|
Re: برمة ناصر رئيس حزب الأمة يدين انقلاب البر� (Re: Yasir Elsharif)
|
سلامات دكتور ياسر حزب الإمة ابتلى بشخصين عسكريين ، برمة ناصر و صديق اسماعيل اظن كان في الشرطة.
ديل من الناس العايزين يعطوا قبلة الحياة لانقلاب قوى الردة.
انا عندي رأي في بلد ما فيها مؤسسات صاح زول عمرو اصبح على مشارف ال80 سنة يبعد عن السياسة لأنو احكامه لن تكون مظبوطة بحكم السن.
يقال أن برمة "البرمة" أحد الفاعلين الذين أقنعوا حمدوك بتوقيع الاتفاق مع الانقلابيين.
العسكري حتى لو كان في المعاش و على رأس حزب ينحاز للعسكر القتلة ، دا مرض
لعنة الله عليك برمة ناصر و صديق اسماعيل
| |
|
|
|
|
|
|
Re: برمة ناصر رئيس حزب الأمة يدين انقلاب البر� (Re: Yasir Elsharif)
|
تحياتى الأخ دكتور ياسر~ حميد قال: اعصروا على بعض ساريتنا لا تنهار نشد الحيل .. نعد الخيل .. نسن الصارم البَتّارْ وكلها كمّها الربّاطة .. بي لُقاطا واحنا كتارْ ؟؟ نضاري الواطة بالضرعات .. من الزمن الكركي الضّارْ وهاكُم شتِّتُوني بِذارْ ————- أما السيد برمة ناصر - حقيقة حقيقة دا لقاء/حوار معاه مؤلم جدا وملخبط شديد -ما فضل ليه إلا يعيد مقولة القاتل حميدتى* غير المحمودة ويقول للشعب الما عنده سلاح ما عنده رأى! ويوم الشعب يعمل ليه سلاح يجئ يكلمنا! - تانى يرجع ويردد الناس تطلع وتضغط (يعنى الناس تطلع تموت عشان موقفك يكون قوى وانت تساوم وتحكمنا معاهم)! - قال إنه القاتل البرهان فى زيارته للفاشر قال حيتنازل سؤالى يتنازل عن الإنقلاب ويمشى ولا يقصد يتنازل من معنى تنازل الثانية .. - وطبعا النكتة الخلتنى أضحك إنه قال فى ما معناه "هو العمل أو قام بثورة ديسمبر…"
*مقولة القاتل حميدتى: القاتل حميدتى عندما دخل الخرطوم :- ” زي ما قلت ليكم البلد دي بَلْفها عندنا نحن أسياد الربط والحل.. مافي ود مرة بفك لسانو فوقنا.. مش قاعدين في الضل ونحن فازعين الحرابة..!! نقول اقبضوا الصادق يقبضوا الصادق فكوا الصادق يفكوا الصادق..! زول ما بكاتل ما عندو رأي..! أي واحد يعمل مجمجة أهي دي النقعة ودي الذخيرة توري وشها..! ويوم الحكومة تسوي ليها جيش، بعدين تكلمنا!!”
| |
|
|
|
|
|
|
|