الحفله من خلفيتها وزمنها يبدو انها فى جامعه من الجامعات -غالبا الجناح الحنوبى اوالجناح الغربى - (تتذكر موضوع النظافه وحاله حرم جامعى مترديه وارجعتو لمشكله وعى فى مؤسسه مفروض تكون منارة وعى) الفن خاصه بعد الثوره انتظرنا يوثق ويعبىء وويساهم فى دعم السلام الاجتماعى والوحده الوطنيه وبقيه قضايا الثوره دا غير الحلم بالمستقبل لكن وين الفن فى حاله انحطط وهبوط زمن فن القونات والمخنثين يقودوواستمرار تخريب وتخدير احساس ووعى الشباب فى الخصوص بواسطه النماذج دى اين الفن والمبدعين من ثوره ديسمبر ؟؟اين الفن والمبدعين من ثوره ديسمبر ؟؟
08-07-2021, 11:37 AM
عمر التاج عمر التاج
تاريخ التسجيل: 02-08-2008
مجموع المشاركات: 3428
الشى ده يا عاصم والله لأول مره اسمع به عرفت بأنه حا يحي حفلات راب في الخرطوم.. ودعايات وجمهور غفير واستقبال وقفل شوارع وبتاع .. قلت الشاب ربما فلته جديدة أو قديمه نحن ما جايبين خبره .. اليوم طالعتني الصور والانحطاط ده .. وسمعت فقره من اغانيه ، في الرابط أدناه https://www.facebook.com/6a3meya/videos/896653191236437/ غايتو مافهمت اي حاجة.. الفهم الاغنيه يفهمنا الشاب ده بيقول في شنو وهب هذا نوع جديد من الغناء ول متحور ول شنو أنا غايتو ما كنت مقتنع بغناء المصريين الجديد بتاع المهرجانات ده .. بشوف الفن وكل الفن في اغاني ام كلثوم وإيهاب توفيق وشيرين.. ولما عرفت انه في فنان اسمه شاكوش وعنده معجبين في السودان .. اسقط في ذوقي ..
08-11-2021, 10:03 PM
Asim Ali Asim Ali
تاريخ التسجيل: 01-25-2017
مجموع المشاركات: 13493
حفله شاكوش ماوجدت حضور يملا الكراسى يمكن عشان سعر التذكره العالى
الفنان خالد زنقولا ود امزاد الحفله كانت فى المكتبه القبطيه (التذكره 500جنيه بس) مزيد من خلفيه الزول دا فيديو ظهر ليهو قبل فتره اتذكر انتبهت ليهو الوقت داك لانو كانت الممثله والفنانه المصريه بشرى طرف فيهو سودانى من ام مصريه يبدوفيهو انو محب للموسيقى والفن لكن ستايل ظهورو واختياراتو حاجه كدا زى كلام المساطيل
08-11-2021, 10:38 PM
زهير عثمان حمد زهير عثمان حمد
تاريخ التسجيل: 08-07-2006
مجموع المشاركات: 8273
Website Contact سودانيات بملابس فاضحة يرقصن مع حسن شاكوش في الخرطوم يشعلن فيسبوك
قبل ٠ دقيقة / معتصم السر / سودارس : أخبار السودان على مدار الساعة تداول ناشطون بمنصات التواصل الإجتماعي مقطع فيديو ظهر من خلاله مجموعة من السودانيات بملابس فاضحة وشبه عارية وهن يرقصن في حفل الفنان المصري حسن شاكوش الذي أقامه مؤخراً في الخرطوم. وبحسب متابعات محرر موقع النيلين فقد تفاعل الجمهور السوداني مع رقص حسن شاكوش وشاركوه بالرقص حيث قال أنه سعيد بين أهله في (...)
08-12-2021, 09:07 PM
عمر التاج عمر التاج
تاريخ التسجيل: 02-08-2008
مجموع المشاركات: 3428
لكن يبقى انو الحفل لمفروضيكون فيهو حضور جماهيرى ضخم كما متوقع لفنان - (اجنبى) - احيانا حفلاتهم تكون فى ارض استاد لايكون موطىء قدم لواقف على قدميه (مقارنه بحضور حفل زنقولا رغم التحفظ على زنقولا برضو) المهم انو حفل زى ا ممكن نقول فشل -الا يكون شغال عداد فى حفلات اعراس مابعد العيد- يمكنيبعث على الارتياح انو زى نوع شاكوش لاتجد جماهيريه من الفيديوهات يبدوانو الحضور كان مقسم - فى اى بى جلستهم منظمه ترابيز كذا كرسى - وشعبى كراسى بس صوره لجانب القسم الشعبى
08-13-2021, 01:23 AM
Asim Ali Asim Ali
تاريخ التسجيل: 01-25-2017
مجموع المشاركات: 13493
كتب : عارفين ليه احنا فاشلين لانه فى زمننا ده احنا مفصول لى جيلين جيل قديم متشبث بى افكاره وجيل جديد بصارع من اجل افكار مختلفة لما فجأة يظهر ليك على الميديا فنان وشباب بى الالاف فى الميديا حضور وتشجيع ومحبة جيل كفر بى مبدأ انه الفضيلة موجودة فى الجلباب الطويل واللحية المنسدلة والعباية الجارة بى الارض وانت كأنسان عايش فى البلد اكتر من خمسين سنة وماعندك معرفة بى خصوصيات الجيل الجديد ده وبتنتقدهم بى كل ما تملك ،ممكن ما تكون منتبه لكن لو ركزت شوية حاتلقى ولدك او بتك مع الشباب ديل ، اعرف انك عايش فى مجتمع منفصم عن قاعدته لما اجهزة اعلام وقنوات تلفزيونية تكون بتقدم فى مواد اعلامية وماتلقى قبول ولا متابعة ، أعرف انه فى عقلية قديمة مسيطرة على الواقع وماراضية تفسح للجيل الجديد مساحة لذا ينفض الشباب عنها ويخلق مواعين جديدة لى ثقافته ويترك اجهزة الدولة تعانى الفشل والخسارة نفس العقلية الكانت بتحجم من الجيل الجديد وتصفه بالتافه والمنحل وجيل السيستم ،وبرغم كل النعوت ،فجر هذا الجيل اعظم ثورة فى تاريخ البشرية بالقيم والمبادئ والاحترام ،رغم انه لابس البنطلون الناصل وداقى سيستم ،بينما مدعى الفضيلة واصحاب الدقون تحوم حولهم شبهات الفساد واكل مال اليتيم هذا الجيل يزحف لى رسم خارطة بعيدة عن العقليات القديمة ،وحتما سيغير من واقعه لانه جيل لا يكذب كى يتجمل .. منقول ، قد نكون أبناء جيل تقليدي قديم ولا نلوم هذا الشاب ولا شاكوش ولا قونات الزمن ده الواحدة فيهم تغني بصدرها العاري وعجزها الصناعي، ولكني ألوم اباء خلفوا أجيال وجدت في التفاهة متعة وبرنامج.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر التاج
Asim Ali
زهير عثمان حمد
علي عبدالوهاب عثمان
بدر الدين الأمير
فيس بوك
تويتر
انستقرام
يوتيوب
بنتيريست