اهلا بيك اختنا هدى الصورة بتحتاجي لي موقع بيرفع الصور و بديك رابط للصورة الفيديو برضو بتنسخي رابط الفيديو و بتنزليه هنا التفاصيل شوية طويلة و بتحتاج لي صور للمساعدة في كم بوست كانو اتفتحو فيهم شرح وافي لكن عايزات تفتيش ما عارف بكري حافظهم في مكتبة براهم و ل خاليهم حايمات مع البقية ... تحياتي
11-03-2021, 06:16 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
كدي شوفي البوست دا كاتبو زميلنا المرحوم سامي عبدالمطلب الزول الخلوق الراقي اللهم ارحمه و اغفر له و اجعل مثواه الجنة سلسلة دروس تقنية _ التعامل مع المنبر العام (فيديوهات)سلسلة دروس تقنية _ التعامل مع المنبر العام (فيديوهات)
11-03-2021, 06:18 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4649
مرحب اخت هدي بالنسبة لرفع الصور انا بستخدم موقع العملاق لرفع الصور لما تفتحي الموقع بتظهر معاك الصورة التحت دي https://www.0zz0.com بتغطي على زر (ارفع) و بتختاري الصورة بعدها بظهر معاك لنك المنتديات تنسخيهو و تعملي paste في البوست المعني https://www.0zz0.com اتمنى انها تكون واضحة و لو عندك استفسار انا حاضر عشان نعبر و ننتصر لمرحلة رفع الفيديوهات و برضها ساهلة
11-03-2021, 07:02 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: الأخ خضر سلام تانى وشكرا - ما قدرت لسه أنزل ڤيديو (يوتيوب تحديدا).
حاولت انزل نشيد العطبرواى مرحبتين بلدنا حبابها وما قدرت
تحياتي اخت هدى طيب التلاتة خطوات الفوق اختصرا ليك تضغطي بي يمين الماوس في نص الفيديو بتنزل معاك قائمة منسدلة اضغطي على العبارة المعلمة بالاصفر، كده بتكوني نسختي الكود ارجعي للبوست و اعملي paste او Control+V
في الكود بتاع الفيديو بتلقي "width = "834 "height = "1112
غيريهم ل "width = "800 "height = "560 وأمسحي الكود بتاع ال Centered or Left alignment او أعمليهو Right عشان مساحة الفيديو تكون مناسبة للصفحة وما تفتل الصقحة.
11-04-2021, 03:16 AM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4649
شكرا ليك أخ بكرى- والله اتلحت الجماعة هنا وهم مشكورين ماقصروا لما إتعلمت . زمان ما كان عندى كيبورد عربى فكرت قلت بس أكتب بخط يدى (وخطى شوية ما شين) وأصور والصق لكن برضه علقت لما اتعلمت أكتب سريع بالعربى
يا باشمهندس إنت من كثرة ما شاطر عملت المنبر كله وملحقاته - أنا كيفية رفع الصور والڤيديو فيه الا بالمساعدة.
11-04-2021, 03:22 AM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4649
حمد الله على السلامة حاولي اعملي براكتسنق على الفيديو من اليوتيوب حتحتاجي لطريقة رفع الفيديو من الفيسبوك و من الواتس و وسائط أخرى و رفع فيديو MP4 لليوتيوب للأخيرة دي اعملي ليك قناة في اليوتيوب الشغلانة دي باخد الشيك من الباشمهندي بكري :)
11-04-2021, 04:29 AM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4649
الحبيبة هدى ميرغني ما شاء الله عليكي يا هدي ...لانك فهمت.شرح رفع الصور للمنبر من اول وهلة نحن شرحوا لينا الحكاية دي اكثر من ١٠٠ مرة ولهسع ما بنفهم اي شئ في كيفية رفع الصور ..... حاجة واحدة فهمناها وهي رفع الاغاني من اليوتوب للمنبر العام.... لكن اصعب حاجة هي ان تصوري احداث حاصلة قدامك بكاميرا وتنزليها هنا في المنبر العام....دي من المستحيلات الاربعة....وكنت مستغربة عضو المنبر كوستاوي كان بيصور شوارع واشنطن بكاميرا وينزلها في المنبر العام... معلوماتنا التكنلوجية صفر....
11-04-2021, 12:32 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4649
اتلحت الجماعة هنا لما علمونى وليهم التقدير ما قصروا
والتحية لنساء السودان الصامدات المناضلات فى كل الجهات •••• أنسانة ابسط ما يقال تمشي وما بتطأطي ما بين بير وشاطي تطلع عالي واطي
نهارها مع السواقي وليلها مع الطواقي وعمرها للجهال —— والمعركة الدارت تصلصل بسيوفها وبالحراب والعلاقة البينو بين الغابة والهبابة والربابة والمنديل ومجرى النيل وضلفة باب وبكية طفلة في الكتّاب تفتش عن قلم رصاص وقع في الباص ——— وحس رصاص هدر في ناحية فيها العيش حكر للجيش بتاكل من زمن مافيش وتشرب من زمن مافيش وكان اضراب
11-04-2021, 12:35 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4649
أنا عمك العجوز ارنست .. السوداني العجوز ,, هذه أول مداخله مع حضرتك .. ولي الشرف أن أكتب لك هذه الكلمات لأشكرك ,, لأنني حاولت عدة مرات تنزيل نشيد الفنان الجميل الأصيل محمد الأمين .. نشيد " ملحمة أكتوبر " .. وفشلت عدة مرات .. وحينها وجدت البوست الذي تطلبين فيه كيفية تنزيل اليوتيوب .. عندها تتبعت ردود الأحباء الذين بذلوا جهدهم الكريم لكيما يعرفونا الطريقه الصحيحه للتنزيل .. والحمد لله تعلمت منهم .. شكراً مره أخرى لحضرتك يا هدى .. الرب يبارك حياتك ..
وهنا وجب عليّ أن أهدي لك هذه الملحمه ..
عمك العجوز ,. ارنست
11-04-2021, 02:25 PM
اسامه العريفي اسامه العريفي
تاريخ التسجيل: 02-28-2014
مجموع المشاركات: 754
سلام عليكم اخت هدى ومرحب بيك نقل الصور و الفيدوهات من الفيس مثلا نقل فيديو أو صورة من الفيس للمنبر في ... 3 نقاط في الركن الاعلي الايمن تضغطي عليها بيظهر خيارات من بينهاEmbed تضغطي علي خيار Embed و تظللي المستطيل البتظهر في بدايته iframe > وتعملي كوبي و تجي تلصقي في مداخلتك في المنبر ( تجاهلي السهم الماشي على Advanced Settings)
بالنسبة للملفات الصوتية في مواقع مثل https://soundcloud.comhttps://soundcloud.com. بترفع الملف الصوتي في الموقع اسفل الملف الصوتي بتضغط على المربع الفي النص حيث يشير السهم👇 بتضغط على Embed المشار لها بالسهم👇 تظلل الكود كله و تعمل كوبي و بيست في البوست كما يمكن التحكم في الطول و العرض لو لاحظتو في الصورة ادناه حتي يناسب البوست و ما يفتلوا. ... .. .
11-04-2021, 03:34 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4649
التحية والشكر ياسر- نساء السودان زى الضوء يا ياسر يلفحن العباية، الطرحة أو الثوب وإلى شوارع الثورة القدم بالقدم مع أخوانهن، أبائهن ،وأبنائهن بشجاعة مماثلة سيسجلها التأريخ كأعظم البطولات السلمية- لهم التحية أجمعين. الشكر أيضا للمناضلة التونسية مها الجوينى وحديثها القوى المعنى مع رقة التعبير.
العسكر ما بتفهم العسكر ماجورة
11-04-2021, 07:24 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4649
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هدى ميرغنى
ABUHUSSEIN
حامد عبدالله
خضر الطيب
علاء سيداحمد
بكرى ابوبكر
Hafiz Bashir
بسمات الشيخ
Sudany Agouz
اسامه العريفي
Nasser Amin
Yasir Elsharif
فيس بوك
تويتر
انستقرام
يوتيوب
بنتيريست