أستاذ ابوعاقلة سلامات ياخ انت النقطها زاتو . والناقشها بالجد . والله يا أخ عمر اتكيفتليها ولظهورها بالمكياج البديع والمحتشم والصوت المبالغة. ولابد من الإشادة بالفنان ود الصديق الاشتغل شغل الدلوكة بالربابة. بتخيل اللحن زي المختوف من ملك غناء الدلوكة الراحل سيد الجعلي وبالمناسبة سيد الجعلي قريب زميلك معاوية المدير . كان يغني بدون مكرفون في الزيداب بالشرق وكنا نسمع صوتو في الزيداب بالغرب. لابد يا ابوعاقلة انو ود الصديق والملحن الشاركو في وضع لحن الأغنية لابد أنهم استمعوا لتسجيلات قديمة للفنان الراحل سيد الجعلي . واستفادوا من الطريقة السيد جعلية. ارجع واقولك الف شكر على انك عزمتنا وشاطرتنا الاستماع.
09-04-2022, 09:32 AM
عمر أبوعاقلة
عمر أبوعاقلة
تاريخ التسجيل: 04-11-2016
مجموع المشاركات: 1321
الملاحظ أخي عثمان في عودة قوية للجذور والريف على المستوى العام ووجدت الأغاني الشعبية (ربابة، طنبور، دلوكة) رواج شديد خاصة بين الشباب ولو تبحرت شوية في المعروض تجد أغاني روعة مليانة بالشجن والحنين ياخ الشعب السوداني دا طلع (فاقد حنان) تصدق !!
كسرة: ياخ كدي أسمع الريفي دا (علاء الدين الريفي) وشوف الربابة دي عاوزة تتكلم عديييل ياخ
مودتي
09-04-2022, 11:54 AM
Osman Musa
Osman Musa
تاريخ التسجيل: 11-28-2006
مجموع المشاركات: 23082
الأخ استاذ ابوعاقلة سلام كلامك حقيقة . وبعدين ملاحظ انو الطمبور أصبح ماهو آلة شمال السودان بس . الطمبور الآن أصبح آلة تشمل 70 في المية من مساحة البلد . وكاسح لسع .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة