|
Re: كتابي عن اللغة النوبية (نوبين) وقواعدها فى (Re: علي عبدالوهاب عثمان)
|
الأخ استاذ منان سلامات وانشاءالله ربنا يديك الصحة ويقدرك باتمام الكتاب المهم . وياريت كمان لو جيت البلد وعملتليك جلسات حوارات وتسجيلات مع الاعمام والحبوبات والمهتمين باللغة النوبية . بالاضافة لعلمك المعروف بالنوبية. ممكن برضو نكلمليك ناس د. هشام و حسين وترافولتا للمساعدة . ربنا يعينك يا استاذ . وفي انتظار الكتاب المهم انشاءالله .
| |
|
|
|
|
|
|
Re: كتابي عن اللغة النوبية (نوبين) وقواعدها فى (Re: Abureesh)
|
سلام صديقنا الجميل ابو الريش والله طولنا ومشتاقين لزمن المعارك والتعب الشديد داك قلنا نرتاح شوية ما لقينا راحة مع الفلول تخيل الكتاب دة اخد من عمري 7 سنوات ولسة شغال فيهو ومعاه امثال نوبية وقاموس انجليزي نوبي لو ربنا سمح لينا بالعمر والصحة باذنه تعالي واطمع في كتاب عن تجربتي الدبلوماسية والمعارضة بس الامكانيات والصحة وتهديدات الكرونا حمانا الله وكمان ما تنسى لمان تتعلم النوبية برضك تساعدنا في البداويت مع الشكر
| |
|
|
|
|
|
|
Re: كتابي عن اللغة النوبية (نوبين) وقواعدها فى (Re: Mannan)
|
شكرا على هذا السفر الهام والمفيد ولا شك ..وقد اخبرت صديقتنا الاستاذة النوبية القحة اميرة بهذا البوست وسعدت جدا بهذا الخبر وهي التي علمتنا الكثير من المفردات النوبية وكانت تترجم لنا اغاني وردي عندما يغني بالنوبية ...وقد وعدتك بانها ستساهم في الترويج للكتاب.. وهي من شدة تعصبها للغة النوبية كانت عندما تتحدث بالنوبية مع اهلها بالتلفون ونقول لها خلي الرطانة دي واتكلمي عربي كانت تزعل وتقول لنا ان النوبية ليست رطانة ولكن لغة كاملة الدسم ويجب ان يتم تدريسها في المدارس شأنها شأن الفرنسية والانجليزية ..لان الرطانة معناها الشئ غير المفهوم .. والنوبية مفهومة لكل من يتقنها..وكانت تقول اذا انت لا تعرف اللغة الروسية فليس معنى هذا ان الروسية رطانة ولكن لغة ولكنها غير مفهومة لمن لم يدرسها... وربنا يديك الصحة والعافية....
| |
|
|
|
|
|
|
Re: كتابي عن اللغة النوبية (نوبين) وقواعدها فى (Re: بسمات الشيخ)
|
شكرا للكنداكة بسمات الشيخ.. إن شاء الله تكون ثورة ديسمبر الشعبية اقوى ثورات الشعوب فى القرن الحالي تكون ايذانا بعودة الروح للسودان الكوشي النوبي وتعود الشخصية الحقيقية لشعب السودان العظيم وتعود اللغة النوبية الى الواجهة من جديد. الحمدلله ابدت جهات عديدة تعاطفها وتأييدها واستعدادها لتعليم وتدريس اللغة النوبية ونقوم الآن بحملة عالمية للإعتراف باللغة النوبية لغة رسمية فى دولتي مصر والسودان مثل اللغة الامازيغية فى المغرب والجزائر ولغتي الهوسا واليوروبا فى نيجيريا والسواحيلي في شرق افريقيا والامهرا والتقرينية فى اثيوبيا واريتريا والدينكا والنوير فى جنوب السودان الخ..
| |
|
|
|
|
|
|
Re: كتابي عن اللغة النوبية (نوبين) وقواعدها فى (Re: Mannan)
|
السلام عليكم ورحمة الله وبركاته معالي السفير وضيوفه مبارك لكم صدور كتابكم عن اللغة النوبية واسال الله ان ينتفع به كل طلاب اللغويات. لاشك ان الكتاب يسد فجوة معرفية في اللغات السودانية والافريقية وسيخدم كثيرا المحاولات التي يقوم بها قسم اللغويات في كلية الاداب في جامعة الخرطوم لتوثيق اللغات السودانية. لا نملك في كلية الاداب وسائل الشراء الالكترونية وسنكون شاكرين لكم اذا شاركتمونا نسخة الكترونية لخدمة طلابنا. مع الدعوات لكم بالتوفيق. الصادق يحيى عبدالله عميد كلية الاداب، جامعة الخرطوم.
| |
|
|
|
|
|
|
Re: كتابي عن اللغة النوبية (نوبين) وقواعدها فى (Re: أبوبكر عباس)
|
سلام دكتور ابوبكر عباس شكرا على المرور الفخيم .. يا أخي العزيز انا لو منك كنت اعمل بزنس فى السودان من الثروة الحيوانية التي تسرقها مصر بالقروش المزورة وتوقفوا نهبهم لثرواتنا وتكسبوا اكثر فى السودان بدلا من تضييع خبراتكم فى دول الخليج .. وبدال تبيع 50 نسخة بس من كتابي لاهلنا الدناقلة فى القرينسبورو .. والله مشكور على العرض يا دكتوربس زعلان من دكاترتنا الضايعين فى المهاجر والوطن محتاج ليهم والعتب على الانظمة الفاسدة فى السودان.
| |
|
|
|
|
|
|
Re: كتابي عن اللغة النوبية (نوبين) وقواعدها فى (Re: Mannan)
|
الصديق العزيز سعادة السفير نور الدين منان.. عندى سؤالين أطمع فى التكرم بالإجابة عليهما.. 1. لماذ لم يرحل عبود أهل حلفا الى أعالى الوادى فى موقع حلفا القديمة الان؟ 2. هل لو توفرت بنية تحتية قوية الان فى حلفا القديمة، طبعا فى موقع أعلى من البحيرة.. هل أهالى حلفا فى حلفا الجديدة مستعدون للعودة؟
شكرا وتحياتى
| |
|
|
|
|
|
|
Re: كتابي عن اللغة النوبية (نوبين) وقواعدها فى (Re: Abureesh)
|
Quote: يشرفني ويسعدني أن ابعث اليكم نسختين من كتابي عن اللغة النوبية (نوبين) وسأحاول ارسالها عبر الحقيبة الدبلوماسية / السفارة السودانية بواشنطن |
شكرا سفيرنا الجميل أيقونة النوبة مبادرة رائعة
والتحية للبروف الصادق على المتابعة واعلاء مصلحة ابناءنا الطلاب
تحياتي لكم
| |
|
|
|
|
|
|
Re: كتابي عن اللغة النوبية (نوبين) وقواعدها فى (Re: Mannan)
|
سلامات سعادة السفير منان لك التحية والتقدير وانت تقدم هذا العمل التاريخي القيم لابناءنا والاجيال القادمة بهذا العمل شجعت الآخرين من اهل اللغات الاخري ليقوموا بنفس العمل للحفاظ علي ارثهم وتاريخهم عبر لغاتهم لغة الام كم من الشعوب في السودان اليوم اندثرت لغاتهم واندرثت تراثهم وثقفاتهم . يا اخي دا عمل جميل جدا ونشكرك لهذا المحهود الكبير وان شاءالله نقوم بترويج هذا الكتاب لتشجيع الآخرين ليخطوا نفس الخطوة للحفاظ علي لغة الام . تحياتي ودمت بخير
| |
|
|
|
|
|
|
|