|
Re: هل من سانحة نرآكُم فيها يا بورداب الخرتوم (Re: صديق مهدى على)
|
Quote: الارحم الله العوض المسلمي وكل موتى سودانيز ورحمة الله على موتانا وموتى المسلمين ود المدير سلام كلمة بقجة دي خليك منها قالها الطيب مصطفى ما جاء الا رحمة الله عليه انشاء الله قدمك قدم خير يا مديرنا وتحياتي لبورداب الخرتوم هههههه |
سلام يا صديق . في هذا المكان تعرفنا علي أخوان وأخوات سمحين بالحيل، نسأل الله الرحمة والمغفرة لمن رحل منهم والصحة والعافية والعِيّشة الهنيئة لمن هم بين ظهرانينا . يا صديق إنت في البُقجة واللآ في بورداب الخرتوم اللبو يعشموني ديّل !!!. إنت يا الصِديديّق إن شاء الله تضربا بيضا محل تقبّل ...
| |
|
|
|
|
|
|
Re: هل من سانحة نرآكُم فيها يا بورداب الخرتوم (Re: معاوية المدير)
|
قريبنا ود المدير حبابو في طينو وبين وزينو . حبابو . والله يا ود المدير السودان قدر ما يضيقبو الحال وقدر ما يترمتلوا الانقلابيين في الوزارات. وقدر ما يكرهوك أصحاب البردلوبات في الطليفزيون. برضك ما تقدر تنكر سماحة كثيرين من الناس . عان جاي يازول . لازم نتقابل كان بقينا في الزيداب في عطبرة في الخرطوم . ورينا برنامج جيتك.
| |
|
|
|
|
|
|
Re: هل من سانحة نرآكُم فيها يا بورداب الخرتوم (Re: حيدر حسن ميرغني)
|
Quote: قريبنا ود المدير حبابو في طينو وبين وزينو . حبابو . والله يا ود المدير السودان قدر ما يضيقبو الحال وقدر ما يترمتلوا الانقلابيين في الوزارات. وقدر ما يكرهوك أصحاب البردلوبات في الطليفزيون. برضك ما تقدر تنكر سماحة كثيرين من الناس . عان جاي يازول . لازم نتقابل كان بقينا في الزيداب في عطبرة في الخرطوم . ورينا برنامج جيتك. |
حبابك ألف قريبي عثمان . يا زول إنت بقيت أظرط من إبن بطوطة !، كل يوم في بلد، كِدي المرّة دي وكِت بقيت في البلد أهبط لآمن نتلآقى إن شاء الله . فتشت لصورتنا مع بورداب الخرتوم عشان أنزلآ هنا ما لقيتا، يا حليل بورداب الخرتوم والزمن السمح ؤ ناسو عُدآل . ألزم الجابرة خلنا النشوفك بعدين أرجع لطشيشك ...
| |
|
|
|
|
|
|
Re: هل من سانحة نرآكُم فيها يا بورداب الخرتوم (Re: Osman Musa)
|
السلام عليكم أخانا معاوية المدير،
وحبابك ألف والله ويا مرحبا يا ألف مرحبا ..
ونلتقيك إن شاء الله تعالى في الخرطوم ونلتقي معك
أخانا عثمان موسى وكل الإخوة آل.بورداب-خرطوميا الأعزّاء ..
الرحمة والمغفرة للفقد الجلل، عوض المسلمي، تغمده الله العلي بواسع الرحمات.. والرحمة والمغفرة لكل مَن فقدنا من الإخوان، تغمدهم الله العلي بواسع الرحمات..
| |
|
|
|
|
|
|
Re: هل من سانحة نرآكُم فيها يا بورداب الخرتوم (Re: محمد أبوجودة)
|
Quote: تصل بالسلامة لو الإلتزامات الكثيرة (فاتحات وزيارات مجاملة ومناسبات) قدرت تغطيها ما بتكون قصرت انا جاري لحدي يوم سفري (اجازتي كانت 14 يوم) |
... حنين يا حبيب، الله يسلمك .
معقولة يا حيدر تدخل القرية علي غفلة من أهلها، ؤ تمرق !!!. يا حليل الخرتوم ؤ لياليها، زمان الواحد يدخلها زي الإسكندر الأكبر البورداب من المطار كف يلفحوك ؤ هاك يا قندهار والشية نُصّت نهار . قتلي هسع زي الضُل دخل القش ؤ ما قال كش !!!. غايتو أنا بجاول أحيي هذه السُنّة إن شاء الله رغم إني حأكون جاري جري الأوآبِد...
| |
|
|
|
|
|
|
Re: هل من سانحة نرآكُم فيها يا بورداب الخرتوم (Re: معاوية المدير)
|
Quote: غايتو أنا بجاول أحيي هذه السُنّة إن شاء الله رغم إني حأكون جاري جري الأوآبِد... |
حبابك حبابك ابن عمي وترحب بك الديار دوما ... تعرف يا معاوية السودان البلد دا شي عجيب خلاس ... من أصعب الأمور حقيقة هو تبرمج لي شغلك أو التزام محدد تقوم بيهو مستقبلا (ممكن مستقبلا دي تكون بعد ٨ ساعات) ... من الصعب جدا تلتزم بوعد أو عمل تقوم بيهو ... ونحنا ناس برا ديل الحكاية دي بتزعجنا كتير جدا عكس ناس البلد عندهم حاجه عادية جدا تخلف وعدك وما تتم عملك الخطط ليهو ... عشان كدا من يوم عملتا البوست دا أشيل وأعاين فيهو وما داير أوعدك ومنتظر منك تكتب رقم التلفون زي ما وعدتا فوق هنا عشان أضرب ليك تلفون واشوفك وين واجيك ... لو قتا ليك بجيك بكرة معناها كضبتا عليك ... دا ياهو السودان ... ممكن بالليل تكون راقد وتتمعن في ملكوت السماوات وتوعد رقبتك تقول إن شاءالله بكرة خط سيري حا يكون كدا عشان أنجز كدا وبعداك امشي لي كدا ...إلخ والصباح يجيك تلفون يقلب كيانك وبرامجك ويلعفسا ليك لعفسه ... مرحب حبابك ومشتاقين لي جلسة نسمع فيها ولو جزء من حكاوي قنيني طه ...
| |
|
|
|
|
|
|
Re: هل من سانحة نرآكُم فيها يا بورداب الخرتوم (Re: معاوية المدير)
|
Quote: السلام عليكم أخانا معاوية المدير، وحبابك ألف والله ويا مرحبا يا ألف مرحبا .. ونلتقيك إن شاء الله تعالى في الخرطوم ونلتقي معك أخانا عثمان موسى وكل الإخوة آل.بورداب-خرطوميا الأعزّاء .. الرحمة والمغفرة للفقد الجلل، عوض المسلمي، تغمده الله العلي بواسع الرحمات.. والرحمة والمغفرة لكل مَن فقدنا من الإخوان، تغمدهم الله العلي بواسع الرحمات.. |
وعليكم السلام أخي محمد جودة . نسأل الله أن ينزل شأبيب الرحمة علي من رحل من إخوننا وأخواتنا .
أسأل الله أن يجمعنا في الخرتوم في ساعات الخير ويعيننا أن نحي سنة حسنة كان قد إستنها أخوان وأخوات لنا ؤ قول يا لطيف ...
| |
|
|
|
|
|
|
Re: هل من سانحة نرآكُم فيها يا بورداب الخرتوم (Re: معاوية المدير)
|
Quote: حبابك حبابك ابن عمي وترحب بك الديار دوما ... تعرف يا معاوية السودان البلد دا شي عجيب خلاس ... من أصعب الأمور حقيقة هو تبرمج لي شغلك أو التزام محدد تقوم بيهو مستقبلا (ممكن مستقبلا دي تكون بعد ٨ ساعات) ... من الصعب جدا تلتزم بوعد أو عمل تقوم بيهو ... ونحنا ناس برا ديل الحكاية دي بتزعجنا كتير جدا عكس ناس البلد عندهم حاجه عادية جدا تخلف وعدك وما تتم عملك الخطط ليهو ... عشان كدا من يوم عملتا البوست دا أشيل وأعاين فيهو وما داير أوعدك ومنتظر منك تكتب رقم التلفون زي ما وعدتا فوق هنا عشان أضرب ليك تلفون واشوفك وين واجيك ... لو قتا ليك بجيك بكرة معناها كضبتا عليك ... دا ياهو السودان ... ممكن بالليل تكون راقد وتتمعن في ملكوت السماوات وتوعد رقبتك تقول إن شاءالله بكرة خط سيري حا يكون كدا عشان أنجز كدا وبعداك امشي لي كدا ...إلخ والصباح يجيك تلفون يقلب كيانك وبرامجك ويلعفسا ليك لعفسه ... مرحب حبابك ومشتاقين لي جلسة نسمع فيها ولو جزء من حكاوي قنيني طه ... |
قريبي ود الزبير، إن شاء الله ربنا يصلح الحال. لم يتبقَ من الزمن الكثيرـ كولها يومين وأكون في البلد إن شاء الله، وسأبذل قصارى جهدي لمقابلة البورداب رغم المجاملآت والمطايبات والواجبات ؤ ضيف لكل هذا أنا نازل عريس، غايتو لو قِدِرت أجمع البورداب في الخرتوم معناتا بقدر أحلحِل مشاكل السودان وأفكفِك عقدو . قدامي ساعات وأبقى مارق علي المطار إن شاء الله ...
| |
|
|
|
|
|
|
|