاقد شليه لو طال جفاك يضيع باقي التليه يا تائهه سيبى الجور حلمك علىّ ليك منى ما شئت والوجد ليّه أنا لم أزل لهفان وانت الابيه سنيتي أن تحيي دائما خبيه لو فى النساء رسل كنت النبيه مابسلي ريدك لا وحياة ابيه هاك منى بإخلاص الماسه ديه دررا تنافس الدر وأزهار نديه هلم روحي إليك يا مي هديه كان النبي المعصوم قبل الهديه ليك منى الف سلام والفيى تحيه تصباك مع النسام بروح سحيه ما قال محب وعلى محبوبه حيا وتقر عيونك يا نور المحيا • احمد حسين العمرابى
11-12-2022, 02:23 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
ما اظن يجدي التمني تاني يا ايامنا حني ما خلاص كملت دموعنا ما اظن يجدي التمني نحن من ما عشنا فيكي ما حصل في يوم فرحنا مرة غايتو نقول مقادير مرة نتحمل جرحنا ياما ضقنا المرة نحنا من عذابك ما استرحنا برضو يا ايامنا تجني لا بتجاملي ولا بتحني نحن ما كملت دموعنا ما اظن يجدي التمني شيلي يا ايام عمرنا بس شوية علي هوانا ياهو زادنا الباقي لينا ياهو في المشوار عزانا نحنا لسع في ربيعنا دابنا نتحسس خطانا انت يا ايامنا تجني لا بتجاملي ولا بتحني نحنا ما كملنا دموعنا ما اظن يجدي التمني *** يوم عرفنا الريدة مرة قلنا ياها الباقية لينا وكنا خايفين من عوايدك تاني ترجعي تخدعينا رحنا نفرح ما علينا والفرح بان في عينينا انت يا ايامنا تجني لا بتجاملي ولا يتحني نحنا ما كملت دموعنا وما اظن يجدي التمني جور لياليك ما رحمنا نحنا ياما صبرنا ياما والصبر عذب قلوبنا برضو في وجوهنا ابتسامة دايرة لي ريدنا السلامة ولا خايفة من الندامة نحنا ماكملت دموعنا ما اظن يجدي التمني
11-12-2022, 02:31 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
أخت اللوم على نفسي ولا أتحسر على عمري ولا أكوس مكاني الراح مع الغايبين فضل يجري أخت اللوم على نفسي وأرجع اقول أنا الغلطان وما شفنا الندامة تفيد تفيد زولاً رجع ندمان رجعت أفتش مكاني الفات لقيت جا عصار غشى البلدات وعاد كيفن ألاحق الفات وألاحق الريح وكت يجري حكايتي مع الملام طالت أعيدها وديمة أتأسف فقد محبوب علي مكتوب أقش في دمعي ما إتجفف متين يا غيمة ترمي الضل وأفر البسمة زي الكل تهل البهجة فوقي تطل وأكون نوّال جزيل صبري يا ريت اللوم يرجعني ويرجع حالي لي حالو وألم الباقي من عمري وأجيب البال من الشالو وأخت أحزاني وأتريّح أصلو البي ما ريّح وأحوش مشواري من بدري وأقول لي عمري ما تجري
11-12-2022, 02:34 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
وهج الشمس شفتك أمس وغلبني لي وهجك امش واجهني جذاب طلعتك لاقت عيني عين الشمس صدق أمس شفت السما وكيف كان بعيد وعرفت كيف صدق المثل قال كل أيام الله عيد لاقيت جديد وعرفت من وش الصباح كيفن بكون الذول سعيد أنا من أمس صدقني غالبني الوصف تاري القلب حاسس لقياك والعين ترف وهجك جهر عيني بسلم وبعترف بجني السراب الفي الشمس كايس الولف أنا يا أمس ياروعة حطمت المقاييس ذوق وحس أنا ألتمس الرأفة في حكم العيون بمسك عيوني وبنحبس لوجات عيون الناس عليك خليها بس بترد عينيك بتزلزل الما بحترس • حسن الزبير
11-12-2022, 02:50 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
أكاد لا أصدق يا أنت .. يا أنت إننى أكاد لا أصدق أهذه الحروف؟ … كلّ هذه الحروف خطّها بنانك المنمّق
بنانك المنّغم المموسق لا غرو .. إنها تأتلق و إنها تموج بالعبير تعبق و إنها تجعلنى أحترق أسطرها .. بحر إشتياق موجه يصطفق فى لجّه .. أضيع راضيا وأغرق وأعينى تغرورق وينمحى الوجود عنها غير صورة تحدّق
ترمقنى .. تبسم لى ..تهمس لى .. فاطرق ثم تطوف بالخيال صور تشوّق لحبّنا .. لبيتنا .. لأمسياتنا وهى تكاد بالحنان تورق وأطرق ولا أصدق لأننى من فرحى أطير فى الهواء أحلّق مجلسى فوق السحاب والبروق تبرق ضياؤها .. من أجل فرحتى منمنم مزوّق مزيّن بكل لون فى الوجود فيه رونق وأطرق وأرسل الأمطار كالسهام عندما أحدّق
فى صورة رائعة تكاد تنطق وأرفع الأكفّ فى ضراعة تمزّق أسأل عن أمنية أواه لو تحقّق لو أننا فى الحياة يا حياتى لا نفترق
11-12-2022, 02:54 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
انا لو تصدق ياشباب عمري المفتق شلت كل الريد مشاعر حلوة نديانة وخصيبة واشتهيت يهل لي وعدك هناء افراح وطيبة اه اه لو بتعرف كيف تهش اشواقنا تهتف لعيونك لو بتعرف كيف يلح الشوق ويسأل لو بتعرف اه اه لوبتعرف كيف ترف اشواقنا ترمز لعيونك لو بتعرف كيف يغالي الشوق ويسأل لو بتعرف نحن في خلف المدي الفرقنا طول لو بتعرف نرسم الليل في البعاد جنة لقاء نبني تعريشة حنان, حنان طول بدا ونعانقه في اعماقنا باقات من مرح تجعل صبانا الغالي زغرودة فرح
حتي الكلام لو جيتنا مابنحكيه بنفس الحروف كلماتنا تتفجر غزل وفي كل فاصلة تعيش ظروف والشوق دوام يغري الخيال يسرح وبي حسنك يطوف احلامنا تتناثر امل في كل روضة تضوع قطوف
11-12-2022, 03:07 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
يحي قباني اخوى الغالى اشكرك كل الشكر على اتك اتحفتنا بفيديوهات رائعه فى قمه الجمال وماتحرمنا من الجميل العندك وكمان كثيرا احييك على الاختيار والله قمه ومزيدا بالله عليك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة