*الكرتله ،،،،،،* الجائزه،،، بتكون راديو 📟،،، زمن نشرة الساعه *٣*،،،، نشره واضحه لافيها *عااااااجلا* و لا مراسلنا،،، زي ناس القوالات،،، و القونات ،،،،، الله يكفينا شرهم،،، حليل *الرادي* و زمن برنامج مايطلبه المستمعون،،، هسه الطلبات بقت للأكل و ترحال و حاجات تانيه،،،،، و مرات الجائزة *علبة 🍯 عسل*،،، تشوفها ساي نفسك تنفتح،،، هسه عسل ملكي و آخر جن ملكي ولابس ملكي ،،، ديل بمشوا مننا وين،،، طال الزمن ولا قصر،،، و مرات الجايزة *علبة أناناس*🍍،،،، للناس البحبو الناس،،، ومرات بتكون الجائزة *ساعه*🕐،،،، للمواعيد الغراميه،،، و الأجمل نسمع زغرودة الساعه واحده عز الضهر،،،، زغروده ،،،، زمهرت عرش الطقاه،،، ،،، واحلى جائزة *صندوق حلاوه*🍬🍬🍬،،،، تحلي و الجنبك يحلي،،، نحن بنحلي بدوله مؤسسه تحترم شعبها،،،، و شعب يحترم دولته،،، كده بنحلي صاح ،،،، الكرتله ،،،، كانت بتحوم،،، زمن التعريفه ،،، والفريني ،،، و الشلن،،،، تلف الكرتله،،، و انت تعزل،،،، حسب الصور،،،، صورة البت👩🏻 الحلوه،،،، دي الكنداكه زاتها،،، دي بعزلوها الناس البعزوها،،، الثوار بس،،، صورة الفأر🐀،،،، و الخنجر🗡️،،، و الثعلب🐺،،، دي بعزلوها ناس اللولوه،،،، و الغدر،،،، و التراجع،،، و الأجندة الخارجيه،،،، صورة الشجره🌳 و الفأس🪓،،، دي بعزلوها الناس الدايره تعمر بلدها،،، و تنتج وتشتغل،،،، صورة القطيه🏘️،،، و القدره،،، و الفانوس،،،، دي حقت الناس الطيبين و متسامحين ،،، في حرفنه كده بتتعمل،،،، تقوم ترفع الكرتله و تقابل بيها عين الشمش🌞،،، عشان تخمن الصوره الكسبانه شنو،،،، و تقوم تقول انا داير الحصان🐴،،، ولا الميزان،،، ولا العسكري👨🎨،،،، الكان بحرس البلد،،،، مرات بتجازف تعزل ليك كم صوره،،،، زي ناس خاشه الحكومه بي نمره *٣*،،،، داخلين *عسكريين،،،، مدنيين،،، معارضه،،،،* وتقعد تعاين و تنتظر لحدي ما الكرتله تكمل،،،، وتجي لحظة نعرف الكسبان منو 🤔 🤔 🤔 تقوم تخسر،،،، وتغني،،،، تخلفنا و توعد بالصوره،، ولا تقول،،، كيف تغطي الصوره،،،، صوره،،، سيد الكرتله ،،،، بكسب حب الناس قبل مايكسب ليهو قرش،،، قرشين،،، العامل فيها سيد الكرتله،،، هسه،،،، رص الصور،،،، براهو،،، و عزل الصوره الكسبانه،،، بي دفره،،، وقعد يحوم،،،، زول اشتغل بيهو مافي،،،،
نحن بنكسب بس،،،، ونقول،،، *مدنياووووا مضمونه و مبرشمه،،،،،*
*د. علي الشيخ* *الحنين* *امدرمان* *١٠ ديسمبر ٢٠٢١*
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة