بشـــاشــا، أرثى لحالك يا رجل.. ما سمعتها تحيى الناس بالبداويت لغة الهدندوة، لغة آمنة؟ وتفتخر بإرثها البجاوى وكل السودان.. واللا خطفت كلمة عامراب وجيت قاشر بيها.. شاهد الفيديوهات التلاتة وأعمل الهوم وورك بتاعك قبل ما تكتب. بعدين مفهومها للقبيلة مختلف عن مفهومك المحدود بالعنصرية والأحزاب.. وربما الحركات المسلحــة. القبيلة عندها بمفهوم زمن الصفاء والحب . القبيلة ثقافة، أدب، تراث، شعر، وأساليب حياة تخصب الحياة السودانية بتنوع الفنون والأشعار والأغانى والأدب والتأريخ.. رهطك من حكام الوسط الفاسدين هم الذين شوهوا وجه القبيلة، ولكنها ستتطهر من السياسـة وتعود الى ما كانت عليه.. صافية وضاءة تثرى الحياة السودانية ويفخر السودانيون بالتنوع الإثنى والقبلى..
القبائل موجودة قبل وجود دولة السودان بحدودها الجغرافيا التى نشأت فى القرن العشرين فقط.. القبائل تراث.. القبائل أدب، تأريخ، شعر، فن، إقتصاد.. العيب ليس القبائل التى لا أحد يستطيع إلغائها، وإنما المشكلة فى الحكومات.. حكومات المركز التى أفسدت رسالة القبيلة النبيلة وحولتها الى أداة سياسية(حزبية او عسكرية) ثم سلحتها وهى التى لا تعرف العنف ولا سلاح العنف.. القبائل تخصب المجتمع بتلاقح ثقافاتها وتراثها وأغانيها وفنونها المختلفة، على شرط أن يبتعد عنها غربان السياســة. أطرب لأغانى نوبة الشمال رغم انى لا أفقه شئ منها.. أطرب للروح السمحة والنغمة الجميلة والشعور الحساس.. وأطرب لأغانى المردوم من كردفان.. وطمبور الشايقية.. فهمت أم لم أفهم أعتبر هذا، كسودانى، كله تراثى وإرثى ويجب ان أطلع عليه وأتعرض لأثنائه وإندفاعاته.. وإن لم أفعل فإنى مغيب عن ثقافتى الكبيرة ومفرط فى إرثى..
07-20-2022, 06:23 PM
Bashasha Bashasha
تاريخ التسجيل: 10-08-2003
مجموع المشاركات: 25803
شوف يا بشاشا.. انا غير مستعد نقاش زول لا يحترم رأى الذى يحاوره ويضرب به عرض الحائط.. هسى من الكلمات اللى رصيتهن ديل أذكر جملة واحدا تنقاش لمداخلتى أعلاه.. مافى غير التهكم والاساءات وكما جابت محاولة فاشلة لجر القبائل الى هذا النقاش حين تحدت عن قبيلك من أنهم هم الذين اخترعوا صيغة الدولة.. الكلام دا قوله لزول عقله صغير ومفلس فكرياً.. أنا لن أنجر الى القبليات والتفاخر القبلى. شوف زبون تانى.. موضوع انى كنت انقاذى واطبل للبشير دا خارج الموضوع أطرحه فى بوست اخر وانا اعدك ان ارد على هذا الكذب.
لاحظ هذه.. لو ما عندك غير الإثارة والأكشن وما زول نقاش هادئ ويحترم المحاور، فلا تنتظر تعليق منى.. القاعدة الذهبيـة: ناقش الناس بالإسلوب الذى يناقشوك به، أو بأحسن منه.. بالله زول فى عمرك تستفيد شنو من استفزاز الناس؟ حتى لو الزول (تابع) ترك هل تناقشه فى مواقف ترك أم تقول له "يا بتاع ترك"؟ حركات قديمــة، أكبر.. أكبر..
Quote: يا بتاع ترك "يمثلني" أو برضو جمهوري: كل من بتغني بالقبايل فهو قبلي، والقبلية هي قشة كبريت النار المولعة في بلدنا لقرابة القرنين في بلدنا! لهذا منتشي كقبلي، حد الطشمي علي ذكر البني عامر! واضح كمستلب لاتفقه شئ عن تاريخ بلدك، شعبك، ثقافتك! ماكان يوم من الأيام عندنا فرذ قبلي، ولهذا نحن من اخترع صيغة الدولة، اللي لامعني لها في مجتمع قبلي، لو تعلم!!! اهو رحتا طارش خبوب وعيك القبلي، أو بعد ده عامل جمهوري، الانقاذي الكان بطبل البشير!
07-20-2022, 09:05 PM
Bashasha Bashasha
تاريخ التسجيل: 10-08-2003
مجموع المشاركات: 25803
هو شنو اساءات؟ مش كنتا مع نظام القتلة، ام لا؟ قتا العوقة "ترك" بمثلني ام لا؟ هذا نموذج فقط لي تاريخ مواقفك. لو كانت قبيحة، فهل هذا مسؤولية المصوراتي بشاشا، ام صاحب الصورة القبيحة؟
07-20-2022, 09:17 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: هو شنو اساءات؟ مش كنتا مع نظام القتلة، ام لا؟ قتا العوقة "ترك" بمثلني ام لا؟ هذا نموذج فقط لي تاريخ مواقفك. لو كانت قبيحة، فهل هذا مسؤولية المصوراتي بشاشا، ام صاحب الصورة القبيحة؟
برضو تانى أقول ليك لو نفس الكلام دا واللى قبله قلته بإسلاوب محترم ومسؤول وما فيه تهكم كأنك متأكد من تملكك الحقيقة وسألت، لأجبت عليه وفندت لك هذا الكذب .. لكن لا تقدر أن تقول أى جملة بدون أن تتهكم..
good for you
07-20-2022, 09:26 PM
Bashasha Bashasha
تاريخ التسجيل: 10-08-2003
مجموع المشاركات: 25803
قرقرقرقرقرقرقر!! قبيلة بشاشا دي شنها، الاخترعت صيغة الدولة؟
يا هذا بشاشا، ماعندو قبيلة، فبطل إسقاط!!!
قال بشاشا جرا القبايل، هو منتشي حد الطشمي، مستمخ معلق شريط لي واحدة تتغي تمجد وتعيد انتاج ذات كارثة الوعي القبلي، اللي جعلت حتي من أمثال أبو الريش، حتة "حبش" اجانب أو وافدين، حتي في الشرق، دعك من المركز!!!
هي النار المولعة في الشرق، سببا شنو؟
اوعا تقول لي "تخميش" وماشابه!
مش كراهية امثالك، أو من منطلق هرار وعي قبلي، لدرجة المطالبة بترسيم حدود قبلية، حتي داخل احياء، حلال، قري شرق السودان؟
هو "الابارثيد" ده شنو اصلا؟ شي يشطب الراس لما واحد حتي زي ابو الريش جمهوري افتراضا، يكون حايم بمثل هكذا عفن وعي قبلي!!
07-20-2022, 09:34 PM
Abureesh Abureesh
تاريخ التسجيل: 09-22-2003
مجموع المشاركات: 30182
التحيــة للفنانة القديــرة فهيمــة عبــد الله، الأصيلـة بنت الجزيرة ، وهى تغنى عامراب سلام وسلام.. والقمت العنصريين الحجــر. أجمل ما فى السودان ثقافة وعادات وتراث القبائل.. نريد أن نعيـد القبائل الى ألقها وصفائها وجمالهــا. ونزيح عنها سحابة الفرقة والجهل التى طال صيفها.
ولما ابو امنة حامد قال أنا لى فى سواكن أحلى هدندويـة.. أنا لى فى كريمى شايقية بشلوخها فى شندى العظيمة تلقى بنات جعل عاشت فى شعورى احلى هدندويـة لى فى الغرب أغيـد فى دار حمر وبقارة
وطبعا بشاشة عنده فرقة نويبا Nubia دى عنده فرقـة عنصـريـة لأنها سمت نفسها بإسم القبائل النوبية.. لا أبداً كل ما أعلاه ليست فيه أى عنصريـة.. كلمة عامراب بس عند بشاشا هى التى لا يجب أن تذكر لأنها قبيلة لذلك من يذكرها عنصرى.
07-21-2022, 10:07 PM
Abureesh Abureesh
تاريخ التسجيل: 09-22-2003
مجموع المشاركات: 30182
بشاشة.. المفلس فكريا رغم دراسته الفلسفة التى لا يعرف مداخلها من مخارحها..ما لقى فى اللغة العربية سوى كلمات هابطة مثل عفن وما عارف شنو عشان يستعملها..مسكين.. انت طبعا لا تستطيع الرد على ما كتبته لك لذلك سأعيده حتى يقرأه الزوار هنا. كلما الناس تكتب ليك رد عندك اسطوانة بتاعة قرقرقر وابن وما عارف شنو.. دا كلام زول دارس فلسفة.. ؟
07-21-2022, 11:05 PM
Bashasha Bashasha
تاريخ التسجيل: 10-08-2003
مجموع المشاركات: 25803
الهابط، هو طريقة تفكيرك، انت كمجولب، قبلي، جهوي، متخلف! بهذا القبيح عشان توصفو صاح، بتستخدم عبارات قبيحة، واذا ده حاصل، فهذه مسؤولية المصور بفتح الواو، مش المصور بكسر الواو! الصورة القبيحة دي، صورة طريقة تفكيرك انت، مش المصور!! قال عامراب قال المجولب! وقسما ده الفضل!
07-21-2022, 11:09 PM
Bashasha Bashasha
تاريخ التسجيل: 10-08-2003
مجموع المشاركات: 25803
الاعجب عزيزي القاري، انو المخلوق لايتعظ اطلاقا!!! نعم امثالو في عيون الحايم بي جواك هكذا وعي قبلي، حتي في الشرق، حتة "حبش" اجانب، وافدين، أو ماسودانيبن زاتو!!! أو بعد ده لايتعظ القبلي!!! نعم حايم بي ذات الوعي الباصق في وجه ادمية امثالو، لانهم بني عامر أو مش هدندوة!!! ده نصيح ده؟
07-21-2022, 11:36 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: نعم امثالو في عيون الحايم بي جواك هكذا وعي قبلي، حتي في الشرق، حتة "حبش" اجانب، وافدين، أو ماسودانيبن زاتو!!!
عشان توفر وقتك لا تحاول تزرع فتنة بين قبائل الشرق.. ما حتقدر وستموت بغيظك .. وانا المداخلة الفاتت كنت على حق لما اتحديتك ترد على ردى الأول المفصل عليك.. ما فى منطق ولا فلسفة سوف تسعفك.. خليك فى كلماتك الهابطة دى.. لوكها ولا يكلف الله نفسا إلا وسعها.. دا القسمو ليك الله.. قرقرقر و عزيزى القارئ.. الخ.. هذا هو مبلغ منطقك ونقاشك.. مستلب الشوام.. الحبش على الأقل جيراننا وبيننا ثقافة مشتركة.. الوداك الشام وتعجب بيهم وتتكلم لهجتهم شنو غير الإستلاب؟
07-22-2022, 04:20 AM
Bashasha Bashasha
تاريخ التسجيل: 10-08-2003
مجموع المشاركات: 25803
بالنسبة ل"الحبش" بين قوسين، قتا لي جيرانك والسلام؟
يعني ما اهلك، أو بي اعترافك، أو كتابة، وأمام الملا، مش؟!!!
لو لي انا غايتو "حبشي" عديل كده، زي ماحكيت كتير بل عينتا نفسي كممثل اوحد، ومتحدث بي اسم اهلي "الحبش" في الموقع ده، شفتا الفرق ياقبلي؟!
كلامي ليك، كان عن تنميط امثالك في الشرق، دعك من المركز أو الشمال، وبواسطة الحايميبن بي عفن الوعي القبلي بتاعك ده، من أمثال ترك!
اهو فهمتاغلط أو قرطعتا الطعم، أو دلقتا الجواك، كقبلي!
المضحك، لما نفضح طريقة تفكيرك، أو نذكرك بالسوو، أو بسوو فيهو الذيك، من أمثال ترك، القتا "بمثلني"، تروح صارخ، أو تسوي فتنة، شغل ارهاب فكري أو كمان في الدنيا ام قدود لي واحد زي بشاشا من دون خلق امون!
الانقلاب الجاري ده، تم كيف؟
اليس بتوظيف، باستغلال، باستخدام كرور وعي امثالك القبلي ممثلين في ترك؟
لما نتكلم عن السوو امثالك، من الحاميين بي جزام الوعي القبلي في الشرق، فده فتنة؟
مرة اخري: هل امثالك، في الشرق، دعك من المركز، بنمطو ك"حبش" اجانب ام لا، بواسطة المجذومين زيك بي عفن الوعي القبلي، من أمثال ترك ؟
جاوب!
أو بعد ده عايز تتستر علي طريقة تفكير كهذه، أو من منطلق جهوي، تسوي قبائل الشرق؟
07-22-2022, 04:45 AM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: هل امثالك، في الشرق، دعك من المركز، بنمطو ك"حبش" اجانب ام لا
لما قلت ليك انت زول مسطح ما صدقتنى.. وأنا ما مستعد افتح فصل تقوية عشان اشرح ليك العلاقات الإجتماعية بين قبائل الشرق. الان انت إتغشيت لأنك زول ساذج ومخدوع بالطفح والكيد والفتنة التى حدثت فى الشرق أخيراً وانتهت كما كان متوقعاً.. لما أقول جيرانا عشان أضيفك انت وغيرك من باقى السودانيين.. هم جيرانا موش زى اللنانيين والسوريين الذين تتلصق فى لهجتهم المعجب بيها يا مستلب الشوام. وقعت ليك؟ أنا ما عندى حق أتدخل فى خياراتك فى من تختار تقليده والإعجاب به من العرب.. هذا شأنك.
Quote: كلامي ليك، كان عن تنميط امثالك في الشرق، دعك من المركز أو الشمال
يا سلاااام.. خلاص نعلن الحرب عليهم.. ويا أمنة مختار أخدى ساتر ياللا السيوف ح تدور خلاص ما دام بشاشة نبهنا للنقطة الخطيرة دى.
07-22-2022, 06:20 AM
Bashasha Bashasha
تاريخ التسجيل: 10-08-2003
مجموع المشاركات: 25803
ههههههه أبو شريحتين العنصري ده تعب من الصِقّيع بي هناك، قال يجي بي جاي يفش غبينته ويتنفس شوية في أبو الريش ويعيد أيام مجده.
نفس رصّة كرور الوعي خامّيها من بوست لي بوست ونفس أسلوب نفث العقد النفسية، وبعد ده يقول ليك بشاشا عنده دستور وسُفلي يحكم تعامله مع الأعضاء!
غايتو يا بتاع أبوي وجدي وحبوبتي وآمون ورع وكوش وساعة العويش، الإنترنت ده طلّع لينا بلاوي من أمثالك نسأل الله العلي القدير أن يكفّ أذاها عن العالمين ويجعل كيده في نحرها.
07-22-2022, 12:29 PM
Abdelrahim Mohmed Salih Abdelrahim Mohmed Salih
تاريخ التسجيل: 04-13-2016
مجموع المشاركات: 958
تحياتى يا ابوالريش وشكرا للبوست الجميل وارجو ان تحافظ على مسارة فى تسليط الضوء على مبدعة من الشرق الساحر وكذلك هو اى الشرق تلازمه الاسطورة والسحر والجمال اى كان موقعه فى العالم وقديما قسم الى شرق اقصى واخر ادنى وكلاهما جاذب وغامض وبتنا الاعلامية القديرة سلوى تغرف من نبع عذب عميق الغور...دقه العبارة وجزالتها ولغه الجسد المنظبطه تعكس قيم جمال توفرت لديها يا بشاشا اخاطبك ك قاري عزيز وقديم انت تستخدم لغه عنصرية وعرة كن اسؤء ما قرأت وهناك مفردات تكتبها اقسم لك البعض منا لايجرؤ على التلفظ بها فى خلوته والمصيبه ظنك انك محارب شرس للعنصرية فى ما ابتدعته من اسلوب الصدمه او الصعقه وهو بالفعل كذلك لكن لايتجاوز افراز حنق واذي..لا اعرف لماذا تحاكم كل السودانين بتجربه شخصية تسقطها على كل قطاعات الشعب السودانى...العنصرية قائمه ومعالجتها بخطين أساسيين الوعى والقانون بعد تحقيق العداله بمفهومها الواسع وقديما قيل الناس اعداء لمل جهلوا...وهذا امر ينطبق على منشأ العنصريه فى بلاد السودان وهى حدود سياسية تضم اثنيات مختلفه لها ماض فى حروبات محفزة ب التضامن العشائري والقبلى ضد عدوا كذلك يحمى عرقيته وارضه وهكذا على مدار التاريخ الحديث...ومفهوم الدوله كان غطاء فرضته الطبقه الحاكمه المعزوله ثقافيا وإجتماعيا عن الجسم او السواد الاعظم من ما يسمى دوله السودان وحقيقه لم يكن السودان دوله قط...وبعد ان اعتملت النار فى جوف التاريخ..تخرج الان للكشف حقيقة المشكله القديمه...وهو امر يلزم إصلاحه من كل الاطراف والافراد ولابديل عن الحوار الى الحوار وإذكاء النار بدلق الزيت كما تفعل انت يا بشاشا لن يحل المشكله بل يزيدها إضراما ويغبش وعى من يظن بك امير كوشى اخرجته العناية لينقذ البلاد.... هذا مع تحيات قاري عزيز فى جوقه قراءك
07-22-2022, 01:17 PM
Abureesh Abureesh
تاريخ التسجيل: 09-22-2003
مجموع المشاركات: 30182
بالله شوفوا مستوى فهم هذا الرجل: أولا أبو الريش قال: "مستلب الشوام.. الحبش على الأقل جيراننا وبيننا ثقافة مشتركة.. الوداك الشام وتعجب بيهم وتتكلم لهجتهم شنو غير الإستلاب؟" وقال أيضاً: "لما أقول جيرانا عشان أضيفك انت وغيرك من باقى السودانيين.."
وهذا ما تفتقت عنه قريحـة بشاشـــا "يعني حتي بقية السودانيين، الما"عامراب" زيك، مجرد "جيران" والسلام، مش؟"
صحيح الفهـم قســم.. 1 يا فيلسوفنا المغوار.. المعنى واضح.. حين تقارن نفسك بقبيلة فإنك تذكر قبيلتك وعلاقتها بإثنيات جيران.. ولكن حين تقارن دولة بدولة وثقافة دولة بدولة فإنك تذكر جميع مكونات دولتك ولس قبيلتك فقط.. لذلك حين قارنت ثقافة ولهجة الشوام اللى معجب بيها وتكرر مفرداتها التى بالمناسبة لا علاقة لها باللغة العربية، تقارنها باللهجة السودانية، فإنك لابد تتحدث عن كل السودانيين وحديثك يشمل بشاشا وغيره.. وجيران (السودان) القريبين هنا هم الحبش.. والبعيدين من (السودان) هم لبنان وسوريـا.. الحديث يكون عن (الدولة السودانية مقابل الدولة الشامية) وخرج عن مكونات محلية للسودان.. لذلك أضفت كل مكونات السودان..
وقع ليك الكلام واللا نزيـد الشرح.
07-22-2022, 02:11 PM
Bashasha Bashasha
تاريخ التسجيل: 10-08-2003
مجموع المشاركات: 25803
ياعبدالرحيم: قدامك أمام عينك اهو، السوا فينا أو بسوي فينا كرور الوعي والفرذ القبلي، الولع أو شلع بلدنا، وهذا صاغه الاحتلال، أو بعد ده مشكلتك عبارات بشاشا في وصف مانتج عن هكذا طريقة تفكير، أو مش الواقع النتج عن هكذا طريقة تفكير؟
مشكلتك الفاظ بشاشا كوصف، أو مش الموصوف الماعندك بي الشغلة؟
هل ده صدفة؟
ام هذا انعكاس تجسيد للهو البتتنفسو، اي عفن الوعي القبلي، الجهوي اللي واضح متجذر، متغلغل، ضارب الأعماق في السودان المصري الانجليزي الحالي لو مركز أو هامش لو جلابي أو مجولب، وكنتيجة ده حالنا الان واللحظة!
اذن ماغريب كمثقفاتي، جلابي قح، صفوي، ماعندك الشغلة بالموت الحاصل للملايين، في بلدك "حصريا"، كنتيحة مباشرة لي هرار هكذا وعي قبلي، ولكن بزعجك حد الهلع تعابير بشاشا، مش محارق الابادة، اللي انتشرت الان بطول وعرض السودان كلو، بدل الهامش فقط، كنتيحة مباشرة لموقف امثالك!
مخلوع من مجرد الفاظ، هي وصف ، وليس الموصوف، لانو كما غيرو بتنفس هكذا وعي كما الهواء، وكنتيجة ضحايا عقليتو دي، لايعنون شي اطلاقا بالنسبة ليهو، ولكن مجرد الفاظ تعني كل شئ كساكن برجع عاجي!
راجعو إرشيف اخونا ده، أو شوفو لي روحكم لومحارق الابادة حركت فيهو شعرة،ام لا!!!
اعترف ماقريت ولاسطر واحد للزميل ده، بمعني ماراجعتا ارشيفو عشان أقول كده، ولكن عندنا من الخبرة مايكفي، عشان نعرف طريقة تفكير هؤلاء، من سطرين، بحكم المعارك الخضناها ضد أمثال هؤلاء، البمثلو 99.99999999% للاسف من نموذج الوعي المهيمن أو متحكم في سودان الاحتلال، سودان الوعي الجلابي، القبلي، الجهوي، النازي، الابارثيدي، نعم في اجيال ماقبل جيل ثورتنا!
كل العملتو، انك طلعتا المركوز جواك، كالعادة كحال كل جلابي، مجولب، والسلام!
قال الفاظ قال، محتج علي وصفنا لي طريقة تفكير فاعلي القتل، مش الموصوف، أو المفعول بهم!
هذا نموذج كما وضحنا عبر عشرات السنين، عن كارثة لامبالاة، مثقفاتية الجلابة الماعندهم الشغلة اطلاقا، بي موت غير "اسياد البلد"، "أولاد البلد"، "أولاد العرب"!
مشكور علي الاطراء!
07-22-2022, 02:23 PM
Bashasha Bashasha
تاريخ التسجيل: 10-08-2003
مجموع المشاركات: 25803
يا أبو الريش وعبد الرحيم، العنصري ده بيفتش لي أي فرصة لاستعادة عرش كوشي اتنفقل منه، فلازم سريع يلقى ليهو ناس مؤدبين يقِل أدبه عليهم عشان يثبت أنه ما زال ملكًا كوشيًا متوّجًا في سودانيزأونلاين. نظام سلوك تعويضي وكده يعني. المسيكين اتمرمط بي هناك وتعليقاته المتريّة تقلصت وانكمشت وبقت مجرد promotion ونظام "ترقبوا" معاركي القادمة ههههه
شفتوا قلة أدبه مع الأخ عبد الرحيم دي كيف؟يا هو ده اللي قلناهو للأخ وليد زمبركس في بوست مجاور أنه العنصري أبو غريزة ده بيفتش لناس مؤدبين عشان يرضي نفسه المريضة ونرجسيته.
لو بتسمعوا نصيحتي الزول بتاع ساعة العويش ده بس تتعاملوا معاهو بالجزمة القديمة. أهو براكم شايفين بيجلّيني كيف في التعليقات. والسبب أنه بدّقه بي سلاحه نفسه.
منتظرك بي هناك يا أبو شريحتين. اليوم الجمعة آخر أسبوع. تعال لي عشان أعلمك الأدب اللي أبوك نسى يعلمك ليهو لأنه كان مشغول بتعليمك نبذ العنصرية يا بتاع كلية غردون التذكارية.
بختك، يالمجولب ابوالريش!! اهو جوك اوباش الجلابة معلميك، لنجدة اداتم في الهامش، ابوالريش! هكذا انفرد 5%من السكان اي أمثال بشاشا بالسودان كلو! الرحمة علي روحك، دقنة الجسور! النار تلد الرماد!
07-22-2022, 04:00 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1730
Quote: نعم نفس منظر المتورك "ترك" اي ابوالريش، اهو محمول علي اعناق رفاق رب دارفور اي البرهان!! ابوالريش، فعلا، قول هو ترك هذا الفضاء!
ملاحظين انخفاض مناسيب تعليقات بتاع ساعة العويش ولد شيخ المنطقة؟ العنصري بشاشا بقى يفتش في التحلّو؟ هههههه
إنت يا المتّورك مالك عارِد من مواجهة الجلابي ود أمّه وأبوهو بي هناك؟ ده نظام تشتيت كورة على غرار تكاتيك صاحبك الهالك حاتم إبراهيم ولا شنو يا ؟ قرقرقرقر
07-22-2022, 08:46 PM
Abureesh Abureesh
تاريخ التسجيل: 09-22-2003
مجموع المشاركات: 30182
مرحب بشاشا صدقا لم اتوقع رد عقلانى ومنطقى ومن اين يأتى؟ وعجبا لمن يبيح الشتم ويتوقعه كذلك.. . اما الشتيمة والاساء فهى مضمارك وملعبك تستمد منها طاقه لصراع وعى وماهو ب وعى بل ازمه فردية لم تغادر لاوعى لم تتصالح معه ولن تفعل طالما انت فى هذا الطريق قرأت قبل سنوات ما بذلته من سيرة ذاتية وتجربتك الفردية التى تسقطها قسرا وعنوة على كل (الشمال الجلابى) وهو مصطلح مفخخ غير منضبط المعيار لايمكن الاخذ به ب براءة واستخدامه بحماس كما تفعل....المفارقه يا بشاشا ان تتشارك انت و باشمهندس محمد سليمان فى تفسير المعضله السودانيه من خلال الجلابه ولا ادرى فيما يخصك هل هو ضعف حيله ام كسل ذهنى اما بالنسبه ل باشمهندس محمد سليمان الذى لا اخفى احباطى الشخصى من موقفه المتطرف والغير متسق تجاة حميدتى فاستعانته ب مصطلح الجلابه لها منطلقات اخرى...لكن كلاكما متطرف ومتكلس فى موقع تجاوزة الواقع الذى لايعنيكم فى كل الاحوال يلزمكم ان توسعوا المصطلح ليشمل عنصرية الاثنيات الغير جلابه تجاة بعضهم البعض وكذلك لاتنسوا بقية القارة الافريقية وحروباتها الاثنية العرقية توقفت عن قراءة بعثك الكوشى العظيم رغم بداياتك الجيدة بعد ان كتبت وانت فى حاله تفسير منبهر لكل ما هو كوشى وتأخذ بدون ان توزن ب عقلك وهى احدى نقاط الاختلاف معك تقديسك المنطلق حتى لو كان الامر يتعلق ب ممارسه وحشية ابتدعها الفراعنه ل ختان الاناث..حاولت انت فى شرحك الضعيف ان تربطها ب تسامى روحى عظيم لاندرك ابعادة نحن العوام....تمنيت وقتها ان تشرح وتفسر ما لا يفسر ولم تفعل النقطه الاخرى التى شجعتنى ان لا اتابع حماسك الكوشى...استخدام اللغه العنصرية فى اسوء صورها وبكل اسف تابعك بعض أبناء دارفور وعمدوك امير كوشى ليخرج الناس الى يقين والى منبع صافى تغسل فية موبقات الماضى وتعاد صياغه الماضى المجيد لحاضر متعثر فى راى انت سيزيف كوشى لا نستطيع التواصل معاك لا لغويا ولا روحيا وظنك فى نفسك كما هو لن يتغير ولن يتبدل • رجاء يا بشاشا ان تفسر فهمك للتسامى الروحى فى ختان الاناث البشع
07-22-2022, 09:40 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1730
مرحبًا أبو الريش. بشاشا ماشي على خطى المتنمّر حاتم إبراهيم اللي اختفى من المنبر بعد أن استنفد أغراضه وانزوى غير مأسوف عليه.
لو قصدك كلمة "الهالك" هو استعمال مجازي وأكيد ما عايزين ليهو أو للمتنمّر العنصري بشاشا أي شر مهما اقترفا. لكن زي ما داك اتربّى، بإذن الله أبو شريحتين ده بننتف ليهو ريشه ونمسّكوا الدرب العديل.
07-22-2022, 10:34 PM
Abureesh Abureesh
تاريخ التسجيل: 09-22-2003
مجموع المشاركات: 30182
ياعبدالرحيم: علي اي اساس تسوي عقلاني، منطقي ومااليه؟
مافي قاسم مشترك بينا، وبالتالي لامعني لهذه المصطلحات اطلاقا!!
بعدين مافاهم يعني شنو شتيمة واساءة؟
مرة اخري، لما سجلنا هنا، نشرنا دستور يحكم علاقتنا بي خصومنا في هذا الفضاء الجلابي، ولهذا اظل الوحيد النشر دستور محدد يحكم نزالنا، دواسنا، صراعنا الفكري هنا ضد جلابتنا او مجولبيهم في "الحامش"!!!
بناء علي دستور بشاشا، الشتيمة هي الكلام الغير مؤسس بي معنيالغير مسنود بي ادلة.
نعم لو قنا كلام مامسنود فهذا فعلا اساءة وشتيمة، اما اذا كان كلامنا مثبت مسنود، فمهما كان علقم، فهو راي، موضوعي، اي وجهة نظر او مش شتيمة، ولهذا بنقول بشاشا لايشتم قط، ولايحتاج!!
ان نقول للاعور وعيا، من امثالك من الحايميين بي طراش الوعي الجلابي، في وشو في عينو فده ما شتيمة، ما اساءة، وانما وجه نظر موضوعية مثبتة!!
نعم ديدنا، "دينا" ان نقول للاعور، اعور في وشو في عينو!!
ده واجب بالنسبة لينا، من باب الصدق مع الذات، ولانجامل قط!!
بالعدم اهو قدامك كلامنا، جيب لي حرف واحد منو مامثبت، واذا ده حاصل، اثبتو، فبعد داك قول شتيمة!!
بخلاف كده، فهذا ارهاب فكري معتاد في حملة ايدز الوعي الجلابي، من امثالك، البحاولو يسكتو خصومم بمثل هكذا ارهاب فكري، او من هنا جا تنميط "غرابي حاقد"، او "عنصري" وما اليه!!!
المضحك طبعا، لما تحاولو كجلابة، استعمال سلاح كهذا صمم لارهاب مهمشيكم، ضد جلابي زيكم!!!
هذا يفضح طريقة تفكيركم، ومحاولات الارهاب الفكري، للابقاء علي امتيازات الحظوة بالميلاد!!!
قال عنصري قال!!!
مافاهم لغة، ما معني "عنصري"؟
كيف جلابي بتكلم عن روحو يكون "عنصري" ياحمبرات الجلابة؟
ياللنكتة بحق!!!!
بطلو عبط ياسذج!!
اها، حتقول لي شتيمة؟
ده، راينا، مثبت، او مش شتيمة زي مابتلفقو باستمرار شغل ارهاب!!
والمضحك ارهاب لي منو؟
لي شاهد ملك، شاف كل حاجة، كجلابي، لي واحد زي بشاشا خاض معارك ضد الزيكم عبر عشرات السنين؟!!!
07-23-2022, 10:12 AM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1730
Quote: بعدين مافاهم يعني شنو شتيمة واساءة؟ مرة اخري، لما سجلنا هنا، نشرنا دستور يحكم علاقتنا بي خصومنا في هذا الفضاء الجلابي، ولهذا اظل الوحيد النشر دستور محدد يحكم نزالنا، دواسنا، صراعنا الفكري هنا ضد جلابتنا او مجولبيهم في "الحامش!!!" بناء علي دستور بشاشا، الشتيمة هي الكلام الغير مؤسس بي معنيالغير مسنود بي ادلة! نعم لو قنا كلام مامسنود فهذا فعلا اساءة وشتيمة، اما اذا كان كلامنا مثبت مسنود، فمهما كان علقم، فهو راي، موضوعي، اي وجهة نظر او مش شتيمة، ولهذا بنقول بشاشا لايشتم قط، ولايحتاج!!
طبعًا العنصري بشاشا عشان قلنا تعليقاته المتريّة انكمشت ومناسيبها انحسرت، كان لازم يجي يرغي هنا لإثبات العكس. والنتيجة زي ما شايفين براكم إعادة لنفس الرّصة بحذافيرها.
Quote: بناء علي دستور بشاشا، الشتيمة هي الكلام الغير مؤسس بي معنيالغير مسنود بي ادلة!
أبو شريحتين كمان جاي منتدى "عام" محكوم بلوائح وقوانين وراح ناجِر ليهو دستور براهو "دستور بشاشا" بيفصّل فيهو تعريف الشتيمة والإساءة حسب مقاسات مخّه السغيروني الفاضي.
بعدين العنصري ده ما فاهم أنه كلمة "دستور" دي تقتضي الجماعية. يعني عشان تستعمل كلمة "دستور" لازم تكون في مجموعة قعدت وتواضعت على قوانين منظمة بعينها تحكم العلاقة بين أعضائها. مش حُب، أقصد سُفلي، أقصد دستور من طرف واحد هههههه
Quote: ان نقول للاعور وعيا، من امثالك من الحايميين بي طراش الوعي الجلابي، في وشو في عينو فده ما شتيمة، ما اساءة، وانما وجه نظر موضوعية مثبتة!! نعم ديدنا، "دينا" ان نقول للاعور، اعور في وشو في عينو!! ده واجب بالنسبة لينا، من باب الصدق مع الذات، ولانجامل قط!!
العنصري بشاشا الأرعن حتى ما عنده حساب لأنه ممكن يكون في عضو أو زائر ممكن يكون مصاب في عينه وكلامه حا يجرحه! أبسط درجات الفطنة والكياسة معدومة عنده رغم أنه عايش في مجتمع بيعلّمك تراعي مشاعر جميع الناس وتحسب حساب أي كلمة تطلع من لسانك. لكن زي ما قلنا قبل كده العنصري دي اللي وصل معترك المنايا حا يرجع دنقلا أباطو والنجم وكأنه حتى ما عتّب مطار الخرطوم.
07-23-2022, 10:26 AM
Abdelrahim Mohmed Salih Abdelrahim Mohmed Salih
تاريخ التسجيل: 04-13-2016
مجموع المشاركات: 958
يا بشاشااخترت لنفسك دستور تفسر وتفصل به ما تشاء وتظن انه ملزم للاخرين لتقبوله حتى وإن كان سب وشتم ولكنه غير ذلك فى دستور بشاشا بل ولايعنيك إطلاقا اختلاف الاخرين فى تعريف المعرف فى اللغه وفى العرف..المهم ستظل فى تكرار لايكل ولايمل مخلصا ل سيزيف الكوشى داخلك رغم ذلك اتعشم ان تجاوب على سؤال ختان البنات البشع وعلاقته ب التسامى الروح كما وصفته بقيه الحوار سيظل عدمى فانت لاتسمع إلا ذاتك ولاتقبل النقد وتبادر بالاسفاف ك تكتيك دفاعى ل ساحه مستباحه لا اساس ولاهيكل يدعمها لتقيف ستظل يا بشاشا نصيرا للعنصريه وستحارب كوابيس محقونه فى لاوعى يعانى ما يعانى لن يشفع لك التخفى ب كوش والصرح النوبى العظيم...اصلح اعوجاجك ذاتك ب شجاعه سيكون عندها للحوار معنى ما عدا ذلك ستظل فى مدار سرمدى يعيد الصدى
07-23-2022, 01:47 PM
Bashasha Bashasha
تاريخ التسجيل: 10-08-2003
مجموع المشاركات: 25803
ياعبدالرحيم: بالنسبة لي موضوع الختان "الفرعوني": نعم ماعاد لهكذا طقس كوشي روحي، معني، ككل جوانب تفكيرنا علي مستوي الشعور، بحكم واقع الاسترقاق الحالي، لي وعينا المحتل!
أما من حيث أصل الممارسة، فلا بد من الخلفية دي عشان نفهم اصل، ومعني ختان الرمزي، الروحي: كمدخل، فنعلم كسودانيين انو السودانية هي الاصل، وليس السوداني، وهذا غريب في عالم ذكوري، افهم هذا!
بناءا عليه، المرأة السودانية هي اللي ارست اساسيات اسلوب حياتنا كقاعدة، أو نوع "الضكور" مننا، في البداية ماكانو يسوو شنو، ولكن بالتدريج هذا انتفي، أو بي كده، أو للمرة الاولي والاخيرة في تاريخ البشرية، ثقافتنا انجزت مشروع المساواة الكاملة المطلقة مابين النوعين، وهذا خارق، ولكن غير مطروق!
بنقول كده كمدخل، عشان موضوع الختان مايتفهم كاداة قهر للنساء علي اساس النوع!
ده، غلط، إسقاط والسلام!
كقاعدة، وبما انو أصل حضارتنا اموي، صاغتو السودانية فممكن نقول الختان اخترعتو السودانية، مع إنو ماعندي دليل، ولكن قنا كقاعدة، عشان تفهم الموضوع ده صاح.
الختان اصلا للنوعين، أو مش خاص بالاناث، والمنطلق بتاعو روحي، ظهر في مجتمع/ثقافة ماكان فيه/فيها تمييز علي اساس النوع.
ماعايزين نخوض في تفاصيل النقطة دي هنا بتاعة معني ورمزية ختان. من جانب آخر اعلمو مفردة/مصطلح "فرعون" وافد، اجنبي، ابتدعو الساميين، بالذات اليهود، وهذا من مفردات ادبيات الصراع "الطايفي" في مرجعية الثقافة اليهودية مابين اجدادنا بي تعابير عصرنا، النجم عن الفتنة اللي اتسبب فيها جدنا اخناتون، ابن جدتنا الملكة التاية، شيخ جدنا موسي، رسول اليهود.
07-23-2022, 02:32 PM
Abdelrahim Mohmed Salih Abdelrahim Mohmed Salih
تاريخ التسجيل: 04-13-2016
مجموع المشاركات: 958
مرحب يا بشاشا يا بشاشا هل المساواة الكامله والمطلقة بين النوعين بحسب التصورالكوشى تعنى ختان الذكر والانثى؟ الجانب الروحي لهذة الممارسة البشعة يحتاج منك الى توضيح هل توافق يا باشاشا على ختان البنات إذا توفرت الطقوس الكوشية؟ شرحك اعلاة زاد الطلاسم ولم اخرج منه بشئ بقية الاسقاطات على شاكلة استرقاق وعالم ذكوري لاتعنينى واحاول حقيقه اركز فقط على تفسيرك وتبريرك ل بشاعة الختان وربطه ب مستوى روحي لم نسبر غوره بعد دعك من قهر النساء على اساس النوع وهى نقطه لم أشر إليها من بعيد او قريب فقط طبيا وفسيوجيا الختان يسبب اضرار صحية ونفسية جسيمة ورغم ذلك يا بشاشا انت تراها ضمن طقوس روحية عظيمة.. ..لانها فقط اتت من كوش العظيمة التى لاتفترع باطل ابدا
07-23-2022, 03:16 PM
Bashasha Bashasha
تاريخ التسجيل: 10-08-2003
مجموع المشاركات: 25803
كلامي عن معجزة المساواة المطلقة الانجزوهو اجدادنا، قاصد بيهو نفهم، كيف الختان ده، ما انعكاس، تجسيد، دليل، علي واقع قهر نوعي، من نوع الذكور، لي نوع الاناث!
الثقافة الارية بتصور الحاصل كده، شغل إسقاط وانا ضد ان يحشر هؤلاء نخرينم في موضوع كهذا، مفروض يترك للاهالي، للاسر، طبقا لارثنا نحن!
تاريخيا الدولة ما كانت بتدخل في حياة الأفراد الخاصة، كما في نموذج دولة الثقافة الارية، لانو نظام الادارة الاهلية في مرجعية اجدادنا، اللي اساسا الاسرة، مش القبيلة بواسطة كبير الاسرة، ثم شيخ الخلوة، كان متجذر جدا!
لو لي كمثال، مع أني كوشي الهوي، داخل اسرتي ماحامارس ختان للبنات، لانو ماعاد هناك معني الان، لي طقس كهذا كان روحي، في تاريخنا، في مجتمع وثقافة تساوو فيها النوعين بي صورة معجزة، لم تتكرر قط الي اليوم!
07-23-2022, 04:28 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1730
Quote: لو لي كمثال، مع أني كوشي الهوي، داخل اسرتي ماحامارس ختان للبنات، لانو ماعاد هناك معني الان، لي طقس كهذا كان روحي، في تاريخنا، في مجتمع وثقافة تساوو فيها النوعين بي صورة معجزة، لم تتكرر قط الي اليوم!
ههههههه من الخرجمة الطويلة دي كلها عجبني المقتبس ده.
مجبرٌ أخاك لا بطل. قال مع إني كوشي الهوى قال ههههههه
لأنو ما عاد له معنى كطقس روحي الآن ولاّ لأنك مقتنع أنه غلط من أساسه يا أبو شريحتين؟ إنت شكلك لو لسه قاعد في دنقلا كنت حا تمارسه لكن أدبة اليانكي خلّتك تبيع كوشيتك في كاليفورنيا.
07-23-2022, 05:03 PM
Bashasha Bashasha
تاريخ التسجيل: 10-08-2003
مجموع المشاركات: 25803
يا بشاشا بعد السلام فهمت من ردك انك لاتعترض على مبدأ الختان ولكن لا تشجعه حاليا لظرف زمانى لايوفر المعطيات الروحية للطقوس الكوشية رغم ما اثبت الواقع من بشاعة الختان ومعاناة ملايين من الفتيات والنساء جسديا ونفسيا لكن فى سبيل المحافظة على ريادة المسار الكوشي العظيم لاتستطيع يا بشاشا ان تنتقدهم وكيف تعترض وانت تتفق معهم على المبدأ ولكن لاتجيزة فى اسرتك.... ذكرت انك لن تمارس ختان البنات فى اسرتك وهذا امر جيد لكن من اعطاك الحق اصلا لتقرر فى شأن خاص ب النساء لعل الام لاعتبارات القرب النفسي الفسيلوجي هى الاولى بمناقشه الامر وياتى دورك لحماية بناتك إذا وافقت الام لضغوضات مجتمعيه او قلة وعي ....طبعا باعتبارك كوشى الهوى استغربت ان تبيح لنفسك حق القرار و حبر إحتفائك ب معجزة المساواة المطلقة لم يجف بعد... بل كيف نزعت كوش العظيمه حق ان تستبيح اجساد النساء لتحقيق معجزة المساواة تبقى نقطه اخيرة فى كل ردودك لم تشرح لنا نحن جمهور القراء الاعزاء جانب السمو الروحي فى الختان....لاتعنينى الثقافة الارية وإسقاطاتهم واحساس تفوقهم انا فقط ادين الممارسة البشعة التى مازلت تؤيدها يا بشاشا ولم تقدم تفسير عقلى وروحي لفائدتها.... هل اخطأ امون....وامون هنا رمزية فقط لانك تكثر من الاستشهاد به
07-24-2022, 03:55 AM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: بل كيف نزعت كوش العظيمه حق ان تستبيح اجساد النساء لتحقيق معجزة المساواة
ياساتر!!!
للوهلة الاولي اقشعرا جسدي زي مابقولو بالعربي، لما تاملتا، نموذج طريقة تفكيرك هذا، ولكن بسرعة رجعتا للواقع او صحيت، او جيت مارق من غيبوبة السرحان!! شئ مؤلم، مؤلم، ان يكون ده حال احفاد، امهات واباء الحياة المنظمة علي سطح هذا الكوكب!!!
امنتو، بامون!!!!
ولكن، نمشي او نجي، يكفي الان انا برطن عربي، بكتب بي حروف عربية، واجدادي هم اول من نطق، كتب، بي لغة تخاطب بها بشر!!!
نعم يكفي انو "ارض الالهة"، واول قبلة، تحولت الي مستعمرة، مملوكة بالوكالة، لي بدو الاعراب، ابناء امنا هاجر، اخر مجموعة بشرية ظهرت في التاريخ!!!
حولا ولاقوة!!!
ياعبدالرحيم، اعلم المشكلة كلها في عدسات وعي الاسترقاق، اللاصقة، البتشوف بيها اشياءك، او ما بالضرورة اشياءك!!!
نعم لو العدسة اللاصقة دي، لونا احمر، حتشوف كل شئ احمر، وهكذا!!!
بناء عليه، ما اسميتو "استباحة حق النساء" ده، ارث، واقع، فهم، ثقافة ارية، ذكورية، قاهرة لنوع النساء، لانو المراة في الثقافة دي، تاريخيا كانت مملوكة لنوع الذكور!!!
بناءا عليه، شئ يموخل، ان تتحدث عن استباحة "اجساد" النساء في مجتمع اموي وثقافة، اموية وضعت اساسو المرأة تحديدا!!!
اذن البتسوي فيهو ده، اسقاط، لي قيم وعي استرقاق، والسلام!!!
هذه كبري مشاكلنا، في تناول الثقافة الارية لي تاريخنا!!!
بذات طريقتك دي هم شوهو ارثنا، او ساطو سواطة الجن، باسقاط قيمم هم، باستخدام معاييرم هم، وهذه كارثة بمعني المفردة!!!
هههههههه بالله دي عقلية بني آدم يتناقشوا معاهو ويُرجى منه أنه يساهم في حلّ معضلة الجهوية الآنيّة اللي داخلة فيها البلد؟ زول هارب من أرض أجداده الكوشيين وضارب هبوب كاليفورنيا ومنغمس في مجتمع لا يمتّ لمجتمعه الأصلي بصلة ويكابد للمحافظة على روحانيات أهله الكوشيين في مجتمعه الجديد، وبعد ده كله منتظر عودة فجر حراك الوعي الكوشي "القادم لا محالة". شر البلية ما يضحك. الله يشفيك!
Quote: امنتو، بامون!!! ولكن، نمشي او نجي، يكفي الان انا برطن عربي، بكتب بي حروف عربية، واجدادي هم اول من نطق، كتب، بي لغة تخاطب بها بشر!!! نعم يكفي انو "ارض الالهة"، واول قبلة، تحولت الي مستعمرة، مملوكة بالوكالة، لي بدو الاعراب، ابناء امنا هاجر، اخر مجموعة بشرية ظهرت في التاريخ!!!
شفت يا أبو شريحتين من المشاكل الكتيرة العويصة في شخصيتك أنك فاهم دراسة التاريخ غلط. إنت بتتعامل معاهو على أنه رياضيات وفيزياء وأنه إنت الباحث العنقالي ده لا يأتيك الباطل من بين يديك ولا من خلفك. يا أخي تواضع شوية وخلينا من "آمنتو بآمون" و"حاجة تموخل" وحركات التعالي الفارغة بتاعتك دي. إنت زول معروف بتحيّزك ولا يعتدّ بكلامك عن التاريخ لأنك دائمًا بتحاول تلوي رقبة الحاجات عشان تتوافق مع أوهامك ورغباتك وعنصرتك العفنة. عشان كده بالله أمشي شوف ليك شغلة تانية غير التاريخ تمحي بيها أميّتك الثقافية يا بتاع كلية غردون التذكارية.
أها ما قلت لينا عملت شنو للمحافظة على كوشيتك في أرض اليانكي؟ نوّرنا بالله يا أبو غريزة. شكله الدولار الأخدر كتل حيلك وبِعتَ القضية يا بتاع السفينة.
07-24-2022, 12:26 PM
Abdelrahim Mohmed Salih Abdelrahim Mohmed Salih
تاريخ التسجيل: 04-13-2016
مجموع المشاركات: 958
انت تتفق مع الارث الكوشى فيما يتعلق ب الختان والسؤال الان اما أن لك تشرح لنا نحن اعزائك القراء البعد الروحى لطقوس ختان البنات بقية التكرار فى مداخلتك لا علاقة له ب السؤال لذلك لم اعر اي إهتمام ل قوائم الاتهام التى تدمغ لها خصومك فى معرضك انفعالاتك الكوشية اتمنى ان تشرح البعد الروحى بعد ان ثبتنا تأيدك مع وقف التنفيذ للختان وهو فى رأى موقف مهتز اخلاقيا ان تقتنع ب ممارسة روحية عظيمه ب زعمك لكن لاتطبقها فى اسرتك الصغيرة او الكبيرة...لو اعتذرت لنا بحق الاخرين من افراد الاسرة الكريمة فى إتخاذ قراراتهم لكن الامر مقبول لكن ان تؤكد اقتناعك ولاتسعى على الاقل لمحاوله اقناع فى محيطك الخاص فهذة إزدواجية نعم يا باشاشا كوش العظيمه روجت وطبقت ممارسة بشعه فى حق النساء وانت تدافع عنها بنصف قلب وبدون منطق مقنع بل حتى لم تحاول مكتفيا بأنها طقوس روحية والسلام... ربما يكون لك مدخل روحى ما لكن نحن العوام نحتاج إلى تفسير بادوات هذا العالم بعد ان راينا معاناة شديدة ل ضحايا البشاعة الكوشية لاينقص الختان من قدر كوش الصرح الحضارى العظيم لكن يضرة التأييد الاعمى وغيبوبة الوعى بإسم الوعى وهم من اعلوا راية العقل وتعمقوا فى معارف مذهلة الى تاريخنا اليوم
غايتو تحليلي لشخصية أبو شريحتين هذا هو أن هناك حدثًا معينًا في حياته ولَّد فيه حقدًا شديدًا على المستعربين، فصار كارهًا لهم. ونظرًا لضعف شخصيته لم يستطع أن ينفث ضغينته عليهم في "عالم الواقع"، ولما بلغ مضارب "العالم الافتراضي" وجد فيه ضالته، فأناخ به وطاب له المقام، إذ انفتحت أمامه أبواب للانتقام من المستعربين فتفاقمت اختلالاته النفسية التي رزح تحت وطأتها في صغره. ومن الواضح أنه استفاد من الوسائط الحديثة—بما في ذلك هذا المنبر—إذ إنها بثّت فيه شجاعة إسفيرية زائفة، وأتاحت له التلبُّس بشخصية متميزة لطالما حلم أن يكون مثلها. وبما إنه لا يمتلك أي مؤهلات ليكون متميزًا، لجأ إلى أيسر السبل لاسترعاء انتباه الناس، فسلك طريق استهداف الآخرين، واغتيال شخصياتهم، وإعلاء هامته بالوقوف على جماجم ضحاياه. ومن فرط حبّه للظهور، دأب على تخريب منشورات الأعضاء بالتجاسر عليهم بكلام عام وفضفاض وبلا معرفة راسخة بالموضوعات المطروحة، ومهاجمتهم بعدوانية لا تتناسب مع ردودهم، إذْ مهما تمسّك محاوروه بآداب الحوار معه، ازداد هذا العنصري تلذذًا باضطهادهم والسخرية منهم.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abureesh
Bashasha
محمد صديق عبد الله
Abdelrahim Mohmed Salih
فيس بوك
تويتر
انستقرام
يوتيوب
بنتيريست