تجربة سفر مريرة بمطار الخرطوم:جمهورية بوليس السودان اللاديمقراطية

Quote: يعني شنوا السفر من أمريكا بجواز أمريكي ودخول السودان بجوازات سودانية؟؟

Quote: نعم يا دينق لفتت انتباهي هذه النقطة الغير مفهومة واحد معاهو الجواز الأمريكي سبب واحد يخليهو يسافر بالجواز السوداني مافي الزول دا بتاع لولوة

Quote: اغلقوا هذه السفارات ،بل اغلقوا وزارة الخارجية ذاتها ما دام وزارة الداخلية ما بتعترف بتجديد جوازات السفر من قبل تلك السفارات الاصلها هي كسيحة وما منها فايدة ...ووفروا العملات الصعبة التي تصرف على جيش العاطلين في تلك السفارات الذين يتفننون في تعذيب المهاجرين والمغتربين

Quote: واحد معاهو الجواز الأمريكي سبب واحد يخليهو يسافر بالجواز السوداني مافي الزول دا بتاع لولوة

Quote: يعني شنوا السفر من أمريكا بجواز أمريكي ودخول السودان بجوازات سودانية؟؟ ما لقيت اجابة حتي الان مقنعة

Quote: في " بعض " الناس بتمشي بالجواز السوداني عشان تتفادى رسوم التأشيرة وهي في حدود كم وخمسين دولار، ورسوم تسجيل الأجانب وهو مبلغ أقل من ذلك بكثير لكن لمن يمشوا هناك بيدفعوا تمن الجلدنة دي مضاعف بالعراقيل والعقبات التي تواجههم دي زي عينة النوعية البقول ليك أنا أمشي أركب من نيويورك لأنو التذكرة من هناك أرخص :) ويقوم يكلف واحد صاحبو عشان يوديهو سواقة 5-6 ساعات أو أكتر من المدينة الهو الساكن فيها نيويورك، وبعدين يدق ليهو في الرجعة برضو وده هنا طبعاً لا حاسب تعب المشوار ـ ولا راحة البال ـ ولا حتى كلفة البنزين ولا عدد الساعات الرايحة منو ـ

Quote: مرحب دينق وخضر غالباً أحد سببين في السفر في حالة طارئة ولو في ولاية بعيدة عن واشنطن ممكن ما تلقى تأشيرة للسودان ده لو ما رسلت جوازك للسفارة ممكن يجيك متأخر أو جوازك يروح ، لو ما عندك بطاقة الأجانب أو منتهية الصلاحيةالتأشيرة في المطار أعتقدبي 300 دولار

Quote: طبيعي جدا الناس تسافر بالجواز السوداني وما فيها جلدنة ولا حاجة بل من حقهم وليس منحة من احد التأشيرة بي 54 دولار للامريكان من اصل سوداني + رسوم المظروف بتعمل زي 60 دولار ولاسرة مكونة من خمسة افراد تكاليف التاشيرات بتفوت الـ 230 دولار والمبلغ دا بيعادل اكتر من 100 مليون جنيه سوداني واذا علمت ان راتب البرفيسيور في الجامعة لا يتعدى 40 مليون والمعاش لسه تلاتة ملايين جنيه ما بتستهين بهذا المبلغ يعني ممكن تشتري ليك 25 ظرف وتضع في كل ظرف مبلغ 4 ملايين وتوزعها على الفقراء من الاقارب والجيران وتسافر عادي بالجواز السوداني وهل تصدق لسه في ناس بتفتخر تسافر بالجواز السوداني؟ وبعدين مسألة السفر من المطارات الكبيرة دي مافيها شيء خصوصا بتوفر مبالغ كبيرة ومحترمة في فرق اسعار التذكر, وممكن تنفعك لي قدام ولو ما محتاج ممكن توزعها على الفقرا والمساكين حسب المعادلة اعلاه وصحبك يوديك دي برضو حاجة كويس وما فيها اي تكاليف, ولو الواحد ما لقى ليه زول يوديه دا معناها علاقاتو الاجتماعية محتاجة مراجعة عادي الليلة يودوك المطار وبكره بتودي المطار

Quote: سلام خضر وبقية المتداخلين عبارتك دي محاولة بائسة لتجريم الضحية عمايل الضباط معروفة ومقصودة هي اجبار المواطنين على دفع الرشاوي في مية سبب امير يعمل كدا منها: امير حامل جوازين ومن حقو يدخل باي جواز, الغلط هنا وين؟ نحن سودانيين ابناء هذه البلد ليه نعمل تأشيرة عشان ندخل بلدنا؟ ليه نسجل في الاجانب عند قدومنا الى بلدنا؟ دا غير الضرائب الدفعناها للبلد والخدمة المدنية الاشتغلناها والخدمة العسكرية الاديناها وبعد دا كلو تقول بتاعين لولوة ؟!! كل اللولوة دي من العساكر وانت عارف كدا كويس وحمدوكك عارف كدا كويس وعامل غمران كلنا بنعمل كدا ودا الصاح ندخل بالجواز السوداني ونطلع بالامريكي ندخل بالسوداني حق وليس مكرمة اما الخروج بالجواز الامريكي معلوم , لازم تبثت انت امريكي عشان يسمح لك بالدخول

Quote: و عليكم باستخراج جواز جديد في خلال زيارتكم للسودان ..