|
Re: كامل اديس (Re: كمال عباس)
|
كامل ادريس عندو فضيحة تزوير في شهادة. وهذا انتهازي كامل الدسم.
محمد حسين ابو صالح كان متحدث في اعتصام القصر " الموز". وهو كوز كامل الدسم.
نحن رئيس وزرائنا حمدوك وبس فك الله اسره و اسر السودان. * العايز أدلة موجودة
| |
|
|
|
|
|
|
Re: كامل اديس (Re: كمال عباس)
|
بعد ضغوط من امريكا وفرنسا والمانيا ،اضطر البرهان وحميدتي اطلاق سراح حمدوك من الاقامة الجبرية ،،،والان قاعدين يحنسوهو عشان يقبل يكون رئيس وزراء الحكومة الحيشكلها البرهان وحميدتي من التوكنوقراط المستقلين ،،،لكن حمدوك رافض وقال ليهم انا البعين الوزراء وما انتو .....ولسع الساقية مدورة...
| |
|
|
|
|
|
|
Re: كامل اديس (Re: بسمات الشيخ)
|
دكتور كامل ادريس شخصية متوازنة وعالم وقانوني كبير وله علاقات دولية رفيعة نتمنى أن يكون حمدوك هو الذي يختاره ومثلهما شرفاء كثيرون همهم الوطن الغالي وخبرات رفيعة عبر العالم
| |
|
|
|
|
|
|
Re: كامل اديس (Re: د عبد الرحيم عبد الحليم)
|
Quote: دكتور كامل ادريس شخصية متوازنة وعالم وقانوني كبير وله علاقات دولية رفيعة نتمنى أن يكون حمدوك هو الذي يختاره ومثلهما شرفاء كثيرون همهم الوطن الغالي وخبرات رفيعة عبر العالم
|
لو بالوصف دا ما اظن يشارك عصابة تورطت في مذابح و ما زالت و اختطفت رئيس شرعي.
كامل ادريس متهم في تزوير شهادة ميلاد و الكلام دا كان مثار و بجيب المصدر و سياق الخبر من موقع و الكلام دا قبل سنين.
| |
|
|
|
|
|
|
Re: كامل اديس (Re: Nasser Amin)
|
كامل ادريس جاء السودان أيام ثورة ديسمبر وبدل يمشي للثوار في الاعتصام مشى قابل ناس المجلس العسكري الوقت داك ما كان في زول راضي يقابلهم
| |
|
|
|
|
|
|
Re: كامل اديس (Re: أحمد محمد عمر)
|
كامل إدريس مزور وإنتهازي، لن يقبل به أحد. التوم هجو ينظر إليه أغلب الناس بإسهتار وليس له أدني قبول وسط الشعب بكل فئاته. حمدوك لا أظن أنه سيقبل رغم الضغوط الكثيرة عليه داخلياً وخارجياً. مبارك الفاضل لا قبول له لا في الشارع ولا وسط الأنصار اللهم إلا محمد عادل. عبدالرحمن الصادق المهدي رغم أنه كان جزءاً من النظام البائد إلا أنه قد يجد قبول من بعض الأنصار. المشكلة إنو عبد الرحمن الصادق قد يقبل إذا عرض عليه المنصب.
| |
|
|
|
|
|
|
Re: كامل اديس (Re: Hafiz Bashir)
|
شكرا للجميع للمداخلة و المتاوقة
لكن يا حبيبنا حافظ ناس حميتي ديل ما خليت ليهم اي خيارات اخري
طيب خليهم يستعينوا بجماعة كوبر امكن يلقوا عندهم الحل هههههه
| |
|
|
|
|
|
|
Re: كامل اديس (Re: بسمات الشيخ)
|
حبيبنا .. السلام عليك وعلى الجميع
نقول
حمدوووووووك وبس
....
ثم اتوقع التشكيلة بتاعة ( بهدلونا ) على وزن برشلونا
اتوقع خلطة من ومطعمة ببعض الحركات المسلحة ..
| |
|
|
|
|
|
|
Re: كامل اديس (Re: أحمد محمد عمر)
|
واضح للكل انو الحثالة الحقير البرهان درق سيدو حمرتي، مالاقي ناس!!!
لولاحظتو ليهو، المخلوق ده غريب جدا جدا، بياخد كل شئ بي صورة شخصية، وهذا يثبت انو بعاني من مركب نقص متجذر جواهو!!
ماتعرف زي ديل جونا مقلعين من وين!!!!
معقولة واحد زي حمرتي واخوهو الاهبل، يعتلو عرش ترهاقا؟
معقولة؟
| |
|
|
|
|
|
|
Re: كامل اديس (Re: Bashasha)
|
ما فرقت .... كامل إدريس أو غيره ... ما مفروض يكون موضوعنا منو حيكون رئيس وزراء إنقلابي ... موضوعنا هو الإنقلاب في روحو، وأي واحد يقبل يشتغل مع الناس ديل مرفوض، حتى لو كان حمدوك.
| |
|
|
|
|
|
|
Re: كامل اديس (Re: محمد أبوالعزائم أبوالريش)
|
Quote: ما فرقت .... كامل إدريس أو غيره |
فرقت يا حبيبنا تسريب اسم كامل ادريس لجس نبض الشارع هو الخلاهو يشرد من الوزارة ويعلن انحيازه للشارع كامل ادريس خلال الأيام الفاتو ديل شغال حظر تلفونات بس، أي زول برسل ليه بالواتساب بحظره لقى كمية هجوم بتخوف أي زول تاني من المنصب دة، وبتفضي تربيزة البرهان من الترشيحات وتخليهو لافي كدة مافي زول راضي يتضامن معاهو
| |
|
|
|
|
|
|
|