|
|
|
 Re: البرهان و حميتي يقودان السودان الي طريق ا� (Re: Abureesh)
|
تحياتي يا ريس
تحياتي أبوريش ..
أكاد أجزم بان العالم أخذ درسا مما حدث في سوريا ولن يكرر خطأه مرة أخرى في منطقة هي الأخطر
مما تمثله سوريا.
منطقة القرن الأفريقي والبحر الأحمر الطريق الحيوي والذي تحاول روسيا وتركيا السيطرة عليه.
ان فلت الأمر في السودان واثيوبيا وجلس العالم يتفرج فان الضرر الذي سيصيب العالم سيكون كارثيا.
لذلك بدأ المجتمع الدولي مبكرا لمنع حدوث انفلات في السودان وهو يعلم تماما مالآت ذلكـ.
ايضا اجزم بان الشباب السوداني أدرك مبكرا بان السلمية مهما كلفت فهي السبيل الوحيد والأقوي لأنتصار ثورته.
وكما قالهـا الأستاذ محمود محمد طه ( وسيدخلون البلاد في فتنة تحيل نهارها ليلا وستنتهي فيما بينهم ثم يقتلعون من أرض السودان اقتلاعا)
نعم سنمر بلحظات عصيبة تحتاج الى صبر وجلد وسيكون النصر لنا بكل تأكيد.
لا خوف على السودان وشعبه الطيب.
| |
 
|
|
|
|
|
|
|
|
Re: البرهان و حميتي يقودان السودان الي طريق ا� (Re: منتصر صلاح)
|
| Quote: أكاد أجزم بان العالم أخذ درسا مما حدث في سوريا ولن يكرر خطأه مرة أخرى |
يا دكتور أحمد، بعد السلام.. من اشعل نار سوريا هم الذين يشعلون وينفخون فى نار السودان.. ولنفس الهدف. المطلوب تتريس المطارات.
أتمنى من الجميع الان أن يتوافقوا أولا على قفل السودان لمدة شهر.. وشكر كل من حاول التوسط وقفل الطريق أمام كل الوساطات.. فى هذا الزمن الرديئ أى وسيط عنده زول
أما وسط المدنيين أو وسط العسكريين. لذلك أوقفوهكم كلهم، وأنتم كسودانيين أحكم وأعقل بإرثكم ولذلك (أبحتوا) هذا الإرث الدفين.. حكمة أبوسن وذكاء عثمان دقنة وإستقلالية المهدى.
وبذلك، وكما ضرب الشباب والشابات المثل للعالم فى كيف تكون الحضارة والتمدين فى الإحتجاج وفى المعارضة وفى الثورة، ستضربون المثل فى الحوكمة الرشيدة، وسيقول العالم
الأمة السودانية حكومة وشعبا هى قائدة العالم. بس تخيلوا فى الملايين التى خرجت فى يونيو وأكتوبر، لو الرئيس ترامب قدر يحشد نصهم فقط فى واشنطون فى يناير الماضى.. تصور كانوا
حيعملوا شنو؟
حكومة وعسكر ومدنيين.. أحمدوا ربكم انكم جزء من هذه الأمة العظيمة. لا تلعبوا بها فتفنى وتفنوا أنتم قبلها. ويا جيش.. أقصد قيادات الجيش.. لو ما تقدروا تدفعوا ثمن شرف العسكرية الذى
أعطاكم له الشعب، فكونوا ملكية والبسوا جلاليب وأقعوا السوق، إن شاء الله تعملوا ملايين.. أما تحت هذه الدبابير فعليكم مسؤولية الشرف وإمساك اليد عن مال الشعب والتفرغ لما يسركم له الله
وهو الدفاع عن الوطن والشرف والعرض. لا يهمكم من أفسد من المدنيين.. هناك اليات تحاسبهم كما تحاسبون أنتم الخائنين من منسوبى القوات المسلحة. لكم الحق فى ميزانية مفتوحة للأبحاث
العسكرية، وللتدريب وللتنقلات وللبعثات.. هذا حقكم. لا تحركوا أى متحرك سواء فى الخرطوم أو فى الأقاليم، إلا بأوامر من القيادة السياسيـة. ولكن لكم الحق والقرار أن تصدوا أى إعتداء خارجى
بدون الرجوع للحكومة أو البرلمان لو كان الهجوم مباغتاً..
وعلى الله قصـد السبيل ومنها جائر، ولو شاء لهداكم أجمعين.
| |
|
|
|
|
|
|
|
|
|
Re: البرهان و حميتي يقودان السودان الي طريق ا� (Re: الشيخ سيد أحمد)
|
سلام
اولا: انضمام عبد الواحد و الحلو للسلام الآن اصبح غير واردا
ثانيا : في اعضاء ثلاثة من الموقعين على اتفاقية السلام
و هم عقار, الهادي ادريس و و الطاهر حجر لم يؤدوا القسم حتى الآن.
ثالثا : السلام عايز Fund ح يجي من وين؟ما هو من الدول و الامم المتحدة وهم زاتهم الضد
الانقلاب و بالذات في حركات مسلحة متورطة في الانقلاب
اذا هي غير مؤتمنة و بل مدانة.
* اي انقلاب عسكري طبعا يفتقد الشرعية ح يفتعل حرب و يفتح
جبهة ( في ظنهم توحيد الجبهة الداخلية) و التخلص من الضغوط.
اتوقع فتح حرب مع اثيوبيا.
نهائي الانقلابيين ما ح يكونوا عامل سلام في المنطقة.
و المطلب لفتح جبهة مع اثيوبيا دا كان موجود ابان (حكومة حمدوك الشرعية) و بطلب من المصريين
و لكن حمدوك شوكة الحوت رفض.
| |
|
|
|
|
|
|
|
|
|
Re: البرهان و حميتي يقودان السودان الي طريق ا� (Re: Nasser Amin)
|
سلام للجميع-
الشعب السودانى ماعنده عقيدة الحرب وما بيفتح مجال للقتلة ويديهم فرصة،
لكن - لا قدر الله - لو الشعب السودانى قال ليهم دخلنا بيوتنا ورونا عايزين تحكموا كيف.
كلها كم شهر وسيناريو المفاصلات حيبدأ، الجيش (إذا بيصلح يتسمى جيش للسودان) تحت البرهان من جانب - مليشيات الجنجويد مع إعتبار إنه أمن البشير ومخابراته وغيرهم إنضموا ليها من جهة تانية والحركات المسلحة من جهة ثالثة بالتأكيد المجموعات المتعددة دى مصالحها حتتعارض.
الكيكة حتصغر وتصغر بدليل إنه أخ حميدتى مشى قبل فترة فى بحث للتوسع شمالا (منطقة مروى مثالا) بعد حضور الحركات المسلحة للخرطوم .
المنازعة (المفاصلة) بينهم حتكون حرب مدن وممكن تنتشر فى معظم مدن السودان والضحية تكون الشعب السودانىى.
أيام المفاصلة ديك فى مرة من المرات وقت مغربية والأطفال لسه يلعبوا فى الشارع كانت مجموعة ملاحقة أفراد من الاخرين
وشغالين ضرب رصاص من داخل بكاسى من غير رحمة أو مراعاة لسكان المنطقة.
- وعلى قول الراحل الشاعر القدال - "وأنا ما بجيب سيرة الجنوب" ،إضافة وأنا ما بجيب سيرة دارفور . لكن المجموعات القامت بالإنقلاب دى ياها نفس جماعة البشير من دبابين وجنجويده القامت بالحروب فى المناطق دى واليوم متحدين ضد شعب أعزل.
*******
بعد إنتهيت من عمائلهم أجئ للنصف الملئ من الكوب
الكويس جدا الشعب السودانى اليوم ما ياهو القبل 32 سنة - يوم الكيزان هجموا بليل مشابه لهجمتهم يوم 25 أكتوبر -كثير من الناس ما كانت عارفة لكم يوم هم منو رغم رفضها للانقلاب كمبدأ، وإمكانيات التواصل ما كانت مشابهة ، إضافة لأنه ما كان كل الشعب فاهمهم وما كان متوقع حجم السؤ الجواهم. الآن بالواضح الشعب السودانى ما عنده قبول ولا عايز عودة الكيزان.
صباح إنقلابهم الجديد دا يوم 25 أكتوبر بعد صلاة الصبح كل الناس باطفالهم كانوا فى الشارع حتى قبل ما يعلنوه ببيانهم.
السودان أصبح فيه وعى مدهش والثورة حالة يومية ومتواصلة.
أطفال جيرانا لو ماشين الدكان يكونوا شغالين أهازيج الثورة ومبسوطين.
أخيرا
نهدى لأطفال السودان كلمات غناها مصطفى سيد أحمد ( الحقوق محفوظة رغما إنى ما متأكدة من الشاعر)
قول للبنية الخايفة من نار الحروب
تحرق بويتات الفريق
قوليها ما تتخوفى
دي النسمة بتجيب الامل
والامل بصبح رفيق
…
و القبيل راجينو نحنا
يوم تبشر بيه غيمة
لما تمطر يوم علينا
الفرح يملا المدينة
و البلودات الحزينة
| |
|
|
|
|
|
|
|
|
Re: البرهان و حميتي يقودان السودان الي طريق ا� (Re: هدى ميرغنى)
|
دا واحد من أهم البوستات
جرس الانذار الضربه بكري مهم الناس تنتبه
الشارع يغلي والغبن كل يوم بيزيد
قادة القوات الامنية المشتركين في الانقلاب ما حيرجعوا عن انقلابهم بسهولة
يعني دي معركة نفس طويل ولازم كلنا نفهم الكلام دا
دي ما معركة ممكن نكسبها بي جولة او جولتين
مخاوف بكري دي مهم نتحسب ليها كالاتي
المحافظة على سلمية الثورة السودانية مهما كان القمع الذي يقابلها من السلطة
وغير مقبول نهائياً انحياز فردي من قوة مسلحة والانضمام الشارع السلمي
يمكن يكون مقبول الانحياز على مستوى الموقف لكن غير مقبول دخول
اي سلاح للشارع في مواجهة الانقلابين
مثلاً قوات الجبهة الثورية اذا اعلنوا إنحيازهم للشارع
فقط مطلوب منهم ينفضوا يدهم من الانقلابيين
وجودهم بسلاحهم في الشارع في صفوف المدنيين دا مآلاته خطيرة
سلاح السلمية المجربة الأسقططت ليه قوى القوة البشير هو المفروض نحافظ عليه
اي إشفاق في المؤسسات العسكرية او انحياز مفروض يكون جوة
المؤسسة العسكرية واستعادتها من الانقلابيين وجودهم جوة مؤسساتهم
هو اكثر دعماً للثوار المدنيين
مفروض لا نحتفي بإنضمام قوة عسكرية بسلاحها للشارع مهما كانت المبررات
| |
|
|
|
|
|
|
|
|
|
Re: البرهان و حميتي يقودان السودان الي طريق ا� (Re: Dr. Ahmed Amin)
|
في سيناريو ممكن يحصل يا دكتور احمد
وهو إنقلاب عسكري من جوة الجيش على الانقلابيين والانحياز للشارع
اذا الكلام دا حصل في اي مرحلة من مراحل الثورة الثانية دي
مفروض نرحب بيه ونقبله
لكن مفروض ما نقبل أي إنشقاق في الجيش وتسليح للشارع
دا الباب الكبير للحرب الاهلية
| |
|
|
|
|
|
|
|
|
|
Re: البرهان و حميتي يقودان السودان الي طريق ا� (Re: عبدالعظيم عثمان)
|
سلام واحترام للجميع واشكركم للشخبطة بعدي
اسف سوف لن اقدر ان ارد عليكم فرادي والله زحمة فاليوم مليونية الغضب
حا اردف البوست بالنقاط التالية...
اولا اذا لا قدر الله استمر نظام البرهان حميتي حا يكون الاكثر دموية في تاريخ السودان لان البرهان و حميتي تاريخهم الاجرامي حافل بالمجازر مجزرة فض الاعتصام و مجازر دار فور. مثالا...
ثانيا النظام حا يكون نظام لحم راس يعني كيزان، انتهازين،حركة مناوي و جبريل.. و عساكر مجرمين هاربين من العدالة......الخ يعني نظام بدون عقيدة او ايديولوجية و لا فكر و بالسوداني قفتهم فاضية.اي لا عندهم برنامج لحل مشاكل السودان الاقتصادية او السياسية...
المهم
اسقاط نظام البرهان حا تكون تكلفته عالية.....
بجيكم صادي
| |
|
|
|
|
|
|
|
|
|
Re: البرهان و حميتي يقودان السودان الي طريق ا� (Re: بكرى ابوبكر)
|
يا برهان
يا حميدتى
يا حركة اسلامية سودانية
يا مخابرات اجنبية
دا شعبا عال
ما بنطلع
دا مرا ما بنبلع
دا ما صيدا سهلا ضبع
دا سبع
يا برهان احسن انقرع
دا شعبا شين طبع
دا حقوا ما بنقلع
يا برهان احسن انقرع
دا شعبا صاحب ارض
وضرع وزرع
دا اصل مو فرع
ممكن ينقطع
دا شعبا تربى
على الكتاب والسنة
والشرع
ما علموه ناس الحركة الاسلامية
الذين زرع الفتن زرع
وسط شعب خلوق
ما بعرف النهب ولا القلع
لذا يا برهان انقرع
ورجع الحقوق لاصحابها
قبال يحل بيك
غضب قد سمع
دا شعبا فى الميدان
ما بنصرع
يا برهان انقرع
وشكرا يا ريس
ابدا ما قصرت فى فضح
برهان ومن له تبع
سبحان الله الذى
لجدال الزوجين سمع
فندعوه ان يوقف
زحف كل من طمع
فى السودان بحرا وبرا
وثروة وزرع
بصلاتك على من
ارسل للفرد والجمع
يا برهان احسن انقرع
قبال ما تنصرع
واسرتك تزرف عليك الدمع
دا شعبا عال ما بنطلع
صديق مهدى على
| |
|
|
|
|
|
|
| |
بكرى ابوبكر
Abureesh
منتصر صلاح
الشيخ سيد أحمد
Nasser Amin
هدى ميرغنى
عبدالعظيم عثمان
صديق مهدى على
فيس بوك
تويتر
انستقرام
يوتيوب
بنتيريست