|
Re: منـــــزل للبيــــــع في الخـــــــــــ� (Re: علي عبدالوهاب عثمان)
|
نعم السعر التقريبي مهم عشان مهاجري امريكا ينافسوا مغتربي السعودية في شراء البيت في اعرق احياء الخرطوم ..العمارات ....مع ان المنافسة معدومة لان مهاجري امريكا بيدفعوا ثلاثة ارباع دخلهم كفواتير كهرباء وموية وغاز وغرامات مخالفات المرور ومغتربي الخليج ببحتفظوا بكامل دخلهم ....
| |
|
|
|
|
|
|
Re: منـــــزل للبيــــــع في الخـــــــــــ� (Re: يحي قباني)
|
الابنة بسمات تحياتي مع الكورونا حدث تدهور في كثير من الشركات كما في كل العالم .. نعم اشارات المرور والشوارع كاميرات الدنيا كلها هنا الالكترونيات ما في مقارنة اخوانا وابناءنا في امريكا ما شاء الله ربنا يزيدهم احسن مننا كثير ..
تحياتي
| |
|
|
|
|
|
|
Re: منـــــزل للبيــــــع في الخـــــــــــ� (Re: بسمات الشيخ)
|
Quote: اول مرة اسمع بي ديم القنا وديم كلب وديم فرنسا |
ههههههههههه بتنا بسمات بت الشيخ في الحقيقة ديم كلب وديم فرنسا الإتنين مسمى لمكان واحد وأظن إنه جزء من ديم التعايشة. أما ديم قنا فمن الديوم المشهورة وأظن، وظني ليس من بعض الظن الذي فيه إثم، أن البيت المعروض في البوست يقع في ديم القنا. الديم من أجمل الأحياء في عاصمة السودان وأجمل ما فيه أنه يمثل خليط من السكان من كل مناطق السودان وبعضاً من الأثيوبيين والأرتريين. وفوق هذا وذاك نحن الفوزنا نقد في إنتخابات 86😂.
| |
|
|
|
|
|
|
Re: منـــــزل للبيــــــع في الخـــــــــــ� (Re: Hafiz Bashir)
|
عوافي يا قوم
فعلا بيوت الديوم كلها 200 متر فقط
ونسيت يا حافظ ديم سلك وديم سلمان
ديم سلمان كان زمان فيه زريبة الفحم والحطب
أرض الحيوان حوالين سينما النيلين الله يطراها بالخير والمحبة
وقطع اراضي نمرة 2 ونمرة 3 اتوزعت لناس احياء الخرطوم عموم السكنية من السودانيين
الناس الكانو اصلا في حي الترس وفريق المراسلات وحوالين شارع السيد عبد الرحمن من شارع فيكتوريا شرقا لغاية القشلاق وحدود حي الترس غربا
الاجانب كانو ساكنين في الخرطوم شرق
| |
|
|
|
|
|
|
Re: منـــــزل للبيــــــع في الخـــــــــــ� (Re: بسمات الشيخ)
|
Quote: من المنطقي ان تكون مساحة القطعة في الاحياء الشعبية١٠٠٠ متر والفين متر ، وفي الاحياء الراقية ٢٠٠ و ٣٠٠ متر لكن اظن الامور معكوسة في السودان |
ياتو منطق ده يا بتنا ؟
انتي قلتي حي العمارات الراقي صاح ؟ راقي ليه ؟ عشان بيوته تاني دور و قطعو كبيره ..
و القيمة اصلا في الارض و موقعها مافي المباني
سيبك من نيويورك و زنقة نص البلد
امشي الاحياء الساكنين فيها الاغنياء .. اراضيهم ضخمة جدا و لو مشيتي احياء تعبانه حتلقى البيوت صغيره مبنية على قطع صغيره
| |
|
|
|
|
|
|
Re: منـــــزل للبيــــــع في الخـــــــــــ� (Re: محمد علي البصير)
|
Quote: حبيبنا ودالبصير تحياتي السعر التقريبي مهم |
تحياتي أستاذنا علي عبد الوهاب
السعر 130 مليون قابل للتفاوض
بسعى ليك في الصورة ـ بس أحب أقول ليك موقع البيت بنى قبل قرابة 50 عام ـ قد لا يواكب متطلبات حياة اليوم لكن موقع البيت + وجود سابتك تانك مؤسس تأسيس جيد بلا مشاكل يوهله ليكون أستثمار ناجح ـ البيت الأن مسكون ( مؤجر)
| |
|
|
|
|
|
|
Re: منـــــزل للبيــــــع في الخـــــــــــ� (Re: أبوذر بابكر)
|
أيوا كلام ابو ذر صحيح
بس دا سعر الإسبوع الفات يعني ما updated يا بسمات بناء على الأرتفاع المتسارع في سعر الدولار مقابل الجنيه ( وجه ضاحك) إحتمال يعاد فيه النظر
وأنا قلت ليكم قابل للتفاوض
زمان قابل للتفاوض دي فيها إحتمال تخفيض ـ لكن اليوم ربما زيادة والعملة السودانية كل يوم ماشى في إنحدار
| |
|
|
|
|
|
|
|