|
Re: المقاهي القديمة (Re: أبوبكر عباس)
|
Quote: إنعن دينكم واحد واحد |
سرقة أدبية واضحة لقصيدة حامد الشايقي بذات المطلع "انعن دينكم واحد واحد .. انحنا يهود؟!!" والمناسبة كانت مشاركة طلاب من حماس مع كوادر عنف الكيزان في البطش بطالبات جامعة الخرطوم اول التسعينات
لكن واصل..
| |
|
|
|
|
|
|
Re: المقاهي القديمة (Re: يحي قباني)
|
تصادقت يا مشرف، مع حامد الصيدلي صداقة قوية في نهاية التسعينات وعندي القصيدة دي بخط يده وكنا الاتنين بنحب لينا واحدة اسمها عزوز بعدين هو كان بقول فيها قصائد وأنا كنت بحكي ليها، وبعدين أمها كانت صاحبتنا، والمنافسة دي كانت معلنة وهي كانت بتستمتع بالتنافس دا وكنا بنمشي ليها سوا في بيتم بالخرطوم اتنين وحضرنا مع بعض حفلة لفرقة كوتو ببيت الثقافة، اليوم داك هي قعدت جنب حامد وأنا جنب أمها، في اليوم داك عرفت روحي انهزمت حامد كان صغير وصيدلي وأنا كبير وبيطري قال ليوم وهي بتاكل في سندوتش؛ عليك ربك تبلعيني وهو في بطنها: يقبل جاي؛ دا هامبرغر يقبل جاي عصير منقة وكمان أصفر
قبل فترة لاقيتو بالصدفة في مكالمة تلفونية مع صديق مشترك بعد فراق طويل؛ صديقنا المشترك قال لي: حامد في لجنة جامع الرياض قلت ليهو: خسارة يا حامد! ارتديت متين؟!
| |
|
|
|
|
|
|
Re: المقاهي القديمة (Re: أبوبكر عباس)
|
مقاهي السوق الجديد بمدني كان فيها روادي كبيرة ولو جيت تسمع الغنا لازم تطلب حاجة، واحدة من المقاهي دي كانت لعمي أخو أبوي عوض عباس ودي كانت مقابلة للقسم الجنوبي وفي واحدة قدام القهوة كان بعمل لقيمات لذيذة خلاص، القهوة التانية كانت قهوة محمد نور ودي كانت جيران دكان سعيد مجذوب وهو زوج أختي وزي أبوي بالظبط، وعديت جزء كبير من طفولتي مع أولاد أختي بالدكان دا، في نهاية مربوع الدكاكين كان في سوق الخضار والجزارة، وأنا جبت سيرة سوق الخضار عشان أجيب سيرة معشوقي التبش بالشطة، دكاكين السوق الجديدة كان بينها ميادين منجّلة كنا بنلعب فيها كورة، دكانا كان مقابل دكان أبو ظريفة بتاع الفول وكنا في اليوم بنقطع عدة صفائح جبنة وزيت سمسم نهاية اليوم كان عمك سعيد بدي كل واحد شلن نشتري منو التبش بالشطة والطعمية ونخلي باقي لتاني يوم نشرب بيهو شاي فرنساوي من محمد نور، أول مرّة أعشق أغنية يا جميل ما بصح ليك كدا بصوت عبد العزيز المبارك كان في قهوة محمد نور لليوم لو سمعت أنا بي محاسنك بفتخر وانت المحاسن سيدا بشم ريحة التبش والطعمية والشاي الفرنساوي
إنعن دينكم واحد واحد
| |
|
|
|
|
|
|
Re: المقاهي القديمة (Re: أبوبكر عباس)
|
ثم وصلنا الثانوي العالي بالسني الثانوية، وكنا بنجي بالعجلات من بانت شاقين السوق الجديد للمدرسة وبالعكس، لم يفارق برنامج التبش بالشطة والشاي الفرنساوي من محمد نور رحلة العودة من المدرسة طيلة الثلاث سنوات، برنامج المدرسة كان فيهو حاجتين رائعتين؛ واحدة يا ها قلتها ليكم برنامج التبش والشاي الفرنساوي والتانية كانت؛ كنا بنصل المدرسة ونبركن العجلات والمدرسة ما كان فيها سور، ونمشي نقعد في كرين مهجور جنب ترعة الدرجة بنستنى مرور الطالبة الجميلة جداً سكينة يوسف عبيد وهي سائقة دراجتها الحمراء أو الزرقاء ماشة مدرستها شرق الدرجة، ما عارف قبل كدا كتبت اللون شنو وما داير أدي المفتشين فرصة
برضو سب الدين الفات
| |
|
|
|
|
|
|
Re: المقاهي القديمة (Re: osama elkhawad)
|
أرجو من الأخ بكري تقليل مداخلات شاعر الغفلة اليومية لمداخلة واحد اسوة بكيزان المنبر، الرجل يغرق البوستات الأدبية مثل هذا البوست بعبط يدعي زوراً أنه فن كاريكاتيري.
شكلك يا كواد، خلاص دايرة تفك منك، آخر مرّة جاتك نزلة متين؟ المجانين نهائي ما تجيهم نزلة
| |
|
|
|
|
|
|
Re: المقاهي القديمة (Re: أبوبكر عباس)
|
داير مستشار قانوني قوي يفيدني لو اشتكيت مشرف دا بلقى حاجة؟ هو حكم علي بالسرقة الأدبية الواضحة والسرقة حتى تلك اللحظة لم تتم بل أنا قلت بالحرف الواضح؛ كنت ناوي أكتب قصيدة مطلعها إنعن دينكم واحد واحد كنت ناوي ناوي ناوي
| |
|
|
|
|
|
|
Re: المقاهي القديمة (Re: محمد البشرى الخضر)
|
الموضوع دا فيهو حاجة تانية؛ حامد الشايقي صيدلي مشرف صيدلي الخواض بدأ صيدلة في بلد الترك وغلبتو وأنطلق في مجالات الإنطلاقة على قول ود بادي
عشان كدا هم زعلانين كيف دكتور المعيز دا يحاول يتقرب من زميل مشرف وزميل الكواد المفترض
| |
|
|
|
|
|
|
Re: المقاهي القديمة (Re: أبوبكر عباس)
|
يعني شروع يا كولمبو مع وجود بينات مشددة وهي معرفته الشخصية بالشاعر ووجود القصيدة في حوزته لكن كمان الأدباء ديل مرات الحاجات بتتخرج في المخيخ الأسفل بتاعهم 😂
| |
|
|
|
|
|
|
Re: المقاهي القديمة (Re: muntasir)
|
Quote: مع وجود بينات مشددة وهي معرفته الشخصية بالشاعر ووجود القصيدة في حوزته |
اهلا منتصر
مداخلتك تدعم خلاصة المشرف عن السرقة الواضحة.
وأهلا بقسم الفضيل
الحق حق ، مازي البيطور الذي يلوّن آراءه بحسب الظروف "صفري المصداقية". العنوان ليس فيه سرقة، .
طبعا الميمات المنشورة هنا سيتم تحويلها لفيديو،
بالإضافة الى سلسلة الاسد النتر ، والجزء الثاني من "الاستغلاق".
| |
|
|
|
|
|
|
Re: المقاهي القديمة (Re: أبوبكر عباس)
|
كتبت مداخلة وسحبتها نمت حوالي دقيقة رأيت في منامي العميق صورة أنبياء معي عند مجمع الرهد بالأزرق عند مفازة أبحراز، كنت أتوسطهم وكأني زعيم الجلسة؛ كان في الصور بدون ترتيب محمد مُحي الدين، درويش، سميرة، العليش، عبد السيد، أب شرا، شايب، عزيزة بت الصومالي، أمي وشاطوط ظهر في الصور في مكاني فلاش نزلت أول سورة باسم عشر لوحات للهدهد وهو يخرج من الرهد كنت أملي على الشيخ العليش والكاشف يغني ما أمليه من فوق مسرح مهجور وكان يغني وهو حافي القدمين
| |
|
|
|
|
|
|
Re: المقاهي القديمة (Re: أبوبكر عباس)
|
هو ما بتشوفو عيون وما حاموا حولو ظنون أنشد درويش: يسأل العلماء عن معنى الحكاية والرحيل شال عبد السيد خلفه؛ من أسمائنا نأتي إلى أسمائنا ردد الحضور؛ يا عبد السيد يا عبد السيد
| |
|
|
|
|
|
|
Re: المقاهي القديمة (Re: أبوبكر عباس)
|
الأخ أبوبكر المستنير و الأخ أسامة الخواض
لكما التحية
أنتما الاثنين مبدعين
أبوبكر كتابته فيها حلاوة و طلاوة و ظرافة لما الواحد بيقراه بيتخيل نفسه بيشفط في ايس كريم (بتاع البسكويت مش الكأس)
و اسامة راجل مبدع خاصة في مبتكراته الميمية و في زليخته المشهورة و غيرها..
بس مرات ..مرات... مرات بيعكلت (أعذرني على الكلمة مع احترامي) يعني مرات ما بتفوت الحاجة و تقيف فيها كتير
انتم الاثنين مهمين في المنبر ..كلب واحد نكهته المختلفة
فكفاية اختلاف..
| |
|
|
|
|
|
|
Re: المقاهي القديمة (Re: osama elkhawad)
|
شن قاب لجاب يا محمد عبد الله؟! زي ما قال علي المك؛ قد يكون الكواد كاتباً جيداً، لكنه ليس عبقرياً، طال الزمن أم قصر سيعترف بعبقرية المستنير.
الذي أثار حفيظة الشاعر الجيد هذه الأيام وجعل الغيرة تنمل جلده هو أنني كتبت "بروفايل قلمي" عن لاعب الهلال السابق حداثة، هذا البروفايل كسر دنيا الأدب وكتب النقاد حوله كلاماً يفوق "الأيس كريم حلاوة" وهو ما جعل هذا الجيد يغلي من الغيرة الضارة ويحاول إغراق بوستاتي بهذه السذاجات التي تراها، "قل أعوذ برب الفلق"
| |
|
|
|
|
|
|
Re: المقاهي القديمة (Re: أبوبكر عباس)
|
يا بكور قبل فترة زميلنا في المنبر عبداللطيف كتب بوست عن قهوة جورج مشرقي المهم اولاد أمدرمان تداعوا وحولوا القهوة لي أسطورة من الحكايات وهي ليست إلا موية حارة وكفتيرة ورادي كبير معلق في الحيطة
يعني الحاجة دي موجودة في كل ركن في السودان في طرقات السفر وقهوة أم الحسين المشهورة ومئات من القهاوي الفيها موية حارة وحب شاي وكفتيرة
اولاد المُدن لقربهم من محطات التلفزة والاذاعة قدوا باقي أهل السودان بي زكرياتهم وحكاياتهم ومغامراتهم
| |
|
|
|
|
|
|
Re: المقاهي القديمة (Re: أبوبكر عباس)
|
غايتو ينيرون الزوايا دي لعظمة ح تكون الفانوس حرق القطية. ما علينا نرجع لابداع المستنير والحكي الطاعم الانسحاب زمان كان غير وارد ، مرة اصحاب عزموا برلومات سينما في الحقيقة هن اثنين لطاف بس نجااااضات كانو الشباب ثلاثة بعد طلعوا من السينما لقو الدفعة كلها منتظراهم بره عزموهم عصير وسندويشات . انسحاب غير وارد وتموت الفرسان (راجلة)
| |
|
|
|
|
|
|
Re: المقاهي القديمة (Re: اخلاص عبدالرحمن المشرف)
|
يا بكور هي القهوة شنو غير موية حارة وكفتيرة وناس رأسهم مقطوع بعد صينية الغدا ما عندهم مكان يقبلوا عليه لا محطات فضائية لا انترنت لا هواتف ذكية
يقوموا يدقشوا القهاوي ويتجوغروا بالشاي والقهوة موية حارة وكفتيرة
| |
|
|
|
|
|
|
Re: المقاهي القديمة (Re: عبدالعظيم عثمان)
|
اهلا دكتور ابوبكر في الساحل الشرقي
فجاة تحوّلت انا في نظرك من "فاقد للموهبة الأدبية"، الى "كاتب جيد"؟؟ الم أقلْ انك "صفري المصداقية"؟؟
إليك هذا الميم "الفيروزي" الصباحي، لينعشك كي تتلحلح و تساهم في "الاختلاف" شوية،
ما بدّي -بالشامية- تشكّرات منك،
وفي ميزان حسناتنا ههههه
https://ibb.co/NC87trB
| |
|
|
|
|
|
|
Re: المقاهي القديمة (Re: عبدالعظيم عثمان)
|
عظمة( بنشاغلك و نشاعبك) عسي انا نري ابداعاتك هل مع الشاي سجارة وهل هي قهوة ام شاي صدق الشعراء والفنانين ممكن يسموها منتدي وطبعاً اسه ناس التيار عندهم ندوة اسمها د كباية شاي
| |
|
|
|
|
|
|
Re: المقاهي القديمة (Re: أبوبكر عباس)
|
اهلا ابوبكر قلت سيدي:
Quote: يا كواد، صحي زمان اديتك رتبة غوث في الأدب، لكن دا كان زمان هسّ غيرت رأيي ونزلتم للدرك الأدنى للأدب موش على كيفي |
طبعا على كيفك، لو عايز برضو تبتذل مفهوم "المصداقية"...
| |
|
|
|
|
|
|
Re: المقاهي القديمة (Re: osama elkhawad)
|
يا خواض، خلاص خلينا نصل لصفقة زي ما بعملوا الأمريكان أنا أكتب حاجة، تجي إتّا تمدحها وتديها أوصاف من بيت كلاوي مصطلحات الأدب زي ما قاعد يعمل معاي معاوية الزبير الطيب وأنا بدوري سوف أقوم بالمثل وأنا معرف زول إعلامي عالي، يعني زي ما بقول الفنان؛ حبيبي أكتب لي وأنا أكتب ليك
ونوفر طاقة الشكل دي
| |
|
|
|
|
|
|
Re: المقاهي القديمة (Re: أبوبكر عباس)
|
اهلا دكتور ابوبكر
صفقة ليست جيدة، وليست جادة،
لم تغير جلدك.
أنا اختلف معك بأدوات ابداعية.
وعليك مجاراتها او الصمت.
هنا ميم ممكن "تلهمك":
https://ibb.co/dtpx4sK
| |
|
|
|
|
|
|
|