باقي برنامج مع تراجي والله اشتقنا ليها في البورد في مشكلة يا بريمة في الذهنية السودانية لمتعاطي السياسة في السودان من زمن الصاغ صلاح سالم لي دمبلاب بعتقد انه كائن غير قبل للنقد والمساءلة ولمن تفضح مخازيهم الموثقة جهة ما يسبو الفضحهم ولا يهتمو بي الفضيحة انا عايز صلاح ده يفت لينا الحزب الشيوعي يورينا علاقته بي المخابرات الاقليمية المصريةوالخليجة شنو .؟؟ السودان يحكم بحثالة اجتماعية سياسية من اول انقلاب لي اخر انقلاب نقطة سطر جديد وعلاقة السودان الشاذة مع مصر لازم تتراجع في الااعلام قدام الشعب السوداني كله وبي الوثائق
07-08-2021, 11:05 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
الأمارات ماسكا الملف السياسي ... بريطانيا الملف الإقتصادي ... .... إلخ .... والله مسؤليي الأمارات يسمعو كلامك دا إلا ينططو عيونن ويفنقلوها عدييييل .... 😃😃😃😃
والله ناس بره ديل خراطين بشكل عجيب ... دي زي تودي بولك لمعمل التحاليل ويكتبو ليك النتيجة بدون تحليل ويقولو ليك عندك إلتهاب في الكلى ويدوك أنتي بايوتك وبعد أسبوعين تحبس بول بفعل الحصاوي وتكون محتاج عملية ... (مصر) هي الدولة الوحيدة المتنفذة في السياسة والإقتصاد والاجتماعيات حتى الشوارع السودانية ولن تقوم لينا قايمه لو لم نستطع إيقافها عند حدودها زي ما قال الزعيم جقود ... السياسة جوا البلد هنا غييييير ....
07-08-2021, 12:30 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
ويا عثمان موسى صلاح البندر عنده كلام كتير . أدي نصو البحر لكن بعض كلاماته فيها فايدة. لكن أستغرب ليه طول السنوات بتاعة الإنقاذ دي الطاهر حسن التوم ما حصل استضافو زي الاستضافة دي؟؟؟
نشوف للآخر وباقي الفيديوهات. هو إسمه صلاح البندر أم آل بندر؟؟
07-08-2021, 01:50 PM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23053
Quote: دي زي تودي بولك لمعمل التحاليل ويكتبو ليكالنتيجة بدون تحليل ويقولو ليك عندك إلتهابفي الكلى ويدوك أنتي بايوتك وبعد أسبوعينتحبس بول بفعل الحصاوي وتكون محتاج عملية
و ل أبا ليك وحشة فردتي سليل الناظر أسوسة. مع تنويه بسيط جدن، أنو [شواز] غالباً تكون قاصد بها شُواظٌ من نارٍ، جمع[ شظية] هذا و العلم عند الله. ثم بعد إذنك أشيل الحتة الفوق دي من دفعتنا ود الزبير . عجبتني شديد و أكلت معاي أحلى جنبةو. يلا على نفس الرنة هاك الدخلة المترية دي، باقي شغلنا ملو متري. وريني شخة بولك بشخص أبو أهلك ظاتوعشان لازم تعرفو الزام جاي من وين عليك، و يا مهازل أسرحي و امرحي و بيضي و اصفري. يلا ماعلينا من ياس يسوس. ● دا واحد عمك كان مرة ماشي مطلِّش في ملجة بحري، قام وطا ليه قشرة موز..وقع كسر كوعو قام جاري لأقرب شفخانة قال للتمرجية: أنا داير أقابل الحكيم! التمرجية وسها يبنعى قفاها ، من آخر شلاضيما :ع ايزين منك عيّنة من بولك، لو سمحت !بيم الله لامن عمك زاتو ابنهط شديد: ~عشان شنو عينة البول!!.. و شنو دخل البولبكوع إيدي ثم التفت يحدث نفسه دي الظاهر خميرة عكننة من صباح الرحمن ولا شنو!! التمرجية معصّبة موبااالغة:~ يلا بكيفك يابوي، لازمن عينة بولك مع الرؤوم للدخول على دكتورنا دا النظام يا خوي إن عجبك مافي بول ..يعني كان شنو داك مافي كشف و لا علاج ، إلا بس تتستح تشخ لينا هنا! ●أخونا.. سلّم امرو لله و قال: يلا مافي مشكله على الأقل نلقى لبنا حتة نشر فيها؟ بدل ما ندفقو فوق ركبينا و سيقانا أو نكبو في أقرب كوشة و لا في حمامات موغف جاكسون و عليها (دفع) رسوم قبل الرفع وحاجات تانية حامياني كمان كمان. يلا بال و جاب ليهم عينة البول سلموها للدكتور. و بعد شوية ندهوهو. و لامن الحكيم شاف المريض ابتسم و قال: و اضح الضربه قوية .. بس تطمن كوعك سليم و ما في عوجة طب! و المريض مندهش: و كيف عرفت يا دكتوردا كوع؟!: أكيد الممرّضة قايلا ليك !! الدكتور: لا أبداً ياخي ، تحليل البول هو اللي نبين لبنا كوول حاجة . عندنا جهاز صيحة في عالم الطب. الحديس يلا هاك خد المرهم دا و أدهن منه كوعك و بعد أسبوع كدا تعال راجعني ( و ليك علي ، علا توريك كوعك من بوعك) وأووووعك كمان تاني تعصلك مع السسترة و لا تنسى تجيب عيّنة البول معاك و تكون في غرشة لتر ونص.
● الحاج رجع بيتو و في راسه خرتمية سًوعالّ حائرٍ و بالو مشغول باللختراعاو العجيبة دي و قال لأهل بيته عن الموضوع و قعدو يضحكو عليه وقالوليه دا نصب حُكماء و تمرجيات ساي ، مافيش حاجة اسما تحليل بول بكمبيوتر .بعد أسبوع زولك الكوع طاب مية مية و قرر يرجع للحرامية ديل. يلا واحد من شفعو اقترح عليه انهم ينصبو فخ لكشف شبكة الاحتيالات دي يلقنوها درساً سوف لن تنساه. ● قامو كلهم بالو في قزازة العينة كما "بالت حمارةُ فاستبالتْ أحمرةٌ أهليةٌ" الولد كب ليك شخة من بوله الأصفراني على حبة من بول الشويفعة أختو على جُغمة من بول أبوهم و ختو عليها شوية قدحة من زيت فرامل عربيتم و قام عمك شادي الرحال و شايل معاه (كوكتيل عينات البول) داك و يلا فللي على شفخانة الناس المهببين ديل .لقى الممرضه سلمها العينة الموقوتة! و قعد ينتظر و يراقب الموغف عن كثبٍ. بعد نص ساعه كدا تقريباً طلع الدكتور عرقو دا لمان سايل من سداغاتو و ماسك ليو ورقة نتيجة فحص طويلة ليها بداية ما ليها نهاية. قام عط المريض و سأل الحكيمبنبرة فيها حدة و تهكم : أها بشرنا يا حكيم الغغلة شن لقيتو فيالعينة!؟ لكن الدكتور رد التحية بأسوأ منها: و اضح يا عمنا إنو كوعك شُفي تمام التمام. بس ملاحظين في شوية نتائج غريبة كدا هنا!
● عمك بعدما تنفس الصُّعَداء تاني دنقر و نفسو قام فجأة: ~يعني شنو غريبة ياخي ! قالولو : يا عمك أهدأ شوية كدا و روق المنقة نفهِّمك : أولن لقينا في دمك دعكة صبغة يود خارشين ليك بيها قهوتك(نظام موت بطيء على نار خدرا و كدا)،و تاني هام و لدكم طلع موية من تحت تبن و بشم بلاوي..وكمان بالنسبة للأمورة الحلوة المحروسة شويفعكم المصوننقول ليها ألف ألف مبروك في الخامس، بس ياريت نعمل ليها ألترا ساوند و إن شاء الله يا رب تجيبو ضكر. و حتى لو نتاية ، برضو إن شاء الله من المستورات. بعدين ما تنسى يا عمك، كمان إنو عربيتكم القرمبعة الفارهة ، و لايمكن ركشة دي عايزة عمرة شنابر!
● أها من حيسو داك تاني أكان لاقاكم أي زول حايم بي هناك يلقط في قزاز العينات من الكوَش، دا طوالي تعرفوه بكون بس صاحبنا خلاس أنضم للعصابة إياها و بقى شعال لصالحم بالفايدة. يلا يا جماعة الخير عايزنكم تورونا بياض السنون و دامت حمايم المودة رسلَ أمنٍ و سلامٍ زاجلةً بيننا. ******((( ود الحيشان التلاتة)))****** مؤمنٌ ملدوغٌ من جُحرٍ مرتين و حالياً مؤذنٌ محجورٌ منزلياً بجزيرة مالطا!!
شكرا بریمة. اعتقد انو حوار مهم للغایة بغض النظر عن المتحاوران و ٱهدافهما. هناك العدید من الاسئلة المحیرة یمكننی علی ٱقل تقدیر ٱن ٱجد مدخل للاقتراب من الٳجابة علیها بعد استماعی لهذا الحوار. للوصول الی الحقائق اعتقد ٱنه یلزمنا ٱن نٱخذ المؤشرات و القرائن بحیادیة كاملة دون افكار مسبقة تؤثر فی تقییمنا للاحداث.
Quote: د. آل بندر .. يفجّر قنابل نووية وهايدروجينية
فعلاً صلاح البندر فجّر قنابل نووية وهادروجينية :
والله بالغت يا صلاح جلطة ياخ معقولة بريطانيا وامريكا يقدموا مشروع على طبق من ذهب لمصر فى السودان !؟ حولااااااااا ياخ دا واحد من الشارع ما عندو التكتح ما بيقول الكلام دا !!!
07-08-2021, 04:53 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
بدء البروف صلاح البندر عضو في البودر ,, العزيز ود الامير
Quote: وانت الصادق ياود فرح بل تشيع ودى الغطست حجرو من البحرين وطرد منها شر طرضة
الراي المسبق هو الخله الكديسة تقول للفار كتحتينا في نص البحر فعين السخط تبدي المساويا وعين الرضا عن كل عيب كليلة ,,,,
ياريت تعيد الاستماع لصلاح البندر من الأول بحيادية ,,, ستجد هنالك كثير من النقاط الواقعية التى يراها كل من يتابع الشأن السياسي من قرب ,, وحديث عن تقاسم الادوار الغربية في السودان مثلا ,, تجده جليا في مثلا في هذه النوعية من الاخبار ,
وفد عسكري أمريكي رفيع لهندسة توحيد الجيش السوداني
وقبلها زيارة قائد الافريكوم للسودان
ثم زيارة السفن الأمريكية (لاحظ تركيز الجانب العسكري ,, للان لا يوجد خطوات استثمارية اقتصادية مباشرة الا عبر زراع البنك الدولي)
في الجانب الإقتصادي لا حظ الدور الفرنسي في الموضوعات الأتية ,, غير مؤتمر باريس لاعفاء الديون (الممهد لجرنا لنادي باريس) تجد التداول الكثيف للاخبار الاقتصادية الفرنسية السودانية
Quote: في مجال العلاقات الاقتصادية يعتبر السودان الشريك التجاري الثالث لفرنسا في شرق أفريقيا بعد كينيا وأثيوبيا حيث تعمل شركات فرنسية في السودان في قطاعات البترول ، التعدين ، الإسمنت ، التوليد الكهربائي ، الزراعة وقطاع الصمغ العربي، والأدوية والدعم اللوجستي،
أما بريطاينا فهي مايسترو العلاقات الاستخبارية والارشيف الضخم في كيفية التعامل مع السودان لاحظ خبر زيارة مسؤل الترويكا الاوربية (روبرت فير ويدز) البتهيمن عليها بريطانيا للسودان بعد مبادرة حمدوك مباشرة والاعلان عن دعمها ,,
اما الإمارات والسعودية فهم مجرد _كلاب صيد لا يعملون خارج دائرة المصلحة الامريكية الصهيونية ,,, اما عن مصر فامريكا لا تعمل لصالح مصر وانما مصر تعمل لصالحها ضمن استراتجيتها في المنطقة ,, وهذا الدور منذ ما يعرف بالثورة التصحيحية في مصر في 15 مايو 1971م ومرورا باتفاقية كامب ديفيد 1979 يدفع امريكا و معها الصهيونية للعمل الاستراتيجي مع مصر وتحويلها لمخلبها في المنطقة بعد افراغها من اي امكانيات لمقاومة الوجود الامريكي او العودة لمعاداة اسرائيل ,, لذا تعمل امريكا لتمرير بعض المصالح المصرية في المنطقة ,,,
07-09-2021, 00:57 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23053
هوووي يا جماعة .. أنا في العنوان كتبت قنابل وشواظ (شكراً ول أبا ود الأصيل علي التصحيح) .. الأن جاتكم حمم وبراكين و lava "لافا" وتسونامي وتورنيديهوات ومضبّات هوائية رهيبة في الفيديو التالي .. الرجل طاح بالفأس بكلتي يديه الأثنين وطاااااااخ في راس الحلفاويين .. ووقع صقع في مو أبراهيم و حمدوك وحميدتي .. لكن الحزب الشيوعي طلع الحزب الذكي والمخ الذي فوق جميع أمخاخ الأرض .. وعيييك .. وود الأمير عينه ما تشوف إلا النور، مشعوذ شنو .. دا نيو لوك بعد مراهقة الخمسين .. قالوا الرجل لما يفوق الخمسين يتبجح ويسمن ويسوي له جضيمان لأحساسه بأنه قضي علي طموحات المدام من الأنفلات من قبضته .. وصاحبنا يبدو عليه وصلت المرحلة أو مرحلة أخري من مراحل "الأصالة" ..!
الفيديو لا تظنون أنه طويل .. المادة مكررة أكثر من ثلاثة مرات .. ما عارف المغزي شنو ..
في خلاصة الأمر .. تكون لي رأي .. الرجل فرعون .. ولكم أن تأخذوها بفهم من عينة فهم محتوي جملة "الفرعون محمد وردي" .. أو فرعون بتاع مصر رأسه عديل .. وأظن التوصيف الأول أولي بيد أن التوصيف الأخير له نصيب الأسد ..
----------------------------------- ول أبا محمد قاضي، سأل عنك الخير .. أخوك موجود لكن مهمش عندي مداخلة واحدة ..
ول أبا حبيبنا ود الأصيل .. تخلي الزول يقع من الكرسي .. ويفرفر .. يا أخي موتني بالضحك من فحص نتيجة عمك صاحب الكوع ..! دي سخرية تعبّر عن حال نظامنا الصحي بحالة .. يا أخي ذكرتنى بالمدام .. نحن تطعمنا من الكورونا والحمد الله .. وجاء للمدام أيميل طاير يقول لها .. لا تتطعمى أبداً أبداً أبداً ح تموتي بعد سنتين من التعطيم ..! أنا شايف المدام تغير مزاجها وساء حالها .. سألتها إن شاء الله خير؟ .. خفت يكون جاها خبر سيئ من السودان .. قالت لي أنا عارفاك في كل شيئ مستعجل .. حسي قتلتنا ولا ما قتلتنا؟! .. أنا رديت: قتلتكم كيف؟ قالت: قالوا أي زول تطعم يموت بعد سنتين بس! .. أنا قلت ليها: والله كتيرة من الله، ميتة مضمونة بعد سنتين ولا جحجهة المرض جاني جاني .. أها قالت:عرفت أنت عايز تتخلص مني .. وبكده .. حسي أنا في ورطة كل يوم وردة حمراء ومخطط أخر الأسبوع ح نمشي "البيتش" .. تصدق وتآمن ثلاثين سنة ما مشيت البيتش .. أخر مرة كان في اليونان وقت عمر الزهور ... حسي الصليب مرخرخ والكريشة متنبلة .. غايتو الواحد يخلي حمده في بطنه ..
بريمة
07-09-2021, 05:03 AM
adil amin adil amin
تاريخ التسجيل: 08-01-2002
مجموع المشاركات: 37151
Quote: ولن تقوم لينا قايمه لو لم نستطع إيقافها عند حدودها زي ما قال الزعيم جقود ...
شكرا حافظ بشير اللعبة كلهم فيها وانحلت من فوق سقط ترامب وسقط نتنياهو رهان قحت والجنرالات البائس علي المستوى الدولي طلع صفر وتلهث في الزمن الضايع تحت جذم المخابرات المصرية علي المستوي الاقاليم ايتام ترامب ونتنيايهو هم القرود الخمسة ديل مش مصر بس مصر السعودية الامارات دي محور وقطر تركيا محور وديل المدورين بي العراق وسوريا واليمن وليبيا و السودان بعد استنفذ البشير نفسه محور ايران سوريا لبنان حماس والادوات واحدة والمشروع واحد والنتائج واحدة زي ما قال انشتاين طبعا نجي في المستوي السوداني والعروبيين والمشوهين والمقاطيع في الجبهة الثورية ديل كوم والختمية والحركة الشعبية وعبدالواحد نور وجبهة الشرق كوم الوعي واضح بين العروبيين والمشوهين بعاعيت مايو+ ايتام الترابي والمحاصصة والتسكع غير المفيد وبين رؤية الحركة الشعبية التي لا تموت والقوي الوطنية السودانية (قوس) العودة لي دستور 1973 وقوانين 1974 وايضا دستور 2005 والمحكمة الدستورية ديل مفروض يجيهم حمدوك في هذه المرحلة اما لو عايز تفصيل موثق لتفاهة الانتقاليين وانسداد الافق بعد سقط ترامب وجا بايدين كتشنر الجديد ديل اعفص هنا الحصة نظافة !!!الحصة نظافة !!!
ورفع البوست لي خالك جقود ديل لا اذكي من انشتاين ولا جقود سروايل ساكت وشعوهم المتاصل بالدونية حيال مصر والعرب جيني ما قابل للعلاج ابدا عشان كده السودان عايز مهدية ثالثة
07-09-2021, 05:14 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: ستجد هنالك كثير من النقاط الواقعية التى يراها كل من يتابع الشأن السياسي من قرب ,, وحديث عن تقاسم الادوار الغربية في السودان مثلا ,, تجده جليا في مثلا في هذه النوعية من الاخبار ,
وفد عسكري أمريكي رفيع لهندسة توحيد الجيش السوداني
وقبلها زيارة قائد الافريكوم للسودان
ثم زيارة السفن الأمريكية (لاحظ تركيز الجانب العسكري ,, للان لا يوجد خطوات استثمارية اقتصادية مباشرة الا عبر زراع البنك الدولي)
في الجانب الإقتصادي لا حظ الدور الفرنسي في الموضوعات الأتية ,, غير مؤتمر باريس لاعفاء الديون (الممهد لجرنا لنادي باريس) تجد التداول الكثيف للاخبار الاقتصادية الفرنسية السودانية
سلمات يا عمار اخوي
النقاط الواقعية التى اشرت اليها انت والمقتبس اعلاه وقلت بأن البندر تحدث عنها : هذه النقاط معلومة وليس فيها جديد بل اكثر من هذا حميدتي تم تحجيمه ولذلك كان التباكي خلال الفترة الماضية والهرولة الى تركيا و اسرائيل للاستقواء بهما بعد تهميشه من الكفيلين ( بن زايد وبن سلمان ) . وسيدفع ثمن هرولته الى تركيا غالياً جداً ( من جانب بن زايد ) الحابس امواله وثرواته فى الامارات .
غير النقاط المعلومة هذه كوووووووووووووووووول كلامه كلام فض مجالس . الزول دا كيسو فاضى ماجاب جديد .
07-09-2021, 08:12 AM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 8924
صلاح بندر يتحدث وكأنه ملك الحقيقة المطلقة طريقة تناوله للموضوعات تكشف عن جهل مريع
فى القضايا السياسية يقول ان مجلس الوزراء مسيطر على الدولة واى متابع للسياسة يعرف الصراع بين العسكر فى مجلس السيادة ومجلس الوزراء ويعرف تأثير حميدتى وتأثير الحركات المسلحة وانقسام قوى الحرية والتغيير وانقسام تجمع المهنيين ونشاط بقايا الإنقاذ
من الناحية الاقتصادية يتحدث فقط عن سيطرة اسامة داؤد ومو ابراهيم وتجاهل دور شركات الجيش والامن في التاثير على الاقتصاد وتجاهل تجارة الذهب وتجاهل الاتجار بالعملة هل يسيطر اسامة داؤد على كل ذلك اذا أمتلك بنك فكم بنك اخر في السودان تحت سيطرة الاسلاميين والعسكر وحميدتى
البندر يقول ان هيكلة الجيش تتم فى البتاجون بإشراف لوكا بيونق أين تأثير القيادات العسكرية العليا برهان وكباشي أين تأثير قوات الدعم السريع أين دور الحركات المسلحة أين دور الالاف من الضباط الاسلاميين فى الجيش البندر زول موهوم ومتضخم الذات لدرجة مرضية
07-09-2021, 09:31 AM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 8924
يامحمد سيد احمد فى تحليل العبقرى الندر ان ظهور اسامة داوود في لقاء البرهان مع محمد بن زايد وعشان يثبت قصة المؤامرة الكونية على السودان ان البرهان كان لابس بدلة واسامة كان لابس قميص نص كم عشان يهين البرهان طيب مابرضو كدا اهان محمد بن زايد والقاصى والدانى بعرف ان اسامة داوود مابلبس غير قمصان نص كم ومابحب الظهور في الميديا اما اسرار مو ابراهيم يبدو لى كلها عند البندر حتى دخوله وخروجه من الحمام وزى ماقلت من قبل المشعوذ دا واهم نفسو انو عندو هدهد سليمان وحديثة عن المؤتمر الكبير لعملو فى لندن للانتفاضات السودانية الذى دقس فيه وقتها الشاعر الكبير محمد المكى ابراهيم وقد هاجمت وقتها هنا في المنبر محمد المكى على مشاركته الغريب ود المكى رد على هجومى عليه هنا برسالة نشرها صديقنا عضو المنبر مسعود وكانت عبارة عن شتايم شخصية اقرب للبذاءة زى وصفى بضبان العسل وقد علق وقتها صديقى الرطانى المشوطن عزام فرح بقوله ود المكى قلب فيك مقولة المتنبى ان تاتى المذمة من ناقص انت يبدرالدين جاتك الشتيمة من زول له شنة ورنة هو كل الامر ذالك المؤتمر المشعوذ البندر جمع سير ذاتية لكم كبير من المناضلين وقدمها للخواجات الداكسين واخد الدعم المالى وكان لمن يطلب من احدهم سيرته الذلتية يقول له تذاكر الطيران والاعاشة عل على المؤتمر وفى النهاية دعى بعض الاشخاص منهم محمد المكى ولهط الباقى والعجيب كان يطلب من الشخص سيرته الذاتية يطلب منه تقديم ورقة عمل وكنت بسخر من اصدقائى المهندس عصام ابراهيم جمال الدين والسينمائي عبدالرحمن نجدى بقولى انتو حاتمشو وراء المشعوذ البندر وفي النهاية شال سيرهم الذاتية والاوراق السهرو على كتابتها ولا اشتغل بيهم الشغلة وكانو بقولو لبعضهم العربى حاينجضنا وماقصر معاهم تب وكل ما التقيهم في اي ملمة اقوليهم هلا اولاد البندر واصل كلامى ماتفهمونى غلط انا قصدى اولاد ام درمان
07-09-2021, 09:35 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
المهم اعرف ناسنا راسبين سياسة اقليمية ودولية ومخهم وقف في 1964 هبي هبي يا اكتوبر 1964 لافين في دايرة السوء دي بس والعالم فيه 193 دولة السودان به 200 مليون فدان 8 انهار 40وادي جاف طاقة شمسية 40000 ميقا وات يستطيع اطعام مليار شخص في العالم لو تكرمت الامم المتحدة بدعم تحول ديمقراطي سريع واعادة الحكم الاقليمي باسس جديدة ومرجعية دستور1973 وقوانين 1974 والانتخابات عادل الامين
07-09-2021, 09:54 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23053
Biraima M Adam سلاااااام صديقي العزيز لا تحزن ولا تبالي ابدا مثلك لي مداخلة واحدة يتيمة يعتبر هذا البوست من اجمل البوستات ع الاطلاق البروف صلاح البندر شخصية واعية ومثقفه بلا شك ولا يخاف لومة لايم في الصدح بالحق زول غيور ع مصلحة السودان في زمن اضحي الساسة عندنا كراتين بالية وخرق متسخة لا تصلح حتي لنظافة المؤخرة تعمل ضد شعبها ضد السودان كل المؤشرات تقول السودان الي هاوية سحيقة لا محال. ان لم يظهر رجل رشيد من الحاضنة الرؤوم قوات الشعب المسلحة الفتية ولا نامت أعين الجبناء.
،،،، ،،،،
عزالدين عباس الفحل ابوظبي
07-09-2021, 01:24 PM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 8924
يامحمد سيد احمد طلع البندر علينا من قناة عبدالحى النيى ومحاوره الاذاعى الماجور الكيزانى الطاهر التوم الهارب بتركيا مع مشايخه والاموال المنهوبة ويد العدالة سوف تطالهم طال الزمن ام قصر
07-09-2021, 09:50 PM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23053
يامحمد سيد احمد طلع البندر علينا من قناة عبدالحى النيى ومحاوره الاذاعى الماجور الكيزانى الطاهر التوم الهارب بتركيا مع مشايخه والاموال المنهوبة ويد العدالة سوف تطالهم طال الزمن ام قصر
07-09-2021, 10:05 PM
Shinteer Shinteer
تاريخ التسجيل: 09-04-2002
مجموع المشاركات: 2525
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Biraima M Adam
adil amin
Salah Zubeir
Osman Musa
Yasir Elsharif
بدر الدين الأمير
دفع الله ود الأصيل
Hassan Farah
علاء سيداحمد
محمد محمد قاضي
محمد البشرى الخضر
عمار عبدالله عبدالرحمن
mohmmed said ahmed
عزالدين عباس الفحل
Shinteer
فيس بوك
تويتر
انستقرام
يوتيوب
بنتيريست