|
|
|
 Re: أغنية سيد الفنيلة البيضا مكتوب عليها الر� (Re: Osman Musa)
|
حبيبنا عثمان تحياتي يا جميل
سبحان الله .. قبل قليل كنت أقرأ نفس الموضوع
في النيلين الاخباري
كمان في مناسبة زواج لو حفل مفتوح يمكن يكون فقط الشباب
Quote: في مناسبة زواج استمعت امس الاول..ولاول مرة لاغنية
( سيد الفنيلة البيضا مكتوب عليها الريدة دقستي ليه يابليدة من حبو ما مستفيدة)..
لاحظت كيف ان الصالة تحولت الي ( مرجل يغلي) علي قول اخونا الرشيد بدوي عبيد
في وصف (سخونة) مباريات القمة.. عندما رايت الحالة ( التيسية) التي اعترت الراقصين
مع نهاية الصولة في الاغنية والرؤوس المنكوشة بالتقليعات والتسريحات الغريبة تمضي
ذات اليمين وذات الشمال ادرركت ان الحكاية انبشقت شديد و ( انو البلد دي ما اظنها تتلحق تاني)..
محمد عبدالقادر
التفاصيل هنا: https://www.alnilin.com/13275214.htm[/QUOTEhttps://www.alnilin.com/13275214.htm[/QUOTE]
| |
 
|
|
|
|
|
|
|
|
Re: أغنية سيد الفنيلة البيضا مكتوب عليها الر� (Re: Osman Musa)
|
| Quote: يا جماعة الحقوا . الحكاية جاطت. |
حبيبنا عثمان أخبارك
بلد رئيسها البرهان والنائب حميدتي ، ووزير مالية الفكي جبريل،
وحاكم دارفور البهلوان مناوي، والخرتيت أردول مسؤول في المعادن، وهجو مش عارف أيه
ماذا تتوقع؟
لمن كنا طلبة في عطبرة الثانوية كان في مسرح كبير
ومكتوب فيهو وبالخط الكبير أعطني مسرحا أعطك أمة، وده مسرح الزبالة الحاكمة البلد
اليومين دييل، يعني تطابق طبيعي ، نحن بنمر بفترة عصيبة وكابوس مزعج،
| |
|
|
|
|
|
|
|
|
Re: أغنية سيد الفنيلة البيضا مكتوب عليها الر� (Re: ترهاقا)
|
عزيزنا الأخ الفنان ترهاقا.
سلام عليك يا أخي.
في سنة 1969 ونحنا طلاب في المدرسة الوسطي
سافرنا لعطبرة بطلب من إدارة التربية والتعليم لحضور حفل .
اذكر يا أخ ترهاقا حضور الفنان الكابلي للحفل .
في داك المسرح الانيق في صفحة نهر عطبرة .
المسرح تابع لبوليس الشمالية .
حضر كابلي ليستمع لفرقة بوليس الشمالية
وهي تعزف موسيقي اغنية ( أراك عصي الدمع )
في حضور الكابلي والعطبراوي واحمد فحل .
أراكَ عصيَّ الدَّمْعِ شيمَتُكَ الصَّبْرُ .
أما لِلْهَوى نَهْيٌ عليكَ ولا أمْرُ؟
بَلى، أنا مُشْتاقٌ .
وعنديَ لَوْعَةٌ ولكنَّ مِثْلي لا يُذاعُ لهُ سِرُّ! .
...
عزفوها على احسن ما يكون كما قال كابلي
في كلمة الإشادة بفرقة بوليس المديرية الشمالية
..
عليك الله يا ترهاقا شوف الدفسيبة الحاصلة الليلة في زمن الداقسة عايشة الجبل
و الداقسة حبصة ابوالقنفد.
| |
|
|
|
|
|
|
|
|
|
Re: أغنية سيد الفنيلة البيضا مكتوب عليها الر� (Re: Osman Musa)
|
والله يا عثمان اخوى طالما الناس ديل يجدون منفذا بهستريا جماعيه تشحن ب التأثير المباشر:) فيهتزون فى زار جماعى وكلمات لامعنى لها إلا فى إطار اللحن والايقاع والمزاج فى تلك اللحظه المعنيه ومؤثرات اخرى فلامانع ان يسمعوا ما يعشقوا. .... هذا فى العموم
إصلاح الذوق العام أو إستعادة عافيه الذوق الذى مضى فيما مضى فتلك مهمه صعبه حاليا
لكنها ظواهر مثل(العدار والضريسه) تموت قبل ان يشتد الخريف.... فلاتقلق على الذوق العام
| |
|
|
|
|
|
|
|
|
|
Re: أغنية سيد الفنيلة البيضا مكتوب عليها الر� (Re: Abdelrahim Mohmed Salih)
|
الأخ الكريم عبدالرحيم
سلامات
تلاقي دارة حفل الزار كلها نفسها قايم زي الطالعين جبل كلمنجارو .
رقيص زي الرقيص بدون اي تفكير لا في الكلمة لا في الموسيقي.
المهم جبك جبك جبك ترم ترم ترم اها اها اها .
حتي لو الكهرباء قطعت برضو الجبك بتكون مستمرة.
والخرمجة في القمة. ما اصلو لا وراهم شغل لا وراهم هم .
| |
|
|
|
|
|
|
|
| |
Osman Musa
علي عبدالوهاب عثمان
ترهاقا
Abdelrahim Mohmed Salih
فيس بوك
تويتر
انستقرام
يوتيوب
بنتيريست