|
Re: موكب اليوم السبت 5 فبراير 2022 من تنسيقية لج� (Re: Yasir Elsharif)
|
صباح اليوم السبت 5 فبراير 2022 قبل 5 ساعات من الآن. يعني حوالي 8 صباحا بتوقيت السودان
Quote: Mohamed Abdalrahman 5 Std. · ثوار عطبرة يترسون للقطار الذي اعده الانقلابيين والميزان لدعمهم في الخرطوم .. صباح اليوم السبت 5 فبراير قطر مافي قطر مافي عطبره عطبره حره 🔥🔥🔥 #لاتفاوض_لاشراكة_لاشرعية #مليونية7فبراير #ترس_الشمال |
| |
|
|
|
|
|
|
Re: موكب اليوم السبت 5 فبراير 2022 من تنسيقية لج� (Re: علي عبدالوهاب عثمان)
|
Quote: احداث اليوم ***"***** مهادن الزعيم ¶ يشهد الله (فعاليات فعاليات فعاليات والثورة مستمرة مستمر مستمرة) ... ¶ ناس الصحافات عملوا موكب الساعة 1 في محطة سبعة وترسو شارع الصحافة زلط من بدري (ردا علي الاعتقالات الممنهجة البتقوم بيها الجهات الامنية ضد الثوار) واعتذروا للمواطنين انهم ح يترسوا الشوارع دي فياريت المضطر يشوف شوارع بديلة (اتخيلوا انهم اعلنو عن الشوارع الحايترسوها قبل 12 ساعة واعتذروا للمواطن في حين انو العساكر بنصحى من النوم ماشين الشغل بنلقاهم قفلوا الكبري بالحاويات بدون م يكلمونا ذاتو) ... ¶ ناس الديوم الشرقية عملوا ختمة قرآن بعد صلاة العصر على روح الشهيد محمد نور محمد سعيد (له الرحمة) في مدرسة المايقوما بنين (على شيوخ السلطان انهم يعملوا رايحين من الخبر دا لانو ببطل كل حججهم الكاذبة حول تكفير الثوار) ... ¶ ناس لجنة اركويت عملوا اعتصام اليوم الواحد في ميدان 44 وكعادتهم دائما (كل لجان تنسيقية شرق) هم مدرسة في التنظيم والترتيب والتنسيق والاعلام والدفوف والهتاف وصور الشهداء عشان كدا صور مواكبهم وفعالياتهم بتطلع سمحة شديد (جهزو خيمة فيها لافتات كبيرة تحمل سعارات الثورة وعلقوا صور الشهداء في كل مكان بالميدان وعملوا منصة اتحدث فيها عدد من الحضور من بينهم اسرة الشهيد عباس فرح (له الرحمة) ووزعوا قصاصات توعية في الاعتصام.... ¶ كنداكات امدرمان كانن دائما في مقدمة الفعل الثوري ونجحن في تنظيم إعصام اليوم الواحد في مركز شباب الربيع ظهر اليوم وعملن زيارة لاسرة المعتقل توباك وامتد اليوم الثوري لحدي المغرب بفقرات ثورية متنوعة (دي تالت فعالية ينظمنها من الانقلاب لحدي الان) ... ¶ ثوار تنسيقية غرب عملوا موكب سمح شديد واتجمعوا بحشود كبيرة في الشجرة الحماداب في اول موكب غنجة رسمي وفي ذات الوقت كان عدد من الثوار في جاكسون عملوا موكب والبمبان دور ..... ¶ ي جماعة الليلة اليوم الخامس يادوب من شهر فبراير ومافي يوم كان خالي من الفعاليات الثورية واكتر جاجة عاجباني انهم متنوعة (إعتصامات مواكب وقفات احتجاجية) ودا كلو خارج الجدول (شكلو فبراير ح يكسر الرقم القياسي السجلناهو في يناير بخصوص عدد الفعاليات الثورية) ... سلام ومحبة
|
| |
|
|
|
|
|
|
|