السلام عليكم الاخوه الافاضل فى المنبر العام انا عارف ممكن يكون فى زول سبقني فى الموضوع ده وشايف فى مكتبه الفنان مصطفي سيداحمد ولكن عايزين نشوف كيف نجمع كل الاعمال فى بوست وواحد واسال الله ان يشارك معي كل الاخوه الكانوا مع الرائع فى قطر دى كل الاعمال من البدايه وحتى النهايه عايزين ننزل فيديوهات وكلمات وبالعود وحفلات اه نبدا على بركه الله
طوبى للرجال العصافير فيصل محمد صالح لمحتك عبد القادر الكتيابي الطيور حافظ عباس يا مطر محمد الحسن سالم حميد يا ضلنا يحيى فضل الله يا جمة حشا المغبون محمد الحسن سالم حميد عرق الجباه الشم محمد الحسن سالم حميد البت الحديقة خطاب حسن احمد طيبة محمد الحسن سالم حميد عم عبد الرحيم محمد الحسن سالم حميد زمن حظر التجول الفرجوني عجاج البحر حسن بيومي المسافة صلاح حاج سعيد قالوا مرحلة المقبول سيد احمد المقبول في عينيك عشم باكر مدني النخلي ضليت قاسم أبو زيد أسئلة يحيى فضل الله غناء العزلة الصادق الرضي سمحة وسمرية القدال هردت لهاتي بالغنوات محمد الحسن سالم حميد معتوقة ومعتقة ومنعتقة عاطف خيري على بابك عبد القادر الكتيابي غربة ومطر عبد العال السيد علمي عيوني السفر مدني النخلي سمحة وسمرية القدال حاجة فيك هاشم صديق وضاحة ازهري محمد علي مشروع الحلم الفسيح ازهري محمد علي انا إنسانك ازهري محمد علي اقتراح عاطف خيري شهيق عاطف خيري الممشى العريض عبد العزيز العميـري الملام عبد الوهاب هلاوي وجيدة قريب الله محمد عبد القادر نفسي قولك من زمان صلاح حاج سعيد نفسي في داخلك اعاين بشرى الفاضل سحابات الهموم عمر الطيب الدوش يا خطوتك يحيى فضل الله اديني احساس بالامل مدني النخلي مريم الاخرى محمد عبدالله شمو ابيت الكلام المغتغت القدال لا بالحزن الفينا بنرضى تاج السر الطيب واقف براك مدني النخلي الزمن الفلاني نجاة عثمان من جديد مدني النخلي استلاب يحيى فضلل الله خليني اقراك مرة صاح عاطف خيري زهرة الصبار مظفر النواب يا جرح عزة هوانا قاسم أبوزيد عباد الشمس قاسم أبوزيد بت العرب النوبية محمد الحسن سالم حميد عينيك وطن صلاح حاج سعيد مسافر قاسم أبو زيد أظنك عرفتي جمال حسن سعيد نشوة ريد قاسم أبو زيد بقول غنوات القدال قلت ليها مظفر النواب زهرة الصبار صلاح حاج سعيد ايها المصلوب كالنجم ليه غبتي يا قمرا قاسم أبو زيد طوريتك في الطين مرمية عدة شعراء يا جراحك د. طلال عد فات صلاح حاج سعيد اليابسة عاطف خيري والله ايام يا زمان المزار عبد العال السيد في عيونك أبوذر الغفاري الرحيل في الليل عبد الرحيم أبو زكرى عشقت ابتسامتك تحرمني منك صلاح حاج سعيد يا بت يا نيل مصطفى سيد احمد طالما ف بحرك في مي محمدالحسن سالم حميد قمر الزمان صلاح حاج سعيد شوك الشوق للشوف يا خي محمدالحسن سالم حميد شيخ تلب القدال مساماتك يحيى فضل الله جلبت ليك من بلاد الله البعيدة خطاب حسن احمد حبالنا الجوة ما تخنت يحيى فضل الله إدفقي قاسم أبو زيد القاكي وين قاسم أبو زيد رجعلك قليبي المهضلم القدال جمعنا قدر زمنا بروح وزمنا بجي باكر ضواي محمدالحسن سالم حميد معاك كنت مدني النخلي رعشة الشوق محجوب الحاج كيف أنساك محمد مريخا مت في قلبي د. عبد القيوم ومصطفى سيد احمد يا سر مكتوم أخوان الإنسانية محمد المهدي عبد الوهاب قولي الكلمة قاسم أبو زيد صابرين القدال الحزن النبيل صلاح حاج سعيد إذا عادت بنا الأيام عوض مالك ماني غرقان في التمني محمد المهدي عبد الوهاب بلابل الدوح حتى الفصول صابا الجفاف عدة شعرا ولمانديلا اغني محمد عثمان الزبير مابان عليك سفر العمر باكر ضواي محمدالحسن سالم حميد ما بان عليك السفر مدني النخلي
05-31-2022, 01:31 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
طوبى للرجال العصافير كلما حط طائرهم فوق غصن.. غنوا بشجي الكلام..بديع الصور وبؤسا لنا نحن الرجال الشجر كلما جرفتنا شجون المنافي تهاوت جذور الكلام..جفت ينابيعنا وارهقتنا ليالي السفر تؤرقنا الذكرى توقد نار المواجد فينا فيوجعنا الشوق في صرة القلب يتابى حتى السكون الذليل نخرج الآن من جلدنا ونخدش صمت السؤالات نركض عبر الطريق الطويل من اي ثقب في الحكاياتجئنا ومن اي باب في السماوات كان التماس السكينة ومن اي ذنب عصي..تعلم القلب سفر الرحيل الطيور قطعت رحلتها..ثم عادت والاماني استكانت والليالي ما عادصمتها مستحيل والنساء اللاتي علمننا العشق في زمانات النداء الجميل نسجن ..كعادتهن..من كذوب الروايات ما يخلع الدفء عن جسد الحب ثم تذوقن للحبيب البديل يا صديق المسافات اركض ما عاد في الحزن متسع لصغير الجراحات-قلبي وقلبك ولا صبر في الافق..لانتظار الخيول كل المراكب تاهت انكرتنا الشموس والحبيبات خانت لفظتنا البحار فهل يستطيع البنفسج ان يكون الكفيل؟ ايوجعك الوصف؟ آه من زمن كنا ننتقي فيه العبارات من فصوص المحار نتمشى في مفاصل الشعر تاخذنا كل ساعة..في مدار آه من..آه..ثم آه من كل ذاك الزمان النبيل اصرخ الآن..او اخرج الآن..او انزف الآن..او اكتم الشدو في الفؤاد العليل
05-31-2022, 01:33 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
والله نحن مع الطيور المابتعرف ليها خرطه ولا فى ايدها جواز سفر نمشى فى كل المداين نبنى عشنا بالغناوى و ننثر الأفراح درر و الربيع يسكن حوارنا والسنابل تملا دارنا والرياحين والمطر والحبيبه تغنى لينا لاهموم تسكن دروبنا ولا يلاقينا الخطر لو بقينا مع الطيور المابتعرف ليها خرطة و لا باكر ياحلوه لما اولادنا السمر يبقى افراحنا البنمسح بيها احزان الزمن نمشى فى كل الدروب الواسعه ديك والرواكيب والمدن تبقى أكبر من مدن ايدي في ايدك نغني والله نحن مع الطيور المابتعرف ليها خرطه ولا فى ايدها جواز سفر .
05-31-2022, 01:37 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
يا مطر عز الحريق يا مصابيح الطريق يا المركبيه البتجبد من فك الموج الغريق جينا ليك والشوق دفرنا يا نشوق روحنا ودمرنا يا المحطات الحنينه القصرت مشوار سفرنا ياما شايلك فينى حايم لا الليالى المخمليه لا العمارات السوامق لا الاسامى الاجنبيه تمحى من عينى ملامحك داقسى دايشى المغربيه دايشى داقسى المغربيه وشك المكبوت مكندك صمصنايتك زمزميه كون شبر طوريه منجل سبحه فانوسا مدردح قلتى بيهن لى زمانك يا زمان الحاجة عندك يا زمان الاهة حدك لا تطأ الوردة الصبيه
05-31-2022, 01:37 PM
Osama Siddig Osama Siddig
تاريخ التسجيل: 10-08-2006
مجموع المشاركات: 1078
من بعد ما عز المزار والليل سهى وملت نجوموا الانتظار والشوق شرب حزن المواويل وانجرح خاطر النهار وبقيت اعاين في الوجوه واسال عليك وسط الزحام قبال اتوه يمكن الاقي البشبهك ما الليل براح والشوق بيندهك شايلاه وين النيل معاك عصفورة جنحاتها النجوم وانا بي وراك بسال عليك مدن وبعصر سلافة الليل حزن بسأل عليك في المنفى في مرفى السفن تملأ البراحات للحزين طول العمر ما نحن بينا الامنيات والتضحية بينا المعزات والعذابات في الحياة بينا الهوى اخلاص على قلب انكوى وكلام كثير قلناه آخر الليل سوا انو راح نتلاقى لو طال النوى لكن كلامنا الكان وكان خايف يكون شالو الهوى
06-03-2022, 07:10 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
هذة اسمـــاء وشعراء جميع الاغاني التى تغنى بها استاذنا الراحل المقيم / مصطفى سيد احمد
.. اسمــــاء الاغــاني و الشعراء 1. طوبى للرجال العصافير - فيصل محمد صالح 2. لمحتك - عبد القادر الكتيابي 3. الطيور - حافظ عباس 4. يا مطر - محمد الحسن سالم حميد 5. يا ضلنا - يحي فضل الله 6. يا جمة حشا المغبون - حميد 7. عرق الجباه الشم - حميد 8. البت الحديقة - خطاب حسن احمد 9. طيبة - حميد 10. عم عبد الرحيم - حميد 11. زمن حظر التجول - الفرجوني 12. عجاج البحر - حسن بيومي 13. المسافة - صلاح حاج سعيد 14. قالوا مرحلة - المقبول سيد احمد المقبول 15. في عينيك عشم باكر - 16. ضليت - قاسم ابو زيد 17. اسئلة - يحي فضل الله 18. غناء العزلة - الصادق الرضي 19. سمحة وسمرية - القدال 20. هردت لهاتي بالغنوات - حميد 21. معتوقة ومعتقة ومنعتقة - عاطف خيري 22. على بابك - الكتيابي 23. غربة ومطر - عبد العال السيد 24. علمي عيوني السفر - مدني النخلي 25. حاجة فيك - هاشم صديق 26. وضاحة - ازهري محمد علي 27. مشرع الحلم الفسيح - ازهري محمد علي 28. لما اتلامس بيني وبينك - انا إنسانك - ازهري محمد علي 29. اقتراح - عاطف خيري 30. شهيق/ عاطف خيري 31. الممشى العريض - العميـــــــري 32. الملام - هلاوي 33. سلمات عليك يا بوي انت السما وقمرو 34. وجيدة - قريب الله محمد عبد القادر 35. نفسي قولك من زمان - صلاح حاج سعيد 36. نفسي في داخلك اعاين د. بشرى الفاضل 37. سحابات الهموم - الدوش 38. يا خطوتك - يحي فضل الله 39. اديني احساس بالامل - مدني النخلي 40. مريم الاخرى - شمو 41. ابيت الكلام المغتغت وفاضي وخمج - القدال 42. لا بالحزن الفينا بنرضى - تاج السر الطيب 43. واقف براك - النخلي 44. الزمن الفلاني - نجاة عثمان 45. من جديد جيت تاني تكسر - النخلي 46. استلاب - يحي فضل الله 47. خليني اقراك مرة صاح - عاطف خيري 48. زهرة الصبار - مظفر النواب 49. يا جرح عزة هوانا - قاسم ابو زيد 50. عباد الشمس - قاسم ابو زيد 51. املنا الباقي يسرح بي أهاجر لي زمن تاني 52. بت العرب النوبية - حميد 53. عينيك وطن - صلاح حاج سعيد 54. مسافر - قاسم ابو زيد 55. أظنك عرفتي - جمال حسن سعيد 56. نشوة ريد - قاسم ابو زيد 57. بقول غنوات - القدال 58. قلت ليها - صلاح حاج سعيد 59. ايها المصلوب كالنجم 60. ليه غبتي يا قمرا - قاسم ابو زيد 61. طوريتك في الطين مرمية - عدة شعراء 62. يا جراحك - د. طلال 63. عد فات - صلاح حاج سعيد 64. اليابسة - عاطف خيري 65. والله ايام يا زمان 66. المزار - عبد العال السيد 67. في عيونك - ابوزر الغفاري 68. الرحيل في الليل - عبد الرحيم ابو زكرى 69. عشقت ابتسامتك 70. تحرمني منك - مصطفى 71. يا بت يا نيل - مصطفى سيد احمد 72. طالما ف بحرك في مي - حميد 73. قمر الزمان - صلاح حاج سعيد 74. شوك الشوق للشوف يا خي - حميد 75. شيخ تلب - القدال 76. مساماتك - يحي فضل الله 77. جلبت ليك من بلاد الله البعيدة - خطاب حسن احمد 78. حبالنا الجوة ما تخنت - يحى فضل الله 79. إدفقي - قاسم ابو زيد 80. القاكي وين - قاسم ابو زيد 81. رجعلك قليبي المهضلم - القدال 82. جمعنا قدر 83. زمنا بروح وزمنا بجي 84. باكر ضواي - حميد 85. معاك كنت - مدني النخلي 86. رعشة الشوق - محجوب الحاج 87. كيف أنساك - محمد مريخا 88. مت في قلبي - د. عبد القيوم ومصطفى سيد احمد 89. يا سر مكتوم 90. أخوان الإنسانية - محمد المهدي عبد الوهاب 91. قولي الكلمة - قاسم ابو زيد 92. صابرين - القدال 93. الحزن النبيل - صلاح حاج سعيد 94. إذا عادت بنا الأيام - عوض مالك 95. ماني غرقان في التمني - محمد المهدي عبد الوهاب 96. بلابل الدوح 97. حتى الفصول صابا الجفاف - عدة شعراء 98. ولمانديلا اغني 99. ما بان عليك سفر العمر - ---- 100. باكر ضواي - حميد عشقي الخرافى
06-03-2022, 07:24 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
مصطفى سيد احمد مكتوبة وكاملة سني على النضال .. أيدي سوكي بالهتاف فمي شوارعك لي دويها على .. إذا ما آخر العلاج الكي مراويدك حمر يا أمي .. هردت لهاتى بالغنوات وقت يبرد حشاك يا أمي .. من التعب البلا صالح تفوقى تروقي تنجمي تسوى مكانسك المطره تضوي البيت وتنجمي .. تمرقي صبوحة للجيران يلاقوك شفع الكتاب نضاف وظراف بلا النسمى يغنولك غناوى الساب وفى بيوضة مافى سراب .. جبال كجبى وفيافى الكاب تفيض بالخضرة منقسمه .. فيافي الصى وبيوضة .. البراسيم فيها مطلوقة.. خضارها يرارى شوف عينى على الأبواب طواريها .. وحواريها .. وقماريها.. بقت روضة .. بقت تشرب من الحامداب .. تشوفوا رهاب بعد نجمي .. اشوفو قريب .. قرب نضمى واشوف العالم التحتاني .. هيلا هوب وقف ناهض وهد عمايد الفوقاني .. جوه الجب رمى العارض وفى السابو الدمار افراد .. عريق الحب نبض قابض متل قبض الحروف اسمى .. غناوينا القبيل رقراق علينا تصب برد قارص .. وادوبى لهاتى بالغنوات وطنى ولا ملى بطنى سكاتى ولا الكلام الني .. بليلتي ولاضبايح صي قليلتي ولا كتر سمي .. سلام يا امي سلام يا امي سلام لا هكمي لا دكمي .. سلام يا امي سلام يا امي
06-03-2022, 07:27 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
يا ضلنا المرسوم على رمل المسافة وشاكي من طول الطريق قول للبنيه الخائفة من نار الحروف تحرق بيوتات الفريق قول ليها ما تتخوفى دي النسمة بتجيب الامل والامل بصبح رفيق و الاصله فى الجوف اندفن لا بتنسى لا بنمحي لا بنتهى منه الحريق و الفينا من اهات اليمه فى حكاوينا القديمة لا بيرحل عن عيونا ولا بتغشاه الهزيمة و القبيل راجينو نحنا يوم تبشر بيه غيمة لما تمطر يوم علينا و البلودات الحزينة يا ضلنا
05-31-2022, 01:44 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
نوره وكتين يضيع عرق الجباه الشُّم شمار فى مرقة .. آه .. يا نورة آه من دربك التوّر نفس خيل الصبر فتـّر خطاوى الشوق وراه .. يانورة .. آه ساعة الشموس الغُر تهضلم تلحق الصِّح .. فى المغارب يستر الضو الكهارب تستر المدن السرابية .. الضبابية الكآبة حائط التيه .. والطشاشات .. فوق قفيِّك يا أمْ عوارض... يا أمْ عوارض .. ما دُعاشة ماها شبـُّورة وتقيف .. جايى ليك يا نورة غيمة تملا ماعونِك خريف يملا عينيكى ويفضـِّل يروى جوّاك العطاشا ***** يا نفس فجر القصايد يا بلادى القطع قلب الروادى .. بى اللّواج الجاى .. وغادى ماهو صوتك .. لاها صورتك دى البترقش نادى فوق صدر الجرايد إنتى يا حُضن الصحارى شُفّع العرب الفتارى البفنـّوا الشايلا إيدمْ ويجروا كايسين القطارى لا سراب الصحرا .. موية ولا حُجار سلّوم .. موائد حالكم البصرخ وينادى ياوطن عز الشدائد ***** يا هُدى الناس الحيارى يا ندى الفجر الببلِّل نور عِوينات الفقارى جايى ليك يا نورة آفة .. للسوس البنقـِّر عود عِشيماً داخرو فيك أصلى لمـّن أدور أجيك .. بجيك لا بتعجّزنى المسافة ولا بقيف بيناتنا عارض لا الظروف تمسك فى إيدى ولا من الأيام .. مخافة يا نفس فجر القصايد ما ضِهِبْ فى بعدى عنـِّك أصلى متغرِّب عشانك راضى بى الجايينى .. منـِّك ما شكيت شُح اليالى .. وما بكيت نُحْ .. شِلتوا حالى رغم إنو الحال بيفضح إلاّ كٌتْ فى الحارة بصرُخ : يا وطن عِز الشدايد
مصطفى نور والله ما قصرت تب... ويا ريت تكتب لينا اغنية الممشى العريض لعبد العزيز العميري او تسجيل الاغنية لأني قريت قصائد لعبد العزيز العميري وهو يكتب من دواخل قلبه معبرا عن ما يجيش به كل سوداني السوداني ولكني لم اسمع الممشى العريض من قبل ... والله يديك الصحة والعافية
05-31-2022, 06:30 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
مكتوبة في الممشى العريض شيلة خطوتك للبنية ممدودة بالخط العديد في زمة الحاضر وصية شاهدة التواريخ والسير والإنتظار أدوني من قبلك مناديل الوصول وضحكت ما هماني شي وبكيت ولا هماني شي عندك وقفت من المشي وغرقت في ضو النهار كانوا بتمنوك لو ترتاحي لحظة على الدرب الحايمة في بطن الكتب وقدر الخيال ما مد ايدو على السحب كل خاطر كان بريدك إلا ريدك كان رسول الدهشة في كل الديار وأنا زي عوايد الشعر فارس شد خيل الكلمة ليل مكتوب على ضهر البداية القالوا آخرة بين إيديك وسرحت يا مهون تهون كان أجيك كان أصل يوم لي حضورك كت بريدك ومشتهيك وإنكسر فيني الترجي ونلت من سفري الخسار بس داير أقولك يا أصيلة لو تعب فينا التمني لو تردي علينا طاقات البشاير بنهزم يوم التجني وأجيك ما هماني شي عندك وقفت من المشي وغرقت في ضوء النهار وغرقت في ضوء النهار
لا شك ان مصطفى سيد احمد فنان عظيم ونسال له الرحمة والمغفرة والرحمة وشكرا مصطفى لكل المعلومات التي تقدمها للقراء هنا وقد اصبحت من الارقام الصعبة في المنبر
السر عبدالله الاخ الغالي الف شكر ليك وانا مازالت فى الروضه فى مدرسه سودانيز اون لاين المشوار طويل ووصعب لان هناك فطحاله من كل فج عميق والمنافسه صعبه معاهم ولكن المهم عندي انا اكتب شي يعجب الناس ولا يهم عدد المداخلات والرد ولكن المهم عدد من يقراء البوست الف شكر ومصطفي سيداحمد انسان فنان يطول الكلام فيه وربنا يقدرني على العمل الكبير ده وشكرا اخب الغالي السر عبدالله
05-31-2022, 11:31 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4615
سلام للجميع ~ شكرا أخ مصطفى نور على هذا الخيط والشعر العميق الذى تغنى به الراحل العظيم مصطفى سيد أحمد
**
Quote: [قلتى بيهن لى زمانك
معليش يا جماعة بما إنى عادة بسمع الكلمات أكثر من الأغنية العبارة الصحيحة فى قصيدة حميد وغناء مصطفى سيد أحمد - إبداع ومعنى مدهش وهى: *عشتى بيهن فى زمانك - طولتى بيهن لى زمانا B]
06-01-2022, 04:36 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23038
مصطفى نور لك التقدير اغانى مصطفنا بمافيها افكار الالحان اي الاغانى التى لم تخرح للجيع لم تتجاوز المئة وعشرين اغنية والشعراء الذين تغنى بكلماتهم مصطفى حوالى ستين شاعر من بينهم شعراء من مصر والعراق وسوريا وفلسطين بكون جميل لو بحثنا عن اغانى الاخرين التى تغنى بها مصطفى ومصطفى غنى اغانى الحقيبة وغنى اغانى وردى وعثمان حسين ومحمد ميرغنى وحمد الريح وعييييك على قول بشاشة .....
06-01-2022, 04:19 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
كلمات اغنية عجاج البحر ) للشاعر المصري حسن بيومي مصطفى سيد احمد
يراقصني عجاج البحر ترعد داخلي الأمطار يكلمني تراب الأرض يشدد قلبي الأوتار أغنيكم ... أغنيكم أغني جذوة النار التي فيكم والعن ذلك البرد المدثر روحكم برماد موتاكم أغنيكم .. وابني في عيون الشمس مملكتي تناديكم نسورا تعشق الترحال فان شئتم تعالوا الآن نرقص رقصة البدء ونعلم أن نمد الكف نحو الشمس للدفء تعالوا أيها الجوعى تعالوا أيها الفقراء
06-01-2022, 03:51 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
مريم الأخرى | معارك الاعتراف بالكلمة الجديدة جاءت مساهمة مصطفى سيد أحمد في الأغنية السودانية خلال فترة عصيبة مر بها السودان، من حكم النميري إلى انقلاب الإسلاميين أواخر الثمانينات. انخرطت مجموعة كبيرة من معاصري مصطفى وشعراء تلك الحقبة في الأغنية السياسية المباشرة، إلى جانب سيطرة أغنية الحقيبة على تلك المرحلة، التي امتدت من العشرينات إلى الخمسينات، وألقت بظلالها على فترات لاحقة مشكّلةً مرحلة الأغنية الكلاسيكية في السودان.
مع بداية الثمانينات، ظهرت موجات التحديث والتجديد على مستوى خطابات الشعر والمسرح والفنون التشكيلية والغناء، وخاض شعراء تلك الحقبة معارك اعتراف، كما اصطدموا بلجان إجازة النصوص وأجهزة الإعلام الرسمية التي كانت تعارض أشعارهم المحملة بنفسٍ تجديدي متمرد.
مثّل مصطفى سيد أحمد مصبًا مهمًا لتجارب الكتابة الشعرية، وصار صوته أهم من دور النشر بالنسبة لها، حيث تعامل مع أكثر من ستين شاعرًا لريادة التجديد النصي والدرامي؛ وركّز على الغزارة الإنتاجية لإيمانه بأن التغيير الواسع لا يحدث من ضربة نجاح واحدة، وإنما بالمراكمة، فهو يرى أن “عدد النصوص المقدمة، أقل من أن تُحدث تحولًا في الأغنية”، كما عبّر في ندوة اتحاد شعراء الأغنية سنة ١٩٧٦، خلال المرحلة الأولى من مسيرته.
جمع مصطفى أصدقاءه الشعراء في ورشات تسبق اختيار القصائد والعمل عليها، مستعينًا بحسه الدرامي الذي نمّاه أثناء دراسته في معهد الموسيقى والمسرح، ليجعل منه بوصلة لاختيار القصائد. كما استعان بتجربته الكتابية لتذوق نصوص الآخرين، إذ بدأ كتابة الشعر في وقتٍ مبكر إثر وفاة أخيه المقبول، الذي رثاه في أولى قصائده، كما ألّف عددًا من أغانيه مثل يا بت يا نيل وغدار دموعك.
06-01-2022, 03:52 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
ركّز مشروع مصطفى التجديدي على دعامة التراث، يشير صلاح شعيب إلى أن الشعراء الذي تعامل مصطفى مع أغلبهم، قد عادوا إلى خامات التراث المهمل من قبل الأجهزة الإعلامية المركزية – مثل الذاكرة الشفوية ومدارس الشعر العربي القديمة – لتكون ركيزة التحديث، “فالتجديد لا يتم إلا على أساس موروث، وموروثنا عربي وأفريقي” على قول مصطفى نفسه.
رغم ما زخرت به القصائد التي غناها مصطفى سيد أحمد من معاجم الخصوبة وصور النيل والأساطير الزراعية النوبية القديمة، واستحضار المكون الغابي والصحراوي، بالإضافة إلى صور التمدن الذي يهدد الأمن الزراعي في السودان، والتلاعب بالرمزيات، كانت صورة الحبيبة حاضرة بشكل طاغٍ وملتبس في الآن ذاته، وصار لها أوجهٌ مختلفة في قصائد الشعراء الغنائيين الذين تعامل معهم مصطفى، لتصبح حمّالة لتقاطعات مختلفة. تحولت الحبيبة إلى ثقلٍ رمزي مكّن أولئك الشعراء من الابتعاد عن القصيدة السياسية المباشرة. يظهر ذلك بشكل جلي في إحدى مقاطع أغنية طيبة التي كتبها حميّد لمصطفى: “أغني لشعبي ومين يمنعني، أغني لقلبي إذا لوعني.”
تحدّث الشاعر محمد طه القدال عن دور مصطفى في اختيار قصائده، منتقدًا الشكل النصي لأغنية الحقيبة: “بإمكان مصطفى سيد أحمد الركون إلى المفردة المعتادة في الحب والهجر والدموع والوطن التي سادت منذ عشرينات القرن الماضي، ولكن كانت له رؤية شاعرية مختلفة تدعو إلى تخيير حب جديد، تتداخل فيه الحبيبة مع الوطن، فلا تدري أهذه العاطفة مصوبة نحو إحداهن أم تجاههن جميعًا.”
06-01-2022, 03:55 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
جرّب مصطفى أشكالًا متنوعة من القصائد، منها ما استمد الصور الشعرية من الحياة الريفية والحضرية في السودان، أو حالات العشق والوله والحزن والألم. أظهر في كثيرٍ من الأحيان جرأة في دفع اختياراته إلى أقصى حدودها، مثل أغنية بين مريم الأخرى والمجدلية، التي استعان كاتبها عبد الله شمّو بحقلٍ رمزي ديني غير مألوف في الشعر السوداني. استحضر شمّو صور الأم والغربة وحالة التمزق التي عانى منها السودان: “أنجبتني مريم الأخرى قطارًا وحقيبة”. برزت الأغنية على حساب الأغاني المعاصرة لها، سواءٌ في النسخة التي اعتمد توزيعها على الأرجُن والجيتار الكهربائي، أو في الأداء المنفرد المصاحب للعود، حيث يؤدي مصطفى بشكلٍ يقترب إلى التلاوة، محاكيًا حالة اختناق عند حرف التاء الساكن في كلمة التعب: “ها هي الأرض تغطت بالتعب.” يشير اختيار مصطفى لقصيدة مريم الأخرى الفصيحة إلى أنه لم يكن متعصبًا للعامية، والتي انتصر لها في مشروعه مع الشاعر محمد الحسن السالم الملقب بـ حميّد. غنى مصطفى قصائد فصيحة مثل غناء العزلة ضد العزلة والرحيل في الليل، كما وسّع تعاوناته خارج السودان وكانت أبرزها المساورة من الباب الخلفي لمظفر النواب، الذي زار السودان خلال الثمانينات بدعوة من اتحاد الطلاب السودانيين. سبق لمظفر الاستماع لمصطفى وأعجب به، وحمل إليه عودًا فريدًا كهدية. اختفى مصطفى لأيام بعد أن تسلّم القصيدة واختلى في غرفة العنكبوت٥ في منزله في واد سلفاب، التي مثلت مهربه والمكان الذي يتنسّك فيه لوضع ألحانه، قبل أن يعود بالأغنية مكتملة. فرقًا شتّى بين | ثنائية غيّرت وجه الموسيقى السودانية في إحدى مستشفيات موسكو أواخر الثمانينات، كان مصطفى سيد أحمد يستعد لعملية زراعة كلية، نتيجة قصورٍ كلوي لازمه لسنوات. حاول مصطفى مغالبة المرض بالعمل على تلحين بعض القصائد التي جلبها معه من السودان، وأهمّها عم عبد الرحيم، التي كتبها له الشاعر محمد الحسن السالم الملقب بـ حميّد. أمسك بعوده وشرع في أداء اللحن الذي اكتمل لتوه في رأسه، وبجواره فلاح مصري كان يشاركه الغرفة. غلبت الفلاح دموعه فور انتهاء مصطفى من الغناء، دون أن يكون قد فقه الكثير من الكلمات التي طرزها حميّد بعامية محكية سودانية مع مفردات نوبية قديمة. صارح شريك مصطفى بالغرفة بأن الأغنية تعبر عن المصري أيضًا. تحتفي كلماتها بالحياة اليومية البسيطة في السودان، مع صور موغلة في الرمزية، من خلال شخصية عم عبد الحميد التي حمّلها حميّد ملامح الشخصية الريفية في القرى المتاخمة لضفة النيل، وحوّلها إلى بطل تراجيدي. يركب عم عبد الرحيم حماره صباحًا، ويجول بين الناس والأماكن مشغولًا بهمومه، قبل أن يعبر سكة الحديد ويدوسه القطار مع حماره. اعتمد حميّد على بنية درامية محكمة، وتصويرٍ لتفاصيل الحياة اليومية، ليحكي عن مأساة الحياة الزراعية التي يتهددها قطار التمدن، مع نزعة حنينية إلى صورة السودان الخصيب. جعل هذا عم عبد الحميد إحدى التحف السردية في الشعر العامي السوداني الحديث:
Quote: "*حبوكي حب قدر الحروف الحايمة في بطن الكتب "* ...... هدى روعة ما بعدها روعة شكرا حبيبتي على تكملة رائعة العميري بأجمل واروع بيت..
العزيزة الرقيقة إمتثال~ بالله شفتى الكلام دا عميق ومعبر كيف.! وقالوا كتبها لما مشى زيارة لأصدقائه أو أهله (كانوا متوقعين طفل أو طفلة) وكتب عنهم /وليهم القصيدة دى وأظن الممشى العريض كان الهول. هسه انا شايلة عبارة "الحروف الحايمة فى بطن الكتب" دى وماشة بيها على خيط دكتور محمد عبد الله الحسين عن القراية من الكتب الورقية أو المصادر الإلكترونية.
06-02-2022, 03:28 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
أسئلة ليست للإجابة .. كلمات/ يحيى فضل الله .. الحان وغناء/ مصطفى سيد احمد ..
مــا معني أن نحيــا ولا ندري بــأن العشــق قد يبقي سجيــنا في الخلايــا؟ ما معني أن نشهد موات الأغنيات؟ مــا معنــي هــذا الصــمــت الــــــذي لا يــــنــتــهــي؟ وبرغم حوجتنا للصراخ. هل يختفي الظــل الــذي لا ينتمي الا لمعرفتي وجهلــي؟ وهـــل نــودع بعضنــا ونذهــب فــــي ســــراب الزكــريــات ؟ كيــف تبــدو الزكريــات؟ كيف يبدو طعم أيام الشجــن؟ مــــن يعلــم زكريــاتي كــل أشكــال التــداعــي ؟ والرحيل المــر دومــا حين يصطدم المدي بالمآســي والمخاوف واحتضار الأمنيات؟ تعــب هــو البــرق الــذي لا يضــئ أقــبيــة الخبــايــا لا ينتمي للسحــب والعشــب الــذي لا يــرتــوي إلا لطعمــك يا عصيــرا من خليــط الدهشــة الأولي .. واحترافــي الأغنيــات ,,,
06-02-2022, 03:31 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
أبداكى من وين .. وفينى منك لسة حاجات من مخاوف ومن شجن أبداكى من وين .. وظنى إنك فكرة إعلان الحياة الحياة وإنتهاءات العوارض والمحن نفسى ألقاكى وأكون أنا كلى من بعضك أو .. بعضى من كلك بدن وداير أبقاكى وأوحد دورة الدم المقسمة بينى .. بينك .. والسحن .......... أبداكى منى .. ولاّ منِّك أبتديكى محل .. محل من ياتو منفذ أدخلك وكل المنافذ فيكى سدّاها النحل من ياتو شارع أوصلك وكل الدروب معطونة لى آخر الوحل .. أستبيح كل الحواجز .. وأدخلك من كلامك بدخلك من بين مسامك بدخلك من أى قاسم مشترك وشبهة تشابه .. ادخلك ونتلاقى نهرين من تسامى .. وإشتها وأبداكى من حيث أنتهت عندك خواتم الإنتها أبداكى .. وأخلع خيام عمرى المضى وألقاكى مبسوطة اليدين مفتوحة أبواب الرضا أبداكى من لحظة أنستِكْ نار وأخدت من قبسك .. هُدى وأنا ضُمـّة زاهد فى الدروب الما بتجيك .. ولا بترجِّع ليا من تالاك صدى أبداكى من وين ؟ ..
06-03-2022, 01:30 AM
abdalla elshaikh abdalla elshaikh
تاريخ التسجيل: 03-29-2006
مجموع المشاركات: 4001
مجهود مقدر في البحث وسط مفازة مصطفي سيد أحمد فشخصي الضعيف والاستاذ يوسف الموصلي قمنا بتحرير كتاب بعنوان الحزن النبيل في حضرة مصطفي بالقاهرة في بداية سنين التسعين إشتغلت أنا علي النص الأدبي وإشتغل موصلي علي البناء الموسيقي
06-03-2022, 07:09 AM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
abdalla elshaikh الاخ الغالي عبدالله تحياتي واشكرك على الرد الجميل ومصطفي سيداحمد مدرسه متفرده فى الالحان واختيار الكلمات وهناك الاف القصيد من غناها الفنان الرائع لايقدر ان يغننيها ويلحنها غيره هل انت الاخ عبدالله اخو كمال الكنتوا فى دسكتتكتي نيويورك ام تشابه اسماء عازف الفلوت ام النمره غلط مع تحياتي
مصطفي نور ودرعيه
06-03-2022, 12:33 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10949
الأخ مصطفى ايه الجمال ده كله؟؟ قصائد جميلة فيها جمال العبارة و بساطة الكلمة وسطوة التصوير الخارج عن المألوف..
زي أغنية/ قصيدة والله نحن مع الطيور الما بتعرف ليها
و زي أغنية: عارفني منك لا الزمن بقدر يحول قلبي عنك لا المسافة ولا الخيال يبعدني عنك وزي أغنية/ قصيدة الحزن النبيل و نبل المشاعر ودفاوة الاحاسيس وصدق المشاعر..
كلها قصائد منتقاة بشكل دقيق له الرحمة مصطفى سيد أحمد
06-03-2022, 06:50 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
محمد عبد الله الحسين اخي الغالي والله ماقدمه مصطفي سيداحمد من قصيد ومن اغاني ومن الحان تجعل الانسان يعيش فى حاله نشوه وفرح وحزن وبكاء اغاني واسعار والحان وسط يلخبط المشاعر ويخلي الزول ماعارف زي ماقلت يبكي ولا يفرح وزي قال وردى مرة أسرح.. ومرة أفرح.. ومرة تغلبنى القراية عليك رحمه الله استاذي مصطفي سيداحمد فنان الغلابه وفنان المثقفين وفنان المحبين وفنان كل من يعرف الانسانيه عاش فقيرا ومات فقيرا الا من حب الناس له
06-03-2022, 06:53 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
كان نفسى أقولك من زمان مدسوس سنين بى الشايلو فى عيني معزّة وفى القلب زاملنى زى خاطر الفرح وكتين يقاسم الهم .. عزا وكتين مدامعى تكون جِزا وتفتح مباهج الليل .. ظنون كان نفسى أقولِّك من زمان سطوة محاسنك عندى ما كسرة ..جفون وكت العيون تعبرنى زى خاطر المسا سطوة محاسنك ما الرخام .. الفى الحري وكت الثغير يفجعنى سطوة محاسنك عندى وكتين كبريائك ينهزم .. لى طيبتى .. بى لفظة حنان تنفح قلبى بى رعشة أمان وكتين شوقى يصبح فى هواك ليل عزّة ما بتعرف هوان كان نفسى أقولك من زمان عينيك وحاتك غربتى .. وأهلى وبلادى الفيها ضايع لى زمن عينيك وحاتك شوقى لى زولاً ولوف من بعدو ساب عينى .. سهن وانا كنت داير من زمان أشرح حكايتى معاك ألف أحكيك .. وأزيد القول .. إلِفْ وأتمنى لو قلبك عرف كان من زمان من قبل ما فى قلبى يتحكّر من قبل ما حرف الحقيقة الحلوة .. يتبدل عسى ويصبح أمانى كسيرة
06-03-2022, 06:54 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
سيد احمد مكتوبة وكاملة يا حزن الغنى ... صابرين من بعد الضنى ... صابرين على وعد المنى ... صابرين برجاك يا وعد الحبيبة بلقاك في الفرحة القريبة بشراك يا أم الثنى ... صابرين يا حزن الغنى ... صابرين .. من بعد الضنى ... صابرين على وعد المنى ... صابرين لا ليل ولا حزن طايل لا صد ولا دمع سايل لا هم جاك يا أم نفايل نيلين وحزنك وحلمك أنا فرعين شايلين جنى ... صابرين سلامات عشرات حبابك ... سلامات يسلم شبابك ... سلامات شايل سحابك ... سلامات القبلي شابك ... سلامات .. وهواك هنا ... صابرين عاشقين ترابك ... سلامات يا حزن الغنى … صابرين
06-03-2022, 07:03 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
والله نحن مع الطيور اللي ما بتعرف ليها خرطة ولا فى إيدها جواز سفر نمشى فى كل المداين نبى عشنا بالغناوى والرياحين والمطر والحبيبة تغنى لينا لاهموم تسكن دروبنا ولا يلاقينا الخطر والله باكر يا حلوة لما أولادنا السمر يبقى أفراحنا اللي بنمسح بيها أحزان الزمن نمشى فى كل الدروب الواسعة ديكوالرواكيب والمدن والله نحن الطيور اللي ما بتعرف ليها خرطة ولا فى إيدها جواز سفر
06-03-2022, 07:17 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
فتاح يا عليم رزاق يا كريم صلى على عجل همهم همهما حصن للعباد وهوزز سبحتو ودنقر للتراب هم فوق هم هما صنقع للسما وكان في الجو في غيم وكم نجمات بعاد .. وكان الدنيا صيف لا قالتو كيف اصبحت كيف .. لا لمسة حنان .. لا لمسة وداد .. لا رمشة طريف من قلباً وفي زي ايام زمان ايام الدفي كانت ماها في كانت في المراح .. شدتلو الحمار تحلب في الغنم .. لــي شاي الصباح والطير ما نضم .. ما رسل نغم .. عم عبد الرحيم اتوكل نزل في المشرع لقى زملان الشقا الجا من الجريف .. الجا من الجبل .. عل الناس بخير .. صبح هاظرهم نقنق ناقرهم وغاظوه ونعل وعم عبد الرحيم ما بخبر زعل كل الناس هنا ما بتخبر زعل تزعل من منو وتزعل في شنو كل الناس هنا .. كل الناس صحاب .. كل الناس اهل .. والماهم قراب قربهم العمل الطاق اليطق عشت ابو الزمل بالحال العليك بالفال بالامل عم عبد الرحيم .. كت فتاح في يوم على ايدك تنوم على كيفك تقوم لا دفتر حضور لا حصة فطور تقرع بالقمر تزرع بالنجوم لكن الزمن دوار آآبدوم عم عبد الرحيم ماشي على الشغل في البال القديم انعارض تكل تنشايح جراح كيف الغسل الدنيا ام صلاح تبدأ من التكل من حجة صباح في حق الملاح في اللبس الجديد . في القسط القديم .. وبيناتن عشم في الفرج البعيد .. امونة الصباح .. قالتو النعال والطرقن إنهرن .. ما قالتو جيب .. شيلن يالحبيب قشهن النقلتي والترزي القريب بس يا ام الحسن طقهن آبيزيد وانطقن زمن وان طق الزمن لازمك توب جديد بي أي تمن ...غصباً للظروف والحال الحرن عشان يوم الرحول ما تنكسفي يوم... لو جاراتنا جن مارقات لي صفاح .. او بيريك نجاح .. دا الواجب اذن .. وايه الدنيا غير .. لمة ناس في خير او ساعة حزن عم عبد الرحيم ياحر ماك حر ياريت التمر ياريت لو يشيل كل تلات شهر والا ايام زمان كانت ما تمر كان ما جاك هوان ما لاقاك ضر كان لا ضقت ضيق .. لا انغرغر صبر لا شابيت غريق لا طوح فقر .. وكان ما كان وكان اكسيك در .. حكومات تجي وحكومات تغور تحكم بالحجي بالدجل الكجور مرة العسكري كسار الجبور يوم بي إسم النبي تحكمك القبور تعرف ياصبي مرة تلف تدور ولا تقول بري او تحرق بخور هم يالفنجري يالجرف الصبور كل السقتو ما باقي على التمور وارضك راقدة بور.. لا تيراب وصل .. لا بابور يدور .. والماهية اف عيشة هاك وكف في هذا الزمن تف يا دنيا تف يالعبد الشقي ما اتعودت شكي لكن الكفاف فوقك منتكي والسوق فيك يسوق حالاً ما بتسر الا كمان في ناس فايتاك بالصبر ساكنين بالايجار ... لا طين لا تمر واحدين بالايجار ما لاقين جحر سلعتهم الضراع والعرق اليخر عمال المدن .. كلات المواني .. الغبش التعاني .. بحارة السفن .. حشاشة القصوب .. الجالب الحبال .. الفطن الفرن .. الشغلانتو نار والجو كيف سخن .. فرقاً شتى بين ... ناساً عيشا دين ... مجرورة وتجر تقدح بالاجر ومرة بلا اجر عيشهم كمهو وديشهم هان قدر وناساً حالا زين .. مصنع مصنعين طين في طين وين ما مرابا مر بارد همها لا بعرق جبين ولا وشا يصر عين والله عين .. كلها كمها وعزها هان قدر دي الجنة ام نعيم دي الجنة ام قصر يا عبد الرحيم الا ورا القبر لا تسرح كتر فتاح يا عليم وان كان الفقر يا عبد الرحيم اشبه بالكفر حكومات تجي وحكومات تغور تحكم بالحجي بالدجل الكجور مرة العسكري كسار الجبور يوم بي إسم النبي تحكمك القبور تعرف ياصبي مرة تلف تدور والا تقول بري او تحرق بخور هم يالفنجري يالجرف الصبور كل السقتو مات باقي على التمور وارضك راقدة بور.. لا تيراب وصل .. لا بابور يدور .. نقرض للحمار ... نقريضة الحمار لا تنسي النعال الطرقي الخضار اللبس الجديد .. تسريح السفر .. للماشي الصعيد ماشي الديش نفر والبال اشتغل ... والبال اشتغل للابا ما يعيد الحول ما إشتغل والبال اشتعل ... السكة الحديد ياعمو القطر ياعم عبد الرحيم قدامك قطر وسال الدم مطر وطارت دمعتين وإنشائح وتر ياطاحن الخبر ما بين القضا ومرحاقة القدر الشهدو الدموع والدمع انهدر ايدهم في التراب .. والعين في القطر عارفين الحصل عارفين في حذر الخبر اليقين بوخ وانتشر اطفال القرى وعمال الحضر ادوهو الطيور ودنو البحر انصاعد سحاب إندافق مطر عم عبد الرحيم في الشارع عصر .. لي تال اليسار متفادي الكجر .. عربية الكجر .. دورية الكجر .. جفلت الحمار وطوح زي حجر .. وعم عبد الرحيم اتلافا القطر .. فتاح يا عليم سال الدم مطر .. جرتق بالتراب منشور بي كتاب روشتة وجواب ماهية شهر اورنيكين سهر جنب لبدة حمار مقطوعين ضهر عم عبد الرحيم يا كمين بشر صحي الموت سلام ما يقشاك شر
06-03-2022, 07:32 PM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
حاجة فيك تقطع نفس خيل القصايد تشده أجراس المعابد توهتنى .. جننتنى جننت حرف الكلام وبرضو أدتنى السلام حاجة فى شُرف المداين وفى غرف كل السفاين جوّة فى عمق المناجم .. والعيون حاجة زى ماتكون محلّق فى العواصف فجأة .. تهبط لى السلام حاجة زى نقر الأصابع حاجة زى أخبار .. تناغم من جريدة حاجة زى وتر الموانى لمّا يصدح لى سفينة حاجة فيك حاجة فيك لا بتبتدى .. لا بتنتهى خلتنى أرجع لى القلم وأتحدى بى الحرف .. الألم وأضحك مع الزمن .. العريض وأنسف متاريس الطريق وأعرف متين أبقى المطر وأفهم متين أصبح حريق .. حاجة فيك..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مصطفى نور
Osama Siddig
السر عبدالله
هدى ميرغنى
بدر الدين الأمير
abdalla elshaikh
محمد عبد الله الحسين
فيس بوك
تويتر
انستقرام
يوتيوب
بنتيريست