|
Re: على عبدالوهاب وعارف ناشد ضيعو شقرداديهم ف (Re: بدر الدين الأمير)
|
ود الشريف ياخى شوية شوية على اخونا على عبدالوهاب على بقول انه جاى من ضواحى الدنيا وماناقش انو حميد عندو قصيدة بصف فيها شخصية حمتا انه جاي من ضواحى اللا وجود تأمل ضواحى اللا وجود صور حميد الشعرية تاخدك لعوالم اللا عوالم زي قوله حيطة تتنط وتفلع في قفا الزول البناها في قصيدته الشهيرة نورة اي نعمة التى تغنت بها فرقة عقد الجلاد
| |
|
|
|
|
|
|
Re: على عبدالوهاب وعارف ناشد ضيعو شقرداديهم ف (Re: بدر الدين الأمير)
|
الأمير الجميل تحياتي يا سلام على روعة الاخوانيات فهمت الموضوع الامير يا جميل نحن تخطينا شقر دادي يمكن في مرحلة شقر قراند فازر عمر الخمسين اليوم هو عز الشباب .. عشان عندي شوية مشكلة في الاذن لاستخدم السماعات مؤقتاً لم استمع لفيديو د ياسر لكن قرات اليوم في موقع النيلين هجوم شديد من داليا الياس على الموضوع
تحياتي الحبيب الامير نحن عندنا في ضواحي الدنيا زواج الثانية صعب جداً نادر عشان كده تعداد السكان عندنا منخفض
| |
|
|
|
|
|
|
Re: على عبدالوهاب وعارف ناشد ضيعو شقرداديهم ف (Re: بدر الدين الأمير)
|
الامير الشغل الضمير ياخ عمك علي دا انا فترت معاهو .. قبل كدة شرحت ليهو بوست فيعو يمكن خمسة صفحات . ..في النهاية قال لي دا كلام (الاخوانيات)؟ قلت ليهو آي.. قال يا سلام الله يديم الاخوانيات هسي انا متاكد بعد نشرح ليهو وننتهي ..ونساله فاهم يا عم علي؟ حيهز رأسه بالايجاب ...ويقول كدة انا من ضواحي الدنيا لكن فهمتا ثم يستدرك .. يعني ما دادي كوول؟
| |
|
|
|
|
|
|
Re: على عبدالوهاب وعارف ناشد ضيعو شقرداديهم ف (Re: Ahmed Yassin)
|
واحد قروي زيك يا بدر بيحكي قال جاء جامعة الخرطوم وما كان فاهم ايي حاجة .. قال يوم قاعد جنب حناكيش بيتكلموا عن الفيديو كليب بعد انتهوا من كلامم قال ليهم الفيديو كليب دا شنو؟ بعد ما شرحوا ليه معناها قال مشى الداخلية لواحد بليداتم وطوالي بغاتو وقال ليه بتعرف الفيديوكليب ؟؟ قريبوا قال ليه .. الفيديو بعرفو لكن كليب دا اول مرة اسمع بيها..
| |
|
|
|
|
|
|
Re: على عبدالوهاب وعارف ناشد ضيعو شقرداديهم ف (Re: حيدر حسن ميرغني)
|
ياقسم الفضيل حبوتى عشة بت ودفاطر لها الرحمة والمغفرة جات قطر فى منتصف السبعينات لزيارة ابنها المربى الجليل عمى على الامير له الرحمة والمغفرة قامو يوم ساقوها تزور جيرانهم القطرين وجدت النساء جالسات في مجلس عربى يعنى فرش في الارضى طوالى شالت معاهم الفاتحة فاكرة عندهم عزاء هههههه
| |
|
|
|
|
|
|
|