ما عليها ايييي خوف وشباب الثوره عبروا .. الساده الاحزاب والوزراء والمسئولين… اووووعكم تظنوا ان الشارع دا طالع عشان خاطركم.. الشارع دا بيطلع عشان ثورته هو وعشان وطنه وبيعتبر دا الهدف الاساسي البيجمع بينكم وبينو .. وبيسندكم بي قوته دى عشان تعبرو عنه فى مناصبكم واماكنكم بذات القوة.. عشان تشتغلوا صاح وتعرفوا وراكم شعب.. صابر ما حبا فيكم لكن عنده امل انك تمشوا قدام.. الما قادر ما يضيع زمن الناس وجهدهم واكرم ليه يمشى بيتو.. نحن القبلنا نخلى العساكر يشاركونا ماهم القبلو بينا نحن اصحاب الحق واصحاب الفضل الكلام دا لازم يكون واضح ليكم انتو اولا وتفهموهم ليه.
الضعيف فى مجلس السياده يمشى العساكر مستغلين الضعف دا.. القصه ما مجاملات. السجمان فى الوزارة يمشى. القصه ما مناصب.. هياكل السلطه الناقصه تتكمل ما تقولو العساكر رافضين انتو المستندين على الشعب وانتو الاقوى.. عاوزين جداول واضحه لعمل الفترة الانتقالية عاوزين جداول واضحه لاكمال الهياكل عاوزين جداول واضحه للدمج واعادة التسريح لكل الحركات والملايش والجنجويد واعادة هيكلة الجيش عاوزين شفافيه كامله لكل البيحصل عاوزين الشباب يكملوا البناء القاعدي ويكونوا اغلبية البرلمان هم اليختاروا المندوبين البيمثلوهم. عاوزين كلام واضح فى قضية فض الاعتصام التحقيقات وصلت وين و الحيحصل شنو عاوزين كلام واضح وصريح عن الالغام والتحريضات البيضعوها ضباط المجلس الانتقالى عشان يعطلوا البلد ويعطلوا نقل السلطه للمدنيين. عاوزين سيطرة رئيس الوزراء التامه على كل الوزراء بما فيهم وزراء القطاع الامنى. عاوزين اعادة كل الشركات الامنية والعسكرية لولاية وزارة الماليه اي وزير او مسئول ما عاوز يشتغل مع الناس يستقيل والما عاوز يستقيل يقال كائنا من كان.. ماعندنا زمن للصراعات والمناقرات والاجنده الفارغه. عاوزين برنامج سلام وطنى شامل وحقيقي اجتماعى وسياسي وثقافى العاوزنو كتير.. الح يتولى المسئوليه يا يكون قدر توقعات الناس ومطالبم يا يتخارج .. شباب الثورة الجابوكم وصبروا عليكم قادرين يشيلوكم بذات الشوارع و يجيبو غيركم الثورة عبرت على السياسيين ان يعبروا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير ابو الزهراء
فيس بوك
تويتر
انستقرام
يوتيوب
بنتيريست