|
|
 Re: لماذا تدعم أمريكا الانتقال الديمقراطي في (Re: Hassan Farah)
|
طيب يا ود التاج اصلو بوستاتك الخارم بارم دي الواحد ممكن ينظر فيها بارتياح
أولا لنتفق انو امريكا ما والدانا و ناسيانا, باختصار ما مسؤولة عننا لتعمل لنا واجبنا, و الشي التاني انو امريكا كمؤسسات مصالحها العليا اهم لها من اي شي بما فيها قيم الديمقراطية والحرية - للآخرين.
طيب نمشي خطوة, هل لأمريكا مصالح في السودان: الاجابة نعم كبيرة, الآن و مستقبلا
حضرت فيديو لدكتور ابو صالح تحدث فيه عن هدف استراتيجي لامريكا لرفع الناتج القومي في 2030 لحوالي ثلاثين ترليون - حاليا في حدود عشرين - واحد وعشرين. و لأفريقيا نصيب كبير في هذه الاستراتيجية
طيب ماذا اتخذت امريكا من خطوات:
- انشأت اكبر سفارة لها في الخرطوم, طبعا ليست سفارة فقط بل مركز استراتيجي كامل.
- قررت نقل مقر قيادة الأفريكوم للسودان.
اكيد للخطوتين ديل دلالات مهمة وكبيرة, مع ملاحظة انو السفارة مثلا انشات في عهد الانقاذ الكانت امريكا مقاطعاها ومعاقباها بقوانين مخفضة التمثيل لدرجة قائم بالاعمال, يعني تخطيط امريكا للسودان استراتيجي و ما ليه علاقة بالوضع السياسي الآن.
- هل السودان مستهدف من قبل منافستي امريكا الصين و روسيا, الاجابة نعم
- هل السودان مسنهدف من المحور الداعم للاخوان المسلمين و من التنظيم العالمي, الاجابة نعم
طيب مداخل الجماعة ديل للسودان شنو: العسكر و الفساد و كيزان السودان.
يبقى ببساطة كدا وبتسطيح مخل دون التعمق في الفاصيل امريكا اختارت تدعم التحول البديها يدها في الصراع, وتعاملت مع العسكر بالعصا و العين الحمراء و التهديد بالعقوبات الفردية و غيرها
طيب يثور هنا سؤالين
لو انعسكت الآية و كانت أدارة العسكر للموضوع بذكاء, و طردوا الروس و مالوا نحو امريكا من اول يوم هل كانت ستنعكس الآية! ل اعتقد لسبب رئيس انو الجنجويد وضعهم دا بسبب حرج لأمريكا المؤسسات, الكانت طوال الفترة الفاتت تدعم دارفور و ضحاياها و المجتمع الاسود الامريكي وقف وقفة قوية معهم.
السؤال التاني: هل تدعم امريكا تحول ديمقراطي قد يسود فيه البعث و لشيوعي و التيارات المناوئة لامريكا بشكل ايديولوجي! دي بخليها لفطنتك :)
| |
  
|
|
|
|
عمر التاج
علاء سيداحمد
Hassan Farah
محمد البشرى الخضر
فيس بوك
تويتر
انستقرام
يوتيوب
بنتيريست