|
Re: الغاء الدولار الجمركى؟؟؟ يا اهل التخصص ؟؟ (Re: Asim Ali)
|
دي واحدة من مشاكلنا العويصة جدا ، انو قرارات مهمة زي دي ما بوضحوها كويس ، توضيح كمي يعني للاثر الحا يحصل وحنستفيد شنو بالظبط بالارقام .. اسي مفروض كان يوضحو بالارقام الحاجة دي حا تأثر علي دخل الدولة من الجمارك وما نحوها بمبلغ قدر شنو ، ولو في عجز حنسدو كيف ومن وين ولو في فائض حيمشي وين علي سعر السلعة الفلانية بي كم ، لانو نحن بنستورد كذا طن كانت بتكلف كذا حسب النظام السابق والان حتكلف كدا ويفترض سعرها في السوق يكون كدا .. يعني حاجات بديهية وحسابا ما صعب قاعدين عشرومية مستشار مالي واقتصادي بسوو في شنو؟ اسي نحن ما عارفين المعالجات العملتا الحكومة عشان تخفف القرار ده حتخففو قدر شنو؟ ده السبب البجيب حالة ال uncertainty ويوقف الدنيا كلها ويخلي الناس تشكك في اي حاجة .
| |
|
|
|
|
|
|
Re: الغاء الدولار الجمركى؟؟؟ يا اهل التخصص ؟؟ (Re: Abdullah Idrees)
|
Quote: اسي نحن ما عارفين المعالجات العملتا الحكومة عشان تخفف القرار ده حتخففو قدر شنو؟ ده السبب البجيب حالة ال uncertainty ويوقف الدنيا كلها ويخلي الناس تشكك في اي حاجة . |
والله يا عبد الله ادريس إنت متفاءل شديد ياخ ...
أول هم قالوا قاعدين يخففوا او في يوم اصدروا قرارات للتخفيف ... عليك الله لو في المرهـ دي أعمل لي مثال واحد بس .
واحد يتبرع يصحي لينا الأستاذ أحمد إدريس ... يا أحمد لو جيت السودان اقيف بعض يوم قدام الصرافات الآليه بجوك جماعه كدا شايلين بطاقات بنيه اللون او بطاقات إصدار بنك الإدخار ... بتاعت دعم إجتماعي وبادي عليهم الرهق من المساسقه ... شوف في كم منهم بلقي قروش نزلت في حسابه ...
رغم أن المتأثرين من تلك السياسات الرعناء يعتبر كل الشعب بما فيهم القطيع والبعلفوا القطيع نفسهم بي قرارات فوقيه والمصفقاتيه والهتيفه ... طبعاً المصفقاتيه ديل ومعاهم المشكراتيه ناس شكراً حمدوك ديل كفروا عديل ...
| |
|
|
|
|
|
|
Re: الغاء الدولار الجمركى؟؟؟ يا اهل التخصص ؟؟ (Re: محمد حمزة الحسين)
|
Quote: أول هم قالوا قاعدين يخففوا او في يوم اصدروا قرارات للتخفيف ...
|
يا محمد في سلع معفاة تماما من الجمارك ومن ضريبة الاعمال ومن اي حاجة زي الدقيق مثلا يبقا ده سعرو ما مفروض يزيد مليم ، في سلع تانية اعفيت من الجمارك والقيمة المضافة وبقت علي ضريبة الاعمال 3% فقط وبعضها اعفي من الجمارك فقط وهكذا . نحن عايزين جدول بسيط بالسلع المستوردة الاساسية ومدخلات الانتاج عايزين نشوف الموضوع ده حيأثر عليها كيف ؟
| |
|
|
|
|
|
|
Re: الغاء الدولار الجمركى؟؟؟ يا اهل التخصص ؟؟ (Re: Abdullah Idrees)
|
سلام عليكم مشكلتنا فى حاله الغاء الدولار الجمركى انو مافى توضيحات رسميه شافيه من الدوله توضح اى اثار محتمله للسياسه سواء ايجابيه او سالبه (مع امقله بالارقام) اتجاوز حاله التخبط وحاله زيادات الاسعار باسم الغاء الدولار الجمركى . زمان الدولار يزيد بتاع الليمون فى السوق يزيد اسعارو يقول ليك الدولار زاد بعد دا زيادات من كل من هب ودب حتى بتاع الاكياس ربما بحجه الغاء الدور الجمركى . الاعلام غائب وتارك الساحه للوسائط الناس كل زول يقول بمزاجو والشعب متخبط والكارثه عدم وجدود اعلام متخصص التخصص فقط فى السياسه والكوره والفن والفضائح لكن صحافه محترمه مسئوله تقوم بدور حقيقى وتقديم رساله اعلاميه مميزه والاقتصاديين متحصنين بابراج عاجيه وحتى لما يظهرو كلامهم لايفهمو الا اقتصاديين مثلهم وينسو انهم بيخاطبو راى عام تختلف فيهو مستويات الوعى والفهم
| |
|
|
|
|
|
|
|