|
|
|
 Re: الخصام والزعل فى الاغانى السودانيه (Re: مصطفى نور)
|
تخاصم يوم وتصالح اعملك ايه قولى مخاصم زعلان ليه جارحنى
جفاك حارمنى مناك غالى والله احلاك اهو ليك ليالى تدلل وعملت
مخاصم وليك ايام جفيت احبابك و ما بسأل لاشافوك لا قلت ولا سلام
لو تخاصم زى الاحباب لو عاوز اقول ليك من قلبى كلام فى ناس حكم يا حبيب بالله حكاية مرام
| |
 
|
|
|
|
|
|
|
|
Re: الخصام والزعل فى الاغانى السودانيه (Re: مصطفى نور)
|
كلام زعل
أداء : محمد الأمين
،،،،،
البيني بينك
شوق عمر لا نام
و لا مدو إنحسر
البيني بينك
لا الشعر قادر يقولو و لا الوتر
و تقول : هواي تستبعدو
و تضحي بيهو و تفقدو ليه ؟
كلام زعل ما بنقصدوا
،،،،،
ما قلت ليك من قبل دا
ثاني عواطفك ساعدها
خليها تهدأ و عودها
تزعل شوية ، مش كده .
و تقول : هواي تستبعدو
و تضحي بيهو و تفقدو ليه ؟
كلام زعل ما بنقصدوا
،،،،،
عارفك إنت بتنفعل
و تقول كلام زعل
أنا عندي فيك
دايماً أمل
صابر بهدهدو و بحتمل
و تقول : هواي تستبعدو
و تضحي بيهو و تفقدو ليه ؟
كلام زعل ما بنقصدوا
،،،،،
و تقول : هواي تستبعدو
و تضحي بيهو و تفقدو ليه ؟
كلام زعل ما بنقصدوا
،،،،،
| |
|
|
|
|
|
|
|
|
|
Re: الخصام والزعل فى الاغانى السودانيه (Re: مصطفى نور)
|
أنت كان زعلان
أنت كان زعلان أنا ما ما ما بزعل
أنت كان مبسوط يا حبيبنا نحنا بالأكتر ..
ده سؤالي نقروشو
ده حجيلي حركسو
لو سمعت كلام عدوك
احننا سيبناك للداروك
أنت كان زعلان .....
يا سيدي نحنا بالاكتر
نضوي البيت بالشمع
وليك كلاما بنسمع
كان جبل طلعو كان عسل داقو
لو سمعت كلام عدوك
احننا سيبناك للداروك
أنت كان زعلان .....
| |
|
|
|
|
|
|
|
|
|
Re: الخصام والزعل فى الاغانى السودانيه (Re: مصطفى نور)
|
دقت الدلوكة
قلنا الدنيا ما زالت بخير
اهو ناس تعرس وتنبسط
دققت في الراكوبة بالحنقوقة
سروالي الطوييل
سويتلو رقعات في الوسط
في خشمي ختيت القميص
أجري وأزبت شوق وانط
لامن دخلت الحفلة .. فجيت الخلوق
ورقصت شان البت السعاد
البت سعاد ... البت سعاد
ما أصلي عارف إنها
في زولا يركز وينستر
وبرضي عارف إنها
لو كل زول في الحلة بالسترة إنجلد
يا هو الازاها وجنها
وركزتا
وركزته للحرقة المشت فوق الضلوع
تحت الجلد
لميت مشاعري مرقت
عند طرف البلد
أه ودرت جد
وانا راجع منتهي
لاقتني هي وقات لي
تعال ... تعال ... تعال
كبرت كراعي من الفرح
نص في الارض نص في النعال
الله أكبر
يا معافرة يا مدافرة يا جهاد
هي يا سعاد ... هي يا سعاد
علم السكينة الكلتي في خشمو الرماد
هي يا سعاد ... هي يا سعاد
علم السكينة ال ما إتاسف
وانا من بلاك منعول هواي
إن كنت ارضي أعرسا
هي يا سعاد هي يا سعاد
انا يا سعاد ... أه يا سعاد
وكتين تطلي سحابة رقصت الدعاش
بفرش علي روحي وبجيك
زولا هلك تعبان و طاش
أها يا سعاد ... اها يا سعاد
وكتين أشوفك ببقي زولا
فرشولوا فرش الموت وعاش
أها يا سعاد ... اها يا سعاد
كانت سعاد
بطل كلام الجرسة انجض يا ولد
بقيت مشاعري
مرقت عند طرف البلد
اااااااها ... و ودرت جد ... ودرت جد
أذنت في الشوك والسلم
و وقفتا للامل الحكم
ورقدتا في الالم الحكر
وحلمتا ذي شايلني
وسط الزحمة نبي الله الخضر
صحاه صوت العمدة قال
مسؤل كبير زائر البلد
قبال يهل قبال يصل
لاذم تقيفوا صفوف صفوف
وتهيجوا الخلا بالكفوف
وتقولوا عاد يحيا البطل
سامعني ... ولا أقول كمان
قتليهو
يا عمدة إختشي
مسؤل كبير في الحلة غير الله إنعدم
ما شفنا زول سكت جهال
ما شفنا زول رضع بهم
ما شفنا زول لطخ تيابو
وجانا من طرف البلد
فكيت مشاعري مرقتها
عند "طرف البلد"
اها ... و ودرت جد
وانا جاي راجع اجهجهو
لاقاني هو
سايق العساكر بالحراب
ضاقت نعالي من الزعل
من تحتها إتململ تراب
وضراعي ذي داير يجن
والجوف يطقطق بالكلام
قبال يقولوا لي سلام
ختوني في قعر السجن
إن شالله ما ضوقوا السجن
حصلني قبل اليوم يتم
جارنا المدرس والخلوق
قال لي
لا زولا هتف
ولا كف مشت ، تتلاقي كف
| |
|
|
|
|
|
|
|
|
 Re: الخصام والزعل فى الاغانى السودانيه (Re: Ahmed Yassin)
|
الغالى الاخ احمد يسين
والله كل الشكر ذكرتنى
وحات عننيك ماتزعل والمبدع عثمان حسين
حارم وصلي مالك؟
* لم تكن مجرد علاقة عادية تلك التي جمعتنا بنيل السودان الثاني عثمان حسين.
* تعلقت قلوبنا بصوته الشجي وألحانه الرقيقة وكلماته المنتقاة ونما عشقه في الصدور منذ (اللقاء الأول).
* جاء من (مقاشي) ليعبد للفن السوداني (دربه الأخضر)!
* أجيز صوته في الإذاعة وتمت ترقيته من الدرجة الرابعة إلى الأولى مباشرة واعترض والده على غنائه بادئ الأمر ثم استمع إليه يشدو ( كيف لا أعشق جمالك) فسمح له بالغناء وصار فخوراً به واحتفى به مثلما احتفى به ملايين السودانيين الذين تعشقوا فن أبي عفان وحملوه داخل الوجدان.
* دندنا معه (أنا والنجم والمساء).. وحلقنا مثل (الفراش الحائر)!
* لم يكن عثمان مجرد فنان عادي.. بل ظاهرة وحالة بالغة الخصوصية في عالم الفن السوداني.
* لن تفقد والدك وحدك يا صلاح.. فعثمان حسين ليس ملك أسرته الصغيرة وحدها!
* مات عثمان حسين والموت حق.
* كانت لنا مع (قصتنا) قصة وجد لا يفنى.
* (بالمعزة.. بالمودة البينا بي أغلى الصلات.. بالهوى العشناهو بي أعصابنا خمسة سنين ومات.. بالعذاب الشفتو.. والسر الكتمتو.. وباقي الطيبات.. أستحلفك أترك سبيلي وسيبني وحدي.. أقاسي مر الذكريات).
* لكم غنينا (أقبل افجر).. ورددنا معه (الدرب الأخضر).. تلك الأغنية التي ظلت تحملنا لتحلق بنا بين النجوم.
* (يا ربيع الدنيا في عيني.. يا نور قلبي يا معنى الجمال..يا أخت روحي.. يا أماني هوايا.. في دنيا الخيال.. أنا فيك عرفت الروعة ما أحلاها في الدل والدلال.. والمعاني الراسمة نور.. إشراقة في عينيك ظلال.. ابتسامك لما تأسر قلبي.. تحكي عن المحال.. تحكي عن شوقك إليّ.. تحكي عن بعد الوصال).
* (من قلبي من أجل المحبة.. وهبت ليك شعر الغزل.. مع إنو قدامي الطريق.. أنا عارفو يا السمحة إنقفل.. ما في قسمة.. ما في يا نور قلبي حتى بصيص أمل.. لا قدرت أقرب من ضراك.. وما قدرت لي فراقك أصل).
* غنى (في محراب النيل) فنافس أمواج النيل في خريرها وطلاوتها وعذوبة مائها.
* شدا بـ(عاهدتني) ففطر قلوب العذارى وفتح مجاري الحب على الشرايين المتعطشة للوصال.
* ترنم بـ(أوراق الخريف) فرق قلب السحاب.. وتمايل الشجر.. وتراقصت حبات المطر.
* (لا وحبك).. يا ننساك أبداً يا أبو عفان.
* لن ننسى وكرك المهجور.. مهما طال الفراق.
* من صدح بـ(تسابيح).. (لا تسلني).. (ما بصدقكم).. (لا وحبك).. (إنت لي).. (ناس لالا) لا يمكن أن يسقط من وجدان الشعب السوداني أبداً.
* سنداوم على حب من منحنا (داوم على حبي).. وأبدع لنا (أنا المظلوم).. (كلمة منك حلوة).. (خاطرك الغالي).. (ليالي الغربة).. (ليالي المصير).. (مالي والهوى).. (من عيونك يا غزالي).. (ناداني غرامك).. (شجن).. (طيبة الأخلاق).. ظلموني الأحبة).. (أقبل الفجر).. (القبلة السكرى).. (إن تريدي يا ليالي).. (أنا عايش براي).. (أرويني).. (دمع الحنين).
* من سكب هذا الشلال المتدفق إبداعاً وحناناً وحباً سيظل خالداً في ذاكرة شعبه أبد الدهر.
* (دايماً أطيب خاطرك الغالي وأسامحك لو نسيت).
* (وحات عينيك ما تزعل لما عيوني تتوسل.. وتبكيلك وتشكيلك.. عمر حرمان زمن طول)!
* (أنا المكتوب ووآ أسفي.. أموت بي حسرتي ولهفي.. مراكب شوقي ما تاهت.. متين ترسى ومتين توصل)؟
* (أتذكري في الدجى الساجي مدار حديثنا العذب.. وفوق العشب نستلقي.. لنطوي صفحة الفجر.. وإذ ما لاح نجم السعد نرشف خمرة الحب.. تذكري عهد لقيانا.. ويوم القبلة السكرى.. قلبي ثغري الظامئ.. فقد لا تنفع الذكرى)!
* (وين درب السعادة يا الباكين لحالي.. دلوني عليها أنا ساهي الليالي.. حتى لو بعمري لو بالروح ومالي. ما شايفين حبيبي.. يحرق في شبابو.. حارمني ليه)؟
* مات عثمان؟ (أنا وحدي طول الليل بشكي حبي ووجدي.. أذكر ضفاف النيل.. أسأل نجوم الليل.. أبكي ودموعي تسيل.. أندب حظي وأحكي)!
* رحل عثمان؟ (مالي والهوى)!
* (عيونو الحلوة إلهامي.. سعيدي وسعد أيامي.. ملك صحوي وإلهامي.. وأصبح حالي غير حالي)!
* سافر بلا وداع.. (سألت عليهو ما اتكلم.. لا رد علي لا سلم.. ظلمني وجاني يتظلم.. سلاني وقال أنا السالي)!
* (تهيم خطواتي نشوانة.. تعانق دربك الأخضر.. وحات اللوعة والآهات يا مشوار.. ما تقصر)!
* (على دربك زرعت الحب.. جمال وكمال.. رياض وزهور.. غزلت صبابة العشاق.. أغاني تسيل.. صباح وعطور)!
* ذهبت عنا؟ (نسيت اللهفة والأسواق.. وئام وسلام.. منابع نور.. مواكب روعة وإبداعات.. بناها خيال وصاغها شعور.. ما بتبدلو الأيام.. ولا في مرة بيتغير.. وحات اللوعة والآهات.. يا مشوار ما تقصر)!
* (يا حبيبي.. أقبل الليل علينا.. وضفاف النيل قد أصغت إلينا.. وحباب الكأس يخبو في يدينا.. وارتشفناها تباعاً فاروتينا)!
* (أرويني من طهر غرامك.. خليني عايش بي حنانك أرسل من على البعد سلامك.. لو درت أفراحي تجيني)!
*(أغريتني بالحب والهنا.. مشيتني في درب المنى.. آخر المطاف كان يا جميل.. وحشة وضياع.. حسرة وضنى)!
* وداعاً يا سيد الوجدان.. طب نفساً يا نهر الحب الدفاق.. (قلبي فاكرك)!
* (حارم وصلي مالك)؟
| |
|
|
|
|
|
|
|
|
|
Re: الخصام والزعل فى الاغانى السودانيه (Re: مصطفى نور)
|
ما عدت قادر انتظر
سامحني غلطان بعتذر
ما كنت قايل من عتاب تحكم علي ّ
بالوحدة والشوق والعذاب
انت القبيل شلت الصعاب
في دربو عديت ألف باب
لو انت زهو الحسن في عيونك بدا
خليك أمين في العشرة لي آخر مدى
كيف تنسى لهفة قلبي ليك
تنسى الحنان الكان لديك
----
عاالم بطاالــــــــــــــــــة ,,
| |
|
|
|
|
|
|
|
|
|
Re: الخصام والزعل فى الاغانى السودانيه (Re: Ahmed Yassin)
|
ملك"الزنجران" والتراث الزنجي العروبي وموسيقى السودان في القبل الاربعة
اسماعين عبدالمعين .. الغنى بذات الايقاع الاثير
هييييي يا..ام قرقدي كدي جبدي كان يبقى زي حقي دى
في اشارة ان ام شعر طويل وغالبا سحنتها بيضاء قتعدة تعير في جارتها ام شعر قصير قرقدي
اسماعين عنده اهزوجة في الزعل غناها بالعود .. وغناها محمود عبدالعزيز:
" إنت كان زعلان انا مابزعل *** انت كان مبسوط ياسيدي أنا بالأكتر "
| |
|
|
|
|
|
|
|
|
|
Re: الخصام والزعل فى الاغانى السودانيه (Re: Ahmed Yassin)
|
الزول الجاي دا... يعتبر فلتة من فلتات العصر .. السابق والحاضر والجاي
دا تاثيره على الغناء السوداني ما بتوصف...واحسن من عزف ويعزف
"التوافق الصوتي" بالعود... حنجي يوم نشرح الحتة دي بالتفصيل كان الله هون
ربشة غنى للزعل:
" شاقي روحك ليه هو الزعل بجدي "
| |
|
|
|
|
|
|
|
|
|
Re: الخصام والزعل فى الاغانى السودانيه (Re: Ahmed Yassin)
|
مساء الخير صفطف العزيز
ياخ والله ما عارفين نقول ليك شنو؟
لا حولاااا.... ابراخهيم حسين وخلاص يا قلبي كان خاصم؟؟؟؟
ياخ قلبت علينا المشاعر و المواجع والذكريات زيم ما أيقظت فينا الشجون بأغاني العيون والزهور...
الله يجزيك خير ويديك العافية...
والله قلت بس اتاوق وانسحب انسحاب تكتيكي ...لا،ه عنديهناك بوستين منتظريني وما عندي طريقة هسه...
فقلت أخش بسرعة أتاوق ,ارفع ليك يدي....لقيت نفسي جوة المعمعة...
ياخ ابراهيم حسين ده أكتر زول أنا أتألمت لوفاته ربنا يرحمه..راجل رقيق و إنسان شفيف وكله إحساس واختياراته دقيق’..
والأغنية دي بالذات بتكويني كي..
تحياتي للفنانين ود ياسين و وود مجيدو ..تسلموا يا الحبان...
وفي الختام خلوني استعيد معاكم كلمات البأغنية العجيبة دي.... السهل الممتنع...
Quote: خلاص ياقلبى كان خاصم..
خلاص ياقلبى كان خاصم ضميرو يحاسبو خليهو
تمر ايام وينسى غرورو ويلقى هوانا راجيهو
يعاتب يوم ويزعل يوم ويعذبنا بى ريدو
يتحدانا يوم يزعل تقول اقدارنا فوق اييدو
نقول ياريتو لو يعرف عذاب الحب وتنهيدو
بدل مانحنا بنعاتب بنفرح يوم يعاتبنا
ونسال عنو كان طول وماهاميهو كان غبنا
خلاص حرام ترمينا للايام حنانك يامعذبنا
نحلف قلبك القاسى بكل حنان مودتنا
بافراحنا واشواقنا وبى لهفة محبتنا
رضينا عذابنا فى حبك حرام تتناسى ريدتنا
خلاص ياقلبى كان خاصم ضميرو يحاسبو خليهو
تمر ايام وينسى غرورو ويلقى هوانا راجيهو
|
| |
|
|
|
|
|
|
|
|
|
Re: الخصام والزعل فى الاغانى السودانيه (Re: محمد عبد الله الحسين)
|
الاخوه الافاضل
تحياتى
والله مروركم يسعدنى ووافرح لما اجد رد من الاخ الغالى محمد عبدالله الحسين والرد من احمد يسن والرد من يحيى قبانى والرد من محمد مجيدو والرد من ابوالريش وكل الاخوه الاعزاء
والله قدر ما اقول اسيب قصه الشعر والاغانى دى اجد نفسى داخل فى الغناء وكنت فنان فى امريكا اجيد اغانى ابراهيم عوض والجابرى وواكتب الشعر
ولكن الكبر دخل والله
واهدى الجميع
لما ترجع بالسلامة
وترجع أيامنا الجميلة ي
ا سنا الروح ويا مداما ويا عوطفنا النبيلة
تهدي ليلاتنا ابتسامة من زمان بنقول حليلا
يوم رحيلك يا حبيبي شفت كل الكون مسافر
لا زهر في روضة غنا ولا زهر عطر بيادر لا تلاقي يروي شوقي
لا حديث يجبر بخاطر الشهور يا ريتا تجري وكل يوم يا ريتو باكر يا حلاتك يا ربيعي ويا حلاة الدنيا فيكا
| |
|
|
|
|
|
|
|
|
|
Re: الخصام والزعل فى الاغانى السودانيه (Re: مصطفى نور)
|
اي واحد فينا لمن يلقى كلمة(زعل )في اغنية بحس انه دا زعل خفيف ودلع
واغرب شىء حميدة ابوعشر جابها تقيلة وكبيرة لكن فيها غزل جميل وبرىء..
غناهاىعبدالجميد يوسفﻻالمان عثمان حسين بعزف عود من خلفه في الاربعينات
" غضبك جميل زي بسمتك "
| |
|
|
|
|
|
|
|
|
|
Re: الخصام والزعل فى الاغانى السودانيه (Re: حسين يوسف مكى)
|
التحايا للجميع
انا من محبي ألحان الفنان صلاح مصطفى و جل أغانيه
هناك اغنية لصلاح دائما عندما اسمعها تتسارع دقات القلب
====
ليه يا حبيب ليه الخصام
شايفك نسيت الدنيا عيد
وعارف خصام العيد حرام
====
خصام الحبيب كان قبل العيد بشهور وجاء العيد فكان صلاح في الموعد ليذكرنا بأن الخصام في العيد حرام
====
شعوري و احساستي بيك دايما خصامك جارحة
وبعادي لو ما هان عليك اسباب خصامك وضحة
مهما تداري الطيبة فيك ترجع عيونك تفضحه
ساحرني فيك صفا العيون بتضوي زي شمس الضحا
====
يا سلام عليك يا صلاح
ويا لروعة اللحن الذي و ضعته لتلك الكلمات
| |
|
|
|
|
|
|
|
|
|
Re: الخصام والزعل فى الاغانى السودانيه (Re: Zakaria Fadel)
|
: Zakaria Fadel
الف شكر ليك يااخى الغالى
الفنان صلاح مصطفى رجل رائع وانسان فى قمه التهذيب وكان جارنا فى امدرمان حى الاسبتاليه وواخوه الصغير الاخ عاطف مصطفى دفعتنا فى الابتدائى
وواخوهم محجوب مصطفى كان رجل فنان يعزف اورغن مع احسن فرقه جهاز ظهرت فى السودان فى 1975 فرقه جاز البلو ستارز بقياده المرحوم وليم اندريه
صلاح مصطفى كان يعمل موظف فى البوسته امدرمان التى كان فيها عدد من الشعراء والفنانين مثل الشاعر مصطفى سند والشاعر عبدالله النجيب شاعر العيون
| |
|
|
|
|
|
|
|
|
|
Re: الخصام والزعل فى الاغانى السودانيه (Re: مصطفى نور)
|
زكريا ومصطفى
صلاح مصطفى مشهور في الوسط الفني بلقب( اللحان )
لانه بلحن بكل اناقة وبساطة.. واي لحن يدخل القلب ومليان حنان
في اغنية الماضي والحاضر .. او
" إنت لو فكرت تتذكر غرامك وتبكي ماضيك البعيد "
بتلقى اللحن جوة الكلمات ... دايما بذكرني بالسني الضوي
الغريبة ولده حسام ما شال من مواهب ابوه اي شىء.
| |
|
|
|
|
|
|
| |
مصطفى نور
Ahmed Yassin
محمد مجيدو
محمد عبد الله الحسين
Zakaria Fadel
فيس بوك
تويتر
انستقرام
يوتيوب
بنتيريست