|
|
|
 Re: على عبدالوهاب في فتيل (Re: بدر الدين الأمير)
|
حبيبنا الأمير تحياتي
أولاً الاسم الصحيح ( تركينج )
الامير الحبيب شكراً على التواصل والشكر للعائلة الكريمة
ما يتم تداوله اليوم من التركينج غير مطابق للمواصفات الاصلية
التركينج كان يتم صناعته عندما في البلد ناس محترفين ومتخصصين
على نوع معين من الاسماك ( الصغيرة ) تسمى بالنوبية ( سنجا )
وبالتدرج انتقلت الى خارج حدودنا الى مصانع محلية في جبل اولياء
ما لاحظته في التركينج المتداول اليوم غير مطابق للمواصفات الاصلية
من حيث الرائحة والطعم الحقيقي ..
تحياتي الامير الجميل والتحية للعائلة الكريمة
| |
 
|
|
|
|
|
|
|
|
Re: على عبدالوهاب في فتيل (Re: علي عبدالوهاب عثمان)
|
فنانا الجميل احمد ... سيرناقمي
تركينج جبل أولياء يحتاج الى شفاط هواء ضخم
لأن الشقق مغلقة وأي تسريب كل العمارة على طول
الأمير كان لازم يأخذ استشارات عملية من النوبيين في قطر
خاصة المحس والدناقلة
تحياتي فنانا الجميل
| |
|
|
|
|
|
|
|
|
|
Re: على عبدالوهاب في فتيل (Re: علي عبدالوهاب عثمان)
|
عم علي
Quote: تركينج جبل أولياء يحتاج الى شفاط هواء ضخم
لأن الشقق مغلقة وأي تسريب كل العمارة على طول
الأمير كان لازم يأخذ استشارات عملية من النوبيين في قطر
خاصة المحس والدناقلة
|
مفروض ياخد استشارة قانونية فنية تكتيكية من المنبر دا
في حالة تعذر حصول الامير على نوبة قطريين
طبعا صحبك بدرالدين الحيران بكونوا شردوا من البلد ما من العمارة
واكيد بلغوا البلدية ووزارة الصحة والدفاع المدني والادلة الجنائية
| |
|
|
|
|
|
|
|
|
|
Re: على عبدالوهاب في فتيل (Re: Ahmed Yassin)
|
حبيبنا فنانا الجميل احمد
ناس الامير عملوا خلط وتغيير في كثير
من منتجاتنا ..
مثال التركينج أنا مرة واحدة جربت النوع التقليد
ومنها تقوفت نهائي عن تناوله مختلف في كل شيء
ومثال الثاني : ( موية التمر ) الاصلي البكر
قالوا ( عر....... قي عيش ) تزوير ( لود الجريد)
لا أعرف كيف من الذرة ؟؟؟ غير التمر والعنب
اللهم اغفر لنا ..
في مقابل نحن لم نتناول العصيدة بأي ضرر أو تشويه
حتى استخدامها كان شبه معدوم إلا صباح عيد رمضان
وبالنوبية ( قرييه Graih )
لأن العصيدة ليست من ثقافة المطبخ النوبي
تحياتي الحبيب احمد
| |
|
|
|
|
|
|
|
|
|
Re: على عبدالوهاب في فتيل (Re: بدر الدين الأمير)
|
اميرنا الحبيب
هل تعلم اننا نهاجر لهذا الذى ( تتبخروا ) منه
هجرة عصافير الخريف ؟
و هل تعلم اننا نبقى بخلاء جدا فى هذا الطعام ؟
و ربما نتفوق على والد جرير الذى كان يرضع ثدى عنزة لكى لا يحلبها
و يحدث الحلب حسا فيطلبوا منه اللبن !!!
تقول لى بخرنا و الممرات حتى رشيناه عطر
... كنتوا تستعينوا بالاصلية مدام السنى الفنان
.. امس العشاء عندنا كان تراكينج .. بس عشان شوية مطرة ( ربما صناعية كمان )رشتنا
قاعدين على الهبشة يا امير هههههههههه
مودتى للحبايب شيخنا على و فناننا الجميل احمد
مودتى و تقديرى
..كسرة
الليلة حاورى البوست دة المدام .. و يكون مناسبة لاكل التراكينج
| |
|
|
|
|
|
|
|
|
|
Re: على عبدالوهاب في فتيل (Re: صديق مهدى على)
|
بدر اسأل االرطاني دكين عن نكتة بلدياتنا خيري
-
قال خيري ضرب تركين تقيل ومشى الشغل .. لاقاه زميله اللبناني وسلم عليه سلام باليد
اللبناني بعد شوية جاهو راجع بعد اتعبته الريحة في ايدو
قال " شو هذا يا خيري اللي في ايدك.. كارش ط ي ز ك وسلمت علي ؟ 
| |
|
|
|
|
|
|
|
|
Re: على عبدالوهاب في فتيل (Re: حيدر حسن ميرغني)
|
الأمير وعلي عبدالوهاب وضيوفه الكرام
حياكم
الحبيب حيدر حسن
| Quote: " شو هذا يا خيري اللي في ايدك.. كارش ط ي ز ك وسلمت علي ؟ |
هههههههههه ذكرتني نفس التعبير قاله لي أحد الاصدقاء في السودان عندما تناولت (الكول) وسلمت عليه
الاخ العزيز علي عبدالوهاب طبعا (الكول) ما داير ليهو شرح
مودتي
| |
|
|
|
|
|
|
|
|
|
Re: على عبدالوهاب في فتيل (Re: Adam Youssif)
|
| Quote: الاخ العزيز علي عبدالوهاب طبعا (الكول) ما داير ليهو شرح |
حبيبنا آدم تحياتي يا جميل
(( الكول )) أول مرة اسمع (( call ))
كول عندنا في النوبية بمعنى (( يمتلك الشيء))
يا ريت يجي الاديب بريمة ويشرح لينا (( الكول))
المشكلة يا آدم نجن من ضواحي الدنيا للخليج مباشرة
حلوة نكتة حبيبنا حيدر
تحياتي الحبيب آدم مشتاقين
| |
|
|
|
|
|
|
|
|
|
Re: على عبدالوهاب في فتيل (Re: حيدر حسن ميرغني)
|
حبيبنا حيدر تحياتي يا جميل
رطاني تايوان
عندنا الحبوبات والامهات طباخة من الدرجة الأولى
من زمان عندنا أفران الخبز البلدي والمفروم والمحاشي والمنين والكيك والغريبة والضلع لحمة بالفرن
طبعاً ده تأثير مصر الخديوية وكمان عشان عندنا شتاء بارد كل انواع الخضار
وقدوم الصعايدة للزراعة زمان احضروا معاهم تقاوي الكثير من الخضار بنجر ، كوسه ، الاسود
زمان كانوا يعيرونا طباخين واليوم الطباخة اصبحت علم .. طباخ الاليزيه اعلى راتب في العالم
وسورة كاملة في القرآن ( المائدة ) ومعجزة نزول المائدة من عند الله
أفتكر ( الكول) أكلة مشهورة في غربنا الحبيب
تحياتي حيدر .. الامير فتح البوست وهرب
| |
|
|
|
|
|
|
|
|
|
Re: على عبدالوهاب في فتيل (Re: علي عبدالوهاب عثمان)
|
التور اكان وقع
بتكتر سكاكينو
بعد مابتى جابت لى
هذه المصيبة الفاكرنها
فسيخ
اتصلت بالنازى النوبى عزام
فرح عشان نعالج الامر من سكات
وهو ماصدق خبر كونى مستنجد به
محطنى جنس تمحط الدخلك شنو
الحشرك شنو في الاكلات السرية النوبية
قفلت من عزام اتصلت بصديقتى الحلفاوية
احلام وهبى زوجة الفنان محمد السنى حكيت
لها ورطتى مع التركين قالت انا حلفاوية من مواليد
عطبرة وقفلت التلفون
والمدام لسا مدورة فينى نقة
وهى خرطومية بتك بدل الفسيخ
جابت ليك موميا فرعونية وعامل للناس
انك بتاع برستيج ومتلبنن
| |
|
|
|
|
|
|
|
|
|
Re: على عبدالوهاب في فتيل (Re: بدر الدين الأمير)
|
يا حيدر نكرتني واحدة قوية
الجماعة خاتين صحن القراصة بالتركين وقبل ما يبدو يقال انو جدنا ودهمزة جاء داخل عليهم وطبعا قالوا ليه اتفضل .
الراجل بقى يتلفت يمين شمال ويشمشم ورجع يشم مركوبه ان كان قد وطيء شيئا ما وفي النهاية اضطر للسؤال:
- ياجماعة الريحة الغريبة دي شنو؟
- رد عليه واحد دي ريحة البتاع دا ومؤشرا على الصحن.
- وانتو قاعدين تاكلوا الشي دا؟
- قالوا ليه طبعن ياحاج.
قال ليهم : نان وكت بتاكلو دا بتهروا شنو؟؟؟؟
| |
|
|
|
|
|
|
| |
بدر الدين الأمير
Ahmed Yassin
علي عبدالوهاب عثمان
محمد بدرالدين
صديق مهدى على
حيدر حسن ميرغني
Adam Youssif
MOHAMMED ELSHEIKH
فيس بوك
تويتر
انستقرام
يوتيوب
بنتيريست