|
|
|
 Re: لو انت شاعرٌ يستنطق الصخر العصي مرحب بيك � (Re: مصطفى نور)
|
القصيده التاليه ليست قصيدتى ولكن تحكى عن حالنا فى الغربه اعجبتنى والله وقلت امكن تعجبكم
يا غربة يا بكاية يا غشاشة يا مستهبلة
تغرينا بي درهم قروش ووراك قنطار بهدله
جيناك نقعد بس سنة وحاجاتنا ناقصة نكمله
نبني البيوت في العاصمه ونفرش اثاثها نجمله
وكرولا حارة نرسله اصله النقل صار مشكلة
ونكمل الدين بي مهله والسمحة جاهزة نحصلها
غير القروش اللي الاهل عبر الشهور حارسله
والباقي يدخل في البنوك ونشوف دباره نشغله
ناس فكرت تجني العلم ةتبدا الدراسة تواصله
احلام كتيرة وشيقة وامال كبيرة مدنكله
لكن حساباتنا الغلط في كل يوم بنرحله
مرت سنين من العمر بنعزها وبنفضله
والحسبة وصلت طاشرات امكن نعيش ونبدله
وتعال نحاسبك يا وهم من غير رقم او اسئلة
كان للقروش نجري ونحوش لكن تقول بنشاكله
ماراضيه تقعد في الجيوب وتقول حرامي بينشله
لكن بتقعد في الضهور بي ديون تقيلة مطوله
ممحوقه ما بتقضي الغرض واقل حاجه تكمله
كملانه بطحاء وحق وزن ومجاملات مستعجلة
واحلامنا ديك صبحت سراب نمشي ونجرى ما نحصله
ياريت يكون هم القروش يا غربة فيك المعضلة
لكن تعال شوف الهموم الما افتكرنا نقابله
ذله ومهانة واحتقار خلو النفوس متململه
سجننا كبير فيه الكفيل سجان قيوده مكبلة
اشغاله شاقة مؤلمة ودائما تكون مستعجلة
مرض الضغط والسكري ومرض القلب ووجع الكلى
مصران وقرحة واكتئاب ونفوسنا ما متحمله
وبقينا كيمان لحم تحت الهدوم متندله
واكيد يكون اكل المعلب والمجمد عامله
وعدم الرياضة والكند شه لابد يكون ليهم صلة
وكمان تعال للمعادلة الماقدرنا اصلا نعدله
سجن العيال جوه الشقق ولا فراق العائلة
جيب العيال فيه المخاطر وجيوبنا غير مميله
وصغارنا صبحت بالزهج متوحشة ومتجفله
لا قادره تدرس بي نفس من الدروس متذهله
تلقى الولد غالبه الكلام والبنت كبيره مريله
كل الضغوط جاتهم سوا ما قدرنا حتى نقلله
في كل الظروف تلقى القرف تلقى الخيوط متشابكة
اما الفراق اصل الوجع ومشاكله بايته مقيله
والفراق عارفين مشاكله ومافي داعي نفصله
ياغربة اديناك كتير ادينا خاطرك يسهله
خلينا نرجع بالفضل نلحق حياتنا نعدله
امالنا فيك بدري اتنست الا الرجول متوحله
وبقينا زي اهل القبور لا البره عارف يدخلها
ولا الجوه يرجع لي وره يحكي الحكاية يوصله
لكن خلاص هان الخلاص عدك نزل مهما علا
وانشاء الله نحيا ونودعك وتكوني ذكرى نغازله
يا غربة يا بكاية يا غشاشة
| |
 
|
|
|
|
|
|
|
|
Re: لو انت شاعرٌ يستنطق الصخر العصي مرحب بيك � (Re: مصطفى نور)
|
برضو ليست قصيدتى ولكن اعجبتنى وانا ابحث عن قصائدى المنشوره فى المنتديات السودانيه وجدت بوست كتبته قبل 12 سنه اسمو الغربال للشعر الحلمنتيشي
ووجدت فيه عشرات القصائد الرائعه التى تحكى عن الحال والغربه ووالوطن فسوف انشر كل البوست لاحقا فى بوست منفصل
ولكن تعالوا نشوف حال الزول ده
الكشة فى جدة
من بورسودان
قطع التذاكر للسفر
الود خلاص قال اغترب
كبّا الهموم فى راسو كبْ
هم للعرس
هم للقرش
هم للملابس والدهبْ
( بتَّ الحلال) قالتلو يا زولي الحبيب
والحاجة قالت ( يا مجيب)
نجّيهو لىْ من كلو (جيب)
والود كمان شال الدُعا
يا ربى يّسر لى سبب
قطع البحر
لا فى الهبايب والخطرْ
لمّن وصل ( جّدة) بسلامْ
وقتو الوصل . من تاني قام شال الدُعا
يا كاشف الشر والكُرَبْ
نجيّني من (جِيب ) العرب
(جيب) النصايب والتّعب
و (الكشّه) والحظ الكَعَبْ
والناس تهاتي (الكشّه) جات
(الكشّه) راحت بى هناك
(الجيب) ظهر فوق الدَّرِبْ
الزول خلاص قلبو اضطرب
عقلو انشطب
فكر وحاول فى مفرْ
(لوحات حُمُر) فى السّكه
زى لمبات خطر
داقش يمين داقس شمال
لمّن وقع فوق المطب فى (باخشب)
قام خابى خب
خاف السؤال
(وين الهوّيه) سؤال صعب
يرميكا فى ساعة غضب
من جدّه لمن (ديم عرب)
كابوس لعين
زى الكمين
سمّوه كشه فى كل حينْ
منَّ الصباح لما المسا
جيبات كتيره مكدّسه
ناساً تقول صابينا صب
صاحبنا قال عامل (مقيم)
زرّوه فى حى (النعيم)
شالوه فى الجيب واعترف
ساقوه لى سجن القرف
والود هناك ضاق الشّقا
وضاق العذاب لمن فتر
قال ما خلاص ما فيش مفر
الجانى فى اللوح إنكتب
أحسن اكابس فى البلد
أزرع أرض
أصبر وأكل فى القرض
أنا أصلى قُبّال انقبض
فى جدّه ما خليت محل
أسأل أفتش فى عمل
والزول هناك مهما اشتغل
لا بدّ فى الجيب ينكمش
والناس هناك مغشوشة غش
(بالكبسه) بس تعمل كرش
أهلى الغُبش
أحسن لى من جمع القرش
أنا ما هنالك شفتا العجب
أنا تاني مِنّأ التوبه تب
لا كشه لا جيب لا تعب
لا جّده لا جيب لا عرب
| |
|
|
|
|
|
|
|
|
 Re: لو انت شاعرٌ يستنطق الصخر العصي مرحب بيك � (Re: مصطفى نور)
|
الاخوه الاغضاء
تحيه طيبه
ومع اول قصائدى
انا ليت لى
انا لـيت يا اختاه ريـشة رسـامـا وفـنانـا عـبقرية
لـرسـمت جـمالـك وانتى امـامى بطلعتك البهية
فـانـا لا اعـرف الـصمـت وجـمالـك امـام عـيناى
فـكنـت سـاجـعل مـن شـعرك كـل مـقايس عالمية
وفى عــننـيك كـان هـناك حـبا جـميلا سـر مـدية
وعلى الخدين يلعو الحياء ويعبر عن حبك النقيى
وعـلى الـرمـوش تبدو عوالم من الحب والمحييى
وعــلى الاسـنان ابـتسـامة تـرسـلهـا لـك شـفتـاى
وعــلى الــفم تــبدو كــلمة رزيــنة وروحـا زكـية
وعـلى صـدرك قـلبـا كـبيـرا يـكسر الاشواق فى
وعــلى عــقلــك افــكارا تــتوة وتــسرح بـعيـناى
وعــلى الــقلــب الــسلام والــحب واعــطر تـحية
وانــا فى ابوظبى جــالــس لــوحــدى ســوى
فـــكم تـــمنــيت ان تــكونى بــجانــبى ســوية
وانــا فى حــبك ســكران بـخمـرة الـحب الـشهـية
فـاذا مـا اسـرت الـنشـوة فى عـينـاى تخيلتك لدى
فــكم عــزفــت بــمزمــار الــحب انـشودة شـحية
مـــــافى فى ســــننــــينى دونــــك شى نــــقيــــية
وانــتى هــناك تــرتــدى ثــوب الـعفـاف الـزهـية
وانــا فى قـلبى الـف نـارا تـحرق الـوجـد الابـدية
انـــتى يــامــن عــبرتى بــقورابــك قــلبى الــندية
يـا عـيونـا كـالـماء يـسقى الـورد ويـجعـلة طرية
ويــا شــفاهــا كـا لـلؤلؤ الـمتلالى الـوانـا زهـية
وبــا خــدودا مــثل تـفاح لـبنـان الـجمـيل الـطرية
ويــا قــوامــا يــتثـنى فى مـشيـتة كـبريـاء وغـيا
ويــادمـا ضـختة كـل الـشرايـين لـلبـدر الـمحـيا
فلا تـــصصـــلنى بـــنار حـــبك واعــيش شــقية
انــا مــن الــوطــن الــكبــير الــجمــيل الــمهـيا
انـا مـن الـسودان ارض الـسمـرة والـروح النقية
انـــا مــن قــلب بــلدا و قــارة مــجهــولة الــهوية
وانـــا اهـــفو الى روحـــك الــطاهــرة الــشجــية
فـتعـالى يـا مـعقـشوتى الى فـيثـارة الـحب الـثرية
وحــققى لـروحـك وروحى تـلك الـرغـبة الـخفـية
اى جـــنة انـــتى ونـــارا يــتراى امــام عــينــاى
فـانـا فى انـتظـارك حببيتى كـل صـبح وعـشية
فــربــما لانــلتـقى ثـانـية ويـكون الـوداع الابـدية
فـتعـالى واهـمسى الى بـتلـك الـكلـمة الـشجـية
| |
|
|
|
|
|
|
| |
مصطفى نور
فيس بوك
تويتر
انستقرام
يوتيوب
بنتيريست