|
Re: المبدع ابو عبيدة حسن في ذمة الله (Re: HAIDER ALZAIN)
|
خبر محزن ، في الحقيقة حالته ظلت متدهورة من بداية التسعينات
وهو فنان ولا مهنة اخري يجيدها سوي الغناء في وقت
كان يتسيده فنانوا الطبقات الطفيلية والمنكتتاية خالص التعازي لاسرته بالحارة 24 الثورة
وكل الجيل المعاصر لايام مجده في السبعينات والثمانينات
| |
|
|
|
|
|
|
Re: المبدع ابو عبيدة حسن في ذمة الله (Re: نعمات عماد)
|
اللهم ارحمه و اغفر له اللهم نقه من الذنوب كما ينقى الثوب الابيض من الدنس اللهم تجاوز عن سيئاته و ابدلها له حسنات اللهم تقبل صالح اعماله و ضاعف له حسناته اللهم احعل قبره روضة من رياض الجنة اللهم انزله منزلة الصديقين و الشهداء و حسن اولئك رفيقا
احسن الله عزائكم اخونا ود البوش
| |
|
|
|
|
|
|
Re: المبدع ابو عبيدة حسن في ذمة الله (Re: عبدالله ود البوش)
|
ربنا يرحمه ويحسن إليه ويتقبله
الإنسان الفنان أطيب وأكرم من مشى على الأرض
واكتر انسان اتعذب وعانى وتعب عاني وقاسى من النكران والإهمال والتجاهل
ابو عبيدة كان في يوم من الأيام بكون محجوز لتلاتة حفلات في اليوم الواحد وخيره كان عميم لكل الناس
نفس الناس النسوه وتجاهلوه وهو في أشد الحاجة ليهم نفس الناس الكانو بتمنو منه ولو كلمة واحدة
ارتحت والله يا أبا عبيدة من هذه الدنيا التافهة وناسها الاتفه
| |
|
|
|
|
|
|
Re: المبدع ابو عبيدة حسن في ذمة الله (Re: محمد نجيب عبدا لرحيم)
|
Quote:
🇸🇩 شبكة السودان نيوز 🇸🇩📢
مات قبل (٤٨) ساعة من رحوله لمنزله الجديد أربعة فنانين فقط يشاركون في تشييع زميلهم الفنان أبو عبيده حسن
محمد الطيب الأمين
قبل أيام اصطحبنا أبونا الفنان الراحل أبو عبيدة حسن إلى إحدي المستشفيات بالخرطوم وكنا نحمله على الكرسي لإجراء فحوصات (سكري وضغط وسمع وشوف) وعندما سألتني الدكتورة عن (الحساب) قلت ليها (تبع السفارة التركية). أقسم بالله كنت بقول ليها (تبع السفارة التركية) وأنا خجلان ومنكسر ومحبط. فنان (سوداني) قاعد جوة (السودان) بتعالجو السفارة (التركية) !! عار والله. والحمدلله لقد قلتها للسفير التركي في وشو عندما زار أبو عبيدة حسن في منزله قبل شهور ، قلت ليهو يا سعادتك نحن سعداء بزيارتك لكان كنا ح نكون أسعد لو الزيارة دي جات من مسؤول سوداني . نحن ما بنحسد زول والأرزاق بيد الله لكن في الوقت البيكونوا فيهو الفنانين بياكلوا في صاج السمك وأولاد أم درمان وبرج الفاتح كان أبو عبيدة حسن يجلس في موقف مواصلات سوق صابرين ويضع أمامه (شوال خيش) ويعزف بالربابة ويتصدق له المارة بالعشرين والخمسين جنيه. عشان يشتري (سلطة) و(قطرة عيون) . قال لي داير لي (جوز بتاع حجر بطارية أشغل بيهو الرادي). قال لي (أنا عندي جلابيتين وشبشب) . قال وقف (قطرة العيون لأنها بقت بألف جنيه). أكثر من ١٠ سنين وأبو عبيدة حسن يسكن في منزل ما فيهو كهرباء. الدكتورة قالت لينا الأستاذ ده بنديهو (سماعات سمع) لكن لازم الناس تتونس معاهو ولازم يتكلم ، قلت ليها لكن هو ساكن في حتة ما فيها ناس تقريباً. ما تتخيل الراحل ده كان بفرح كيف لما يمشي ليهو زول زيارة في البيت. مات اليوم أبو عبيده حسن وتم الدفن بمقابر أحمد شريف. مات وقد شارك في التشييع أربعة فنانين فقط (عوض الكريم عبد الله وكمال ترباس وحسن شرف الدين ونجم الدين الفاضل). أي والله. أربعة فنانين فقط. لا وزير ولا مسؤول. وقد ضرب فينا سعادة السفير التركي مشاعر كبيرة وهو يحضر إلى المقابر ويشارك في التشييع. السفير التركي حضر التشييع ولك أن تتخيل. الصباح اتصلت علي الأستاذة غيداء من مكتب السفير مؤكدة (السفير جاي المقابر). قلت مستحيل. والناس بتدفن حضر السفير. سبحان الله. أجنبي .. لا استرزق من اغنية (والله ما رضيناها ليك) ولا استفاد من (عقد الجواهر). جاء المقابر. والفنانين الكبار والشباب ربما (الشمس ما بتنفع معاهم). المهم. مات أبو عبيدة حسن في (حوادث مستشفى أم درمان). مات فقيراً في بلد يتراوح فيها عداد الفنان ما بين (٥٠٠ مليون إلى مليار ونصف). اوصتنا الدكتورة قبل أيام وهي تقول : خلوا الأستاذ يأكل فواكه باستمرار. مسكينة لا تدري أن الراحل يهلل ويفرح عندما يرى (الطماطم). أبو عبيدة الذي عانى من السكري والله العظيم مرات كتيرة ما بلقى الياكلو يوم كامل . مات عيان وجيعان والفنانين والفنانات (يلمون القروش من تحت أقدامهم مثل وسخ البيوت). كان من المنتظر أن يرحل الراحل إلى منزله الجديد صباح السبت القادم ولكن اختاره الله لجواره. ما ع
|
عزالدين عباس الفحل ابوظبي
| |
|
|
|
|
|
|
|