يوم امس كان يوم فرحنا بعقد قران اخونا معاوية بالسودان آلاف التهاني و التبريكات ليك وليها و لي كل الاهل يا حبيب و يسعدكم و يهنيكم و تغلبك بالعوين والعيال و تغلبا بالمال
12-21-2021, 03:29 PM
جلالدونا
جلالدونا
تاريخ التسجيل: 04-26-2014
مجموع المشاركات: 9398
ود المدير شايل الشنطة دخل الكتاب امو ملبساهو حجاب اتقدم للعرس ياداب كما اخبرنا صاحبو جلال ابو الخطاب طيب الصلعة تمشى وين يا احباب هذا ليس عتاب بل استفسار عن صحة الخبر امكن يكون سراب فى سراب المهم سميناها رضينا بس ننتظر كتب الكتاب وبعد داك نقول مبروك من عتبة الباب غايتو يا جلال خليتنا بين الشك واليقين ما علينا الا ان نقول الف مرحاب بيت مال وعيال باذن الحى الوهاب صديق
12-21-2021, 06:32 PM
هدى ميرغنى
هدى ميرغنى
تاريخ التسجيل: 10-27-2021
مجموع المشاركات: 4552
كويس السمع كلامي وعمله برنامج عشان يدخل فورمة الإبداع من جديد .. كل التبريكات و الاماني بحياة سعيدة وينتم بالعديل والزين للجميل ود المدير . الف الف مبروك..
انت عارف عشان بعدين ما تقعد تضاير وتشرح في الصعوط هي جاية قولها جيبي لي معاك خمسة كيلو تمباك ناشف.. ان لقيتها نقرطت ودايرة تضبح الكديسة قبال تصلك - وهي ضابحاها ليك ضابحاها - قولها لا دا مو لي دا عاوزنوا لتمرين منتخب الجالية ..
المهم شكراً جلالدونا .. اول مرة تجيب خبر فيهو فايدة .. :)
12-22-2021, 05:29 AM
حسين أحمد حسين
حسين أحمد حسين
تاريخ التسجيل: 09-04-2014
مجموع المشاركات: 1281
مرحبا للمرة التانية العريس ما جاء هنا؟ امبارح بالليل مشيت لاصحابنا ناس عطبرة وهم مجموعة ساكنين سوا وبعرفوا معاوية....قلت نبارك ليهم ....ونشد من ازر العريس. استغربوا....و في وقت واحد قالوا معاوية دا متزوج واولادوا ماشاءالله كبار ومحمد ولده الكبير اتخرج من الجامعة .... الا واحد بس غالتهم غولات شديد وقال ليهم انتوا بتعرفوا معاوية دا اكتر مني؟ انا اكتر زول بعرفوا اتربينا سوا وانتوا عارفين كدة... منو القال ليكم ولده اتخرج من الجامعة؟ يادوب حيتخرج السنة دي. مبروك تخرج الولد باذن الله و.... العرس
12-22-2021, 08:07 AM
اسماعيل عبد الله محمد
اسماعيل عبد الله محمد
تاريخ التسجيل: 08-26-2007
مجموع المشاركات: 2831
الف مبرووك لأخينا العزيز ود عطبرة ، معاوية . وربنا يتمم على خير .. وان شاء الله بيت مال وعيال .
Quote: شكرا الدون جلال وعقبال أي واحد/ه في قبيلة العزوبية.،
يعني ما مولانا المرتضى ود حامد .. للعزوبيين بس .. نحن ما ممكن ندبل واللا شنو ؟
والدليل .. تلقاهو عند اخونا أحمد ياسين ، مش قال في مداخلتو فوووق إنو معاوية ولدو حا يتخرج السنة دي من الجامعة !!
عشان كده يا مولانا .. بغض النظر عن كلام أخونا أبوذر بابكر اللي قال (لكن هو عرس ليه؟؟) إما بقصد إنو هو عريس من زماااان .. أو يقصد انو هو مالو ومال المشاكل ووجع الراس ... الخ زي ما بقولوا بعض (المتفلتين) من (عتاة) العزابة ممن لم يمتلكوا الجرأة للدخول في القفص الذهبي إما عن جبن وخوف من المسؤولية .. أو لانهم مفلسين ماديا والعرس في مجمله بقى أم المشاكل في السودان !!
وفي كل الاحوال .. نقول لمعاوية ألف مبرووك ، حتى لو كان العرس تدبيلة .. ونحن نحاول أن نسلك من خلفك ذات الطريق وعقبال لينا لمن ندخل القفص الذهبي من جديد .. وليس كما قال ود الأمير أخونا بدرالدين من قطر لعزيزنا دينق عقبال لمن يدخل القفص الحديدي .. ههههههه .
مودتي ،،،
( ليمو )
12-22-2021, 08:44 AM
طلعت الطيب
طلعت الطيب
تاريخ التسجيل: 12-22-2005
مجموع المشاركات: 5826
من أمس اشيل واكتب وامسح واتخارج ... ولي هسع قلبي ما مطاوعني ... غايتو هنيالك وبالرفاه والسعادة إن شاء الله يا قريبي ... المشكلة مافي عرسك (ابوي الله يرحمو عرس ٣ مرات بعد ال ٦٥ سنة) ... ولا في العروس ربنا يهنيك بيها ... المشكلة في ناقل الخبر ... جادي جدا من غير عوايدو مما زاد من شكوكي ...
12-22-2021, 09:18 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
سلام للجميع . كتّر خيركم ؤ بارك الله فيكم، وإن شاء الله نجيكم في سمح ؤ عديّل وِليداتكم ؤ بنياتكم ؤ في عديّل تولآتكم تثنية ؤ تتليتة ؤ تربيعة .
Quote: و في وقت واحد قالوا معاوية دا متزوج واولادوا ماشاءالله كبار ومحمد ولده الكبير اتخرج من الجامعة .
الحمد لله كنت متزوج ؤ ولدي المقداد تزوج الصيف الفات ؤ هسع متوقع ظهور البطل أو الأمورة إن شاء الله، ما عندي ولد إسمو محمد عندي المقداد ؤ فطومة فقط .
سعيكم مشكور، غايس في بطن السحارة لي يومين بفتش في كراس الختّة والمواجبة باقي في ناس هِني أنا مواجبهم قبل الليلة العبارات المدبجة دي ما بتأكل عيش في الزمن الأغبر دا .
عرسي دا صُح صُح ...
12-22-2021, 01:40 PM
محمد المرتضى حامد
محمد المرتضى حامد
تاريخ التسجيل: 08-14-2006
مجموع المشاركات: 10832
عزيزنا ليمو.. قبل كم سنه في نهائيات كأس العالم واحد قال لصاحبو : الليله أمريكا لاعبه ضد البرازيل ، صاحبو ممغوس من أمريكا قال ليهو : أمريكا تستاهل. كنت عايز أقول معاويه يستاهل لكن لاوزتا قلت يقوموا الناس يرجعوا لسابقة البرازيل.. أنا بقول العرس سمح.. للجنسين.. ودالمدير الظاهر جهجه باكات البورداب.. هه ..
12-22-2021, 02:26 PM
عزيز عيسى
عزيز عيسى
تاريخ التسجيل: 09-18-2005
مجموع المشاركات: 1459
كنت عارف تماما انو نقل خبر زي ده ح يعرّض مصداقيتي العالية للخطر و التشكيك لكن لا بد من الذي لا بد منه يا عزيز غايتو عووضة مزنوق فى العروة الشتوية دى و الجاز غالي و يمثل خطورة عاليه على الختّة ... خلوها معاي اضمن ود الزبير مع متابعتي لي اخبار عرسو بقت تحصل لي حاجات غريبة كده بقيت اقيف كتير قدّام المراية و كمان شنو !!! فجأة كده بلقا نفسي سارح و ايدي فوق راسي و اناملي براحة كده من حد الجبهة تمسح لى حد الشعر ورا الفقهة و تجي راجعة الشي التالت بقيت اشك القميص و اضرب الجزمة اورنيش يا صديق مهدي ياخي انت مش عارف عشان يجيبا الشغلة فيها ورق و تفاصيل الصورة الدايرا دي بتجيك انت بس لوك الصبر يا ابو حسين ياخ الهاردلك ليك انت الما جربت التدبيل ياخي حارم نفسك من جنس متعة غايتو شغلك ده شغل حسادة و ما داير تدفع في الكشف يا حيدروف الحمد لله اللقيتلي كرديت عندك و بردو ليك يوم يقوم عليك المستنير الف ميروك ود المدير
12-22-2021, 06:13 PM
صديق مهدى على
صديق مهدى على
تاريخ التسجيل: 10-09-2009
مجموع المشاركات: 10314
Quote: جلال مش ود المدير اب صلعة الشوفتو انا فى بيتك ولا واحد تانى كان دا تانى قفة ما يقدر يشيلها خليك من يشيل مرة انت يا جلال بتستهبل علينا ولا شنو هههههها
🤣🤣🤣🤣🤣🤣🤣🤣🤣🤣 🤣🤣🤣🤣🤣🤣🤣🤣🤣🤣 و ديني و ايماني انت عسل عديييييل كدا ....
12-22-2021, 07:49 PM
جلالدونا
جلالدونا
تاريخ التسجيل: 04-26-2014
مجموع المشاركات: 9398
هسي ارد على صديق اقول شنو غايتو البعرفو القفة يا شالوها بي ايد واحدة عشان عندها اضنين يا شالوها فوق الراس انت يا ود السيدين قاعد تشيل القفة بي ايديك الاتنين
12-22-2021, 08:11 PM
بسمات الشيخ
بسمات الشيخ
تاريخ التسجيل: 05-22-2021
مجموع المشاركات: 833
Quote: هسي ارد على صديق اقول شنو غايتو البعرفو القفة يا شالوها بي ايد واحدة عشان عندها اضنين يا شالوها فوق الراس انت يا ود السيدين قاعد تشيل القفة بي ايديك الاتنين
وريهو عريسك بقدر يشيل العروس و ل لأ .....
12-22-2021, 10:08 PM
Omer Abdalla Omer
Omer Abdalla Omer
تاريخ التسجيل: 03-02-2004
مجموع المشاركات: 4099
من شنو يا صاوي ... ؟؟؟ قال ليك العريس قال لي ناس عطبره جهزو لي القرض و الحلبة و الجردقة و المحريب ... قالو ليه انت عايز تستقر و تفتح ليك محل .. ؟؟؟ قال ليهم ديل للبطن و الضهر و الركب بتاعاتي .... 🤣🤣🤣🤣
12-24-2021, 00:10 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة