|
Re: بين الدخول في سورة الأنفال .. و الخروج الى � (Re: يحي قباني)
|
قبلها يا يحي "ﻃﺮْﻓﻲ ﺳﺎﻫﺮ ﻳﺘﻠﻮ ﺁﻳﺎﺕ ﺍﻟﻮِﺩﺍﺩ" عارف يا هندسة ليك حق تسرح لان بحر ابوصلاح حتى غلاة العروبيين من اتباع الخليل بن احمد الفراهيدي وعلم عروضه وقفوا محتارين في الوزن .. والفراهيدي درس الموسيقى والايقاع لوزن الشعر. ليك حق تسرح في كل مرة .. شوف ذكاء والمعية ابوصلاح لحد وين: سيدنا لقمان كان اسود ومن ارض السودان النوبة من (إندينا) وارض السودان كانت مليانة ومغطاة بالاشجار المتنوعة الكثيفة وهناك النيل (البحر) وروافده السبعة... يعني الاية الكريمة فيها اشارة بعلم الله لارض السودان.
| |
|
|
|
|
|
|
Re: بين الدخول في سورة لقمان .. و الخروج الى اب� (Re: يحي قباني)
|
عوافي يا يحي
سيدنا صالح العارف بعبقرية النظم والخلق البديع دائما قاعد اقول انه ابو صلاح هو متنبئ شعراء الحقيقة
صالح عبد السيد كوم براهو والباقين كوم
ممكن ندخل معاه حيرانه وتلاميذه ال فعلا تأثرو بيه وهم عمر البنا ومحمد بشير عتيق
ونوسع حلقة "الفرقة المبدعة الناجية" بإضافة المطربين كرومة والفاضل احمد وعلي الشايقي وعلي ابو الجود وحتى كمان عمر البنا في بداية حياته لما كان مغني ويؤدى اشعار ابو صلاح
دي هي الفرقة الناجية هههههه
ابو صلاح عنده اقتباسات كتيرة من القرآن
شوف مثلا في "كم نظرنا هلال"
لو أدار لحظو على جبل دكالو ولو بسم انزل دمع السحاب ابكالو
الاقتباس ظاهر طبعا ومعروف من سورة الأعراف
فلما تجلى ربه للجبل جعله دكا
الخ الآية
| |
|
|
|
|
|
|
|